Fréttablaðið - 09.04.2014, Blaðsíða 62

9. apríl 2014 MIÐVIKUDAGUR| LÍFIÐ | 34
MORGUNMATURINN
„Disney-skipin eru sérstaklega
hugsuð fyrir fjölskyldufólk,“ segir
Jóhann Bogason, deildarstjóri hjá
TVG-Zimsen en skemmtiferða-
skipið Disney Magic mun koma til
Reykjavíkur í júlí á næsta ári og
stoppa yfir nótt við Skarfabakka.
Þetta er í fyrsta skipti sem Disney-
skip kemur til Íslands. Skemmti-
ferðaskipið skartar öllu því helsta
frá Disney World og má meðal ann-
ars sjá Mikka mús, Guffa og litlu
hafmeyjuna í sölum skipsins. „Um
borð eru vatnsrennibrautagarðar,
bíósalir og boðið verður upp á flug-
eldasýningu,“ segir Jóhann.
„Síðan er hver ferð með ákveð-
ið þema og verður Íslandsferðin
undir áhrifum Disney-myndarinnar
Frozen sem var frumsýnd í fyrra.“
Skipið er 84 þúsund rúmlest-
ir að stærð og tekur tæpa tvö
þúsund farþega. Skipið er í flota
Disney Cruise Line en TVG-Zim-
sen mun þjónusta skipið á meðan
á dvöl þess stendur í Reykjavík.
Aðspurður hvort einhverjir íslensk-
ir tónlistarmenn muni stíga á svið í
skemmtiferðaskipinu segist Jóhann
ekki draga það í efa að Disney muni
setja upp einhvers konar uppákom-
ur í kringum þetta en ljóst er að það
verður mikið fjör í kringum komu
skipsins. - bþ
Disney-skip stoppar í Reykjavík
Um borð í skemmtiferðaskipinu má fi nna vatnsrennibrautagarð og bíósal.
RISASTÓRT Skemmtiferðaskipið tekur
tæpa tvö þúsund farþega.
„Laktósafrí AB-mjólk og Cheerios,
súrdeigsbrauð með smjöri og
banana koma þessari vél í gang á
morgnana.“
Natalie G. Gunnarsdóttir, plötusnúður
VILT ÞÚ LÆRA
ALÞJÓÐA-
SAMNINGATÆKNI
Á 20 MÍNÚTUM?
International Negotiations:
A 20 minute crash course
Háskólinn í Reykjavík
heldur opinn fund og vinnustofu
um alþjóðasamningatækni
miðvikudaginn 9. apríl
kl. 12-13 í stofu M103.
Leiðbeinandi er Paul Meerts,
sérfræðingur í alþjóðasamningatækni.
Fundurinn skiptist í tvo hluta. Fundargestir
eyða fyrstu 20 mínútunum í að semja, svo er
næstu 20 mínútum fundarins varið í að fara
yfir samningaferlið og þær niðurstöður sem
fyrir liggja.
Paul Meerts er Senior Research Associate
hjá Clingendael - alþjóðastofnuninni í
Hollandi. Hann er jafnframt gestafyrirlesari
í alþjóðasamningatækni við College of
Europe í Brugge, Belgíu. Hann hefur kennt á
samningatækninámskeiðum í yfir 90 löndum á
aldarfjórðungi og hefur starfað í fjölda ára við
úrlausn alþjóðlegra deilumála.
Fundurinn er öllum opinn og aðgangur
er ókeypis. Kennt er á ensku.
www.hr.is
„Ég spila þetta reglulega en það
eina sem fer í taugarnar á mér er
þessi borði sem kemur upp þegar
ég spila og á stendur The Best in
the Bible in Iceland, það setur auka
pressu á mann, enda eru margir hér
á landi mun fróðari um Biblíuna en
ég,“ segir séra Guðmundur Karl
Brynjarsson, prestur í Lindakirkju,
en hann er í fyrsta sæti á landsvísu
í spurningum úr Biblíunni í QuizUp.
Annar prestur, Séra Ólafur Jóhann
Borgþórsson, prestur í Seljakirkju,
er sem stendur í fjórða sæti á lands-
vísu í spurningum úr Biblíunni í
QuizUp. Eins og margir vita, þá
er QuizUp eitt vinsælasta smá-
forrit landsins og þótt víðar væri
leitað og þar er hægt að taka þátt í
spurningakeppni úr ansi fjölbreyttu
efni. Það ætti svo sem ekki að koma
neinum á óvart að tveir prestar
séu á topp fimm lista á landsvísu í
spurningum úr Biblíunni.
„Ég var í fyrsta sæti á tímabili
en svo tók Gummi Kalli fram úr
mér. Maður þarf að vera duglegur
að spila þetta til að halda sér í topp-
baráttunni,“ segir Ólafur Jóhann,
sem ætlar sér að komast í toppsæt-
ið á nýjan leik. „Þegar maður er
kominn með háskólagráðu í þessu,
þá á maður að skora hátt. Það er
mikil pressa á okkur,“ bætir Ólaf-
ur Jóhann við.
„Ég hef einu sinni skorað Óla Jóa
á hólm í QuizUp, hann hefur þó ekki
skorað á mig til baka. Maður klikk-
ar alveg á spurningum þó svo ég
sé frekar minnugur á það sem ég
les,“ segir Guðmundur Karl léttur
í lundu en hann vann Ólaf Jóhann
þegar þeir öttu kappi fyrir skömmu.
„Gummi Kalli vann mig en þess má
til gamans geta að hann skoraði á
mig seint um kvöld og ég var orðinn
þreyttur þannig að þreytan á lík-
lega sinn þátt í tapinu,“ segir Ólafur
Jóhann og hlær, en þeir eru miklir
og góðir vinir þrátt fyrir keppnina.
Þess má til gamans geta að séra
Kjartan Sigurbjörnsson, sjúkra-
hússprestur á Landspítalanum, er
í tíunda sæti á sama lista á QuizUp.
Þeir félagar keppa þó í fleiri
greinum en í spurningum úr Biblí-
unni. „Ég er góður í enskri staf-
setningu og Hollywood-leikurum
en samt ekki á neinum topplista,“
segir Guðmundur Karl spurður út
í hæfnina á öðrum sviðum. „Ég er
ekki á topplista í öðrum greinum
en hef þó gaman af því að spila við
son minn í spurningum sem tengj-
ast vörumerkjum,“ bætir Ólafur
Jóhann við.
Forvitnilegt verður að fylgjast
með toppbaráttunni í biblíufræðum
á QuizUp og hver veit nema Ólafur
Jóhann endurheimti toppsætið af
Guðmundi Karli.
gunnarleo@frettabladid.is
Prestar að gera góða
hluti í biblíufræðum
Tveir prestar eru á topp fi mm lista QuizUp í spurningum tengdum Biblíunni.
KAPPSAMIR Guðmundur Karl Brynjarsson, prestur í Lindakirkju, og Ólafur Jóhann Borgþórsson, prestur í Seljakirkju, eru fróðir
þegar kemur að spurningum úr Biblíunni. FRÉTTABLAÐIÐ/VALLI
Hljómsveitin GusGus gefur út nýja plötu þann
23. júní, en sveitina skipa Birgir Þórarinsson,
Högni Egilsson, Stephan Stephansen og Daníel
Ágúst Haraldsson. Platan heitir Mexico og er
áttunda plata sveitarinnar.
„Við vorum alltof lengi að vinna að þessari
plötu,“ segir Birgir, betur þekktur sem Biggi
veira, léttur í bragði. „Menn voru að vinna að
ýmsu öðru, Stebbi fór í skútuferðalag og Högni
gerði sólóplötu. Þannig að þetta tók tíma í
almanakinu og það tekur svo sem alltaf tíma að
melta svona verk. En í ferlinu varð líka mikið til
sem fer ekki á plötuna,“ útskýrir Biggi.
Urður Hákonardóttir, fyrrverandi söng-
kona GusGus, syngur eitt lag á plötunni. „Við
eigum mjög erfitt með að sleppa Urði. Mér
þykir svo vænt um að heyra röddina hennar,“
heldur hann áfram. Aðspurður segir Biggi
engar miklar breytingar í vændum frá sveit-
inni. „Það urðu engar stökkbreytingar, en við
vorum að leika okkur með nýja hluti og það
sem okkur finnst skemmtilegt, og mér finnst
það hafa komið vel út.“ Síðasta plata GusGus,
Arabian Horse, kom út árið 2011. „Platan varð
gríðarlega vinsæl, þannig að menn ákváðu
að vera ekki neitt sérstaklega stressaðir eða
of metnaðarfullir í því að næsta plata yrði að
vera eitthvert kraftaverk. Við gerðum bara það
sem okkur finnst skemmtilegt að gera sem er
að búa til tónlist.“ - ósk
Eiga mjög erfi tt með að sleppa Urði
Hljómsveitin GusGus gefur út nýja plötu, Mexico, þann 23. júní, en síðasta plata þeirra kom út árið 2011.
HÓPURINN Urður Hákonardóttir er hætt í hljómsveit-
inni, en syngur þó á nýju plötunni.
FRÉTTABLAÐIÐ/ANTONBRINK