Fréttablaðið - 01.05.2014, Page 3

SAMFÉLAG
FYRIR ALLA
1. MAÍ 2014
Verkalýðshreyfingin hefur alla tíð barist fyrir samfélagi
jafnréttis og jafnra tækifæra meðfram kjarabaráttunni.
Misskipting fer nú vaxandi í þjóðfélaginu á mörgum
sviðum. Kostnaður vegna lyfja og læknisþjónustu er
kominn langt yfir öll þolmörk. Sífellt fleiri fjölskyldur eru
á hrakhólum vegna mikils húsnæðiskostnaðar og hópur
fólks hefur ekki lengur efni á að aðstoða börn sín við að ljúka
viðurkenndu framhaldsnámi eftir að skyldunámi lýkur.
Þessa þróun verður að stöðva og verkalýðshreyfingin
þarf að beita afli sínu til þess. Við krefjumst þess að hér
verði byggt upp réttlátt þjóðfélag. Samfélag þar sem allir fá
að njóta sín, óháð efnahag. Við viljum samfélag fyrir alla.
ASÍ óskar launafólki til hamingju með daginn og hvetur
til samstöðu í aðgerðum stéttarfélaganna 1. maí.