Fréttablaðið - 02.11.2013, Page 20

2. nóvember 2013 LAUGARDAGUR| SKOÐUN | 20
„Við einfaldlega búum ekki
við það landslag eins og
Björgvin Halldórsson og aðrir
tónlistamenn að bjóða upp á
aukasýningu.“
Þórir Hákonarson, framkvæmdastjóri KSÍ,
um miðasölu á landsleik Íslands og Króatíu
í knattspyrnu.
„Og satt að segja var ég nú
á þeim túnbleðli að ég var
víðsfjarri því að hægt sé að
segja að Ísland hafi verið
upp í rassgarnarenda
þessara stofnana
Bandaríkjanna.
Össur Skarphéðinsson, fv. utanríkisráðherra,
um hleranir Þjóðaröryggisstofnunar
Bandaríkjanna.
„Ef ég ætlaði að
endurtaka þetta yrði ég að
verða stjórnmálamaður sem
ég er ekki. Ég er einfaldlega
ekki stjórnmálamaður
– ég er grínisti.“
Jón Gnarr, borgarstjóri Reykjavíkur, tilkynnti
að hann ætlaði ekki fram í næstu borgar-
stjórnarkosningum.
Á einum degi breyttust
stjórnmálin í höfuðborg-
inni. Stórt óvissugap tók
við þar sem áður stóð
skrifað að Besti flokkurinn
undir forystu Jóns Gnarr
stæði sterkastur allra.
Enginn augljós kraftur
fyllir þetta tóm sjálfkrafa.
Nú er veður til að skapa.
Skylda félagshyggjuafla
Með því að sameinast um
framboð í borginni munu
VG, Samfylking og Björt fram-
tíð brjóta af sér tilvistarkreppuna
sem kjósendur skópu þeim í alþing-
iskosningunum í vor. Verði inntakið
rétt. Framboð um bætt lýðræði,
umhverfi, jafnrétti og batnandi
borg á mikla möguleika í vor. Sé
það ekki byggt á niðurnjörvuðum
hugmyndum um „flokkasamstarf“
heldur einlægum vilja til að bjóða
borgarbúum öllum (sem upp til
hópa eru ekki í stjórnmálaflokki)
til uppbyggilegrar samræðu og
samráðs um hvert beri að stefna.
Og skapa til þess tæki sem dugar
út næsta kjörtímabil og áfram.
Nú hafa félagshyggjuflokkarnir
tækifæri til að læra af útreiðinni
í síðustu borgarstjórnarkosning-
um og aftur í vor leið þegar þeim
var hafnað í alþingiskosningum.
Umbreyta sjálfum sér og endur-
heimta traust og umboð til
góðra verka.
Ef ekki núna – þá hvenær?
Ég horfði á „kappræður“
forystumanna kvöldið fyrir
kosningar í vor. Kata Jak,
Árni Páll, Gummi Stein-
gríms. Hvers vegna keppir
þetta fólk hvert við annað
þegar svo margt sameinar
þau? Bætum við Lýðræðis-
vaktinni, Dögun og Pírötum
auk nokkurra í viðbót og við
höfum breiða fylkingu samfélags-
lega þenkjandi fólks sem í póli-
tísku eðli sínu er hugsjónafólk fyrir
almannahagsmunum, jafnræði og
frjálslyndu samfélagi sem byggir á
jöfnuði. Ólíkt fólk, vissulega. Já, en,
þúsundir atkvæða falla dauð, fleiri
en nokkru sinni fyrr vegna þess að
hin ýmsu framborðsform eru yfir-
sterkari inntakinu. Þetta er móðgun
við allt félagslega þenkjandi fólk. Nú
bíður borgin eftir breyttu mynstri.
Reykjavíkurlisti – Regnbogalisti?
Í vor verða 20 ár frá því ég tók
þátt í að skapa Reykjavíkurlista,
ásamt hundruðum manna innan
fjögurra flokka og utan. Sögulegur
sigur fór í hönd og þrjú kjörtíma-
bil sem breyttu borginni. Tveim-
ur árum eftir sigur Reykjavíkur-
listans bauð kjarni þess hóps fram
sundraður í alþingiskosningum og
beið afhroð sem er svipað því sem
álíka öfl fengu í vor leið. Endalaus
ríkisstjórn Framsóknar og íhalds
tók við. Er ekki lærdómur í þessu
fólginn? Erum við dæmd til að end-
urtaka stöðugt sömu mistökin og
einkenndu nánast alla tuttugustu
öldina á þeirri tuttugustu og fyrstu?
Regnbogalistinn bíður þess að verða
borinn fram í vor.
Hvernig?
Ég vil ekki eyðileggja hugmyndina
með því að útfæra hana. Segi aðeins
að þessir þrír flokkar eigi að ákveða
framboð og bjóða fleirum með sér
að því frágengnu. Breiða út faðm,
brosa og boða nýja tíð. Laða fram
það besta í öllum og sýna örlæti við
hvert annað. Samkvæmt nýjustu
skoðanakönnun á landsvísu hafa
Samfylking, VG, BF og Píratar sam-
tals um 50% fylgi. Ég mæli af tals-
verðri reynslu þegar ég fullyrði að
þessu sé hægt að breyta í 55-60%
fylgi í borgarstjórnarkosningum.
Ekki með því að leggja saman
rýran höfuðstól hvers og eins held-
ur með því að skapa nýja heild sem
er stærri en summan af pörtunum.
Af því að það er það sem fólkið vill.
Regnbogalisti í vor
Í nýframlögðu frumvarpi
til fjárlaga kemur fram að
ríkisstjórnin hefur ákveðið
að fella niður fjárfestingar-
áætlun í skapandi greinum,
sem komið var á fót á síðasta
ári, einkum í formi smærri
sjóða. Tónlistarsjóður
mennta- og menningarmála-
ráðuneytis var og færður til
móts við verðlagshækkanir
úr 43 milljónum í 86 millj-
ónir. Þá var komið á fót afar
mikilvægum, en hófstilltum
20 milljóna króna útflutningssjóði.
Þessar aukningar hafa verið teknar
af dagskrá.
Aftur til fortíðar?
Þetta er miður í ljósi þess árang-
urs sem náðst hefur í útflutningi
íslenskrar tónlistar á síðustu árum
en nú stefnir í liðlega 100% aukn-
ingu á tónleikahaldi íslenskra tón-
listarmanna á erlendri grundu milli
áranna 2012 og 2013. Alls voru 720
tónleikar haldnir árið 2012 en eru
nú komnir yfir 1024 tónleika það
sem af er árinu 2013. Þetta er mikill
vöxtur. Vaxtarbrodds íslenskrar
tónlistar er helst að vænta að utan,
þar sem innanlandsmarkaður er
einfaldlega of lítill.
Þess utan skapar allur þessi
útflutningur tónlistar afleiddan
arð í formi kynningar á landinu
til ferðamennsku og upp-
lifunar.
Heildarframlag ríkis-
ins til útflutnings tónlist-
ar nemur í dag aðeins um
40 milljónum króna sem
er mjög lág tala miðað við
aðrar atvinnugreinar. Að
óbreyttu mundi sú upp-
hæð lækka um helming
sem væri afar dapurleg
lokaniðurstaða.
ÚTÓN vinnur að
útflutningi á íslenskri tón-
list og styrkingu íslenskra tónlistar-
hátíða og á IA sem annast rekstur
Iceland Airwaves-tónlistarhátíðar-
innar sem veltir rúmum milljarði í
hagkerfinu á innan við viku í byrjun
nóvember á ári hverju.
Efling annarra tónlistarhátíða
á Íslandi, m.a. til markaðssóknar á
mið erlends tónlistaráhugafólks er
forgangsmál í menningartengdri
ferðaþjónustu. Þar ber að byggja á
þeirri reynslu sem fyrir er hjá Ice-
land Airwaves og nýta má frekar til
að hjálpa öðrum tónlistarhátíðum að
nálgast hinn tónlistarþyrsta ferða-
mann, en slíkum fer stöðugt fjölg-
andi.
Tónlistin og aðrar skapandi
greinar hafa reynst afar vel til
þess að bæta ímynd þjóðarinnar á
alþjóðavettvangi eftir hrun og hefur
það vakið heimsathygli að hér hafi
verið hlúð sérstaklega að listum til
að byggja samfélagið upp að nýju.
Mannleg mistök?
Skapandi greinar hafa vaxið mjög
á undanförnum árum og því er ill-
skiljanleg með öllu sú fyrir hugaða
ákvörðun ríkisstjórnarinnar að
kippa til baka jafn smáum fjár-
festingum í geirum sem skapa
jafn mikinn vöxt og raun ber vitni.
Til að endurgreiða megi skuldir
þjóðar innar verður að hlúa að þeim
atvinnugreinum sem best virðast
dafna á eigin forsendum.
Útflutningur tónlistar er afar
mikilvægur hlekkur í stækkandi
keðju íslenskra atvinnugreina sem
skapa verðmæti og gjaldeyris-
tekjur án mengunar eða fórna nátt-
úruverðmæta og eiga að auki stór-
an þátt í að efla þjóðartekjur á
vettvangi ferðaþjónustu. Að strika
fyrirvaralaust út þá hóflegu fjár-
festingar sem í greinina fara eftir
áralanga tilvistarbaráttu væri vís-
bending um alvarlegan skort á heil-
brigðri, nútímalegri framtíðarsýn.
Slíkt væri fljótlegt og auðvelt að
leiðrétta, öllum til vegsauka.
Öllum til vegsauka
„Hér er maður á 53 sem
hugsar ekki um börnin í
Afríku, neyð annarra skipt-
ir hann engu máli,“ kall-
ar drengur í gjallarhorn á
tröppum manns sem hikar
við að gefa pening í fötu
sem hann réttir að honum,
„ætlarðu að gefa núna?“
spyr drengurinn og gefur í
skyn að hann geti alveg kall-
að meira yfir hverfið. Nei,
svona stendur maður ekki
að söfnun, enda er þessi
sena í fræðslumyndbandi til ferm-
ingarbarna til að sýna hvernig á
EKKI að hegða sér og þau hvött til
að sýna kurteisi og hegða sér vel.
Fermingarbörn um allt land
horfa á bráðskemmtileg mynd-
bönd um hvernig á að fara að (og
ekki) þegar þau ganga í hús um
allt land og safna fyrir vatnsverk-
efni Hjálparstarfs kirkjunnar.
Það munu þau gera 4.-7. og 11.-12.
nóvember næstkomandi.
Þessi myndbönd er
hægt að sjá á heimasíðu
Hjálparstarfsins help.is.
Þetta er í 15. sinn sem
fermingarbörn standa
fyrir söfnun til vatns-
verkefna Hjálparstarfs-
ins í Úganda, Malaví og
Eþíópíu. Í skýrslu Sam-
einuðu þjóðanna um
framgang þúsaldarmark-
miðanna, sem kom út í
júní 2012, kemur fram
að 1990 höfðu 76% jarð-
arbúa aðgang að hreinu vatni en
árið 2010 var hlutfallið komið í
89%. Þetta er frábær árangur en
gleymum því ekki að jarðar búar
eru 7 milljarðar. 11% sem ekki
hafa aðgang að hreinu vatni eru
770 milljónir manna. Staðreynd
sem fermingarbörn hafa verið
frædd um og þau vilja gera sitt
til að bæta ástandið, segja að 89%
sé ekki nóg. Handgrafinn brunn-
ur kostar um 180.000 krónur.
Brunnur sem gefur hreint, tært
vatn gjörbreytir aðstæðum til
hins betra. Með brunninum kemur
fræðsla um smitleiðir sjúkdóma
og mikilvægi hreinlætis. Bætt
hreinlætisaðstaða dregur mjög
úr sjúkdómum og dauðsföllum
vegna þeirra. Þegar nóg vatn er til
staðar er hægt að hefja geita- og
hænsnarækt og rækta grænmetis-
garða með fjölbreyttari tegundir
grænmetis. Þannig verður vatnið
grundvöllur betri afkomu og betri
heilsu.
Tökum vel á móti fermingar-
börnunum þegar þau banka upp
á, hrósum þeim fyrir dugnaðinn
og fyrir að taka til sinna ráða og
leggjum fram það sem við getum.
89% er ekki nóg
STJÓRNMÁL
Stefán Jón
Hafstein
fv. borgarfulltrúi
➜ Nú bíður borgin eftir
breyttu mynstri.
➜ Útfl utningur tónlistar er
afar mikilvægur hlekkur í
stækkandi keðju íslenskra
atvinnugreina.
➜ Tökum vel á móti ferm-
ingarbörnunum þegar þau
banka upp á, hrósum þeim
fyrir dugnaðinn og fyrir að
taka til sinna ráða.
MENNING
Sigtryggur
Baldursson
framkvæmdastjóri
ÚTON
HJÁLPARSTARF
Bjarni Gíslason
fræðslu- og upplýs-
ingafulltrúi Hjálpar-
starfs kirkjunnar
UMMÆLI VIKUNNAR
25.010.2013 ➜ 01.10.2013
Þau voru ljós á leiðum okkar
Tónlistardagskrá við kertaljós
í minningu ástvina

Aðgangur er ókeypis og fólki frjálst að koma og fara að vild.
Friðarkerti Hjálparstarfs kirkjunnar eru til sölu við Fossvogskirkju.
Kópavogskirkjugarður, Hólavallagarður og Gufuneskirkjugarður eru opnir að venju.
Reykjavíkurprófastsdæmi og
Kirkjugarðar prófastsdæmanna
REYKJAHVERFI – GATNAGERÐ
Mosfellsbær óskar eftir tilboðum í gatnagerð í Reykjahverfi
( Reykjahvoll ) í Mosfellsbæ. Um er að ræða jarðvinnu, hol-
ræsalagnir, vatns-og hitaveitulagnir auk lagningu strengja
og ídráttarröra. Verklok 1. Maí 2014
Helstu magntölur:
Gröftur 3500 m3
Fylling 5200 m3
Holræsi 1100 m
Hitaveitulagnir 420 m
Vatnsveitulagnir 360 m
Strenglagnir 4000 m
Ídráttarrör 750 m
Útboðsgögn á geisladiski verða afhent í afgreiðslu
bæjarskrifstofu Mosfellsbæjar frá og með þriðjudegi 05.
nóvember 2013. Tilboðum skal skila á sama stað eigi síðar
en þriðjudaginn 19. Nóvember 2013 kl. 14:00, þar sem þau
verða opnuð.
Umhverfissvið Mosfellsbæjar