Fréttablaðið - 22.10.2013, Blaðsíða 16
22. október 2013 ÞRIÐJUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is HELGAREFNI: Kjartan Guðmundsson kjartan@frettabladid.is MENNING: Friðrika Benónýsdóttir fridrikab@frettabladid.is DÆGURMÁL: Sara McMahon sara@frettabladid.is
VÍSIR: Kristján Hjálmarsson, kristjan@visir.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Um þarsíðustu helgi var haldið Fjórð-
ungsþing Vestfirðinga í Trékyllisvík á
Ströndum. Þar var samþykkt ályktun um
að harma þá ákvörðun ríkisstjórnarinnar
að slá aðildarviðræðum við Evrópusam-
bandið á frest. Þingið skoraði á ríkis-
stjórnina að klára viðræðurnar og bera
samning undir þjóðaratkvæðagreiðslu.
Gríðarleg vinna hafi verið lögð í undir-
búning verkefna sem miða að því að bæta
samkeppnishæfni svæða, en eru nú í upp-
námi vegna óvissu um áframhald IPA-
verkefna.
„Byggðastefna ESB miðar að því að
aðstoða hvert svæði við að nýta getu sína
til fullnustu með því að bæta samkeppnis-
hæfni og efla atvinnulíf,“ segir í ályktun-
inni. „Það er gert með verulegu fjármagni
og aðferðafræði sem gæti nýst okkur
Íslendingum afar vel.“
Á Vestfjörðum hefur undanfarin ár
verið lögð mikil vinna í að skilgreina leiðir
til að byggja upp atvinnulíf og treysta
byggð. Grunnurinn sem heimamenn vilja
byggja á er hreinleiki svæðisins, ósnortin
náttúra og vitund um mikilvægi umhverf-
isverndar. Í slíku felast sóknarfæri í ferða-
þjónustu, landbúnaði og sjávarútvegi.
En veruleikinn er erfiður. Of háir vextir
og lélegur aðgangur að fé til uppbygging-
ar. Aðild að ESB myndi leysa þann vanda
fyrir Vestfirðinga, eins og aðra í hinum
dreifðu byggðum.
Og án aðgangs að erlendum mörkuðum
mun störfum tæpast fjölga í landbúnaði.
Landbúnaðurinn hefur gríðarlega vaxtar-
möguleika, en þarf að losna úr álögum ein-
angrunar og fákeppni í afurðaþróun. Aðild
að ESB myndi skapa okkur ný tækifæri til
að fjölga störfum í landbúnaði.
Skilaboðin úr Trékyllisvík eru skýr:
Hagsmunir landsbyggðanna felast í því að
lokið verði við samninga um aðild að ESB.
Spurningin er hvort ríkisstjórnin hlusti.
Hún hefur nú þegar orðið sér til minnkun-
ar með því að telja sig vita betur hverjir
eru hagsmunir verkalýðshreyfingar og
atvinnulífs en Alþýðusambandið, Samtök
atvinnulífsins og Viðskiptaráð. Ætlar hún
núna að segja okkur að hún þekki betur
hagsmuni landsbyggðanna en fundur Vest-
firðinga í Trékyllisvík?
Skilaboðin úr Trékyllisvík
EVRÓPUMÁL
Árni Páll
Árnason
formaður Sam-
fylkingarinnar
➜ Spurningin er hvort ríkisstjórn-
in hlusti. Hún hefur nú þegar orðið
sér til minnkunar með því að telja
sig vita betur hverjir séu hagsmunir
verkalýðshreyfi ngar og atvinnulífs.
Nýjustu fréttir
Kæru Íslendingar, í fréttum er þetta
helst: Ómar Ragnarsson var hand-
tekinn í gær. Já, sá Ómar Ragnars-
son. Gleðigjafinn gamalkunni
sem hver Íslendingur yfir tíu ára
aldri þekkir. Algjörlega óháð þeim
aðstæðum þegar þetta átti sér stað
og á hverju gekk í aðdraganda hand-
tökunnar skýtur þetta verulega
skökku við.
Þjóðin sem handtók Ómar
Maður veltir líka fyrir sér hvað
flogið hefur um hugskot
lögregluþjónanna
sem leiddu Ómar
Ragnarsson, í
járnum, inn í
lögreglubíl og
lokuðu á eftir.
Verður maður ekki þá að íhuga hvort
maður sé staddur réttum megin í
tilverunni? Svo vitnað sé í Facebook-
status Braga Valdimars Skúlasonar,
Baggalúts með meiru: „Ég nenni
ekki að vera með í þjóð sem hand-
tekur Ómar Ragnarsson.“ Hverjum
verður næst fleygt í grjótið? Ragga
Bjarna?
Grínast með Besta
Niðurstöður nýrrar skoð-
anakönnunar á fylgi
flokkanna í borgarstjórn
í Reykjavík leiða í ljós að
Besti flokkurinn bætir
við sig. Það yrði
mikið reiðarslag
fyrir gömlu
flokkana
ef þetta
yrði raunin, þar með talið Sam-
fylkinguna sem myndar meirihluta
með Besta. En það er sem betur fer
ekkert að óttast ef marka má Pál
Vilhjálmsson. Á bloggi sínu segir
Páll að þessi skoðanakönnun sýni
skopskyn Reykvíkinga sem svari
skoðanakönnunum í gríni. „Vitanlega
dett[i] ekki nokkrum lifandi manni
í hug að kjósa Jón Gnarr“ nema
vinum og fjölskyldu frambjóðenda.
Reykvíkingar eru ekki bara ótrúlega
fyndnir heldur líka þrautseigir, því
þeir hafa nú í um það bil hálft ár
látið eins og um og yfir þriðjungur
þeirra ætli að kjósa Besta.
thorgils@frettabladid.is
Ólafur Þ.
Stephensen
olafur@frettabladid.is
H
vers konar ríki er það sem handtekur Ómar Ragnars-
son? var spurt víða á samfélagsmiðlum í gær, eftir að
þessi ástmögur þjóðarinnar var tekinn höndum þar
sem hann sat ásamt fleirum í vegi vinnuvéla í Gálga-
hrauni. Svo fylgdu gjarnan athugasemdir um lög-
regluríki, offors og yfirgang lögreglunnar og fleira af því tagi.
Svarið við spurningunni er samt allt annað. Ríkið sem handtek-
ur Ómar Ragnarsson er ríkið sem fer ekki í manngreinarálit við
framkvæmd laganna. Ómar og félagar stöðvuðu löglegar fram-
kvæmdir, sem öll tilskilin leyfi
eru fyrir frá til þess bærum yfir-
völdum. Lögreglan var að vinna
vinnuna sína og ekki verður
séð af myndum af atburðunum
að hún hafi beitt meira valdi en
nauðsynlegt var til að fjarlægja
fólkið og leyfa framkvæmdunum
að halda áfram. Þótt mótmælin
hafi verið friðsamleg var lögreglan í fullum rétti að stöðva þau.
Við höfum tiltekið kerfi stofnana og eftirlitsaðila til að meta
hvort framkvæmdir eins og við nýja Álftanesveginn standist
lög og reglur. Framkvæmdin fór í gegnum skipulagsferli og
þrátt fyrir kærur hafa bæði umhverfismat og framkvæmdaleyfi
verið úrskurðuð gild. Í því felst það mat viðkomandi stofnana að
almannahagsmunir af veginum séu það miklir að þeir réttlæti
þau náttúruspjöll sem hann kann að hafa í för með sér.
Andstæðingar vegarins vísa til þess að kærumál vegna hans
séu fyrir dómi. Vegagerðin bendir hins vegar réttilega á að séu
öll tilskilin leyfi fengin, sé meginreglan í íslenzkum rétti sú að
málarekstur fresti ekki framkvæmdum. Flestar framkvæmdir
eru umdeildar og það er líka rétt hjá Vegagerðinni að lítið væri
framkvæmt ef alltaf væri hægt að fresta þeim með kærumálum.
Lögreglulögin eru skýr um að fólki ber að fara að fyrirmælum
lögreglu. Þá sem ekki gera það má handtaka. Þetta vissu andstæð-
ingar Álftanesvegarins að sjálfsögðu. Þeir beittu þeirri pólitísku
baráttuaðferð sem kölluð er borgaraleg óhlýðni og á sér langa
hefð, fremur þó í nágrannalöndunum en hér á Íslandi. Í Bret-
landi eru mótmæli við vegaframkvæmdum í dreifbýli til dæmis
algeng og heldri borgarar standa gjarnan í vegi fyrir jarðýtunum
í Barbour-jökkunum sínum og stígvélunum, vitandi vits að þeir
verði handteknir. Enda er óhlýðnin fremur pólitísk yfirlýsing en
að fólki detti í alvörunni í hug að það geti stöðvað vinnuvélarnar.
Á endanum snýst deilan um vegarlagninguna í Gálgahrauni
nefnilega um pólitík fremur en lögfræði. Meirihluti bæjar-
stjórnarinnar í Garðabæ hefur ákveðið að keyra málið áfram,
þrátt fyrir mótmælin. Það er pólitísk ákvörðun. Í ljósi þess að lítil
þörf virðist vera á nýja veginum miðað við umferð og slysatíðni
og umhverfisspjöllin af hans völdum eru veruleg og óafturkræf,
kann það að vera misráðin pólitík að bíða ekki niðurstöðu í dóms-
málunum sem nú eru rekin.
Ef það er svo niðurstaða kjósenda í Garðabæ að bæjarstjórnar-
meirihlutinn hafi farið fram með offorsi, henda þeir honum
væntanlega út í bæjarstjórnarkosningunum næsta vor. Það væri
raunar árangursríkari friðsamleg aðgerð en að reyna að stöðva
löglegar framkvæmdir með þaulsetu í hrauninu.
Suðurlandsbraut 20, Reykjavík | Sími 588 0200 | www.eirvik.is
Miele ryksugur
Ástmögur þjóðarinnar handtekinn fyrir óhlýðni:
Pólitík í
Gálgahrauni