Fréttablaðið - 19.12.2013, Qupperneq 87

FIMMTUDAGUR 19. desember 2013 | MENNING | 75
„Við höfðum samband við tíu til tólf höfunda
og hvöttum þá til að senda inn eitt til tvö lög,
en þetta hefur oft tíðkast í keppninni. Þetta var
gert með góðum fyrirvara, áður en umsóknar-
frestur rann út, til að tryggja fjölbreytni í
keppninni,“ segir Hera Ólafsdóttir, fram-
kvæmdastjóri Söngvakeppni sjónvarpsins.
Orðrómur hefur verið á kreiki um að
ákveðnir höfundar hafi fengið undanþágur á
skilatíma inn í keppnina og hafi hreinlega átt
gulltryggt sæti í undankeppninni. „Engum
var lofað þátttöku, en þetta bar engu að síður
ágætan árangur, því nokkur þeirra laga rötuðu
alla leið í tíu laga úrtakið. Ekki verður gefið
upp hver þau eru né hversu mörg,“ útskýrir
Hera.
Sérstaklega samansett valnefnd, skipuð
þremur körlum og þremur konum, valdi lögin.
„Á hverju ári er nýtt fólk í nefndinni,“ bætir
Hera við.
Valnefndin fékk einungis lögin sjálf í hend-
urnar en höfundur var ekki tekinn fram þegar
nefndin fékk lögin í hendurnar. „Svo skilaði
hver meðlimur nefndarinnar inn lagi og vissi
þá ekki hver höfundar lagsins var.“
Ákveðnar áherslubreytingar verða á
keppninni í ár en einungis tíu lög komust
áfram í undan keppnina. „Við höfum skorið
jafnt og þétt niður undanfarin ár en dagskrár-
gerðin verður ekki síðri.“ Í fyrra voru tólf lög
í undankeppninni og fimmtán lög þar á undan.
Aldrei hafa fleiri lög borist í keppnina en í ár
eða 297 lög.
Undankeppnin fer fram í Háskólabíói 1. og
8. febrúar og svo fara úrslitin fram hinn 15.
febrúar. - glp
Ákveðnir höfundar hvattir til að taka þátt
Tíu lög komust áfram í undankeppni Eurovision sem fram fer í febrúar. Tíu til tólf lagahöfundar voru hvattir
til að senda lög inn í keppnina en að sögn Heru Ólafsdóttur fékk enginn gulltryggt sæti í undankeppninni.
ENGUM LOFAÐ ÞÁTTTÖKU Hera Ólafs-
dóttir, framkvæmdastjóri Söngvakeppni
sjónvarpsins, segir keppnina sérstaklega
fjölbreytta í ár. FRÉTTABLAÐIÐ/STEFÁN
Amor
- Lag og texti eftir Hauk Johnson.
Flytjandi er Ásdís María Viðars-
dóttir.
Aðeins ætluð þér
- Lag og texti eftir Maríu Björk
Sverrisdóttur og Marcus Frenell.
Flytjandi er Guðbjörg Magnús-
dóttir.
Dönsum burtu blús
- Lag og texti eftir StopWaitGo.
Flytjandi er Sverrir Bergmann.
Elsku þú
- Lag eftir Vigni Snæ Vigfússon.
Texti eftir Þórunni Ernu Clausen.
Flytjandi er Vignir Snær Vigfússon.
Eftir eitt lag
- Lag eftir Ástu Björgu Björgvins-
dóttur. Texti eftir Bergrúnu Írisi
Sævarsdóttur. Flytjandi er Gréta
Mjöll Samúelsdóttir.
Enga fordóma
- Lag eftir Heiðar Örn Kristjáns-
son. Texti eftir Heiðar Örn Krist-
jánsson og Harald F. Gíslason.
Flytjandi er Pollapönk (Heiðar
Örn Kristjánsson, Haraldur F.
Gíslason, Guðni Finnsson og
Arnar Gíslason).
Lífið kviknar á ný
- Lag eftir Karl Olgeir Olgeirsson.
Texti eftir Karl Olgeir Olgeirs-
son og Sigríði Eyrúnu Friðriks-
dóttur. Flytjandi er Sigríður Eyrún
Friðriksdóttir.
Til þín
- Lag eftir Trausta Bjarnason.
Texti eftir Guðrúnu Evu Mínervu-
dóttur. Flytjandi er Guðrún Árný
Karlsdóttir.
Von
- Lag og texti eftir Jóhann
Helgason. Flytjandi er Gissur Páll
Gissurarson.
Þangað til ég dey
- Lag og texti eftir Franz Ploder
Ottósson, Pétur Finnbogason og
Lárus Örn Arnarsson. Flytjendur
er F.U.N.K.
Lögin sem komust
áfram
SYNGUR TIL ÞÍN Guðrún Árný Karls-
dóttir flytur lagið Til þín eftir Trausta
Bjarnason og Guðrúnu Evu Mínervu-
dóttur. FRÉTTABLAÐIÐ/STEFÁN