Fréttablaðið - 19.12.2013, Síða 66

19. desember 2013 FIMMTUDAGUR| MENNING |
Listasafn Reykjavíkur og Tríó
Reykjavíkur hafa verið í sam-
starfi um ókeypis hádegistón-
leikaröð á Kjarvalsstöðum síðan
2008 við afar góðar undirtektir. Í
hádeginu á morgun kemur Guðný
Guðmundsdóttir fiðluleikari fram
ásamt Peter Maté píanóleikara og
Huldu Björk Garðarsdóttur söng-
konu. Á efnisskránni verða verk
eftir Mozart, Corelli, Bach og
Strauss. Hamingjan kemur fram
í hinum glaðlega Mozart, hátíð-
leikinn hljómar í Corelli og Bach
og hin ægifögru lög Strauss kalla
fram hugarró. Tónleikarnir hefjast
kl. 12.15. Aðgangur er ókeypis og
allir eru velkomnir.
Hulda Björk Garðarsdóttir hefur
starfað sem söngkona hér á landi
og erlendis frá því hún lauk námi
árið 1998 frá The Royal Academy
of Music í London. Hún hefur
komið fram ásamt Sinfóníuhljóm-
sveit Íslands, sungið aðalhlut-
verk við Norsku óperuna, Malmö-
óperuna í Svíþjóð og við Íslensku
óperuna þar sem hún var fastráð-
in um tíma. Af helstu óperuhlut-
verkum hennar má nefna Mimi í
La Bohème, Leonoru í IL Trova-
tore og Violettu í La Traviata. Hún
hefur hlotið Grímu-tilnefningar og
hlaut nýverið Íslensku tónlistar-
verðlaunin sem söngkona ársins
fyrir hlutverk sín sem Mimi og
Leonora.
Guðný Guðmundsdóttir og Peter
Maté eru meðlimir Tríós Reykja-
víkur, en tríóið var stofnað árið
1988. Þau starfa bæði við Lista-
háskóla Íslands og Tónlistarskól-
ann í Reykjavík og halda reglulega
tónleika hér heima og erlendis.
Tríó Reykjavíkur
á Kjarvalsstöðum
Tríó Reykjavíkur verður með hádegistónleika á
Kjarvalsstöðum á morgun. Þar syngur Hulda Björk
Garðarsdóttir með tríóinu.
SÖNGKONAN
Hulda Björk
Garðarsdóttir
syngur verk
eftir Mozart,
Corelli, Bach og
Strauss.
Sýning á verkum fjögurra lista-
manna, þeirra Harðar Ágústs-
sonar, Camillu Løw, Sergio Sister
og Þórs Vigfússonar verður opnuð
í i8 í dag. Listamennirnir, sem eru
af fjórum kynslóðum, fást allir
við liti og form í verkum sínum
og sækja myndmál sitt í stefnur
allt frá konstrúktívisma til naum-
hyggju. Verkin á sýningunni,
unnin á tímabilinu 1960 og fram
til dagsins í dag, eiga öll rætur
sínar að rekja til strangflatar-
hefðarinnar og búa yfir sams
konar formfræðilegri fagur fræði.
„Þór Vigfússon er einn af okkar
listamönnum og við höfum líka
sýnt Hörð áður, enda mjög hrifin
af verkum hans,“ segir Anna
Júlía Friðbjörnsdóttir, sýningar-
stjóri í i8. „Smám saman kom
fram sú hugmynd að setja saman
sýningu með verkum listamanna
af ólíkum kynslóðum sem væru
að sækja í sama brunn, módern-
ismann og konstrúktívismann, en
hafa allir mismunandi nálgun á þá
hefð.“
Elstur listamannanna sem
verk eiga á sýningunni er Hörður
Ágústsson, sem fæddur var 1922
og lést árið 2005. Verk hans
á sýningunni eru skissur og
teikningar, gerðar á tímabilinu
1955-1975, sem gefa hugmynd
um hvernig abstraktlist Harðar
þróaðist. Yngsti listamaðurinn
er Camilla Løw frá Noregi,
fædd 1976. Hún sýnir hangandi
skúlptúra úr plexí gleri og viði,
lökkuðum í há glans litum. Þór
Vigfússon, fæddur 1954, sýnir
Þrjú veggverk, hvert þeirra sam-
sett úr sex mismunandi lituðum
glerplötum sem saman mynda
þverröndótt tígullaga form
og hanga lóðrétt. Fjórði lista-
maðurinn er Sergio Sister frá
Brasilíu, fæddur 1948, sem sýnir
verk sem unnin eru úr viðar-
fjölum sem hann raðar saman svo
úr verða lágmyndir sem líkjast
vöru kössum eða gluggapóstum.
„Sýningin er mjög litrík, enda
snúast verk allra listamannanna
mikið um liti og form,“ segir Anna
Júlía og hvetur listunnendur til
að koma við í i8 í jólastressinu og
njóta litadýrðar og listar.
fridrikab@frettabladid.is
Litir og form í fyrir-
rúmi á sýningu í i8
i8 sýnir verk fj ögurra listamanna af ólíkum kynslóðum sem allir sækja í brunn
konstrúktívisma og naumhyggju en hafa hver um sig sína nálgun á þá hefð. Lista-
mennirnir eru Hörður Ágústsson, Camilla Løw, Sergio Sister og Þór Vigfússson.
Síðasti upplesturinn á Gljúfra-
steini í bili verður á sunnudag-
inn, enda fer senn að líða að
jólum. Dagskráin er glæsileg og
þótt þetta sé síðasti sunnudag-
urinn verður hann ekki sá sísti.
Upplesturinn hefst klukkan 16
og er aðgangur ókeypis.
Skáldin sem lesa á sunnu-
daginn eru: Vigdís Grímsdóttir
sem les úr Dísusögu, Halldór
Armand Ásgeirsson les úr Vince
Vaughn í skýjunum, Eva Rún
Snorradóttir les úr ljóðabók
sinni Heimsendir fylgir okkur
alla ævi og Gerður Sif Ingvars-
dóttir les úr þýðingu sinni á
Drakúla eftir Bram Stoker.
- fb
Síðasti upplest-
ur á aðventu
SKÁLD Eva Rún Snorradóttir er ein
skáldanna sem lesa í Gljúfrasteini á
sunnudaginn. FRÉTTABLAÐIÐ/STEFÁN
FRÉTTABLAÐIÐ/VILHELM
LITSKRÚÐUG SÝNING Verk þeirra Þórs, Camillu og Sergio eru hvert öðru litskrúðugra þótt nálgun listamannanna sé gerólík.