Fréttir - Eyjafréttir - 09.11.2000, Blaðsíða 8

8
Fréttir
Býður bækur
á spottprís
í dag verður opnaður nokkuð sérstæður bókaniarkaður í Oddinum við
Strandveg.
Það er Sigurgeir Jónsson, kennari og blaðamaður, sem stendur fyrir
honum en þama verða bæði gamlar bækur og nýlegar til sölu á lágu verði.
„Kannski væri réttara að kalla þetta fombókasölu. Þetta em allt bækur sem
ég hef verið að sanka að mér á síðustu fimmtíu ámm. Megnið af þeim er ég
búinn að lesa og reikna ekki með að mér endist aldur til að lesa þær aftur.
Undanfarið hafa þær því lítið gert annað en safna ryki í hillum og kössum og
mér fannst upplagt að nota verkfallið til að bjóða þær á góðu verði ef
einhverjir hefðu áhuga,“ sagði Sigurgeir. Þarna eru bæði íslenskar og
erlendar bækur og sem dæmi um verð má nefna að erlendar kiljur em á 50
krónur, íslenskar kiljur á 100 krónur og innbundnar bækur á 200 til 300
krónur. Markaðurinn verður opinn fram að helgi og verður opið frá kl. 13 til
18 á fimmtudag og föstudag og frá kl. 10 til 12.30 á laugardag..
Tveir árekstrar
Tveir árekstrar voru tilkynntir lögreglu í vikunni. Sá fyrri átti sér stað
á gatnamótum Heiðarvegar og Kirkjuvegar.
Bifreið sem ekið var norður Heiðarveg var ekið í veg íyrir bifreið sem ekið
var austur Kirkjuveg. Ekki urðu slys á fólki en báðar bifreiðir skemmdust
nokkuð. Þá var tilkynnt um árekstur á Heiðarvegi á móts við veitingastaðinn
Toppinn. Ástæða árekstrarins var sú að sólin blindaði annan ökumanninn og
er því rétt að benda ökumönnum á að aka varlega þegar sól er svo lágt á lofti.
SIGURÐUR Líndal í pontu og Karl Gauti formaður félagsins.
Félag lögfræðinga á Suðurlandi
hélt aðalfund sinn í
Vestmannaeyjum um síðustu helgi.
Auk venjulegra aðalfundarstarfa
hélt Sigurður Líndal lagaprófessor
bráðskemmtilegan fyrirlestur á
fundinum sem hann kallar Kvóta
til sjávar og sveita.
Félag lögfræðinga á Suðurlandi
er þriggja ára og formaður þess er
Karl Gauti Hjaltason sýslumaður í
Vestmannaeyjum. Auk hans eru í
stjórninni Jóhann Pétursson
Vestmannaeyjum, Anna Birna
Þráinsdóttir Hvolsvelli, Ólafur
Börkur Þorvaldsson Selfossi og
Ásta Stefánsdóttir Selfossi.
Það var mikill fengur fyrir
lögfræðingana að fá Sigurð Líndal
til að taka fyrir kvóta til sjávar og
sveita því hann er með
skemmtilegri fyrirlesurum.
Sigurður hefur alla tíð haft
ákveðnar skoðanir á lögum um
stjórnun fiskveiða og mátti m.a.
skilja á honum að hann gæfi ekki
mikið fyrir að nytjastofnar við
landið skuli teljast eign allrar
þjóðarinnar. Hann segir
einfaldlcga að það standist ekki
lög.
Eftir fundinn bauð
Lögmannastofan Bárustíg 15 til
óvissuferðar þar sem m.a. var
komið við á Skansinum. „Fólk var
mjög ánægt enda veður eins gott
og hægt var að hugsa sér,“ sagði
Helgi Bragason hjá
Lögmannastofunni. „Sérstaka
athygli vakti Skanssvæðið þar sem
Arnar Sigurmundsson hélt stutt en
fróðlegt erindi.“
LÖGMENN á Suðurlandi og í Vestmannaeyjum hafa tekið upp þann sið að bjóða til sín fólki einu sinni
á ári. Að þessu sinni var gleðin haldin á Lundanum. Það eru rúm fjögur ár síðan skrifstofan í
Vestmannaeyjum var opnuð en þar ræður ríkjum Jón G. Valgeirsson.
Lögmennirnir eru Ólafur Björnsson, Sigurður Jónsson, Sigurður Sigurjónsson og Jón G. Valgeirsson
og hafa þeir til siðs að taka lagið við þetta tækifæri við heimgerða texta. Var gerður góður rómur að söng
þeirra nú sem fyrr. Á efri myndinni eru söngkapparnir en á þeirri neðri orðlausir áheyrendur.
SÁLARHORNIÐ
Beiskjurót
„Þeir settu mig til þess að gæta víngarða-
Míns eigin víngarðs hefi ég eigi gætt!“
(ljóðaljóðin. 1:6)
Hafið þið reynt að uppræta illgresi Salómon heldur áfram og segir:
í garðinum ykkar? Þá hafið þið án
efa lent í sömu vandræðum og ég,
að það kemur alltaf aftur, nema ég
komist að rótinni til að íjarlægja
illgresið.
Sennilega er beiskja og höfn-
unarkennd það illgresi sem valdið
getur mestum skemmdarverkum á
sálarlífi okkar. Það kaffærir allan
annan vöxt, eins og illgresið í garð-
inum. Það skiptir þá litlu máli hversu
heilbrigð og falleg blómin eru, ef
illgresi nær að skjóta rótum eru þau í
hættu!
Þegar við förum að taka til í
sálarlífi okkar, eða eins og Salómon
tekur til orða „gæta okkar eigin
víngarðs" þá eigum við erfitt verk
fyrir höndum. Fyrst að koma auga á
illgresið og svo það mikilvægasta, að
finna rótina! Stundum er rótin ekki
beint undir illgresinu, heldur hefur
farið hlykkjóttan veg um gróður-
moldina að þeim stað sem hún nú
vex og dafnar. Rót getur vaxið í allar
áttir og getur byrjað í dágóðri
íjarlægð frá sjálfu illgresinu. Það
kemur fyrir að fólk vilji alls ekki
missa suma skapgerðabresti, því það
heldur að þeir komi því til hjálpar í
lífinu, en það er nú þannig með
illgresi að sum grös eru bara
þokkalega falleg og gætu prýtt
garðinn, ef þau dreifðu ekki svona úr
sér og kæfðu allt annað í leiðinni!
Þetta er tímafrekt verk en nauð-
synlegt„„líka fyrir sálina. Þegar það
verk hefur verið unnið vel, þá þarf að
passa að ný rót nái ekki að stinga sér
niður! Garður sem er vel snyrtur og
fallegur er augnayndi! Og ilminn
leggur af heilbrigðum blómum!
.Vakna þú norðanvindur og kom
þú sunnanblær. Blás þú um garð
minn, svo ilmur hans dreifist!"
Heilagur andi er „vindurinn sem
blæs“ og fer blásandi um garðana í
leit að þroskuðum ávöxtum, garði í
blóma. Ekki vil ég að hann komi og
dreifi fúinni lykt! Daun af rotnandi
blómum! Og Salómon heldur áfram
að hvetja okkur til dáða:
„Stattu upp vina mín, fríða mín, æ
kom þú! Því sjá, veturinn er liðinn,
rigningamar um garð gengnar,- á
enda. Blómin eru farin að sjást á
jörðinni, tíminn til að sniðla
vínviðinn er kominn, og kurr turtil-
dúfunnar heyrist í landi vom.
Ávextir fíkjutrésins em þegar famir
að þroskast, og ilminn leggur af
blómstrandi vínviðnum. Stattu upp,
vina mín, fríða mín, æ kom þú!
Dúfan mín í klettaskorunum, í
fylgsni fjallshnúksins, lát mig sjá
auglit þitt, lát mig heyra rödd þína!
Því að rödd þín er sæt og auglit þitt
er yndislegt!"
Guð kallar til þeirra sem fela sig
í „klettaskomm, í fjallshnúkum" sem
í skömm hafa flúið garðinn sinn og
látið hann afskiptan. Hann þráir að fá
að sjá auglit þitt, heyra rödd þína, og
senda heilagan anda til að feykja öllu
óvelkomnu í burt og bera um leið
ilminn úr víngarðinum langa leið,
svo við verðum öðmm til blessunar
og ánægju. Gangi okkur öllum vel
að gæta „víngarðs" okkar, fyrir allri
beiskjurót sem vill kæfa og deyða!