Fréttablaðið - 16.05.2013, Síða 68

16. maí 2013 FIMMTUDAGUR| MENNING | 48
?  Ég er í sambandi með stelpu og bara mjög hamingjusam-
ur og kynlífið okkar er yfirleitt
frekar gott. Um daginn vorum
við að kela og hún fer að totta
mig. Mér finnst tott allt í lagi en
ég næ ekki að fá fullnægingu og
það pirrar okkur bæði. Hún tekur
þetta ótrúlega nærri sér og finnst
þetta leiðin legt og mér líka. Ég
veit bara ekki hvað ég á að gera
því þetta er alveg gott en ég bara
kemst ekki alla leið, er til einhver
ákveðin tækni sem virkar fyrir
alla eða eigum við bara að sleppa
þessu?
● ● ●
SVAR Mér hafa borist óvenju
margar fyrirspurnir um munnmök
undanfarið og þá sérstaklega um
tott. Það er kannski ekki skrítið í
ljósi þess hvernig munnmök eru
stunduð í klámi og fólk svo reynir
að leika slíkt eftir heima hjá sér.
Eins og ég hef oft sagt er klám
ekki leiðarvísir að kynlífi og ætti
alls ekki að nota það sem slíkt. Í
klámi virðist markmiðið vera að
gleypa liminn eins og sá sem veiti
mökin sé slanga sem gæti skotið
sér úr kjálkalið. Þá las ég um dag-
inn pistil sem gekk manna á milli
á vefnum um að typpið væri eins
og maísstöngull og ekki ætti að
óttast að nota tennurnar og narta í
það. Nú veit ég um þó nokkra limi
sem hefðu engan áhuga á narti og
óttast það jafnvel. Það er engin
ein tækni sem á við um alla limi
því við erum öll einstaklingar
með mismunandi smekk og lang-
anir. Hins vegar er hægt að vita
hvernig líffræði typpisins er og
grunnverkferlar við örvun þess.
Næmasti staður limsins er
fremsti hluti hans, þar sem
kóngur inn er. Í munnmökum
er ekki markmiðið að gleypa og
kyngja heldur einmitt að nýta
tvær frjálsar hendur og sam-
hæfa hreyfingar þeirra við munn,
slef og tungu. Svo er það ein-
staklingsbundið hvað hverjum
þykir gott. Sumir vilja láta toga
í punginn en aðrir vilja alls ekki
láta snerta hann. Í munnmökum,
sem og öðru í lífinu, er mikilvægt
að tala saman um hvað þér þykir
gott. Þú þarft að geta gefið leið-
beiningar, og tekið við þeim, svo
að þetta verði sem ánægjulegast
fyrir ykkur bæði. Að því sögðu
þykir ekkert öllum munnmök vera
heillandi eða frábær og það má
alveg. Fólk fílar mismunandi hluti
og það er algjörlega leyfilegt en þú
þarft að láta kærustu þína vita og
útskýra að þetta sé ekki spurning
um tæknilega útfærslu. Kynlíf má
líka bara vera gott þótt það leiði
ekki til fullnægingar og á það vel
við um tott því margar dömur ótt-
ast einmitt að fá upp í sig milljónir
syndandi frumna svo þetta gæti
verið lán í óláni fyrir ykkur bæði.
Talið hreinskilnislega saman og þá
komist þið að niðurstöðu um hvað
hentar ykkur.
KYNLÍF TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
Tvær frjálsar hendur,
slef og tunga
www.rekstrarland.isRekstrarland | Skeifunni 11 | 108 Reykjavík | Sími 515 1100
Servíettur, dúkar,
kerti og kertastjakar
Tilboð
1.190kr.
1.937
Borðdúkur – 40x2400 cm, verð 1.190 kr.
Kerti – 12 cm, verð frá 369 kr.
Kertavasi – egglaga, verð frá 890 kr.
Servíettur – 40x40, 3ja laga, verð frá 199 kr.
PI
PA
R\
TB
W
A
•
S
ÍA
•
1
31
55
9
Fólk sem æfir seint á kvöldin
sefur verr á nóttunni. Þetta kemur
fram í dagblaðinu Huffington Post
sem vísar í rannsóknir stofnun-
arinnar Sleep to Live. Ástæðan
fyrir þessu er að líkamshitinn
hækkar meðan á æfingu stendur
og þarf líkaminn að kæla sig niður
á kvöldin fyrir nóttina til að ná
sem bestri hvíld. „Það að stunda
líkamsrækt gerir það að verkum
að maður á erfiðara með að sofna
vegna þess að líkaminn er of heit-
ur,“ segir dr. Robert Oexman hjá
stofnuninni og bætir við að best sé
að æfa um fjórum tímum áður en
lagst sé til hvílu. Henti það ekki
er gott að enda sturtuna eftir
æfingu á kaldri gusu til að kæla
líkamann.
Óhollt að æfa á kvöldin
Samkvæmt rannsóknum skemmirðu nætursvefninn
með því að æfa of seint.
LÍKAMINN OF HEITUR Óhollt að æfa of seint á kvöldin. NORDICPHOTOS/GETTY
Nú þegar farið er að birta til og voranganin liggur í loftinu
fá sífellt fleiri löngun til að skella sér í góðan göngutúr til að
njóta blíðunnar og birtunnar sem sífellt stendur lengur.
Fréttablaðið tók saman fimm góða staði á höfuðborgar-
svæðinu þar sem fólk getur skellt sér í göngutúr.
Göngum
sumarið inn
Með hækkandi sól eykst löngun landans til
útiveru og þægilegra gönguferða.
HEIÐMÖRK Skógræktar- og friðlandið við Elliða-
vatn er góður staður til að fara með fjölskylduna á
sunnudegi. Þar er hægt að fara í gönguferðir, bæði
auðveldar og erfiðari, og njóta náttúrunnar. Þar er
einnig að finna níu svæði þar sem hægt er að leika sér
í alls kyns leikjum og grilla á þar til gerðum steyptum
útigrillum.
ÚLFARSFELL Fyrir þá sem eru í stuði fyrir létta fjallgöngu er Úlfars-
fellið kjörinn áfangastaður. Fjallið er á landamörkum Reykjavíkur
og Mosfellsbæjar og því stutt að fara. Gangan frá bílastæðinu við
skógræktarsvæðið í Hamrahlíðarskógi er 4,6 kílómetrar og tekur um
einn og hálfan tíma í þægilegri göngu. Hægt er að fylgja vegslóða upp
á hæsta tindinn sem er 295 metra hár.
KLEIFARVATN Það verður sífellt vinsælla meðal
manna að ganga hringinn í kringum Kleifarvatn og
þykir það víst hin ágætasta ganga. Vatnið er það
stærsta á Reykjanesskaga og liggur á milli Sveifluháls
og Vatnshlíðar. Það er 9,1 ferkílómetri að stærð og 97
metrar að dýpt, sem gerir það að einu dýpsta vatni
landsins. Gangan tekur rúma þrjá tíma í þægilegri
göngu.
ÆGISÍÐAN/GRÓTTA Ægisíðan hefur lengi verið þekkt sem einn
rómantískasti staður landsins og þeir eru ófáir elskendurnir sem verja
fallegum kvöldstundum á röltinu þar. Ef sjávarföllin leyfa er svo hægt
að kíkja yfir á Gróttu og virða fyrir sér vitann sem þar hefur staðið frá
árinu 1947. Umhverfisnefnd Seltjarnarness hefur gefið út göngukort
með gönguleiðum á Ægisíðunni og víðar um nesið sem er vel þess
virði að kíkja á.
ESJAN Auðvitað er aldrei hægt að taka saman svona
lista án þess að minnast á klassíkina Esjuna, sem er
eitt helsta einkenni höfuðborgarsvæðisins. Það eru
nokkrar gönguleiðir upp á fjallið, sem er líklegast
vinsælasta gönguleið landsins. Hæsti tindur þess
er 914 metra yfir sjávarmáli og gangan þangað upp
þægileg og fljótleg.