Hrund - 01.05.1967, Blaðsíða 37

Þó að frú Hancock sjálf væri svo
sem nægilegt viðtalsefni, máttum
við ekki gleyma því, að erindið var
að skoða hina nýju heilsustofnun og
gekk hún því með okkur um og
sýndi og skýrði fyrir okkur þær
ýmsu vélar og tæki, sem þar eru
geysimikil og dýr og mörg hver
nýstárleg.
— Segjum nú, sagði hún, að þið
komið til okkar. Þið hafið um ótal
atriði að velja. Kannski viljið þið
byrja á því að fara í steypibað og
síðan e.t.v. í gufubað. Þau höfum
við tvennskonar og geta fjórir verið
í gufubaði í einu, tveir í þurru baði
— Sauna, tveir í tyrknesku gufu-
baði, sem er rakt og miklu heitara.
Gufuböðin eru afar holl likamanum.
Hann slappar af og svitnar og losar
sig þá við ýmis eiturefni. Einnig losn-
ar um fitu og vatn og býr gufubaðið
líkamann þannig vel undir nuddið.
— Þá viljið þið kannski fara
aftur í steypibað og fá svo nudd og
er þá um ýmsar tegundir að velja.
Nudd er líkamanum ákaflega hollt.
Starfsemi húðarinnar verður betri,
blóðrásin hraðari og betri, blóðið
þýtur frá innstu vefjum út í húðina;
spenntar taugar slappa af og slappar
taugar styrkjast — og smám saman
losnar líkaminn við fitu og vatn og
grennist að sama skapi.
- Kannski viljið þið líkamsnudd,
handnudd með venjulegum hætti,
eða þið viljið reyna grenningar-
bekkinn okkar — „RELAX-A-
TRON", sem er nýstárlegt tæki hér
á landi, byggt á margra ára sam-
starfi og rannsóknum lækna og
tæknifræðinga. Á bekknum eru tíu
reitir, knúðir rafmagni og ná þeir til
hinna ýmsu hluta líkamans. Hægt
er að láta hvern einstakan reit vinna,
til dæmis, ef þarf að nudda aðra
öxlina, eða annan einstakan líkams-
hluta. Alls geta níu reitir starfað sam-
timis, en á meðan getur viðskipta-
vinurinn legið í hvíld og jafnvel
fengíð sér blund.
— Þegar þessu er lokið, er um
ýmislegt að velja. Ef til vill viljið þið
reyna tæki, sem við köllum G-5, en
því fylgja ýmis aukatæki, sem notuð
eru við að nudda ýmsa líkamshluta.
Eða þið viljið prófa grenningarbeltió,
sem á að vera áhrifaríkt til megrunar.
- Fyrir utan þessi stóru nudd-
tæki hefur stofnunin fengið raf-
magnstæki til að hreinsa andlitshúð
og veita andlitsnudd. Ennfremur tæki
til lagfæringar á æðasliti og loks
höfum við hér sterka Ijósalampa,
sem bæði gefa heita og kalda
geisla, innrauða og útfjólubláa.
-Við vitum, sagði Peta Hancock,
þegar hún hafði sýnt okkur þetta
allt saman, að fólk er æ meira að
gera sér Ijóst, að það má ekki van-
rækja líkama sinn, eins og það hefur
tilhneigingu til að gera. Við megum
ekki gleyma því, að hinar miklu og
auknu inniverur, kyrrsetuvinna alls
konar og aukinn bílakostur hafa það
í för með sér, að við reynum ekki
nóg, eða að minnsta kosti ekki rétt
á líkamann. Við hugsum ekki um
þetta, meðan við erum ung —
trúum því ekki að við munum eld-
ast, fyrr en aldurinn fer að segja til
sín í formi slappleika, þreytu og alls-
konar auka líkamsparta, svo sem
undirhöku, ýstru, eða of breiðra
mjaðma. En við getum barizt á móti
öllu þessu og haldið okkur ungum
miklu lengur en ella, hvort sem eru
karlar eða konur.
Eins og frú Hancock sagði frá
þessu, hljómaði það allt saman af-
skaplega sannfærandi — já það er
ótrúlegt, hvað við getum gert, sagði
hún —ég segi ykkur satt, það hafa
komið til mín stúlkur í Englandi og
sagt við mig: Peta, ég sá kjól í
gær, sem mig langar til að eignast,
en ég kemst ekki í hann. Eftir mánuð
á ég að fara á dansleik, geturðu
séð um að ég komist I kjólinn fyrir
þann tíma. Ég hef farið með þeim
og skoðað kjólinn, stundum orðið
býsna svartsýn, en gott og vel, við
gerum það — og þær hafa komizt
í kjólinn að mánuði liðnum. Aðrar
hafa gefið mér upp ákveðin mál, ,,ég
vil vera 95-60-95 í vor, sjáðu um,
að ég verði það; Það hefur ekki alltaf
verið árennilegt en það er hreint og
beint ótrúlegt, hverju hægt er að fá
áorkað, ef vilji og áhugi eru fyrir
hendi og rétt að farið,” sagði frú
Hancock að lokum