Morgunblaðið - 10.09.2014, Blaðsíða 38

38 MENNING
MORGUNBLAÐIÐ MIÐVIKUDAGUR 10. SEPTEMBER 2014
Hvernig hefur
bíllinn það?
Opið: mánudaga til fimmtudaga kl. 8.00-18.00, föstudaga kl. 8.00-16.30
BJB | Flatahrauni 7 | 220 Hafnarfirði | Sími 565 1090 | www.bjb.is
Við hjá BJB erum sérfræðingar í dekkjum, pústi og smurningu
og fleiru sem viðkemur reglubundnu viðhaldi bíla.
Komdu með bílinn í BJB Hafnarfirði
og þú færð góða þjónustu
og vandað vinnu.
2012
Tímapantanir í síma
565 1090
Silja Björk Huldudóttir
silja@mbl.is
„Mér finnst skipta mestu máli að við
sýnum verk sem eiga erindi við fólk
og hafa eitthvað að segja um sam-
tímann hér og nú, verk sem vekja
fólk til umhugsunar eða fá okkur til
að upplifa hlutina á nýjan hátt,“ seg-
ir Kristín Eysteinsdóttir borgarleik-
hússtjóri þegar komandi leikár ber á
góma. Aðspurð segir hún leikárið að
nokkru leyti hafa verið mótað þegar
hún tók við sem leikhússtjóri í vor
sem leið, en Kristín hafði verið fast-
ráðin leikstjóri við Borgarleikhúsið
frá árinu 2008 og sat í verkefna-
valsvefndinni sem lagði drög að
komandi leikári.
„Ég þekkti því mjög vel áhersl-
urnar og verkin sem voru fram-
undan, en bætti við nýjum verkum
til að stuðla að meiri breidd í leik-
árinu,“ segir Kristín og tekur fram
að komandi leikár sé sérlega fjöl-
breytt. „Mér finnst mikilvægt að all-
ir geti fundið eitthvað við sitt hæfi.
Við erum með stórar fjölskyldusýn-
ingar og mikið af nýjum íslenskum
leikritum auk þess sem við erum
með erlent samtímaleikverk og ger-
um stundum tilraunir með leikhús-
formið sem er að mínu mati mjög
mikilvægt.“
Vill auka vægi kvenna
innan og utan sviðs
Borgarleikhúsið frumsýnir í vetur
sex ný íslensk verk sem öll eru skrif-
uð sérstaklega fyrir leiksviðið. „Ég
er mjög meðvituð um að auka vægi
kvenna þegar kemur að höfundum,
leikstjórum og þeim sögum sem hér
eru sagðar,“ segir Kristín og bendir
sem dæmi á að vinna við gerð jafn-
réttisáætlunar leikhússins sé nýhaf-
in og verði kynnt næsta vor. „Jafn-
réttisáætlunin snýr bæði að innra
starfi og öllu listrænu starfi, t.a.m.
hvað viðkemur ráðningum á lista-
fólki og verkefnavali.“
Í janúar verður frumsýnt leikritið
Ekki hætta að anda eftir Auði Övu
Ólafsdóttur í leikstjórn Stefáns
Jónssonar. „Þetta er kómískt verk
sem fjallar um fjórar konur sem
hittast til að undirbúa jarðarför
manns sem þær þekktu allar og fara
að bera saman bækur sínar um það
hver þessi maður hafi verið.“
Í mars verður frumsýnt leikritið
Hystory eftir Kristínu Eiríksdóttur í
leikstjórn Ólafs Egils Egilssonar.
„Kristín hefur einstakan stíl og ég
bind miklar væntingar við þetta leik-
rit. Verkið fjallar um þrjár konur
sem voru vinkonur í gagnfræðaskóla
áður en slitnaði upp úr vinskapnum.
Ein þeirra hefur samband við hinar
og biður þær að hittast sem leiðir til
ákveðins uppgjör á fortíðinni.“
Fyrr í þessum mánuði frumsýndi
Borgarleikhúsið verkið Flækjur eft-
ir Kviss búmm bang. „Ég er mjög
stolt af þessari sýningu, en hún er
allt annars eðlis en það sem við höf-
um áður verið að gera. Mér finnst
mjög mikilvægt að við í stóru leik-
húsunum þorum að gera svona til-
raunir með formið og séum ekki allt-
af bundin af því að vera með
sýningar á sviði með vissan fjölda
áhorfenda,“ segir Kristín, en aðeins
tólf áhorfendur komust á hverja sýn-
ingu. „Þetta verk býður upp á mjög
persónulega upplifun fyrir hvern og
einn áhorfanda sem fer í raun einn í
sitt ferðalag. Það voru töluvert
margir kortagestir sem völdu sýn-
inguna og það hefur verið mjög gam-
an að sjá eldri kortagesti, sem hafa
kannski aldrei upplifað þessa tegund
af leikhúsi áður, verða djúpt
snortna. En til þess er leikurinn auð-
vitað gerður,“ segir Kristín og tekur
fram að verið sé að skoða mögu-
leikann á því að bæta við fleiri sýn-
ingum á Flækjum síðar í vetur.
Flókin fjölskylduleyndarmál
„Huldar Breiðfjörð frumsýnir í
september sitt fyrsta leikrit hjá okk-
ur. Verkið, sem nefnist Gaukar,
fjallar um tvo íslenska karlmenn
sem báðir hafa nýlega skilið. Annar
hyggst kaupa páfagauk af hinum og
þeir hittast á hótelherbergi þar sem
þeir verða veðurtepptir. Þeir fara að
spjalla um líf sitt og í hvert sinn sem
eitthvað erfitt ber á góma bregða
þeir á það ráð að tala eins og páfa-
gaukar. Þetta er ljúfsárt verk og
flott frumraun hjá Huldari,“ segir
Kristín og tekur fram að spennandi
verði að sjá hvaða tökum Jón Páll
Eyjólfsson leikstjóri taki verkið.
Í mars á næsta ári verður frum-
sýnt nýtt verk eftir Birgi Sigurðsson
sem nefnist Er ekki nóg að elska? í
leikstjórn Hilmis Snæs Guðnasonar.
„Þetta verk er í svipuðum anda og
Dagur vonar, þar sem fjölskyldu-
átök eru í forgrunni og fjölskyldu-
leyndarmál er afhjúpað. Í verkinu
stendur fyrir dyrum jarðarför mikils
stjórnmálaleiðtoga. Skömmu fyrir
jarðarförina upplýsir presturinn
ekkjuna um að hinn látni hafi viljað
láta jarða sig við hlið annarrar konu
og þá eru góð ráð dýr, því fjöl-
skyldan getur ekki hugsað sér að
það falli blettur á orðsporið.“
Öllu tjaldað til
„Lína Langsokkur og Billy Elliot
eru stóru fjölskyldusýningar okkar.
Ágústa Eva er stórkostleg sem Lína
og þarf ekki einu sinni að lita á sér
hárið,“ segir Kristín og tekur fram
að Lína sé mikilvæg fyrirmynd sem
setji spurningarmerki við borgara-
legt líferni. „Ágústa Skúladóttir er
uppátækjasamur leikstjóri sem
skapar sýningar sem búa yfir mikilli
hlýju og skemmtilegum leikhús-
lausnum,“ segir Kristín og fer í
framhaldinu einnig fögrum orðum
um Berg Þór Ingólfsson sem leik-
stýrir Billy Elliot.
„Bergur Þór er afar flinkur leik-
húsmaður sem hefur sýnt að honum
fer það vel úr hendi að halda utan
um stórar og flóknar sýningar. Það
er hins vegar aldrei nein hætta á að
hann týni sér í umgjörðinni, heldur
tekst honum ávallt að búa til alvöru
innihald og miðla sögunni þannig að
hún hafi dýpt og hjarta. Sagan um
Billy Elliot er ótrúlega falleg saga
um strák sem mætir mikilli mót-
stöðu gegn dansáhuga sínum, en
ákveður samt að elta draum sinn. Í
þessari sýningu verður öllu tjaldað
til.“
Bergur Þór leikstýrir einnig ein-
leiknum Kenneth Máni með Birni
Thors. „Einleikurinn er hugsaður
sem kvöldstund með titilpersónunni,
sem flestir þekkja úr Vakta-
seríunni. Hann er mættur í leikhúsið
til að fara yfir líf sitt og skoðanir á
samfélaginu, en hann hefur skotleyfi
á allt. Ég er sannfærð um að þessi
sýning muni koma fólki á óvart.“
Í jólaverkefni sínu tekst Borgar-
leikhúsið á við klassík, en fyrir val-
inu varð Dúkkuheimili eftir Henrik
Ibsen í nýrri þýðingu Hrafnhildar
Hagalín og leikstjórn Hörpu Arnar-
dóttur. „Þegar unnið er með klassísk
verk er lykilatriði að greina hvernig
verkið talar til okkar í dag, en
Dúkkuheimili hefði getað verið
skrifað í gær. Þetta er tímalaust
verk sem fjallar um hjónabandið, um
það að lifa í lygi og hvað ímynd
skiptir fólk ótrúlega miklu máli á
kostnað innihaldsins,“ segir Kristín
og tekur fram að hún vænti mikils af
Hörpu sem sé mikill listamaður.
„Hún fer mjög djúpt í hlutina og
þetta er þannig verk að það er mikil-
vægt að vera með sterkan leikstjóra
og leikhóp.“
Í hlátrinum felst hreinsun
Með vorinu verður leikritið Peggy
Pickit sér andlit Guðs eftir Roland
Schimmelpfennig í leikstjórn Vignis
Rafns Valþórssonar frumsýnt. „Mér
finnst mikilvægt að bjóða á leikárinu
upp á sterkt erlent samtímaverk þar
sem við kynnum íslenskum áhorf-
endum nýja strauma í erlendri leik-
ritun. Schimmelpfennig er ótrúlega
flinkur með formið og leikur sér
mikið með endurtekningar auk þess
sem samtöl eru brotin upp með ein-
ræðum persóna við áhorfendur. Ég
held að þetta verði öflug og nýstár-
leg sýning þar sem tveir heimar
mætast,“ segir Kristín og segist
sannfærð um að Vignir Rafn muni
blómstra sem leikstjóri í þessu verk-
efni, enda fái hann að leika sér með
leikhúsformið og textann.
Boðið verður upp á hreinrækt-
aðan farsa Beint í æð eftir Ray Con-
ney í íslenskri þýðingu og staðfærslu
Gísla Rúnars Jónssonar. Halldóra
Geirharðsdóttir leikstýrir og í aðal-
hlutverki er Hilmir Snær Guðnason.
„Þetta er mjög skemmtilegur spít-
alafarsi,“ segir Kristín og upplýsir
að mikil eftirspurn sé meðal leik-
húsgesta eftir gamanleikjum.
„Markmiðið er að skemmta fólki svo
vel að það pissi nánast á sig af hlátri.
Í hlátrinum felst ákveðin hreinsun
sem ekki má vanmeta. Með þessu
verki erum við ekki að breyta heim-
inum, en gerum það vonandi í öðrum
uppsetningum okkar.“ Kristín rifjar
upp að mikil umræða hafi skapast
um kynjaímyndir og klisjur í försum
þegar Borgarleikhúsið setti upp Nei,
ráðherra eftir Conney árið 2011.
„Við leggjum mikið upp úr því að
vinna markvisst gegn þessum klisj-
um,“ segir Kristín.
Fimm sýningar frá fyrra leikári
verða teknar upp að nýju. Þar er um
að ræða flutning Skálmaldar á
Baldri, Hamlet litla, Jólahátíð
Skoppu og Skrítlu, Bláskjá og Jesú
litla. Loks má nefna að verðlauna-
verkið Gullna hliðið, sem frumsýnt
var hjá Leikfélagi Akureyrar í upp-
hafi árs, ratar á Stóra svið Borgar-
leikhússins síðar í þessum mánuði.
„Egill Heiðar Anton Pálsson tekur
verkið mjög skemmtilegum tökum
og útkoman er sterk uppfærsla sem
virkar eins og spegill á þjóðina. Við
erum einstaklega ánægð með þessa
samvinnu við Leikfélag Akureyrar
og viljum halda starfsemi þess á
lofti,“ segir Kristín og segist finna
fyrir mikilli eftirvæntingu meðal
leikhúsgesta í Reykjavík sem ekki
höfðu tækifæri til að sjá sýninguna á
Akureyri.
Velur verk sem eiga erindi
 Borgarleikhúsið frumsýnir sex ný íslensk leikrit  Kristín Eysteinsdóttir leikhússtjóri segir mikil-
vægt að allir geti fundið eitthvað við sitt hæfi  Hún leggur einnig áherslu á að auka hlut kvenna
Morgunblaðið/Eggert
Fjölbreytni „Ég bætti við nýjum verkum til að stuðla að meiri breidd í leikárinu,“ segir Kristín Eysteinsdóttir.