Fréttir - Eyjafréttir - 18.12.2003, Page 10

10
Fréttir / Fimmtudagur 18. desember 2003
Margt til gamans gert á aðventunni
Árlegir jólatónlcikar Kórs
Landakirkju voru í kirkjunni á
sunnudaginn. Var hvert sæti
skipað og fengu kór og einsöngv-
arar frábærar viðtökur.
Á efnisskránni voru þekkt og
vinsæl jólalög og önnur minna
þekkt sem juku bara á
fjölbreytnina. Einsöngvarar voru
Bergþór Pálsson, Anna Alexandra
Cwalinska og Helga Jónsdóttir og
að venju var stjórnandi kórsins
Guðmundur H. Guðjónsson.
Þetta er í annað skiptið sem
tónleikagestir taka þátt í
f jiildasöng undir lok tónleikanna
sem jók enn á stemmninguna og í
lokin var svo sungið Heims um ból
við kertaljós. Þar með lauk góðum
og mjög hátíðlegum tónleikum
Kórs Landakirkju og
einsöngvaranna þriggja.
Krakkarnir á Rauðagerði voru í miklu jólaskapi á föstudaginn þegar þau gerðu sér bæjarferð og kíktu
meðal annars í Landakirkju og Safnahúsið. Þar var dansað í kringum jólatréð og jólasögur lesnar og
tók starfsfólk Bókasafnsins fullan þátt í fjörinu. Krakkarnir voru svo leystir út með smá góðgæti áður
en haldið var aftur upp á leikskóla.
INGA við eina af myndunum á sýningunni.
Myndlist í Vilberg-Kökuhúsi
I síðustu viku opnuðu þær Inga
Sólveig Friðjónsdóttir og Inga
Hlöðversdóttir sýningu á verkum
sínum í Vilberg-kökuhúsi. Þær
nöfnurnar em mjög ólíkar í
listsköpun sinni, Inga Sólveig sýnir
glerlistaverk en Inga sýnir hefð-
bundin málverk þar sem fuglar em
viðfangsefnið.
Vilberg-kökuhús hentar að mörgu
leyti vel til listsýninga og það gleður
augað að hafa eitthvað nýtt til skoða
á meðan gestir fá sér snúð og kakó.
Y msir listamenn hafa nýtt sér þennan
möguleika og nú hafa þær Inga og
Inga Sólveig bæst í þann hóp. Verk
þeirra munu hanga uppi næstu daga
og er vel þess virði að kíkja inn í
Vilberg, fá sér kaffi eða kakó, hvíla
lúin bein í jólaösinni og njóta um leið
myndlistar sem sannarlega gleður
augað.
JÓLAHLAÐBORÐIN eru vinsæl í Vestmannaeyjum og ekki færri en þrír
veitingastaðir sem bjóða upp á þessa tilbreytingu í mat nú í desember. Einn
þeirra er Prófasturinn þar sem Jón Ingi og Steinunn ráða ríkjum. Þar beið
gesta hlaðið borð kræsinga og þjónustan var til fyrirmyndar. Til að
skemmta mættu svo þeir Einar Hallgrímsson og Friðrik Gíslason með gítar
og bassa og stóðu fyrir fjöldasöng.