Fréttablaðið - 08.05.2013, Blaðsíða 12

8. maí 2013 MIÐVIKUDAGUR| FRÉTTIR | 12
UMHVERFISMÁL Uppbyggingu
frekari starfsemi á iðnaðar-
svæðinu á Grundartanga eru
settar skorður og mun að
óbreyttu takmarkast við lítil
fyrirtæki. Styrkur brennisteins-
tvíoxíðs innan
þynningar-
svæðis loft-
mengunar fyrir
Norðurál og
járnblendiverk-
smiðju Elkem
hefur náð þol-
mörkum.
Þ e t t a e r
meðal þess sem
kemur fram í
úttekt óháðra
sérfræðinga
um umhverfisáhrif stóriðjunnar
á Grundartanga sem var kynnt í
gær. Skýrslan var unnin að frum-
kvæði Faxaflóahafna sf. sem
landeiganda á Grundartanga.
„Það hefur ríkt ákveðin tor-
tryggni; ákveðnar grun semdir
um það að mengun, til dæmis
flúor mengun, sé meiri en mæl-
ingar fyrirtækjanna gefa til
kynna,“ sagði Hjálmar Sveins-
son, formaður stjórnar Faxaflóa-
hafna, og sagði að þess vegna
hefði verið ráðist í úttektina.
Hann taldi vinnuna mikilvæga
því nú væri óþarfi að rífast um
staðreyndir mála og jafnframt að
framtíðaráætlanir Faxaflóahafna
og sveitarfélagsins lytu að því að
lítil fyrirtæki bætist í hóp þeirra
tíu fyrirtækja sem þar eru fyrir.
„Þá er mikilvægt að hafa rann-
sókn sem á að vera hafin yfir
allan vafa, svo við vitum hvaða
fyrirtækjum við getum hleypt inn
á svæðið,“ sagði Hjálmar.
Guðjón Jónsson, efnaverkfræð-
ingur hjá VSÓ ráðgjöf og for-
maður starfshópsins, tiltók það
helst við kynningu niðurstaðna
rannsóknarinnar að þol mörkum
væri náð á þynningarsvæðinu
á Grundartanga hvað varðaði
styrk brennisteinstvíoxíðs frá
álveri Norðuráls og járnblendi-
verksmiðju Elkem. Kemur fram
í skýrslunni að kvaðir í reglugerð
um mengun brennisteinstvíoxíðs
eru ekki uppfylltar. Á þetta við
um ákvæði um sólarhringsgildi
fyrir gróðurverndarmörk en það
gildi hefur mælst 21 sinni yfir
leyfilegum mörkum en má fara
sjö sinnum yfir mörk á ári. Sólar-
hringsgildi fyrir heilsuverndar-
mörk hefur einu sinni farið yfir
hámarksgildi, en má fara þrisvar
yfir mörk á ári.
Í því samhengi vakti Guðjón
athygli á því að kröfur til iðjuver-
anna í starfsleyfum væru sam-
bærilegar því sem gerist annars
staðar. „Í einhverjum tilfellum eru
þær strangari hér á landi en þær
birtast í Evróputilskipunum,“ sagði
Guðjón og bætti við að vöktun
umhverfisins gæfi skýra mynd af
umhverfisálaginu á Grundartanga,
og ekki væri ástæða til að efast um
eftirlitið eða þann mengunarvarna-
búnað sem nýttur er af fyrirtækj-
unum. svavar@frettabladid.is
Mengun frá stóriðju
komin að mörkum
Frekari uppbygging stóriðju er ekki inni í myndinni á Grundartanga, að óbreyttu.
Þolmörkum er náð er varðar útblástur. Horfa til lítilla fyrirtækja við uppbyggingu.
GRUNDARTANGI Tíu fyrirtæki eru á svæðinu en langstærst er álver Norðuráls og járnblendiverksmiðja Elkem.
MYND/FAXAFLÓAHAFNIR
Efasemdir heimamanna hvað varðar flúormengun í
Hvalfirði eru vel þekktar. Rannsóknin leiðir í ljós að
flúormengun er einnig við þolmörk, en ekki tókst að
tengja mengunina á svæðinu við einkenni sem greind
hafa verið í búpeningi. Í niðurstöðum segir að „skýrslu-
höfundar kveikja á viðvörunarljósum varðandi flúor,
þungmálma og svifryk og telja nauðsynlegt að fylgjast
með gangi mála“. Á það er bent að viðbragðsáætlun
vegna flúormengunar er ekki til á Grundartanga sem
væri þó tæknilega mögulegt þegar veðurskilyrði gefa
tilefni til þess; þurrviðri og ríkjandi vindáttir yfir beitar-
svæði búfjár.
➜ Fylgjast skal með flúor og þungmálmum
ÞYNNINGARSVÆÐI Það takmarkar uppbygg-
ingu að styrkur brennisteinstvíoxíðs við jaðar
þynningarsvæðisins hefur náð þolmörkum.
MYND/FAXAFLÓAHAFNIR
Núverandi þynningarsvæði iðnaðarsvæðisins á Grundar-
tanga var upphaflega skilgreint árið 1979 með tilkomu
járnblendiverksmiðjunnar en var þá skilgreint sem
svæði takmarkaðrar ábyrgðar. Við stækkun Norðuráls
2002 var niðurstaða umhverfismatsins að ekki þyrfti
að stækka þynningarsvæðið þar sem aukning losunar
væri vel innan við mörk, m.a. vegna þess árangurs sem
náðst hefði við stýringu og hreinsun útblásturs. Undan-
farið hafa þó komið upp ákveðnar spurningar varðandi
skilgreininguna á þynningarsvæðinu. Elkem og Norðurál
hafa í þessu ljósi, í samráði við Umhverfisstofnun, ráðist
í að uppfæra loftdreifingarlíkanið til að fá sem réttasta
mynd af loftdreifingunni. Hvort sú endurskoðun leiðir
til endurskoðunar á þynningarsvæðinu skal ósagt látið
en ákvörðun um það verður væntanlega í höndum um-
hverfisyfirvalda í samráði við landeigendur og skipu-
lagsyfirvöld. Uppfærða loftdreifingarlíkanið byggist á
veðurmælingum og mannvirkjum á svæðinu til að meta
upphafsskilyrði útblásturs.
Grundartangi; úttekt á umhverfisáhrifum, maí 2013
Þynningarsvæðið vekur spurningar
Fæst án lyfseðils
Veldur síður
lyfjaáhrifum um
allan líkamann eins
og þegar töflur eru
teknar inn
Verkjastillandi
bólgueyðandi
HJÁLMAR
SVEINSSON