Fréttablaðið - 16.05.2013, Blaðsíða 60
16. maí 2013 FIMMTUDAGUR| MENNING | 40
Þessi samvinna Útvarpsleikhússins,
Listahátíðar og Borgarbókasafns-
ins er ákaflega skemmtileg,“ segir
Viðar Eggertsson útvarpsleikhús-
stjóri. „Þetta er á vissan hátt fram-
hald af tilraun sem við gerðum í
fyrra. En Borgarbókasöfnin, sem
er sex í mismunandi hverfum, komu
inn í þetta með okkur núna og það
var ákveðið að leyfa áhorfendum og
njótendum Útvarpsleikhússins að
komast í smiðju leikskáldanna sem
eru að vinna verk sem flutt verða
í Útvarpsleikhúsinu næsta vetur.“
Verkin sex eru sérpöntuð af
Útvarpsleikhúsinu og leikskáldin
eru af þremur kynslóðum, fjórar
konur og tveir karlar. „Við höfum
verið í átaki til að örva konur til að
skrifa útvarpsleikrit og næsta vetur
verða hlutföll kynjanna jöfn hjá
okkur, fimm konur og fimm karlar
með ný verk,“ segir Viðar. „Þar að
auki verða það sex konur og fjórir
karlar sem leikstýra þessum tíu
verkum. Við höfum leitast við að
fá verk sem endurspegla reynslu-
heim kvenna, enda hef ég þá trú að
við eigum alveg jafngóða höfunda
meðal þeirra.“
Verkin sem sýnd verða á Listahá-
tíð eru öll enn í vinnslu og verða
sviðsettir leiklestrar á þeim. „Hver
leikstjóri um sig hefur sjálfdæmi
um það hvernig hann kemur verk-
inu fyrir á bókasöfnunum og síðan
hafa skáldin í samvinnu við leik-
stjórana tækifæri til að endurskoða
verkin eftir að hafa mátað þau við
áhorfendur og fullvinna þau fyrir
útvarpsupptöku með öllum þeim
möguleikum sem hún býður upp á,“
segir Viðar.
Flutt verður eitt verk á dag frá
þriðjudegi til fimmtudags næstu
tvær vikur á mismunandi bóka-
söfnum og á laugardögunum verða
síðan öll verkin sem flutt hafa verið
þá vikuna flutt hvert á eftir öðru.
Allar upplýsingar um staðsetning-
ar og tíma eru á heimasíðu Lista-
hátíðar.
fridrikab@frettabladid.is
Við höfum verið í
átaki til að örva konur til
að skrifa útvarpsleikrit ...
Sex leikskáld
af þremur
kynslóðum
Fjórar konur og tveir karlar munu á Listahátíð bjóða
áhorfendum á bókasöfn borgarinnar til að kynnast
verkum sem þau eru að vinna fyrir Útvarpsleikhúsið.
Leitast er við að endurspegla reynsluheim kvenna.
JÖFN KYN-
JAHLUTFÖLL
Viðar Eggertsson
útvarpsleikhússtjóri
leitast meðvitað við
að flytja jafnmörg
verk eftir konur og
karla.
FRÉTTABLAÐIÐ/HEIÐA
■ Lán til góðverka eftir Auði Övu Ólafsdóttur í leik-
stjórn Kristínar Eysteinsdóttur.
■ Rökrásin eftir Ingibjörgu Magnadóttur í leikstjórn
Hörpu Arnardóttur.
■ Páfuglar heimskautanna eftir Ragnheiði Hörpu
Leifsdóttur í leikstjórn Mörtu Nordal.
■ Gestabókin eftir Braga Ólafsson í leikstjórn Stefáns
Jónssonar.
■ Slysagildran eftir Steinunni Sigurðardóttur í leik-
stjórn Hlínar Agnarsdóttur.
■ Blinda konan og þjónninn eftir Sigurð Pálsson í
leikstjórn Kristínar Jóhannesdóttur.
NÝJU ÚTVARPSLEIKRITIN SEX
Sýningar á leikritinu Gesta-
boð Hallgerðar hefjast að nýju á
laugar dag í Sögusetrinu á Hvols-
velli. Hlín Agnarsdóttir skrifaði og
leikstýrði en Elva Ósk Ólafsdóttir
fer með hlutverk Hallgerðar.
Verkið segir frá Hallgerði sem
býr á Hlíðarenda og rekur þar
menningartengda ferðaþjón-
ustu. Hún og eiginmaður hennar,
Gunnar hrossabóndi, hafa inn-
réttað söguskála í gamalli hlöðu
og þar taka þau á móti gestum.
En í þetta sinn hefur gleymst að
bóka gestina, engar veitingar að
hafa og Gunnar staddur á hesta-
mannamóti á Þingvöllum. Hall-
gerður grípur þá til sinna ráða og
sendir pólska vinnumanninn sinn
Melkó í kaupfélagið á Hvolsvelli
og á meðan gestirnir bíða eftir
veitingunum segir Hallgerður
þeim skrautlega sögu sína.
Gestaboð Hallgerðar var frum-
sýnt í Njálusetrinu í fyrra. Gagn-
rýnandi Fréttablaðsins kallaði
verkið eftirminnilega kvöldstund
þar sem Elva Ósk ljáði „einni
frægustu konu bókmennta-
sögunnar líf af miklum styrk“.
Fjórar aukasýningar verða á
Gestaboði Hallgerðar í Sögu-
setrinu núna í maí. Laugardaginn
og sunnudaginn 18. og 19. og 25.
og 26. maí kl. 17.
Boðið verður upp á erindi um
Njálu og súpu að sýningu lokinni,
fyrir þá sem það kjósa.
Gestaboð Hallgerðar
aft ur á svið í Sögu-
setrinu á Hvolsvelli
Elva Ósk Ólafsdóttir hlaut mikið lof fyrir túlkun sína
á Hallgerði í fyrra. Nú er hún aft ur á fj ölunum.
Tónleikar í Lindakirkju
annan í hvítasunnu
20. maí kl. 17 og kl. 20
Kór Lindakirkju ásamt hljómsveit
Tónlistarstjóri:
Óskar Einarsson
Sérstakur gestur tónleikanna er
BUBBI MORTHENS
MIÐAVERÐ 3.000 kr
Miðar seldir í Lindakirkju eða
á lindakirkja@lindakirkja.is
DÝRÐIN ER ÞÍN
➜ Fjórar aukasýningar
verða á Gestaboði Hall-
gerðar í Sögusetrinu
í maí.
FRÆG PERSÓNA Gagnrýn-
endur hrifust af túlkun Elfu
Óskar á Hallgerði.