Morgunblaðið - 27.06.2014, Qupperneq 41

MENNING 41
MORGUNBLAÐIÐ FÖSTUDAGUR 27. JÚNÍ 2014
Innkaupakerrur nefnist ljósmynda-
sýning Gunnars Marels Hinriks-
sonar sem opnuð var í gær í Skot-
inu í Ljósmyndasafni Reykjavíkur.
Gunnar hefur undanfarið eitt og
hálft ár ljósmyndað innkaupakerr-
ur sem fólk hefur skilið eftir víðs-
vegar um borgina á farsíma sinn og
notað appið Instagram. „Þær eru
hlutgervingur einnota neyslu-
hyggju, skildar eftir þegar hlut-
verki þeirra er lokið frá sjónarhóli
neytandans,“ segir Gunnar m.a. um
innkaupakerrurnar í tilkynningu.
Myndaði yfirgefn-
ar innkaupakerrur
Neysluhyggja Ein af myndum
Gunnars á sýningunni í Skotinu.
Tilkynnt var í
gær um fleiri
listamenn sem
koma fram á tón-
listarhátíðinni
Iceland Airwaves
sem haldin verð-
ur 5.-9. nóvember
nk. Þeir eru eftir-
taldir: Sóley, Ho-
zier (Írland), Ke-
lela (Bandaríkin),
Radical Face (Bandaríkin), Valdi-
mar, Prins Póló, Roosevelt (Dan-
mörk), Thus Owls (Kanada), Sísý
Ey, Hymnalaya, Alice Boman (Sví-
þjóð), Girl Band (Írland), Adult Jazz
(Bretland), Black Bananas (Banda-
ríkin), For a Minor Reflection, My
Bubba, The Mansisters (Ísland/
Danmörk), Shura (Bretland), Orc-
hestra of Spheres (Nýja-Sjáland),
Moses Sumney (Bandaríkin), Lea-
ves, Dimma. Svartidauði, Steinar,
Uni Stefson, Kælan Mikla, Shades of
Reykjavík, LaFontaine, Nanook
(Grænland), Una Stef, Einar Indra,
BirdJed & Hera og East of My
Youth.
Alls verða um 200 tónlistarmenn
og hljómsveitir á hátíðinni í ár sem
verður sú sextánda í röðinni.
Enn lengist listi
Iceland Airwaves
Prins Póló verður
á Airwaves
Davíð Már Stefánsson
davidmar@mbl.is
„Hópurinn hefur það að leiðarljósi að
setja upp verk víðsvegar á höfuðborg-
arsvæðinu sem brjóta upp hversdags-
leikann. ROF stefnir að því að koma
með aðra sýn á skynjun borgarbúa á
samtímanum. Með því að setja upp ör-
verk, dansverk og þess háttar viljum
við bjóða Reykvíkingum að gægjast
inn í hliðstæðan veruleika líkt og þeg-
ar vegfarandi rekur augun í upplýstan
stofuglugga,“ segir Sóley Frostadóttir
fyrir hönd listhópsins ROF sem sam-
anstendur af henni, Söru Margréti
Ragnarsdóttur og Sigurjóni Bjarna
Sigurjónssyni en hópurinn mun setja
upp ýmis verk víðsvegar í Reykjavík í
sumar. Hópurinn er hluti af listhópun
Hins hússins sem er verkefni fyrir
ungmenni á aldrinum sextán til tutt-
ugu og fimm ára en markmiðið er að
skemmta vegfarendum Reykjavík-
urborgar yfir sumartímann.
Ólík viðbrögð vegfarenda
Öll eru þau í sviðslistadeild Lista-
háskóla Íslands og munu Sóley og
Sara hefja annað ár á samtímadans-
braut í haust en Sigurjón annað ár á
sviðshöfundabraut.
„Hugmyndin er að vera svolítið
sýnileg fólki sem er kannski ekki endi-
lega að nálgast list dags daglega og
veit ef til vill ekki hvernig samtíma-
dans er. Þetta þarf því að vera svolítið
opið og aðgengilegt. ROF mun þannig
gefa vegfarendum kost á að reka aug-
un í eitthvað sem viðkomandi hefur
ekki tekið eftir áður. Við framand-
gerum hversdagsleikann,“ segir Sól-
ey. Allir hóparnir funda reglulega
með Ástu Hauksdóttur, deildarstjóra
Hins hússins, og Margréti Kaaber
verkefnastjóra og fara yfir komandi
verkefni. ROF frumsýndi verkið Blá-
kaldan raunveruleikann fyrr í sumar í
galleríinu Skúmaskoti við Laugaveg
og segja þau vegfarendur hafa tekið
því vel og að þau muni að öllum lík-
indum setja það aftur upp síðar í sum-
ar.
„Fólk tók mjög vel í þetta. Við vor-
um einnig með gjörning á bekk á
Klapparstígnum þar sem við vorum
með upplestur á handriti. Það var
merkilegt að sjá hvernig fólk brást
við, sumir löbbuðu bara framhjá, aðrir
stoppuðu og enn aðrir beygðu sig
jafnvel yfir okkur og kíktu á hand-
ritið.“
Gott tækifæri fyrir listnema
Föstudagsfiðrildi Hins hússins
fara fram í dag og munu listhóparnir
auðga líf Reykvíkinga með ýmsum
uppákomum. ROF er þar engin und-
antekning.
„Við verðum með verk á Skóla-
vörðustíg 1A, fengum að vera þar í
auðu verslunarhúsnæði. Við ætlum
að setja upp ákveðinn heim í þessu
rými. Þegar fólk labbar framhjá rek-
ur það vonandi augun í okkur og sér
„eitthvað annað“, sem er einmitt pæl-
ing hópsins. Fólk staldrar vonandi við
og kíkir jafnvel inn. Verkið hefst
klukkan hálfeitt en svo munu afleið-
ingar verksins fá að lifa í einhvern
tíma. Við verðum síðan með aukasýn-
ingu á sama stað klukkan níu um
kvöldið,“ segir Sóley og bætir við að
hópurinn muni síðar í sumar, nánar
tiltekið 11. júlí, flytja verkið Brotaboð
á milli tólf og tvö víðsvegar um
Laugaveginn. Aðspurð segir Sóley
listhópana góðan jarðveg fyrir upp-
rennandi listamenn.
„Þetta er mjög gott tækifæri fyrir
fólk í listnámi til að geta notað sum-
arið í að skapa og fá reynslu,“ segir
hún að lokum.
Unnið með leikskólabörnum
Listhópurinn Frigus liberi, sem
samanstendur af þeim Blængi
Blængssyni, Sigurði Ými Kristjáns-
syni og Birni Heiðari Pálssyni, hefur
unnið markvisst að því í sumar að
ferðast á milli leikskóla Reykjavík-
urborgar og vinna þar með leik-
skólabörnum.
„Krakkarnir teikna fyrir okkur
myndir, síðan söfnum við þeim saman
og vinnum úr þeim heildstætt verk og
málum á veggi leikskólanna. Þetta
eru mestmegnis leikskólar miðsvæðis
í Reykjavík en við teygjum okkur
engu að síður alveg upp í 108 og
Laugardalinn,“ segir Blængur en
þess má geta að þeir félagar eru allir
tvítugir.
„Við notum ekki spreybrúsa eða
þess háttar, þetta er allt unnið með
rúllum og penslum. Við erum bara að
leika okkur með hlutföll og liti. Ann-
ars eru þetta algjörlega hugmyndir
og persónur frá krökkunum. Verk-
efnið hefur fengið rosalega góðar við-
tökur. Við vorum einmitt að sækja
blöð áðan og öllum leikskóla- og deild-
arstjórunum fannst þetta snilld og
höfðu það einmitt á orði að það væri
löngu kominn tími á eitthvað svona,“
segir hann.
Gefa kannski út bók í haust
„Þetta var hugmynd frá Ými og
okkur Bjössa leist bara mjög vel á
hana. Þetta er hugmynd sem flestir
taka vel í held ég. Það var náttúrlega
langt og strangt umsóknarferli þar
sem við þurftum að gera fjárhags-
áætlun og þess háttar. Níu hópar af
rúmlega fjörutíu voru síðan valdir
þannig að við erum bara mög sáttir
við þetta. Svo er líka mjög gaman að
vinna með börnunum, þau eru svo
hreinskilin. Þau segja bara það sem
þau hugsa. Þeim finnst svolítið skrítið
að fá þrjá ókunnuga stráka inn á leik-
skólann sinn,“ segir Blængur og bæt-
ir við að Frigus liberi þýði „cool kids“
á latínu. Í dag verður hópurinn á leik-
skólanum Lindarborg við Lindargötu
í miðbænum en þar mun hann mála
með börnunum og bjóða gestum og
gangandi upp á kaffi og gott spjall.
„Að sumri loknu munum við örugg-
lega eiga hundruð teikninga. Það væri
fyndið að gefa út bók með teikningum
krakkanna. Það er alveg möguleiki
sem hægt er að skoða. Annars held ég
að ég tali bara fyrir hópinn þegar ég
segi að við erum ekkert smá sáttir
með þessa vinnu. Þetta er besta og
skemmtilegasta sumarvinna sem ég
hef haft,“ segir Blængur að lokum.
Framandgerður hversdagsleiki
 Föstudagsfiðrildi Hins hússins breiða út vængi sína í dag
 Listhóparnir skemmta vegfarendum yfir sumartímann
ROF Sara Margrét, Sigurjón og Sóley sýna Blákaldan raunveruleikann. Frigus liberi Sigurður, Blængur og Björn ferðast á milli leikskóla og mála.
L
16
12
12
★ ★ ★ ★ ★
„Besta íslenska
kvikmynd sögunnar!”
Lilja Katrín Gunnarsdóttir,
Fréttablaðið
ÍSL.
TAL
ÞRÆLGÓÐ SPENNUMYND
MEÐ PAUL WALKER
Tilboð í bíó. Gildir á allar sýningar merktar með rauðu.
Sími: 553-2075 www.laugarasbio.is
Miðasala og nánari upplýsingar
POWERSÝNING
KL. 10:10
10
LAUGARÁSBÍÓ Sýningartímar
TRANSFORMERS 4 3D Sýnd kl. 4 - 7 - 8 - 10:10(P)
BRICK MANSIONS Sýnd kl. 11:10
AÐ TEMJA DREKANN 2D Sýnd kl. 4:30
22 JUMP STREET Sýnd kl. 8
MILLIONWAYS TO DIE Sýnd kl. 10:20
VONARSTRÆTI Sýnd kl. 5 14"Þú sérð ekki fyndnari mynd í sumar!"-T.V., Biovefurinn.is
"Ég hló svo mikið að ég skammaðist mín”!"
-Guardian