Fréttablaðið - 03.10.2013, Blaðsíða 8

3. október 2013 FIMMTUDAGUR| FRÉTTIR | 8
SAMKVÆMT BÓKSÖLU Í PENNANUM EYMUNDSSON UM LAND ALLT
METSÖLULISTI EYMUNDSSON

VIKAN 25.09.13 - 01.10.13
1 2Maður sem heitir Ove Fredrik Backman Heilsubók Jóhönnu Jóhanna Vilhjálmsdóttir
5 Iceland small world Sigurgeir Sigurjónsson 6 VettlingaprjónGuðrún S. Magnúsdóttir
7 Stígum fram Sheryl Sandberg 8 Leðurblakan Sheryl Sandberg
10 Árið sem tvær sekúndur bættust við tímann - Rachel Joyce9 Inferno Dan Brown
4 Höndin Henning Mankell3 Norðurslóðasókn - Ísland og tækifærin - Heiðar Guðjónsson
HJÁLPARSTARF „Vandinn hérna er
yfirþyrmandi,“ segir Þórir Guð-
mundsson, sviðstjóri hjá Rauða
krossinum, sem nú er staddur í
Líbanon, þar sem allt að ein og
hálf milljón flóttamanna frá Sýr-
landi hefur hreiðrað um sig.
Fjöldinn er slíkur að nærri
þriðja hvert mannsbarn í landinu
er nýlega komið þangað frá Sýr-
landi.
„Samfélagið er að springa og
þetta skapar mikla spennu og
streitu, jafnvel þó Líbanar taki
mjög vel við Sýrlendingum. Í
mörgum tilfellum býr fólk inni á
fjölskyldum og sumir hafa fengið
inni í skólum og öðrum opinberum
byggingum. Svo er fólk í tjöldum
og einhverjum kofaskriflum, en
margir hafa ekki annað en ein-
hvern plastdúk yfir höfuðið til að
skýla sér.“
Erindi Þóris til Líbanons er að
skoða og fylgjast með starfsemi
færanlegra læknastöðva, sem
líbanski Rauði krossinn starf-
rækir þar fyrir fé frá íslenska
Rauða krossinum.
Þórir kom í gærmorgun til
þorps í norðanverðu landinu,
skammt frá sýrlensku landa-
mærunum, og hitti þar meðal
annars sextuga konu, Soad að
nafni. Hún komst við illan leik til
Líbanons frá Sýrlandi, þar sem
ráðist var á þorp hennar um miðja
nótt.
Soad hefur eignast ellefu börn
um ævina. Tvö þeirra eru í Tyrk-
landi, eitt í Sádi-Arabíu, en sjö
eru hjá henni í Líbanon ásamt
nokkrum barnabörnum. Hún er
meðal þeirra sem hafa fengið
inni í skóla. Þar hírist hún og fjöl-
skylda hennar í tveimur litlum
skólastofum, sem þau deila með
tveimur öðrum fjölskyldum.
Soad ber sig býsna vel miðað
við aðstæður, en Þórir segist hafa
spurt hana hvað hún hefði að gera
á daginn.
„Hún glotti og sagði: Það er
ekkert að gera. Þau elda mat og
það er borðað. Þau þvo þvott og
svo er bara ekkert annað að gera.
Hreyfingin felst í því að þau labba
um þorpið.“ gudsteinn@frettabladid.is
Koma með læknana
til flóttafólksins
Þórir Guðmundsson er staddur í Líbanon að skoða starfsemi færanlegra lækna-
stöðva, sem íslenski Rauði krossinn hefur fjármagnað síðan í ágúst. Þórir hitti
þar sextuga konu sem hírist ásamt sjö börnum sínum og tveimur öðrum fjöl-
skyldum í tveimur litlum skólastofum.
SOAD OG BARNABÖRNIN Soad komst við illan leik til Líbanons frá Sýrlandi eftir að ráðist var á þorpið hennar um miðja nótt.
FRÉTTABLAÐIÐ/VILHELM
© GRAPHIC NEWSHeimild: UNHCR
Egyptaland
127.000
Norður-
Afríka
14.000
Írak
193.000
Tyrkland
495.000
Líbanon
763.000
Jórdanía
525.000
Sýrland
Allt að
6,8 milljónir
manna líklega
á vergangi innan
landamæranna
Sádi-
Arabía
S ý r l a n d
Ísrael
Kýpur
300km
Flótta-
mannabúðir
Damaskus
Alls hafa meira en sex milljónir
manna hrakist að heiman, eða nærri
þriðjungur sýrlensku þjóðarinnar.
Flóttafólk frá Sýrlandi➜ Samfélagið er að springa
og þetta skapar mikla
spennu og streitu
STÓRIÐJA Stóriðjufyrirtæki
í landinu þurfa samkvæmt
fjárlagafrumvarpi ríkisstjórn-
arinnar að greiða um 1,7
milljarða króna í skatt vegna
raforkukaupa á næsta ári.
Raforkuskatturinn var
upphaflega lagður á með
lögum árið 2009 og átti
þá að vera til
þriggja ára.
Hann var
síðan
fram-
lengdur árið 2012 og samkvæmt nýja fjárlagafrum-
varpinu ætlar ríkisstjórnin að láta þá framlengingu
standa til ársins 2015.
„Í yfirlýsingum fyrir kosningar gáfu nú verandi
stjórnarflokkar skýrt til kynna að þeir myndu afnema
þessa skattheimtu. Við treystum því að það verði
gert,“ segir Pétur Blöndal, framkvæmdastjóri Samál,
samtaka álframleiðenda, sem hafa gagnrýnt raforku-
skattinn frá árinu 2012.
Jón Gunnarsson, alþingismaður og formaður
atvinnuveganefndar Alþingis, líkir raforku skattinum
við veiðigjöld í sjávarútvegi.
„Í sjávarútveginum er almennur skilningur sá
að það sé eðlilegt að greinin greiði aukalega inn
í ríkis búskapinn þegar rekstrarskilyrði eru góð.
Rekstrar umhverfi stóriðjufyrirtækjanna hefur að
mörgu leyti lagast við þá gengisfellingu sem varð
hér eftir hrun, þó staðan á álmörkuðum sé erfiðari
en hún var. Við þessar erfiðu
aðstæður þurfum við að
beita ýtrustu ráðum til
að loka fjárlagagatinu
og raforkuskatturinn er
ein af þeim leiðum.“ - hg
Álframleiðendur treysta því að stjórnvöld afnemi skatt vegna raforkukaupa:
Greiða tvo milljarða í raforkuskatt
PÉTUR BLÖNDAL
Framkvæmdastjóri Samáls