Fréttablaðið - 01.05.2014, Side 44

1. maí 2014 FIMMTUDAGUR| MENNING | 36
Við erum aðeins byrjuð en formleg
opnunarhátíð verður í dag klukkan
14 í Ráðhúsi Reykjavíkur,“ segir
Vigdís Jakobsdóttir, formaður
ASSITEJ á Íslandi, en samtökin
standa þessa dagana fyrir glæsi-
legri sviðslistahátíð fyrir börn og
ungmenni. „Eftir það eru sýningar
á tveimur dansverkum fyrir börn
í Tjarnarbíói, Fetta bretta, vönduð
sýning Bíbí og blaka fyrir allra
yngstu áhorfendurna sem naut
mikilla vinsælda í fyrra, og Óður
og Flexa reyna að fljúga, sem er
frumsýning á glænýju íslensku
verki fyrir krakka á leikskólaaldri.
Hátíðin heldur svo áfram á föstu-
dag og laugardag með alls konar
skemmtilegheitum.“
Meðal þeirra sem fram koma á
hátíðinni á laugardaginn er hol-
lenski hópurinn Arch8 með sýn-
inguna Murikamification. Hóp-
urinn skapar, að sögn Vigdísar,
ógleymanlega stemningu í draum-
kenndum göngutúr um borgina
sem bæði ungir sem aldnir geta
látið hrífast af. „Þetta er dans-
hópur með rosalega skemmtilega
sýningu sem hefur verið á flakki
um heiminn í nokkur ár. Þau
blanda saman parkúr og nútíma-
dansi á mjög skemmtilegan máta.
Þau bjóða áhorfendum í göngutúr
klukkan 12 og 17 á laugardaginn og
það er lagt upp frá Tjarnarbíói. Ég
get lofað fólki einstakri upplifun,
ég sá þessa sýningu í Austurríki og
það breytti sýn minni á umhverf-
ið.“
Er mikil uppsveifla í sviðslist-
um fyrir börn? „Við erum að reyna
að búa hana til,“ segir Vigdís og
hlær. „Það hafði lengi ríkt alveg
ægilegt ástand í þessum málum.
Þeir sem vildu sýna börnum sínum
góða sviðslist áttu yfirleitt ekki
aðra kosti en stóra glamúrus söng-
leiki á stórum leiksviðum. Þótt
það hafi yfirleitt verið mjög vand-
aðar sýningar, þá bæði er miða-
verð mjög hátt og þetta er bara
einn angi sviðslistanna. Það hefur
vantað töluvert upp á að börn og
unglingar ættu völ á fjölbreytt-
ari tegundum sviðslista. Þau hafa,
alveg eins og fullorðna fólkið, mis-
munandi smekk og mismunandi
þarfir. Það á að vera sjálfsagt í sið-
menntuðu samfélagi að á boðstól-
um sé úrval af góðri, vandaðri og
fjölbreyttri sviðslist fyrir krakka á
öllum aldri.“
fridrikab@frettabladid.is
Góðar og vandaðar
sýningar fyrir krakka
Önnur sviðslistahátíð ASSITEJ verður formlega sett í dag. Hátíðin býður upp á
mikið úrval sviðslistaverka fyrir börn og unglinga, en megináherslan er lögð á
danslistina að þessu sinni. Aðgangur er ókeypis á allar sýningar hátíðarinnar.
LITAGLEÐI OG LISTDANS Sýning Bíbí og blaka, Fetta bretta, er önnur tveggja opnunarsýninga hátíðarinnar.
ASSITEJ eru alþjóðleg samtök
leikhúslistafólks sem gerir leik-
hús fyrir börn og ungt fólk.
Hvað þýðir ASSITEJ?
Nafnið er skammstöfun á franska
heiti samtakanna sem er: Asso-
ciation Internationale du Théâtre
de l‘Enfance et la Jeunesse.
Hvert er hlutverk ASSITEJ?
Hlutverk ASSITEJ á Íslandi er
að standa vörð um leikhús fyrir
unga áhorfendur og styðja við
listafólk sem starfar á þeim vett-
vangi.
Hvað gerir ASSITEJ á Íslandi?
Samtökin beita sér fyrir sam-
starfi og samskiptum listafólks
og leikhúsa innanlands sem utan
og stuðla þannig að listrænni
þróun. Sviðslistahátíð ASSITEJ
gegnir þar lykilhlutverki.
ASSITEJ
HVAÐ ER NÚ ÞAÐ?
Félagar úr Kammersveit Reykja-
víkur flytja þætti úr Oktett eftir
Franz Schubert fyrir forvitna
tónleikagesti á öllum aldri í Iðnó
í hádeginu í dag. „Við erum bara
gríðarlega spennt,“ segir Guðrún
Hrund Harðardóttir, víóluleikari
og listrænn stjórnandi Kamm-
ersveitarinnar. „Kammersveitin
hefur tekið þátt í Barnamenning-
arhátíð frá upphafi og það hefur
verið mjög gott samstarf. Við
höfum prófað okkur áfram, bæði
spilað nútímatónlist og klassíska
fyrir krakkana og að þessu sinni
ákváðum við að kynna þau fyrir
Schubert og þessum glæsilega
oktett hans.“
Oktettinn, sem tónskáldið Franz
Schubert samdi árið 1824, telst til
þekktustu kammertónverka tón-
listarsögunnar. Hljóðfæraskipan-
in er klarínett, fagott, horn, tvær
fiðlur, víóla, selló og kontrabassi,
en auk þess að kynna hljóðfær-
in sín fyrir tónleikagestum leit-
ast hljóðfæraleikararnir við að
svara spurningum tónleikagesta.
„Við verðum með kynningar, bæði
á verkinu og Schubert sjálfum,
fyrir börnin en þetta eru samt fjöl-
skyldutónleikar sem fólk á öllum
aldri getur notið,“ segir Guðrún
Hrund.
Meðal þess sem hún mun segja
frá er æska Schuberts og tónlistar-
menntun hans. „Það vakti athygli
mína að hann, eins og Mozart og
aðrir samtímamenn hans, lærði á
mörg hljóðfæri. Byrjaði sex ára að
læra bæði á píanó og fiðlu og síðar
bættist víóla við. Þetta er aðeins
öðru vísi en við eigum að venjast
í dag þegar krakkar læra yfirleitt
ekki nema á eitt hljóðfæri og við
sérfræðingarnir getum heldur
ekki hoppað á milli hljóðfæra,“
segir Guðrún Hrund. „Þetta var
öðru vísi í þá daga.“
Tónleikarnir hefjast klukkan 12
og standa í tæpa klukkustund og
aðgangur er að sjálfsögðu ókeypis.
- fsb
Segir frá æsku og
menntun Schuberts
Var Schubert slúbbert? er yfi rskrift tónleika sem
Kammersveit Reykjavíkur heldur á Barnamenn-
ingarhátíð í Ævintýrahöllinni Iðnó í dag.
KAMMERSVEIT REYKJAVÍKUR „Við höfum prófað okkur áfram, bæði spilað
nútíma tónlist og klassíska fyrir krakkana.“
FRANZ SCHUBERT
Sýning á verkum spænsku lista-
konunnar Maribel Longueira verð-
ur opnuð á Háskólatorgi á morgun
klukkan 16. Sýningin samanstend-
ur af 21 ljósmynd og beinir augum
að mengun sjávar og hvernig það
vaxandi vandamál birtist í formi
sjórekins rusls sem finna má á
ströndum landa. Í sýningunni ljær
listakonan viðfangsefninu ákveðið
mannlegt yfirbragð og form þann-
ig að ruslið horfist í bókstaflegri
merkingu í augu við þann sem
skoðar myndina.
Listakonan er frá Galisíu á
norðvestanverðum Spáni en þar
eru fiskveiðar undirstaða sam-
félagslegrar velferðar, atvinnu-
lífs og menningar. Þar er fólk,
ekki síst eftir hið gríðarlega Pre-
stige-mengunarslys árið 2002, vel
meðvitað um mikilvægi þess að
spornað sé gegn mengun í lífkerfi
sjávar, bæði heima og hnattrænt.
Eiginmaður Maribel er galis-
íska skáldið Francisco X. Fern-
ández Naval og verður hann með
í för. Við opnunina mun hann,
ásamt íslensk-galisíska skáldinu
Elíasi Knörr flytja nokkur ljóð
sem tengjast efni sýningarinnar.
Verur í viðjum
Sýning á myndum Maribel Longueira á Háskólatorgi.
MARIBEL LONGUEIRA Sýningin
samanstendur af 21 ljósmynd og beinir
augum að mengun sjávar og hvernig
það vaxandi vandamál birtist í formi
sjórekins rusls. MYND: FRANCES TORRES
Ábendingahnappinn má finna á
www.barnaheill.is
MENNING