Hrund - 01.07.1967, Blaðsíða 27

Nú er hausthúmið yfir okkur
aftur, og við erum farin að
kveikja á lömpunum á ný. Ef
ljósin á heimilinu eru hlýleg,
verður vetrarsortinn ekki eins
tilfinnanlegur og ella. Það er
gaman að breyta til, og gera sér
nýja skerm yfir ljósið, og það
er hægt að gera á svo marga
vegu.
A myndinni eru tveir fléttaðir
tágaskermar, annar er gerður
yfir gamla grind, en skermurinn
á standlampanum er mótaður
fríhendis, að öðru leyti eru þeir
eins gerðir. Það er byrjað á því
að teikna á harðan pappa hring
eftir efri hring skermsins, og
hringurinn er klipptur út. A
hringinn eru síðan gerð lítil göt
með ca. 1 cm. millibili. Tágar
eru klipptar jafn margar götun-
um og þær eru hafðar 10 cm.
lengri en hlið skermsins. Þeim
er síðan stungið í götin og 3 cm.
látnir standa upp úr. Þessir 3ja
cm. bútar eru svo fléttaðir saman
þannig, að einn tágarendinn er
beygður á bak við þann næsta,
og látinn snúa inn að miðju, -
síðan er farið eins að með næsta
tágarenda, þar til allar tágarnar
eru fléttaðar saman á þennan
hátt. Og nú má byrja að flétta
skerminn. Ef flétta á yfir gamla
grind, er henni stungið við og
við inn í körfuna til að máta. -
Þegar búið er að flétta ca. 5 cm.,
má klippa pappann frá og snyrta
til tágaendana, og þegar karfan
hylur grindina alveg, er gengið
frá tágaendunum, annaðhvort á
sama hátt og þegar byrjað var á
verkinu, eða með tungum, eins
og sézt á myndinni, þ.e. tága-
looool Búum
heimilin
okkar
hlýlegum
ljósum
o oo oo oo
endarnir eru allir hafðir jafn
langir, og hverjum stungið
niður við hliðina á þeim næsta.
Á báðum tágaskermunum á
myndinni eru gerð auð bil, ca.
2 cm. breið, og í þessi bil eru
þræddar tréperlur. Þessu má
sleppa, eða hafa bilin fleiri, eða
þræða einhverju öðru í þau.
Lampafóturinn er raunar
blómavasi. I vasaopið hefur
verið stungið stórum korktappa
(þeir fást í öllum stærðum í
lyfjaverzlunum), sem peru-
stykkið hefur verið fest í. Það
er gert á þann hátt, að með
oddmjóum hvíf er gert gat á
tappann miðjan, og peru-
stykkinu með snúru er troðið í
gegn. Grunn rauf er gerð á
tappann og snúran er látin liggja
upp með henni, og síðan er öllu
stungið í vasaopið.
Efnisskermurinn er gerður
eftir vissri uppskrift, en hún er
svona: A stórt pappírsblað (bezt
er að sníkja sér umbúðarppapír í
næstu búð) er gert lárétt strik,
og þvermál neðri hrings grind-
arinnar er merkt á það (A-B).
Síðan er dregin lóðrétt lína,
hornrétt á þá láréttu í gegn um
punkt C sem er miðja þvermál-
sins. Hæð grindarinnar er merkt
á lóðréttu línuna (C-D) og önnur
lína er dregin í gegn um þann
punkt (D) samhliða línu AB. Á
þessa nýju láréttu línu er merkt
hálft þvermál efri hrings grind-
arinnar í punktinum E. Nú er
lína AE framlengd, og lína CD
líka, þar til að þær skerast í
punkti F. Sá punktur er svo
notaður sem miðdepill í tveimur
hringum, annar með AF sem
radius og hinn með EF sem
radius. Til að teikna hringana,
er bezt að gera lykkju úr bendli,
með lengdinni AF, festa bendil-
endana með teiknibólu í punkt
F, en stinga blýantsoddi í lykkj-
una sjálfa, og draga blýantsodd-
inn eftir blaðinu, þar til að
kominn er rúmlega \ úr hring.
Síðan er stytt í lykkjunni og
lengdin höfð EF, og eins farið
að. Þá er ummál neðri hrings
grindarinnar mælt, og sú lengd
er mæld og merkt á neðri hring-
inn á blaðinu frá punkti A, og
lína er dregin frá F að þeim
punkti. Þá er sniðið á skerminn
komið. Það er nú klippt út af
pappírnum, mátað á grindina,
og ef rétt hefur verið að farið, á
það að smella á. Skermurinn á
myndinni er úr grófu strigaefni,
- efnið hefur verið klippt út
eftir sniðinu og gert ráð fyrir
1 - cm allt í kring fyrir saum.
Vliselini er straujað á efnið,
hliðarnar saumaðar saman og
faldað að ofan og neðan. Skerm-
urinn er svo einfaldlega lagður
yfir grindina, það þarf ekki að
festa hann . Svo má taka hann
af og því og strauja þegar þarf.
27