Morgunblaðið - 03.06.2014, Blaðsíða 13
FRÉTTIR 13Innlent
MORGUNBLAÐIÐ ÞRIÐJUDAGUR 3. JÚNÍ 2014
Uppsjávarskipin lögðu mörg af stað
á kolmunnaveiðar í gær að loknu sjó-
mannadagsfríi, sem stóð til hádegis í
gær. Í síðustu viku voru flest skip-
anna að veiðum í færeyskri lögsögu,
en menn urðu varir við kolmunna í
íslenskri lögsögu á heimleiðinni.
Skipstjórar ætluðu að huga að því
hvort hann fyndist aftur í veiðanlegu
magni í lögsögunni áður en haldið
yrði lengra suður á bóginn.
Skv. upplýsingum á vef Fiskistofu
er búið að veiða um 145 þúsund af
185 þús. tonna kvóta. Misjafnt er
eftir útgerðum hversu mikið er eftir
að veiða en algengt að skip eigi eftir
1-2 túra á kolmunna.
Líklegt er að fyrstu skipin hugi að
makrílveiðum um miðjan mánuðinn,
en veiðarnar hefjist síðan af krafti er
nær dregur mánaðamótum.
Rannsóknir um miðjan júlí
Eitthvað er um að útgerðir upp-
sjávarskipa noti hléið á milli kol-
munna og makríls til að setja skipin í
slipp til að þau verði klár fyrir makr-
íl- og síldarvertíð sumarsins. Fyr-
irhugað er að Íslendingar, Færey-
ingar og Norðmenn fari í sameig-
inlegan togleiðangur til mælinga á
makríl undir miðjan júlí. aij@mbl.is
Áfram á
kolmunna
Hugað að makríl
um miðjan mánuð
Ljósmynd/Börkur Kjartansson
Á sjó Kolmunnaveiðum haldið áfram.
Í vorleiðangri Hafrannsóknastofn-
unar sem er nýlokið voru hiti og
selta sjávar víðast hvar um og yfir
langtímameðaltali umhverfis land-
ið. Að sögn Héðins Valdimars-
sonar, haffræðings, var ástandið
nú svipað og var í fyrravor, en í
heildina megi segja að síðasta ár
hafi verið nokkuð gott í hafinu.
„Árið 2010 var hvað hlýjast í
hafinu við Ísland á undanförnum
árum, en hefur farið lítillega kóln-
andi síðan og selta í sjónum hefur
verið minni fyrir norðan land. Mið-
að við síðasta ár hefur ekki kólnað
í hafinu og saltið er aftur farið að
aukast norðanlands. Í heildina er
óhætt að segja að ástandið sé frek-
ar jákvætt,“ segir Héðinn.
Farið var á rannsóknaskipinu
Bjarna Sæmundssyni og var Krist-
inn Guðmundsson leiðangursstjóri.
Um er að ræða lið í langtíma-
vöktun á ástandi sjávar, næring-
arefnum, gróðri og átu á hafsvæð-
inu við Ísland. Athuganir voru
gerðar á um 94 rannsóknastöðvum
umhverfis landið, bæði á land-
grunni og utan þess.
Þegar á heildina er litið var átu-
magn við landið í vorleiðangri yfir
meðallagi. Séu niðurstöður um átu
bornar saman við vorið 2013 kem-
ur í ljós að átumagnið var meira
en þá á flestum svæðum. Rauðáta
var áberandi í flestum sýnum,
einkum fyrir sunnan og vestan þar
sem ungstig rauðátu voru áber-
andi, sem bendir til mikils vaxtar á
þeim slóðum, segir í tilkynningu.
aij@mbl.is
Ástandið í
sjónum svip-
að og í fyrra
Meira var af átu
á flestum svæðum
Íþróttanefnd FEIF, alþjóðasamtaka
um íslenska hestinn, styður ekki til-
lögur um að setja stangarmél með
tunguboga á bannlista samtakanna.
Stjórn FEIF telur ekki nægileg gögn
fyrirliggjandi að svo stöddu sem rétt-
læti að hnekkja þeirri niðurstöðu.
„Meginrökin eru þau að menn hafa
ekki vísbendingar um að munn-
meiðsli hafi aukist á þessu keppnis-
ári. Öll gögn sem safnað hefur verið á
heimsmeistaramótum frá því munn-
skoðanir voru teknar upp hjá FEIF
benda til að það dragi úr meiðslum í
munni hesta,“ segir Gunnar Sturlu-
son, forseti FEIF.
Landssamband hestamannafélaga
hefur bannað notkun tungubogans í
keppni hér á landi og óskað eftir því
að FEIF banni þau í öllum löndum.
Félag hrossabænda og Félag tamn-
ingamanna beindu því til FEIF að
banna tvær tileknar gerðir méla. Af-
staða íslensku félaganna grundvall-
ast á rannsókn Sigríðar Björns-
dóttur, dýralæknis hrossasjúkdóma,
á tengslum alvarlegra munnáverka
og notkunar méla með tunguboga.
Gunnar segir að FEIF hafi ekki gef-
ist kostur á að kynna sér rannsóknina
þar sem grein um hana hafi ekki ver-
ið birt. Ekki sé hægt að grípa til jafn-
afdrifaríkra aðgerða og banns nema
hafa upplýsingarnar í heild.
FEIF mun safna upplýsingum í
sýningum og keppnum sumarsins og
leggja mat á þær í haust. Málið verð-
ur tekið fyrir á ársfundi FEIF í októ-
ber. FEIF hvetur dómara og aðra
sem eiga að sjá til þess að reglum um
að hross séu áverkalaus í keppni sé
fylgt til að fylgjast sérstaklega með
munnáverkum og dæma úr keppni
hross sem eru með verulega áverka,
sama hvaða búnaður er notaður.
helgi@mbl.is
FEIF bannar ekki tungubogamél
Hrossarækt Stóð rekið af fjalli.
Forseti samtakanna segir ekki
vísbendingar um aukin munnmeiðsli