Fréttablaðið - 11.03.2013, Side 52

11. mars 2013 MÁNUDAGUR| MENNING | 24
www.sagamedica.is
Ég nota SagaPro
Thema Davis, danskennari í London
Vandamál: Ofvirk blaðra
„Innan tveggja vikna fann ég rosalegan
mun! Ég fór að fara út af heimilinu og tók
eftir því að ég fann ekki þessa sterku og
skyndilegu þörf til að pissa sem ég hafði
áður fundið. SagaPro hefur sannarlega
bjargað mér og ég mæli eindregið með
því að fólk prófi.“
Páll Óskar Hjálmtýsson mun
í kvöld troða upp með Lúðra-
sveit Reykjavíkur í Kaldalóns-
sal í Hörpu. Á tónleikunum mun
Lúðrasveit Reykjavíkur flytja
popp- og rokktónlist eftir ýmsa
listamenn, meðal annarra Gloriu
Estefan, Quincy Jones og hljóm-
sveitina Earth, Wind and Fire.
Einnig verða flutt lög eftir Man-
fred Schneider, Peter Kleine Scha-
ars, Joe Zawinul, sem er einna
þekktastur fyrir hljómborðsleik
og lagasmíðar fyrir hljómsveitina
Weather Report, og fleiri.
Þá verða frumfluttar útsetn-
ingar á nokkrum lögum sem þekkt
eru í flutningi Páls Óskars og mun
hann sjálfur taka lagið með lúðra-
sveitinni sem skipuð er fimmtíu
hljóðfæraleikurum.
Palli og
lúðrarnir
Lúðrasveit Reykjavíkur
fær aðstoð frá Páli
Óskari í Kaldalóni í kvöld.
PÁLL ÓSKAR tekur lagið með Lúðra-
sveit Reykjavíkur í kvöld.
HVAÐ?
HVENÆR?
HVAR?
MÁNUDAGUR 11. MARS 2013
Upplestur
18.00 Þuríður Backman les 28.
Passíusálminn í Grafarvogskirkju í til-
efni föstunnar.
Upplýsingar um viðburði sendist á hvar@
frettabladid.is og einnig er hægt að skrá
þá inni á visir.is.
★★★★ ★
Útlagi
Jacob Ejersbo
ÞÝÐING: PÁLL BALDVIN BALDVINSSON
JPV-ÚTGÁFA
Samantha er af bresku foreldri en hefur
búið í Tansaníu frá þriggja ára aldri.
Í upphafi Útlaga er hún fimmtán ára
gömul, föst í heimavistarskóla þar sem
börnum innflytjenda er hrúgað saman,
forréttindakrökkum að mati innfæddra,
ósamstæðum hópi sem lítið á sameigin-
legt annað en vera gestir í landinu þótt
flest hafi þau alið nánast allan sinn aldur
þar. Þetta landleysi setur mark sitt á þau
öll og óöryggi þeirra brýst út í innbyrðis
átökum, dópneyslu, óábyrgu kynlífi, hatri
á sjálfum sér og aðstæðum sínum. For-
eldrar Samönthu eru til lítillar fyrir-
myndar, drykkjusjúk móðir og óábyrgur
og ofbeldishneigður faðir sem stundar
vafasama iðju til að sjá sér farborða.
Ljósi punkturinn er eldri systirin Alison,
sem þó reynist lítið skjól þegar til kast-
anna kemur. Það er augljóst frá upphafi
að Samantha er glötuninni merkt og upp-
reisn hennar í gegnum kynlíf, drykkju og
dópneyslu er síst til þess fallin að hjálpa
henni af veginum sem þangað liggur.
Sagan er sögð í fyrstu persónu af Sam-
önthu sjálfri í stuttum köflum sem lýsa
aðstæðum hennar og upplifunum á nötur-
legan hátt. Hún er mikill töffari, stráka-
stelpa sem býður yfirvaldi og reglum
byrginn en er í raun aðeins lítil ráðvillt
stelpa sem þráir að finna öryggi og ást.
Sögutíminn er níundi áratugurinn og
spannar nokkur ár sem einkennast af æ
meiri glundroða og þeir fáu föstu punktar
sem Samantha býr við í upphafi sögu
eyðast einn af öðrum uns ekkert er eftir
nema glötunin ein.
Ejersbo tekst aðdáanlega að setja sig
inn í hugarheim unglingsstelpu og ljóst
að bæði Samantha og aðrar persónur eru
byggðar á reynslu hans sjálfs af ung-
lingsárunum í Tansaníu. Í eftirmála þýð-
anda kemur enda fram að sögu hetjan sé
byggð á vinkonu hans og að vinur Sam-
önthu, hinn danski Christian, eigi sér
fyrir mynd í höfundinum sjálfum. Stíllinn
er hrár og sannfærandi sem upplifanir
unglings í kreppu og þýðing
Páls Baldvins skilar honum
yfir á sannfærandi talmál ung-
lings á íslensku. Útlagi er ekki
þægileg lesning en kröftug og
vekur til umhugsanir um upp-
lifanir og aðstæður sem lítið
hafa verið kynntar hérlendis.
Bíð spennt eftir framhalds-
bókunum tveimur sem Ejersbo
rétt náði að búa til útgáfu áður
en hann lést. Friðrika Benónýsdóttir
NIÐURSTAÐA: Vel skrifuð og
umhugsunarvekjandi saga um
aðstæður sem fáir Íslendingar
hafa haft tækifæri til að
kynnast.
Kynlíf og dóp en ekkert rokk
Hljómsveitin M og M kemur fram
á næsta djasskvöldi KEX hostels á
morgun.
Hljómsveitin var stofnuð árið 2005
og sérhæfir sig í að spila tónlist
eftir þá Pat Metheny og Lyle Mays.
Þeir hafa haldið úti fusion-sveit-
inni The Pat Metheny Group í hátt
í 40 ár og hefur hún hlotið fjöl-
mörg Grammy-verðlaun.
M og M skipa þeir Ásgeir J.
Ásgeirsson á gítar, Kjartan Valde-
marsson á hljómborði, Róbert
Þórhallsson á bassa, Ólafur Hólm
Einarsson á trommur og Kjartan
Guðnason á slagverk. Tónleikarnir
hefjast kl. 20.30. Sem fyrr er
aðgangur ókeypis.
M og M spilar
á djasskvöldi