Fréttablaðið - 02.11.2013, Síða 110

2. nóvember 2013 LAUGARDAGUR| SPORT | 82
HANDBOLTI Íslenska landsliðið í
handbolta vann góðan sigur á því
austurríska, 29-28, í vináttulandsleik
í Linz í Austurríki í gær.
Íslenska liðið byrjaði leikinn
virkilega vel og komst fljótlega sjö
mörkum yfir, 14-7. Guðjón Valur
Sigurðsson var stórbrotinn í fyrri
hálfleiknum og eftir tuttugu mínútna
leik hafði hann gert sjö mörk.
Staðan var 20-15 fyrir Íslendingum
í hálfleik. Íslenska liðið gaf örlítið
eftir í þeim síðari og varð leikurinn
mun meira spennandi. Þegar þrettán
mínútur voru eftir af leiknum náðu
Austurríkismenn að jafna metin í
25-25 en Íslendingar voru sterkari á
lokasprettinum og unnu að lokum
fínan sigur. Guðjón Valur var at-
kvæðamestur í íslenska liðinu með
ellefu mörk. Ásgeir Örn Hallgrímsson
átti einnig góðan leik með íslenska
liðinu og skoraði sex mörk. Viktor
Szilagyi var markahæstur í liði Aust-
urríkis með sjö mörk en Patrekur
Jóhannesson er þjálfari austurríska
landsliðsins í handknattleik.
Liðin mætast aftur á sama stað í
kvöld en um er að ræða leiki í undir-
búningi liðsins fyrir Evrópumótið í
Danmörku sem fram fer í upphafi
næsta árs. - sáp
Guðjón magnaður í sigurleik Íslands
ÓTRÚLEGUR Guðjón Valur skoraði sjö
mörk í fyrri hálfleik. FRÉTTABLAÐIÐ/VILHELM
FÓTBOLTI Halldór Hermann Jónsson hefur skrifað
undir tveggja ára samning við knattspyrnudeild
Vals en þetta kemur fram á heimasíðu félagsins.
Leikmaðurinn gerir tveggja ára samning við
Valsmenn en hann hefur verið á mála hjá Fram
síðan árið 2008.
Halldór var samningslaus og gat því yfirgefið
herbúðir Framara eftir tímabilið.
Nú hafa tveir knattspyrnumenn yfirgefið
Fram til þess að fara yfir til erkifjendanna í Val
á dögunum gekk Kristinn Ingi Halldórsson frá
samningi við Valsmenn.
Halldór er 29 ára miðjumaður og hefur leikið
tæplega 300 leikið með meistaraflokkum Fram
og Fjarðabyggðar á sínum ferli. - sáp
Halldór Hermann farinn til Valsmanna
F
ÍT
O
N
/
S
ÍA
Fáðu þér áskrift
ARSENAL
LIVERPOOL
ENSKI BOLTINN,
NET OG HEIMASÍMI Á 8.990 KR.Gegn 3 mánaða samningi
SEX STIGA LEIKUR
HANDBOLTI Hrafnhildur Ósk Skúla-
dóttir var ekki valin í íslenska
landsliðið þegar það hóf leik í
undan keppni EM 2014 í síðasta
mánuði. Valið kom mörgum á
óvart enda Hrafnhildur að spila
á fullu með Val. Ákvörðun Ágústs
Þórs Jóhannssonar kom Hrafnhildi
sjálfri þó ekki á óvart.
„Ég talaði við Gústa í sumar og
tjáði honum að ég ætlaði að hætta
eftir þetta tímabil,“ sagði Hrafn-
hildur við Fréttablaðið. „Hann
hlýtur að taka mið af því enda byrj-
aði nú mót sem lýkur með úrslita-
keppni í desember eftir rúmt ár.
Þá verð ég hætt í handbolta. Eftir
samtal okkar í sumar bjóst ég ekki
við því að verða valin.“
Gefur enn kost á sér
Hrafnhildur á samkvæmt heima-
síðu HSÍ að baki 170 leiki með
íslenska landsliðinu en í þeim
hefur hún skorað 620 mörk. Síðast
spilaði hún með Íslandi í tveimur
æfingaleikjum gegn Noregi hér á
landi um miðjan júní. Hrafnhildur
hefur spilað með Íslandi á öllum
þremur stórmótum sem liðið hefur
komist á og verið lykilmaður í upp-
gangi þess undanfarin ár.
„Ég fæ ekki betur séð en að
mínum landsliðsferli sé lokið. Það
eina sem ég sakna er að ég hefði
gjarnan viljað vita fyrirfram að
leikurinn í sumar yrði minn síð-
asti landsleikur. Að ég væri að
klæða mig í treyjuna í síðasta
sinn.“ Hrafnhildur er þó ekki hætt
að gefa kost á sér og útilokar ekki
að spila með landsliðinu á ný, verði
leitað eftir því.
„Ef upp koma meiðsli eða eitt-
hvað slíkt í hópnum þá verð ég
aldrei með nein leiðindi. Ég er
alltaf til í að hjálpa til. En þær
þurfa ekki á minni hjálp að halda
nú og er það gott. Ungar stelpur
eru að vinna sér sess í liðinu og ég
mun styðja þær á pöllunum.“
Fyrsti og síðasti með Dagnýju
Það er algengt að margreyndar
landsliðskempur fá kveðjuleiki að
lokinni langri þjónustu í þágu við-
komandi landsliðs. Hrafnhildur
segist ekki vilja fara fram á neitt
slíkt en hefði sjálf viljað kveðja
landsliðið á viðeigandi hátt.
„Eins og ég segi – ég hefði
gjarnan viljað vita af því. Ég er
búin að vera í landsliðinu í sautján
ár. Ég á flesta leikina, hef skorað
flest mörkin og á öll metin. Það
hefði verið fínt að fá að kveðja
þetta tímabil í mínu lífi.“
Henni þykir vænt um að hafa
spilað síðasta landsleik sinn með
Dagnýju systur sinni, enda spiluðu
þær saman sinn fyrsta landsleik á
sínum tíma.
Lífið á pásu
Hrafnhildur segist hafa ákveð-
ið að hætta þegar hún gerði nýjan
tveggja ára samning við Val fyrir
rúmu ári.
„Þá ákvað ég að það yrði minn
síðasti samningur. Ég væri örugg-
lega búin að eignast fjögur börn
ef ekki væri fyrir handboltann,“
segir hún og hlær en Hrafnhildur
er tveggja barna móðir.
„Maður hefur því sett lífið á
smápásu fyrir íþróttina. Ég vil því
klára þetta tímabil og svo bíða mín
vonandi barneignir eða eitthvað
skemmtilegt.“
eirikur@frettabladid.is
Hefði viljað vita af
síðasta landsleiknum
Hrafnhildur Ósk Skúladóttir leggur skóna á hilluna í vor eft ir handboltaiðkun í
aldarfj órðung. Fékk ekki að kveðja landsliðið eft ir sautján ára landsliðsferil.
LÉK ÞANN SÍÐASTA MEÐ SYSTUR SINNI Hrafnhildur Skúladóttir með systrum sínum Drífu og Dagnýju. FRÉTTABLAÐIÐ/DANÍEL
Knattspyrnukonan Edda Garðarsdóttir og körfuboltakonan Birna Valgarðsdóttir
lentu í svipuðum aðstæðum og Hrafnhildur Skúladóttir þegar kom að endalok-
unum með íslenska landsliðinu. Líkt og Hrafnhildur eru Edda og Birna tvær af
farsælustu landsliðskonum Íslands í boltagreinum frá upphafi.
Edda varð í ár aðeins önnur íslenska knattspyrnukonan sem nær að spila
hundrað A-landsleiki en því náði hún í Algvarve-bikarnum í mars. Flestir reikn-
uðu með að Edda væri á leiðinni á EM í Svíþjóð síðasta sumar og enginn bjóst
við að hennar síðasti landsleikur yrði skelfilegur fyrri hálfleikur í 2-3 tapi á móti
Skotlandi á Laugardalsvellinum 1. júní. Sigurður Ragnar Eyjólfsson valdi hana
hins vegar ekki í hópinn fyrir næsta landsleik og skildi hana síðan eftir þegar
hann valdi EM-hópinn sinn.
Birna Valgarðsdóttir er leikjahæsta landsliðskona Íslands í körfubolta frá
upphafi en hún spilaði 76 landsleiki frá 1995 til 2009. Hún eða aðrir bjuggust
ekki við aðhennar síðasti landsleikur yrði á móti Svartfjallalandi í Smáranum
29. ágúst. Kvennalandsliðið var hins vegar ekki starfrækt næstu tvö árin (enginn
leikur 2010 og 2011) og Sverrir Þór Sverrisson, nýráðinn landsliðsþjálfari, valdi
ekki Birnu þegar hann skar niður æfingahóp sinn fyrir Norðurlandamótið 2012.
Birna fékk tilkynningu um það í tölvupósti að hún væri ekki í lokahópnum.
Hrafnhildur Skúladóttir er ekki sú eina
BIRNA VALGARÐSDÓTTIR
EDDA GARÐARSDÓTTIR