Morgunblaðið - 15.11.2014, Qupperneq 14

14 FRÉTTIRInnlent
MORGUNBLAÐIÐ LAUGARDAGUR 15. NÓVEMBER 2014
Benedikt Bóas
benedikt@mbl.is
Þrátt fyrir að sýslumaðurinn í
Reykjavík hafi að beiðni STEFs lagt
lögbann á að stóru fjarskiptafyrir-
tækin veiti netnotendum aðgang að
skráaskiptavefsíðunum deildu.net,
deildu.com, piratebay.se, piratebay.-
sx og piratebay.org er mjög auðvelt
að komast framhjá lögbanninu.
Sé lénið deildu.net slegið inn fer
notandinn umsvifalaust á síðu sem
hefur lénið icetracker.org og virkar
alveg eins og deildu.net, hefur meira
að segja sama útlit. Þar virkar sama
lykilorð og á deildu.net og hefur því í
raun ekkert breyst nema lénið.
Þegar inn er komið blasir við texti
á forsíðunni þar sem stendur: Farðu
framhjá þessari lokun. Sé smellt á
það fer notandinn á spjallsvæði síð-
unnar þar sem hægt er að skoða
hvernig á að nota forritið Thor til
þess að fela ip-tölu tölvunnar og
þannig er hægt að deila og ná í höf-
undarréttarvarið efni.
Guðrún Björk Bjarnadóttir, fram-
kvæmdastjóri STEFs, segir að það
hafi verið viðbúið að einstaklingarnir
á bak við vefsíðurnar myndu reyna
að fela sig. „Það var líka viðbúið að
þeir myndu skipta um lén. Við ætlum
okkur ekkert að láta þá í friði. Dóm-
urinn segir að vefsvæðið sé ólöglegt
burtséð frá hvað lénið heitir,“ segir
hún og bendir á að þótt STEF hafi
krafist banns á síðuna deildu.net lýsi
héraðsdómur, sem fól sýslumanni að
setja lögbannið, því yfir að innihald
síðunnar sé höfundarréttarvarið og
að ólöglegt sé að sækja slíkt efni án
leyfis. „Svona eltingaleikur er ekki
skemmtilegur en maður var viðbú-
inn svona útspili. Við höfum séð það í
útlöndum að þegar erfiðara og tíma-
frekara er að ná í efnið, þótt það séu
aðeins nokkur músaklikk til viðbót-
ar, þá hefur dregið úr aðsókninni á
þessa vefi,“ segir Guðrún Björk.
Hún bætir við að umræðan sé af
hinu góða. „Ég vil líka trúa því að
umræðan um þetta mál hafi hreyft
við einhverjum sem voru kannski í
einhverjum vafa um hvort þetta væri
löglegt eða ólöglegt. Nú er að
minnsta kosti kominn dómur um, að
þetta vefsvæði er ólöglegt þannig að
vonandi mun það höfða til samvisku
fólks,“ segir Guðrún.
Leiðbeiningar Í texta á forsíðu nýju deilingarsíðunnar segir skýrum stöfum: Farðu framhjá þessari lokun.
Auðveldlega farið
framhjá lögbanni
Skjárinn hefur sýningar á annari þáttaröð af Biggest Loser á nýju ári en sú
fyrri var ákaflega vinsælt efni hjá niðurhölurum. Alls var þeim halað niður
rúmlega 66 þúsund sinnum, samkvæmt tölum deildu.net - án þess að nokk-
ur hefði borgað fyrir þá.
Friðrik Friðriksson, framkvæmdarstjóri Skjásins, segir að ljóst sé niður-
hal muni aldrei hætta alveg. „Fyrir suma hefur málið verið óljóst og ýmsir
jafnvel í góðri trú að það væri í lagi að sækja efni á þessum síðum. Við bind-
um vonir við að löghlýðnir átti sig en um leið vitum við að niðurhalið stopp-
ar aldrei allt. Þannig að áhyggjurnar eru til staðar en okkur miðar áfram.“
Niðurhal stoppar aldrei alveg
BIGGEST LOSER VAR VINSÆLT TIL NIÐURHALS
 Deildu heitir nú icetracker  Ekkert breyst nema lénið
Sigurður Bogi Sævarsson
sbs@mbl.is
„Skipið reynist vel og er silkimjúkt í
hreyfingum. Í fyrstu ferðinni lentum
við í svolitlum kalda á Breiðafirði og
mótbyr en siglingin gekk þó alveg
ljómandi vel,“ segir Pétur Ágústsson
hjá Sæferðum í Stykkishólmi. Nýja
Breiðafjarðarferjan, Baldur, kom til
heimahafnar í Hólminum í vikunni
og voru móttökurnar góðar. Sturla
Böðvarsson bæjarstjóri afhenti Pétri
og Svanborgu Siggeirsdóttir eig-
inkonu hans, eigendum Sæferða,
blómvönd, en fyrirtækið er eitt það
stærsta í byggðarlaginu og mikilvæg
stoð í atvinnulífinu þar.
Tekur 280 farþega
Hinn nýi Baldur fór í fyrstu áætl-
unarferðina yfir fjörðinn á fimmtu-
dag. Allt gekk að óskum og rómar
Pétur sjóhæfni skipsins sem tekur
allt að 280 farþega. Þá tekur skipið
54 fólksbíla, en færri ef flutn-
ingatrukkar eru um borð en þeir
geta verið allt að sex talsins.
Ganghraði skipsins er 13,5 sjómíl-
ur og tekur siglingin úr Stykkishólmi
yfir á Brjánslæk 2,20 klst. Í Flatey
úr Hólminum er siglingin 1,25 klst.
Er þetta nokkru skemmri tími, en
sigling með fyrra skipi var.
Gamli Baldur sem hefur verið í út-
gerð Sæferða mörg undanfarin ár
hefur verið seldur til Portúgal og
siglir nú þangað. Siggeir Pétursson
stendur í brúnni, en hann er einn
þriggja skipstjóra á Baldri. Hinir eru
Unnar Valby Gunnarsson og Pétur
Ágústsson sem fyrr er nefndur.
Sturla Böðvarsson bæjarstjóri í
Stykkishólmi segir nýja ferju skipta
bæjarfélagið miklu og byggðirnar á
Snæfellsnesi almennt. Ferðaþjón-
ustan sé stór og vaxandi atvinnu-
grein í Hólminum og í því samhengi
skipti starfsemi þess miklu.
Sigurður Viggósson, fram-
kvæmdastjóri Odda hf. á Patreks-
firði, segir nýja ferju skipta miklu
fyrir atvinnulíf á sunnanverðum
Vestfjörðum. Fiskeldi sé vaxandi at-
vinnugrein á þessum slóðum og nú
styttist í að ársframleiðslan á laxi
verði 3.000 tonn og sjálfsagt verði
hún enn meiri í fyllingu tímans. Frá
Odda fari um 1.500 tonn af fiski á
markað á ári hverju, það eru aðallega
ferskar afurðir.
„Dagleg framleiðsla okkar stjórn-
ast að verulegu leyti af áætlun skips-
ins, afurðirnar eru settar á flutn-
ingabíl sem fer héðan svo með
ferjunni frá Brjánslæk og áfram til
Reykjavíkur. Þaðan fer fiskurinn
ýmist með fraktflugi til Evrópu eða
þá skipunum sem fara út síðari hluta
vikunnar,“ segir Sigurður Viggós-
son.
Vandamál úr sögunni
„Að koma afurðunum á markað er
keðja og hlekkirnir hennar mega
ekki bresta, en því miður hefur
stundum komið fyrir að ekki sé pláss
fyrir flutningabílana í Baldri og þá er
ekki annað í stöðunni en aka um
Barðastrandarsýslurnar sem er löng
leið og seinfarin. Slíkt er truflandi og
hefur verið ákveðinn þröskuldur.
Með nýju og stærri skipi ætti þetta
vandamál þó að vera úr sögunni,“
segir Sigurður ennfremur.
Silkimjúkur í
mótbyr og kalda
 Baldur góður á Breiðafirði  Geng-
ur 13,5 mílur  Vestfirðingar ánægðir
Morgunblaðið/Jón Páll Ásgeirsson
Sigling Nýr Baldur á stími á Sundunum við Reykjavík. Áætlunarsiglingar skipsins hófust á fimmtudaginn.
Morgunblaðið/Gunnlaugur Árnason
Ánægja Sturla Böðvarsson bæjarstjóri í Stykkishólmi afhenti Svanborgu
Siggeirsdóttur og Pétri Ágústssyni, eigendum Sæferða, blómvönd.
Skartgripalínan Drífa fæst í
verslun Aurum, Bankastræti 4.