Fréttablaðið - 09.04.2014, Síða 15

MIÐVIKUDAGUR 9. apríl 2014 | SKOÐUN | 15
Sæll, Kristján Þór.
Ég vil vekja aftur
athygli opinberlega á
stöðu Heilsugæslu höfuð-
borgarsvæðisins og um
leið vekja þig til umhugs-
unar.
Síðustu misseri hefur
sérfræðingum í heimilis-
lækningum áfram farið
fækkandi við störf hjá
HH.
Nú síðast er farið að
bera á alvarlegum skorti
á læknum á heilsugæslum í Graf-
arvogi, Garðabæ, Mjódd og Efra-
Breiðholti. Þetta er þróun sem
ég trúi að sé hægt að snúa við og
verður að snúa við.
Góð byrjun væri að snúa af
þeirri niðurskurðarstefnu sem
hefur verið við lýði hjá Heilsu-
gæslu höfuðborgarsvæðisins síð-
ustu árin. Skorið hefur verið niður
um 500 milljónir undanfarin ár
samkvæmt fjármálastjóra Heilsu-
gæslu höfuðborgarsvæðis. Áfram
á að halda að skera meira niður.
Þrátt fyrir að Heilsugæsla höf-
uðborgarsvæðis hafi verið rekin
hallalaus í fjögur ár. Þrátt fyrir
útgefin loforð og stefnur stjórnar-
flokkanna fyrir og eftir kosningar
sem ég hef tíundað í fyrra bréfi
mínu til þín sem þú hefur ekki
svarað fyrir.
Aðgerðalaus
Þú talaðir í nýlegri grein til Morg-
unblaðsins um að vera aðgerða-
laus og lamaður af ótta, við hina
skelfilegu framtíðarsýn. Ég vona
að þú sért búinn að jafna þig en
ég tel að þessi viðbrögð séu ólík-
leg til árangurs. Það þýðir
ekki að halda fyrir augu
og eyru og bíða eftir að
þetta gangi yfir. Ábyrgðin
er þín.
Það er ekki seinna
vænna að þú bregðist við
þeirri neyð sem skapast
hefur á Heilsugæslu höf-
uðborgarsvæðis. Ekki með
orðaflaumi um að vand-
inn sé ekki til staðar eða
með því að slá ryki í augu
almennings.
1 Lestu stefnuyfirlýsingu ríkis-
stjórnar þinnar og nýjustu
ályktanir stjórnarflokkanna.
2 Afstýrðu niðurskurðinum með
markvissri kröfu til fjármála-
ráðuneytis.
3 Greiddu veginn fyrir umbóta-
tillögur sérnámslækna í heim-
ilislækningum sem liggja
munu fyrir þann 15. apríl.
Að lokum birti ég hér útdrátt úr
ályktunum flokksþinga Sjálfstæð-
isflokks og Framsóknarflokks á
síðasta ári og einnig stefnuyfir-
lýsingu ríkisstjórnarinnar hvað
þessi mál varðar:
Stefnuyfirlýsing ríkisstjórnar
Framsóknar og Sjálfstæðisflokks
22. maí 2013:
„Mikilvægt er að efla heilsu-
gæsluna og tryggja stöðu hennar
sem fyrsta viðkomustaðar sjúk-
linga.“
Ályktun velferðarnefndar Sjálf-
stæðisflokks fyrir landsfund 2013:
„Nauðsynlegt er að hverfa af
braut þeirrar gegndarlausu nið-
urskurðarstefnu sem heilbrigðis-
þjónustan hefur orðið að þola um
árabil. Þar skal haft að leiðarljósi
að heilbrigðisstarfsfólk okkar er
hin raunverulegu verðmæti heil-
brigðiskerfisins. Leggja verður
ríka áherslu á breytta forgangs-
röðun varðandi fjárveitingar til
endurskipulagningar og uppbygg-
ingar á heilbrigðiskerfinu í þágu
sjúklinga og með bættu starfs-
umhverfi og kjörum heilbrigðis-
stétta.“
„Heilsugæslan verði allajafna
fyrsti viðkomustaður einstak-
lingsins við heilbrigðiskerfið en
til þess að svo sé unnt verður að
setja hana framar í forgang en
gert hefur verið á liðnum árum.“
Ályktanir flokksþings Fram-
sóknarmanna 2013, heilbrigðis-
mál:
„Breytingar í heilbrigðisþjón-
ustunni á síðustu árum hafa sett
allt heilbrigðiskerfið í uppnám.
Því er nauðsynlegt að snúið verði
þegar í stað af þeirri braut og leit-
að allra leiða til að hlúa að og efla
heilbrigðisþjónustuna.“
Opið bréf til heilbrigðisráðherra,
Kristjáns Þórs Júlíussonar
Í Fréttablaðinu í gær er
nýgerður kjarasamning-
ur Félags framhaldsskóla-
kennara við íslenska ríkið
gagnrýndur.
Það er ekkert óeðli-
legt að framhaldsskóla-
kennarar séu óöruggir
um stöðu sína þegar nýr
kjarasamningur felur í
sér endurskilgreiningu á
vinnumati kennara. Verk-
efni næstu mánaða verður
að þróa slíkt mat og fram-
haldsskólakennarar fá að
taka afstöðu til þess sérstaklega
þegar það hefur verið mótað og
liggur fyrir, í síðasta lagi í febrú-
ar á næsta ári.
Framhaldsskólakennarar geta
ekki staðið í vegi fyrir framgangi
landslaga. Það er einfaldlega stað-
reynd að lög um framhaldsskóla
voru sett á Alþingi árið 2008 og
munu taka gildi á næsta ári. Verk-
efni samningafólks okkar í þess-
ari lotu var m.a. að aðlaga kjara-
samning okkar að þeim lögum.
Spennandi tækifæri
Það tókst og teljum við niðurstöð-
una góða, menn hafa nefnt tíma-
mótasamning, ekki síst vegna
þeirra leiðréttinga sem hann felur
í sér á launum kennara.
Nýr kjarasamningur fram-
haldsskólakennara er spennandi
tækifæri inn í framtíðina. Þar
hafa engin réttindi verið „seld“
og hann mun ekki fela í sér aukið
vinnuálag fyrir hærri laun.
Í samningnum er verið að færa
laun framhaldsskólakennara til
betra horfs og talsverðar leiðrétt-
ingar felast í þeim samningi nái
hann fram að ganga út samnings-
tímabilið.
Dregur úr launabili
Ég hvet alla framhaldsskólakenn-
ara til að mæta á kynningarfundi
um samninginn. Í dag (9. apríl) er
fundur í Flensborg kl. 16.30 og á
morgun í Fjölbrautaskólanum á
Selfossi og Fjölbrautaskólanum
á Akranesi á sama tíma. Fyrir þá
sem eiga ekki heimangengt í dag
verður fundurinn sendur út með
fjarfundarbúnaði. Þar munum við
fara yfir innihald samningsins og
svara spurningum.
Það er ástæða til þess að óska
okkur öllum til hamingju með
nýjan kjarasamning framhalds-
skólakennara. Góð niðurstaða
samninga hlýtur að fela í sér sátt
beggja aðila. Um slíkt er að ræða
í þessu tilfelli og það er gott. Það
besta við nýjan kjarasamning
er að hann felur í sér talsverðar
launaleiðréttingar á kjörum kenn-
ara og dregur úr launabili okkar
og viðmiðunarstétta. Það er það
sem að var stefnt.
Kjarasamningur fram-
haldsskólakennara
HEILBRIGÐIS-
MÁL
Már Egilsson
læknir í sérnámi í
heimilislækningum
➜ Góð byrjun væri að snúa
af þeirri niðurskurðarstefnu
sem hefur verið við lýði hjá
Heilsugæslu höfuðborgar-
svæðisins síðustu árin.
Skorið hefur verið niður um
500 milljónir undanfarin ár
samkvæmt fjármálastjóra
Heilsugæslu höfuðborgar-
svæðis. Áfram á að halda að
skera meira niður.
➜ Það besta við
nýjan kjarasamning
er að hann felur í
sér talsverðar launa-
leiðréttingar á
kjörum kennara og
dregur úr launabili
okkar og viðmið-
unarstétta.
KJARAMÁL
Guðríður
Arnardóttir
formaður Félags
framhaldsskóla-
kennara