Fréttablaðið - 27.05.2013, Blaðsíða 54

27. maí 2013 MÁNUDAGUR| MENNING | 26
„Við viljum að stúlkunum verði gert
jafnhátt undir höfði og strákunum,“
segir Margrét Hafsteinsdóttir hjá
nýstofnuðu kvennaráði KR í fótbolta.
Kvennaráðið ætlar að láta búa til
átta auglýsingaplaköt í sumar með
kvikmyndaþema þar sem leikmenn
meistaraflokks KR í kvennaboltan-
um sitja fyrir. Nú þegar hafa verið
gerð tvö plaköt, þar af eitt í anda
myndarinnar Django Unchained.
Einnig verður gert myndband þar
þjóðþekktir einstaklingar koma við
sögu. Allir sem tengjast plakötun-
um og myndbandinu eru í sjálfboða-
vinnu. Ljósmyndarinn Ari Magg,
förðunarmeistarinn Fríða María
Harðardóttir og þeir Samúel Bjarki
Pétursson og Gunnar Ólafsson hjá
framleiðslufyrirtækinu True North
eru á meðal þeirra sem leggja sitt af
mörkum.
„Við vorum nokkrir foreldrar sem
tókum okkur saman eftir spjall
um hversu lítið okkur fannst
kvennaknattspyrnunni sinnt.
Þetta byrjaði sem lítill bolti
sem tók að rúlla,“ segir Mar-
grét. „Stjórn KR tók okkur vel og
okkur var strax fenginn ákveð-
inn sess innan félagsins. Það er
ekki í mörgum félögum þar sem
er haldið eins heilsteypt utan um
þessi mál.“ -fb
KR-stúlkur í kvikmyndaþema
Nýstofnað kvennaráð KR í fótbolta vill gera kvennaboltanum hærra undir höfði.
STYÐJA KVENNABOLTANN Kvenna-
ráð KR vill að kvennaboltanum sé
betur sinnt. Plakat í anda Django
Unchained hefur vakið athygli.
➜ Fjáröflunarkvöld kvenna-
ráðsins var haldið í Salthúsinu
á miðvikudagskvöld og mættu
á annað hundrað manns.
„Það er rosalega gaman að fá að
koma á alla þessa staði og spila
fyrir svona mikið af fólki,“ segir
trommuleikarinn Kristinn Snær
Agnarsson.
Hann er staddur á Íslandi í
tveggja vikna hléi frá tónleika-
ferðalagi um heiminn með banda-
ríska tónlistarmanninum og
Íslandsvininum John Grant. Þeir,
ásamt bassaleikaranum Jakobi
Smára Magnússyni og gítarleik-
aranum Pétri Hallgrímssyni, eru
að kynna nýjustu plötu Grants,
Pale Green Ghosts, sem var tekin
upp hér á landi.
Aðspurður segir hann viðtök-
urnar hafa verið rosalega góðar
en þeir hafa spilað á um fjörutíu
tónleikum í heildina. Ferðalagið
hófst í Evrópu um miðjan apríl
og eftir það var förinni heitið til
New York. Í maí spiluðu þeir svo
í þrjár vikur á Írlandi, Englandi
og í Skotlandi.
Tónlistarmaðurinn Ásgeir
Trausti hitaði upp fyrir þá á tón-
leikaferðinni um Bretlandseyjar.
„Hann stóð sig eins og hetja og
fékk mjög góðar viðtökur. Þeir
seldu heilmikið af plötum og
bolum eftir tónleikana og náðu
örugglega að opna á stóran aðdá-
endahóp.“
Tónleikaferðalaginu lauk svo
með spilamennsku í sjónvarps-
þætti Jools Holland hjá BBC.
„Það var mjög skemmtilegt. Það
voru flott bönd sem voru að spila
á sama tíma eins og Low, sem var
alveg æðislegt.“
Að hvíldinni á Íslandi lokinni
halda þeir félagar til Skandinavíu
og spila á fernum tónleikum. Eftir
það tekur við tónleikaferð um
Bandaríkin og spilamennska á
hinum ýmsu tónlistarhátíðum, þar
á meðal á Hróarskeldu í Danmörku.
Aðspurður segir Kristinn
Snær tónleikaferðina vera það
lengsta sem hann hefur komist
á ferli sínum til þessa. „En þetta
er hörkuvinna og langir dagar.
Þetta er ekkert partí og afslöpp-
un og skemmtilegheit. Stund-
um hefur maður ekki tíma til að
borða fyrir gigg og við rótum
og stillum upp sjálfir, þannig að
þetta er ekki „fansý“ pakki eins
og hjá The Rolling Stones,“ segir
hann.
Hann viðurkennir að það sé
erfitt að vera fjarri fjölskyldu
og ástvinum í svona langan tíma.
„En þetta er tækifæri sem býðst
kannski einu sinni á ævinni. Þá
er bara að hrökkva eða stökkva.“
freyr@frettabladid.is
Ekki „fansý“ pakki
heldur hörkuvinna
Trommuleikarinn Kristinn Snær Agnarsson hefur spilað með Íslandsvininum
John Grant á um 40 tónleikum um Evrópu og víðar á þessu ári.
Á TÓNLEIKA-
FERÐ John
Grant, Jakob
Smári Magn-
ússon, Pétur
Hallgrímsson
og Kristinn
spiluðu
með Sinéad
O´Connor á
tónleikaferða-
laginu.
Kristinn Snær segir hápunkt ferðalagsins hafa verið í Dublin þegar Sinéad
O´Connor, sem er gestasöngkona á plötu Grants, kom upp á svið og söng
með þeim fimm lög. „Það var viss hápunktur fyrir okkur alla að fá svona
heimsfræga söngkonu til að syngja með okkur. Svo skrifaði hún afskaplega
fallega um okkur á bloggið sitt,“ segir hann.
Gaman að spila með Sinéad O´Connor
„Það er lagið Always Look on
the Bright Side of Life úr Monty
Python. Ég er með það lag sem
hringitón á símanum mínum líka.
Það fær mig alltaf til að líta á björtu
hliðarnar, hugsa jákvætt og bera
virðingu fyrir umhverfinu, eins og
fólk ætti að gera í meiri mæli.“
Atli Þór Matthíasson, Queen-sérfræðingur
MÁNUDAGSLAGIÐ
Byrjaðu strax að spara. Skráðu kortin ykkar
núna á www stod2 is/vild
F
ÍT
O
N
/
S
ÍA

. .
20% afsláttur af
fatahreinsun.
/
S
Í
10% afsláttur ef
verslað er fyrir
2.000 kr. eða meira.
A
15% afsláttur af
vörum á bilinu
10.000 – 400.000 kr.
AFSLÁTTUR
20
AFSLÁTTUR15
F
ÍT
O
N

AFSLÁTTUR
10
„Við vorum beðnir um að spila og okkur er
það mjög ljúft. Ég hef áður farið á Þjóðhátíð,
þá með Nýdanskri, og það er mjög skemmti-
leg reynsla að spila fyrir dalinn,“ segir tón-
listarmaðurinn Daníel Ágúst.
Daníel Ágúst og félagar í hljómsveitinni
GusGus eru meðal þeirra atriða sem hafa
nú verið staðfest á Þjóðhátíð í Vestmanna-
eyjum um verslunarmannahelgina en þetta
er í fyrsta skipti sem sveitin stígur á svið á
hátíðinni. „Við erum í góðum gír og ætlum
að láta fólk hrista skankana,“ segir Daní-
el Ágúst. „Uppistaðan á spilunarlistanum
verður lög af Arabian Horse plötunni okkar
en svo tökum við eldri lög í bland. Við erum
auðvitað í danstónlistargeiranum og munum
standa undir nafni sem danshvetjandi tón-
listarflytjendur.“
Önnur stór nöfn sem hafa verið staðfest
fyrir Þjóðhátíð í ár eru Helgi Björnsson,
Bubbi Morthens og Páll Óskar. Sá síðast-
nefndi verður á dagskrá tvisvar sinnum á
sunnudagskvöldinu, fyrst fyrir brekkusöng-
inn og svo aftur að honum loknum, þegar
hann lokar hátíðinni. - trs
GusGus á Þjóðhátíð í Eyjum í fyrsta skipti
Daníel Ágúst segir sveitina ætla að standa undir nafni sem danshvetjandi tónlistarfl ytjendur.
Í GÓÐUM GÍR Daníel Ágúst og félagar í GusGus
ætla að fá fólk til að hrista skankana um verslunar-
mannahelgina.
FRÉTTABLAÐIÐ/STEFÁN