Fréttablaðið - 03.10.2013, Blaðsíða 36

KYNNING − AUGLÝSINGSpeglar og innrömmun FIMMTUDAGUR 3. OKTÓBER 20132
Speglar hafa verið vinsælir á heimilum í nánast hverju rými. Margir nota spegla til
að stækka rýmið. Jóna Björg segir
að staðsetning spegilsins skipti
miklu máli fyrir orkuflæði í íbúð-
inni. „Spegill á aldrei að vera á móti
útidyrunum þegar komið er inn á
heimili. Þá endurspeglast orkan út
úr íbúðinni. Það er hins vegar hag-
stætt að hafa spegilinn til hliðar við
dyrnar því þá er hægt að nýta hann
til að fleyta orkunni inn í íbúðina,“
segir Jóna Björg.
„Það er ljómandi gott að hafa
spegil í stofunni en þá verður stað-
setningin að vera rétt. Ekki er sama
hvað speglast í honum. Spegillinn
eykur orku þess sem sést í honum
og þess vegna er ekki gott að hann
sýni ruslafötu eða eitthvað drasl
sem er til dæmis fyrir utan húsið.
Það þarf því alltaf að huga að því
hvað speglast í honum. Ef allt er
fallegt og fínt er í lagi að hafa hann
á þeim stað sem sést út í náttúruna.
Spegillinn á alltaf að spegla eitt-
hvað sem vekur góðar tilfinningar,“
útskýrir Jóna Björg.
Ekki hafa speglaflísar
„Það er í lagi að hafa spegil í svefn-
herbergi svo framarlega sem þú
sérð ekki sjálfan þig í honum úr
rúminu. Þá er hætta á að orkan
dreifist og þá hvílist viðkomandi
ekki nægjanlega. Speglar eiga ekki
að vera í sjónhæð frá rúminu. Ef
fólk er með speglahurðir á skáp-
um er rétt að setja plastfilmu yfir
þann hluta sem hægt er að sjá sig
úr rúminu. Ég mæli reyndar aldrei
með speglahurðum á svefnher-
bergisskápum. Að öðru leyti er allt
í góðu að hafa spegla í herbergj-
um ef fólk er meðvitað um þetta
atriði,“ segir Jóna ennfremur.
Spegilflísar voru vinsælar um
tíma en Jóna Björg mælir alls ekki
með þeim. „Þegar manneskja í
ákveðinni hæð stóð fyrir framan
speglaflísar skáru samskeytin við-
komandi á háls sem varla er gott.“
Jóna segir að speglafræðin í
Feng Shui séu margvísleg og flók-
in. Til dæmis eigi enginn að nota
brotinn eða sprunginn spegil.
Margt leynist í speglinum
Jóna hefur hjálpað mörgum að
endurraða húsgögnum á heimil-
um með tilliti til Feng Shui. „Fólk
hefur fundið betri líðan eftir að
það hefur raðað upp á nýtt og
hefur leitað aftur til mín aftur
þegar það skiptir um húsnæði.
Það þykir mér afar ánægjulegt,“
segir Jóna sem hefur starfað við
Feng Shui ráðgjöf frá árinu 2005.
„Það er vaxandi áhugi á Feng Shui
því fólk finnur sannarlega fyrir
aukinni vellíðan. Kostnaður þarf
heldur ekki að vera mikill þótt fólk
breyti uppröðun á heimilinu.“
Jóna Björg segir annað atriði
mikilvægt þegar fólk f lytur í
annað húsnæði. „Feng Shui meist-
arinn Marie Diamond, sem margir
þekkja úr The Secret myndinni,
segir að speglar geymi minningar.
Fólk getur orðið fyrir áhrifum af
því sem speglarnir hafi „séð“. Ef
mikil óhamingja eða óregla hefur
verið hjá fyrrverandi íbúum ættu
kaupendur ekki að nota sömu
spegla og þeir nema þrífa þá
sérstaklega vel með lavender og
reykelsi, setja upp smá athöfn til
að hreinsa minningarnar.“
Speglar geyma minningar
Jóna Björg Sætran, kennari og Feng Shui ráðgjafi, segir að speglar skipti mun meira máli í umhverfinu en fólk gerir sér grein fyrir.
Ekki er sama hvar þeir eru settir upp eða hvar þeir hafa verið. Enginn ætti að hafa brotinn spegil á heimilinu.
Jóna Björg Sætran segir að speglafræðin innan Feng Shui sé margbrotin og flókin. MYND/GVA
Aðalsmerki Studio Stafns eru handgerðir, danskir ra m ma r f rá Frese &
Sønner sem hlotið hafa margar
alþjóðlegar viðurkenningar fyrir
gæði og fegurð,“ segir Viktor Smári
Sæmundsson, eigandi, forvörður
og forstöðumaður Studio Stafns í
Ingólfsstræti.
„Rammar Frese & Sønner eru
unnir samkvæmt miðaldahefð
og hefur vinnsluaðferðin haldist
óbreytt í aldaraðir. Þeir eru lagðir
með 24 karata vatnsgyllingu eða
ekta blaðsilfri,“ útskýrir Viktor um
höfuðdjásn rammagerðar Studio
Stafns sem vinnur að langtíma-
vernd listaverka með innrömmun úr
völdum efnum og réttum frágangi.
„Við notum eingöngu viður-
kennd efni við frágang mynda
sem standast ströngustu kröfur
forvarða um varðveislu og notum
glampafrítt gler með útfjólublárri
vörn fyrir viðkvæm verk. Þá erum
við vitaskuld líka með meginþorra
af úrvali landsins af öðru inn-
römmunarefni,“ segir Viktor.
Hann bendir á að fyrir 1980 voru
ekki til viðurkennd efni til inn-
römmunar og því getur gamall frá-
gangur eyðilagt verk sem voru inn-
römmuð undir gler.
„Rétt er að vera vakandi fyrir
brúnum blettum á verkum sem
voru innrömmuð fyrir þennan
tíma því súr umbúnaður lélegs
pappírs og líms sem notað var
skemmir oft verkin með blettum
sem ekki er hægt að fjarlægja ef
ekkert er að gert.“
Innrömmun er aðeins ein stoð í
fjölþættri starfsemi Studio Stafns
því fyrirtækið er einnig forvörslu-
og umboðssölufyrirtæki listmuna
þar sem boðið er upp á fjölþætta
þjónustu með listaverk og forna
muni.
„Hjá okkur starfa að jafnaði
einn til tveir forverðir sem vinna
að viðgerðum á málverkum sem
máluð eru á tré eða léreft og þeir
gera einnig við gifsverk. Þá veitum
við ráðgjöf í öllu sem lýtur að lista-
verkum og sjáum um frágang,
pökkun og upphengi ásamt því
að gera verðmat og vottun á lista-
verkum þar sem það er hægt,“ út-
skýrir Viktor.
Uppistaðan í umboðssölu lista-
verka hjá Studio Stafni eru eldri
verk eftir þekktustu listamenn
þjóðarinnar sem og einstaka nú-
starfandi listamenn.
„Gömlu meistararnir hafa haldið
verðgildi sínu vel og eftir þeim er
alltaf eftirspurn enda eiguleg og
verðmæt fjárfesting sem mjög gott
verð fæst fyrir,“ upplýsir Viktor.
Hann segir Íslendinga listelska
með afbrigðum. „Ótrúlega stór
hluti íslensku þjóðarinnar hefur
áhuga á að eignast málverk, miðað
við stærð þjóðfélagsins, og hægt
er að líkja honum við myndlistar-
áhuga í evrópskri borg með tvær til
þrjár milljónir íbúa.“
Studio Stafn er jafnframt listhús
þar sem haldnar eru listsýningar
starfandi listamanna.
„Á laugardag opnar sýning á
sumarafrakstri Þorra Hringssonar
sem sýnir ný verk sem hann mál-
aði norður í Aðaldal í sumar,“ segir
Viktor.
Studio Stafn var stofnað 2005
og hlaut viðurkenningu Mynd-
stefs 2010 fyrir fagleg viðskipti og
heiðar leika gagnvart listamönnum
og kaupendum listaverka.
Studio Stafn er í Ingólfsstræti 6.
Opið alla virka frá klukkan 13 til 17.
Sjá nánar á www.studiostafn.is.
Handgerðir
rammar af
miðaldahefð
Rammar Studio Stafns eru verðlaunaðir fyrir gæði
og fegurð. Þar er unnið við forvörslu og viðgerðir
listmuna, innrömmun og frágang á myndverkum
og veitt ráðgjöf um meðferð, varðveislu og umgjörð
listaverka. Einnig er gefið verðmat og
upprunavottun.
Viktor hefur langa reynslu sem forvörður og var deildarstjóri forvörslu- og viðgerðardeildar Listasafns Íslands í 16 ár. Hér er hann með
Lukasz B. Stencel innrammara. MYND/ARNÞÓR
Útgefandi: 365 miðlar ehf., Skaftahlíð 24, s. 512 5000 | Umsjónarmenn auglýsinga: Bryndís Hauksdóttir, s. 512-5434, bryndis@365.is | Ábyrgðarmaður: Jón Laufdal.
Hjá okkur starfa
að jafnaði einn
til tveir forverðir sem
vinna að viðgerðum á
málverkum.