Morgunblaðið - 03.06.2014, Blaðsíða 11
einnig lagt áherslu á hjólastíga.
Samgöngur fyrir hjólreiðamenn
hafa batnað stórkostlega undanfarin
ár, þótt vissulega sé alltaf hægt að
gera betur. “
Hlauparar snúa
sér að hjólum
Hafsteinn segir að keppnis-
hjólreiðar hafi líka sótt í sig veðrið
hér á landi. „Þetta eykst jafnt og
þétt, en byrjaði fyrir alvöru fyrir
fimm árum þegar var í tísku að vera
í þríþraut; að synda, hjóla og hlaupa.
Margir þeirra hlaupara sem hafa
komið inn í þríþrautina undanfarin
ár hafa verið að detta meira inn í
hjólreiðarnar eingöngu, meðal ann-
ars vegna þess að þeir hafa kannski
verið að glíma við einhver meiðsli og
eiga ekki eins gott með að hlaupa, en
hreyfingin á hjólinu reynir ekki eins
mikið á liðina og hlaupið.
Keppnirnar í hjólreiðum hér
heima eru líka að verða taktískari,
þetta eru orðnir stærri hópar sem
keppa. Einu sinni voru ekki nema
kannski tuttugu og fimm manns sem
tóku þátt í hjólakeppni og fjórir
fremstu voru saman en restin dreifð-
ist um alla Þingvallasveit, sem er
ekkert mjög gaman í roki og rign-
ingu. En ef maður er hluti af til
dæmis tíu manna hópi og allir að
vinna saman og meira um að vera,
þá er þetta miklu skemmtilegra.“
Snýst líka um ástundun,
góða framkomu og fleira
Hafsteinn segir að nokkur form
séu á hjólakeppnum hér á landi en
allar séu þær vaxandi. „Fjallahjóla-
keppni er á afmörkuðum brautum,
þá eru hjólaðir ákveðnir hringir, svo
eru götuhjólakeppnir en í tímatöku-
keppnum er fólk á öðruvísi hjólum,
svokölluðum tímatökuhjólum,“ segir
Hafsteinn sem er einmitt Íslands-
meistari í tímatöku. En í ljósi þess
að hann hampar titlinum hjólreiða-
maður ársins 2013 er forvitnilegt að
vita hvernig hjólreiðamaður ársins
er valinn. „Hjólreiðafélögin gefa
þremur konum og þremur körlum
atkvæði til kjörsins, óháð því í hvaða
félagi viðkomandi keppandi er. Hjól-
reiðanefnd ÍSÍ tekur atkvæðin sam-
an og gefur síðan lokaniðurstöðu í
kjörinu. Þeir sem eru til dæmis með
tvö Íslandsmet af þremur eru með
sterkt atkvæði. En þetta snýst líka
um ástundun, góða framkomu og
ýmislegt fleira,“ segir Hafsteinn
sem er í hjólreiðafélaginu Tindi.
Hefur ekki tekist að minnka
leikinn og auka alvöruna
Kærasta Hafsteins, María Ögn
Guðmundsdóttir, er ekki síðri hjóla-
garpur en hann, hún varð í öðru sæti
í Alvogen Midnight Trial-keppninni í
fyrra og þau ætla bæði að taka þátt í
þeirri keppni sem verður nú öðru
sinni í byrjun júlí. „Við María fórum
saman til Danmerkur í fyrra til að
taka þátt í hjólreiðakeppni og vorum
bæði í topp tíu sætunum af tvö
hundruð keppendum. Við tókum líka
þátt í Smáþjóðaleikunum í fyrra og
gekk vel,“ segir Hafsteinn og bætir
við að sér finnist frábært hvað kon-
um hefur fjölgað mikið í hjólreiða-
keppnum hér heima. „María er verk-
efnastjóri WOW Cyclothon, þar sem
hjólað er í kringum Ísland og rúm-
lega fimm hundruð manns taka þátt
í, bæði karlar og konur.“
Þegar hann er spurður hvort
hann ætli að halda áfram að keppa
næstu árin er hann fljótur til svars.
„Ég hef sagt síðastliðin tvö ár að ég
ætli að fara að minnka hjólreiðarnar
og fara að gera það sem fullorðið
fólk gerir, minnka leikinn en auka
alvöruna. En það hefur ekki tekist.
Ég á eftir að halda áfram í hjólreið-
um, það er alveg ljóst, þetta er lífs-
stíll,“ segir hann og bætir við að
heima hjá þeim Maríu séu hjól í stof-
unni. „Við eigum samtals átta hjól og
við lögðum eitt herbergi í íbúðinni
eingöngu undir hjóladót. Þetta er
skemmtilegur lífsstíll, en verst að
það er enginn tími til að gera neitt
annað,“ segir Hafsteinn og hlær.
Ljósmynd/Kristinn R. Kristinsson
Lífsstíll Hafsteinn og María fagna sigri í Bláalónskeppninni í fyrra með kossi, þau eru heppin að deila þessu áhugamáli.
DAGLEGT LÍF 11
MORGUNBLAÐIÐ ÞRIÐJUDAGUR 3. JÚNÍ 2014
Öflugasta hjólreiðafólk landsins
mun etja kappi í Alvogen Mid-
night Time Trial-hjólreiðakeppn-
inni sem haldin verður í Reykja-
vík 3. júlí nk. Keppt verður um
titilinn hraðskreiðasti hjólreiða-
maður Íslands 2014. Öflugir er-
lendir keppendur hafa boðað
komu sína á mótið og munu
keppa í þríþrautarflokki karla
og kvenna. Sæbrautinni verður
lokað fyrir annarri umferð á
meðan keppnin fer fram. Keppt
verður í götu- og þríþrauta-
flokki (16 km og 32 km) í
kvenna- og karlaflokki og veitt
verða vegleg verðlaun fyrir þrjú
efstu sætin í hverjum flokki.
Lyfjafyrirtækið Alvogen er bak-
hjarl mótsins sem tileinkað er
réttindum barna og munu öll
skráningargjöld renna óskipt til
UNICEF.
Skráning hefst í dag og upp-
lýsingar um hana má nálgast á
www.alvogen.is.
Til stuðnings
UNICEF
ALVOGEN-HJÓLREIÐAKEPPNI
Smiðjuvegi 9 · 200 Kópavogi · Sími 535 4300 · axis.is
Opnunartími: mán. - fös. 9:00 - 18:00
Fataskápur
Hæð 2100 mm
Breidd 800 mm
Dýpt 600 mm
Tegund: Strúktúr eik
TIL Á LAGER
SKÁPATILBOÐ
58.900 kr
.
m vsk