Hrund - 01.05.1967, Blaðsíða 28

FRUAR-
LEIKFIMI
Bára Magnúsdóttir
leiðbeinir
Nú tökum við fyrir góða magaæfingu, sem gefur mjög góðan árangur sé hún stunduð reglulega og gerð
rétt og vel. Því miður getum við ekki tekið fleiri æfingar núna sökum rúmleysis í blaðinu,- en þessi er það
erfið, að hún ætti að verða nægilegt verkefni á næstunni. Eins og þið munið tókum við fjórar æfingar í
síðasta blaði og höfum við því góðan tíma til að stunda þær, áður en fleiri nýjar æfingar bætast við.
Skýringarmyndirnar fjórar eiga að sýna allar æfingarnar. Athugið þær vel.
1. Leggizt á bakið á gólfið og teygið úr
fótum og ristum. Hafið handleggina
niður með hliðunum. Sbr. myndA.
Kreppið síðan hnén dragið fæturna að
ykkur. Mynd B. Réttið aftur úr þeim
— mynd C — í eins beina línu og
þið getið. Kreppið þá á ný og réttið
úr þeim aftur um leið og fætur koma
í gólfið. Mynd A. Þetta var aðeins
fyrsti áfangi æfingarinnar.
2. Nú kreppið þið fæturna aftur og
réttið úr þeim eins og í fyrra skiptið
— en í þetta sinn látið þið fæturna
síga beint niður eins hægt og þið
getið. Þá er öðrum áfanga náð.
Mynd D.
3. Nú takið þið fæturna beina upp af
gólfinu og reynið að ná þeim upp í
alveg lóðrétta stöðu — eins og á
mynd C — Kreppið þá síðan og
réttið úr um leið og þeir koma í
gólfið.
4. Og fjórði og seinasti áfangi; —
lyftið fðtunum beinum upp frá gólf-
inu, alveg upp í lóðrétta stöðu og
látið þá síðan síga beina niður á gólf
aftur.
Þessi æfing er nokkuð erfið til að byrja með. Gerið hana því aðeins einu sinni á dag í fyrstu,- eða í mesta lagi
tvisvar, kvölds og morgna.
Æfingin er ætluð til að styrkja magavöðvana. Við vitum allar hvað það er mikilsvert og því ætti engin að
hlífa sér við að gera æfinguna, þó hún sé dálítið erfið í fyrstu. Þið fáið eflaust „harðsperrur" og maginn
verður aumur fyrstu dagana,- en það er með þessa eins og allar hinar æfingarnar, hún verður auðveldari
eftir því sem þið gerið hana oftar; þið verðið æ sterkari og vöðvarnir stinnari.
Áriðandi er að halda bakinu við gólfið aiian timann, sem þið eruð að gera æfinguna.
Eftir nokkra daga er ykkur óhætt að gera æfinguna oftar í senn. En hvílið ykkur aðeins á milli — eða það sem
betra er, — gerið aðrar æfingar inn á milli.
Munið svo að gera æfingarnar vel og samvizkusamlega, sleppa aldrei úr degi, fyrr en þið hafið náð því
marki, sem þið settuð ykkur.
Því iðnari, sem þið eruð, því fyrr kemur árangurinn í Ijós.
ÆFIÐ
5MÍNÚTUR
Á DAG
OG HALDIÐ
LÍKAMANUM
FALLEGUM
OG HEILBRlGÐUM