Fréttablaðið - 22.10.2013, Blaðsíða 12

22. október 2013 ÞRIÐJUDAGUR| FRÉTTIR | 12
FRAKKLAND Franska dagblaðið Le
Monde skýrði frá því að bandaríska
Þjóðaröryggisstofnunin, NSA, hefði
safnað saman gögnum um meira
en sjötíu milljónir símtala í Frakk-
landi á mánaðar tímabili um og
eftir síðustu áramót.
Laurent Fabius, utanríkisráð-
herra Frakklands, brást snögglega
við og kallaði í gær bandaríska
sendiherrann í Frakklandi á sinn
fund vegna meintra njósna. Fabius
krefst útskýringa á þessum aðgerð-
um sem hann segir „gjörsamlega
óásættanlegar“.
Frétt Le Monde byggir á gögn-
um frá uppljóstraranum Edward
Snowden. Þar kemur fram að þegar
hringt var úr ákveðnum númerum
geymdust gögn um þau sjálfkrafa.
Þá geymdi kerfið líka textaskilaboð
sem innihéldu ákveðin lykilorð.
Njósnaaðgerðir bandarískra
stofnana hafa víða valdið miklu
uppnámi, meðal annars í löndum
á borð við Bretland, Þýskaland og
nú Frakkland þar sem Bandaríkin
hafa orðið uppvís að slíku.
Þýsk stjórnvöld hafa meðal ann-
ars brugðist við með því að fella úr
gildi samning frá kaldastríðsárun-
um, sem veitti Bretum og Banda-
ríkjunum heimild til þess að krefja
þýska embættismenn um aðstoð við
eftirlit innan Þýskalands í þeim til-
gangi að vernda breska og banda-
ríska hermenn þar.
„Ég skil vel reiðina í Frakk-
landi,“ sagði Guido Westerwelle,
utanríkisráðherra Þýskalands, í
gær. „Svona nokkuð er ekki gert
á milli vina. Þess vegna er mikil-
vægt að allt komi í ljós um það sem
gerst hefur.“
Stjórnvöld í Brasilíu og Mexíkó
hafa, auk fleiri ríkja í Suður- og
Mið-Ameríku, einnig gert alvar-
legar athugasemdir við framferði
Bandaríkjanna.
Í báðum þessum löndum kom í
ljós að Bandaríkin höfðu hlerað
samskipti forseta landanna. Forseti
Brasilíu brást við með því að hætta
við opinbera heimsókn til Banda-
ríkjanna, auk þess sem hann átaldi
Bandaríkin úr ræðustól á allsherj-
arþingi Sameinuðu þjóðanna.
Þá hefur Mexíkóstjórn krafist
rannsóknar á hlerunum Banda-
ríkjanna í forsetahöllinni í Mexíkó:
„Í samskiptum nágranna og sam-
starfsríkja er ekkert pláss fyrir
athæfi af því tagi sem sagt er að
hafi átt sér stað,“ segir í yfirlýsingu
frá Mexíkóforseta á sunnudaginn.
„Við erum byrjuð að endurskoða
það hvernig við söfnum upplýsing-
um, þannig að við getum gætt jafn-
vægis milli réttmætra áhyggna
borgara okkar og bandamanna
okkar af öryggismálum og pers-
ónuverndarhagsmunum allra,“
segir Caithlin Hayden, talsmaður
Þjóðaröryggisráðs Bandaríkjanna
í Hvíta húsinu. Hún stendur engu
að síður fast á því að upplýsing-
arnar, sem Bandaríkin safni frá
öðrum löndum, séu af sama toga
og þær upplýsingar sem „öll önnur
lönd safna“.
gudsteinn@frettabladid.is
Frökkum ofbýður
hleranagleði NSA
Utanríkisráðherra Frakklands krefst skýringa á athæfi bandarískra leyniþjónustu-
manna, sem söfnuðu upplýsingum um 70 milljón símtöl í Frakklandi á einum mán-
uði. Mexíkóstjórn mótmælir einnig hlerunum í forsetahöll landsins á síðasta ári.
KEMUR AF FUNDI Charles H. Rivkin, sendiherra Bandaríkjanna í Frakklandi, að loknum fundi með Laurent Fabius utanríkis-
ráðherra. FRÉTTABLAÐIÐ/AP
Rússneska leyniþjónustan FSB hyggst efla eftirlit sitt með netnotkun
landsmanna og krefja netþjónustufyrirtæki um tæknilega aðstoð.
Þetta kemur fram á vefsíðu rússneska dagblaðsins Kommersant, en
þýska vikuritið Der Spiegel skýrir frá þessu á vef sínum.
Fyrirtækið Vimpelcom, sem er ein stærsta netveita Rússlands, telur
þessar fyrirhuguðu njósnir brjóta í bága við rússnesku stjórnarskrána.
Vestræn netþjónustufyrirtæki á bak við Skype og Google Mail munu
einnig þurfa að hlíta stjórnvaldsskipunum í þessu efni.
Að sögn Spiegel verður leyniþjónustunni heimilt að vista í allt að tólf
klukkustundir gögn um alla notkun internetsins í Rússlandi. Til þess að
gera þetta kleift verður netþjónustufyrirtækjum gert skylt að tengja net
sín við sérstakan búnað, sem stjórnað verður af leyniþjónustumönnum.
Með þessu er gengið mun lengra en bandaríska leyniþjónustan gerir,
því hún hefur látið sér nægja að safna gögnum um samskipti fólks á
netinu.
Rússar ætla að vakta alla netnotkun
HÖFUÐSTÖÐVAR FSB Í MOSKVU
TÆKNI Vodafone býður nú neyt-
endum app að kostnaðarlausu
sem gerir foreldrum kleift að
setja snjallsímanotkun barna
sinna sanngjörn mörk. Með app-
inu er meðal annars hægt að skil-
greina hverjir geta hringt í barn-
ið, hvert barnið getur hringt og
hvenær kveikt er á tiltekinni
virkni snjallsímans. Appið, Voda-
fone Guardian, er aðgengilegt
öllum sem nota Android-snjall-
síma, óháð því hvaða símafyrir-
tæki þeir skipta við.
„Þetta er liður í stærra
verkefni sem við erum
með í gangi en það snýst
um að vekja fólk til
umhugsunar um notk-
un barna á snjalltækjum
og tölvum og hvaða raf-
rænu spor eða ímynd þau
eru að búa sér til. Netið
gleymir aldrei. Mynd sem
tekin er nú gæti átt eftir
að elta þau í atvinnuvið-
tal í framtíðinni,“ segir
Hrannar Pétursson,
framkvæmdastjóri sam-
skiptasviðs Vodafone.
Auk appsins hefur
Vodafone gefið út tíma-
rit um stafrænt uppeldi
í samstarfi við samtökin
Heimili og skóli og SAFT,
Samfélag, fjölskylda og
tækni. Markmiðið er að
fræða uppalendur á öllum
aldri um möguleikana
sem eru í boði og veita
góð ráð.
- ibs
Vodafone hvetur til umræðu um stafrænt uppeldi og gefur út ókeypis app:
Stýrir snjallsímanotkun barna
HRANNAR
PÉTURSSON
framkvæmdastjóri
samskiptasviðs
Vodafone.
staðir á Benidorm
Viðskiptatækifæri á www.kontakt.is
2 SUBWAY
Kontakt hefur verið falið að annast milligöngu um sölu tveggja
veitingastaða á Benidorm, en eigandinn er að snúa sér að
öðrum verkefnum.
Staðirnir eru báðir á besta stað á eða við aðalströndina.
Reksturinn hefur gengið vel, samanlögð velta beggja staðanna
er nálægt 100 mkr. og EBITDA hlutfall síðustu tveggja ára um 25%.
Miklir möguleikar fyrir duglega aðila að opna enn fleiri staði á
svæðinu. Greiða má kaupverð að hluta í íslenskum krónum.
H
a
u
ku
r
1
0
.1
3
Nánari upplýsingar: gunnar@kontakt.is og í síma 414 1200.
Skráning og nánari upplýsingar: Sími 514 9602
www.tskoli.is/uppbygging_tolvunnar | endurmenntun@tskoli.is
www.tskoli.is
Námskeið fyrir þá sem vilja læra á og þekkja
grunnuppbyggingu tölvunnar.
Þátttakendur læra að finna grunnorsakir bilana og lausnir
í tölvunni. Að auki kynnast þeir virkni helstu eininga og
algengasta inntaks- og úttaksbúnaðar, meginhlutverki
örgjörva og minnis, mismunandi geymslumiðlum og helstu
nýjungum, meginhlutverki stýrikerfis, helstu tengjum
(s.s. USB, FireWire), ræsiferli tölvunnar, mismunandi
hugbúnaði fyrir ólík verkefni, skipulagðri skjalastjórnun
á diski, tvíunda- og sextándutalnakerfum og hverju það
breytir ef tölvan fer í símann.
Ekki er nauðsynlegt að búa yfir mikilli þjálfun eða leikni
á tölvu til þess að geta nýtt sér námskeiðið.
Tími: 29. október – 6. nóvember
Uppbygging tölvunnar
og nýjungar
Save the Children á Íslandi