Fréttablaðið - 30.10.2013, Page 31

365 MIÐLAR | Ábyrgðarmaður: Jón Laufdal | Hönnun: Jónas Unnarsson
NBA deildin í körfubolta hófst í gær þriðjudag þegar þrír leikir
fóru fram. Stórleikur gærdagsins var leikur Chicago Bulls og nú-
verandi meistara Miami Heat á heimavelli þeirra síðarnefndu. Þar
mættust tvö af sigurstranglegustu liðum deildarinnar auk þess
sem Derrick Rose, besti leikmaður Bulls, sneri til baka eftir eins
og hálfs árs fjarveru vegna alvarlegra hnémeiðsla. Lið Miami
Heat hefur unnið NBA deildina síðustu tvö ár og lið Chigaco Bulls
með heilbrigðan Rose innanborðs ætlar sér stóra hluti í vetur. Í
æfi ngarleikjum haustsins hefur Rose sýnt að hann er kominn í
gott form og hefur hann sýnt gamalkunna takta. Kjarni meistara
Miami Heat verður sá sami og í fyrra en liðið hefur bætt nokkrum
leikmönnum í hópinn. Greg Oden er mættur til leiks eftir nær
fjögurra ára fjarveru vegna alvarlegra hnémeiðsla. Nái hann sér á
strik, auk vandræðapésans Michael Beasley sem gekk til liðs við
Miami í haust, verður bekkur meistaranna sterkur í vetur.
Utan Miami og Chicago búast spekingar við góðu gengi San
Antonio Spurs, Los Angeles Clippers, Oklahoma City Thunder og
Golden State Warriors. Gömlu stórveldunum Boston Celtics og
Los Angeles Lakers er hins vegar spáð erfi ðum vetri.
NBA DEILDIN
KOMIN Í GANG
Stórstjörnurnar Derrick Rose og LeBron James mættust í gær. MYND/AFP
Á FULLU GAZI
Hefst þriðjudaginn 26. nóvember kl. 20.05
Mikill hasar og skemmtilegheit einkenna nýjan bílaþátt sem verður frum-
sýndur í lok nóvember á Stöð 2 og ber heitið Á fullu gazi. Þátturinn er þó ekki
hefðbundinn bílaþáttur heldur verður meiri áhersla lögð á lifandi og skemmti-
lega umfjöllun í bland við fjörugar uppákomur. Umsjónarmenn þáttarins
eru Sigríður Elva Vilhjálmsdóttir, fréttakona á Stöð 2, og Finnur Thorlacius,
blaðamaður hjá Fréttablaðinu, visir.is og Stöð 2. Finnur segir áhorfendur
Stöðvar 2 mega eiga vona á eintómri gleði um flest allt er viðkemur bílum.
„Við munum bjóða upp á skemmtilega þáttaröð og við getum lofað miklu fjöri
um flest allt er viðkemur bílum. Efni þáttanna er í grófum dráttum þrískipt;
við fáum sextán þjóðþekkta einstaklinga til að keppa í rallíkrossi, við Sigga
fáum sitt hvorn sendiferðabílinn sem við reynum að breyta í draumabíl með
aðstoð góðra manna og að lokum þá munum við heimsækja þjóðþekkta og
minna þekkta einstaklinga sem eru miklir bílaáhugamenn.“
Grimmileg barátta
Finnur og Sigríður fá sextán þjóðþekkta einstaklinga til að keppa í tveggja
manna liðum í rallíkrossi á rallíkrossbrautinni í Kapelluhrauni í nágrenni
Hafnarfjarðar. „Kynjahlutföllin voru jöfn, einn karl og ein kona í hverju liði.
Liðin háðu grimmilega baráttu sín á milli og að lokum stóð eitt liðið uppi sem
sigurvegari. Það var virkilega gaman að sjá hasarinn, lætin og keppnisskapið
í keppendum. Margir keppendur sýndu á sér nýjar hliðar og góða takta sem
áhorfendur munu hafa gaman af.“
Annar hluti þáttanna gengur út á skemmtilegt verkefni sem Sigríður og
Finnur fá. „Við fengum það krefjandi verkefni að breyta gömlum sendiferða-
bílum í draumabíl fyrir ferðalagið. Ein helgi fór í verkefnið og fengum við
aðstoð mikilla snillinga hvors á sínu verkstæðinu. Það mun koma áhorfend-
um á óvart hversu mikið er hægt að breyta einum bíl yfir helgi.“ Tveir dóm-
arar sáu um að dæma afraksturinn, Sigga Heimis iðnhönnuður og Völli Snær
matreiðslumaður, en Sigga og Finnur þurftu að elda fyrir Völla Snæ og heilla
hann upp úr skónum.
Bílaáhugamenn heimsóttir
Síðast en ekki síst munu Finnur og Sigríður heimsækja þjóðþekkta og minna
þekkta bílaáhugamenn. „Þetta eru margir hverjir þekktir bílaáhugamenn
en það var ekki síður gaman að hitta þá sem eru minna þekktir. Flestir eiga
spennandi bíla sem gaman er að skoða og sumir jafnvel marga bíla.“
Finnur hefur í mörg ár fjallað um bifreiðar og allt sem þeim viðkemur í
íslenskum fjölmiðlum. Sigríður hefur hingað til verið þekktust sem liðsmaður
Íslands í dag á Stöð 2. „Við myndum í sameiningu skemmtilegt teymi. Sigga
er tækjabrjáluð og sérstaklega í öll tæki sem hreyfast. Svo er hún með flug-
próf og það skín svo sannarlega í gegn hvað hún pælir mikið í græjum.“
Arsenal og Liverpool mætast í ensku úrvalsdeildinni á laugardag.
Þetta er einn af stórleikjum vetrarins, enda eru þessi fornfrægu
stórlið að berjast um toppsætið í deildinni. Leikurinn verður sýndur
í beinni útsendingu á Stöð 2 Sport 2.
Arsenal trónir á toppi ensku úrvalsdeildarinnar eftir níu umferð-
ir með 22 stig. Liðið hefur ekki tapað leik í deildinni síðan það
steinlá í fyrstu umferðinni gegn Aston Villa. Síðan þá hefur liðið
spilað frábæran fótbolta og margir spá því meistaratitlinum þegar
upp er staðið næsta vor.
Liverpool hefur einnig spilað vel í vetur og getur náð toppsæt-
inu með sigri í leiknum. Félagið er með 20 stig og er ásamt Chelsea
í 2.-3. sæti deildarinnar. Markahrókurinn Luis Suarez er kominn
aftur eftir að hafa hafið tímabilið í leikbanni og hann var óstöðv-
andi gegn West Bromwich Albion um síðustu helgi. Aðdáendur
Liverpool virðast vera búnir að fyrirgefa Suarez eftir að hann
reyndi að komast í burt frá félaginu í sumar. Arsene Wenger, stjóri
Arsenal, freistaði þess að kaupa Suarez en sá taldi sig hafa rétt á
að yfirgefa Liverpool ef eitthvert annað félag væri tilbúið að borga
meira en 40 milljónir punda. Arsenal reyndi að láta á það reyna en
forráðamenn Liverpool þvertóku fyrir að selja kappann. Í staðinn
eyddi Arsenal nánast sömu upphæð í Þjóðverjann Mesut Özil frá
Real Madrid sem hefur verið lykilmaður í velgengni liðsins það
sem af er tímabilsins.
„Ég held að leikur Arsenal og Liverpool hafi ekki verið jafn
spennandi í mörg ár. Liverpool eru með heitasta framherjapar
heims í þeim Sturridge og Suarez. En Arsenal-liðið er stútfullt lið af
léttleikandi miðjumönnum eins og Özil, Wilshere, Cazorla og auð-
vitað Ramsey sem er sjóðheitur um þessar mundir,“ sagði Hjörvar
Hafliðason dagskrárstjóri Stöðvar 2 Sport aðspurður um leikinn.
TOPPSLAGURINN
Í ENSKA BOLTANUM
UM HELGINA
Mikið mun mæða á Mesut Özil og Luis Suarez um helgina.