Fréttablaðið - 10.05.2014, Page 6

10. maí 2014 LAUGARDAGUR| FRÉTTIR | 6
Skógarhlíð 18 • Sími 595 1000
www.heimsferdir.is
B
irt
m
eð
fy
rir
va
ra
u
m
p
re
nt
vi
llu
r.
H
ei
m
sf
er
ð
ir
ás
ki
lja
s
ér
ré
tt
t
il
le
ið
ré
tt
in
g
a
á
sl
ík
u.
A
th
. a
ð
v
er
ð
g
et
ur
b
re
ys
t
án
fy
rir
va
ra
.
Á rómantískum
slóðum
4.-14. ágúst
Fararstjóri: Héðinn S. Björnsson
Frá kr. 298.900
Skemmtileg 10 daga ferð þar sem dvalið verður í 6 nætur í bænum
Cheltenham í Gloucestershire á suðvestur Englandi. Þaðan verður
farið í kynnisferðir um spennandi söguslóðir svæðisins þar sem við
skoðum borgir, bæi, kastala, herragarða, dásamlega fallega garða
og lítil vinaleg þorp sem lítið hafa breyst í tímanna rás. Dvalið er svo í
Brighton í 4 nætur og farið í kynnisferðir til smábæja í nágrenninu.
Netverð á mann frá kr. 298.900 m.v. 2 í herbergi en innifalið er flug, skattar,
gisting í 10 nætur á 3-4* hótelum með morgunverði, 6 kvöldverðir og
kynnisferðir skv. ferðatilhögun.

Perlur Króatíu
4.-16. september
Fararstjóri: Ólafur Gíslason
Frá kr. 298.800
Króatía er sannkölluð náttúruperla með ótrúlegri náttúrufegurð og
heillandi menningu. Strandlengja Adríahafsins er ein sú fegursta
í Evrópu. Vogskornar strendur með eyjum og skerjum þar sem
aldagamlir bæir standa út í hafið og mannlífið er engu líkt. Hér ríkir
fjölbreytt menning síðustu árþúsunda, sem Grikkir, Rómverjar, Slavar,
Frakkar, Ítalir og Austurríkismenn hafa sett mark sitt á.
Netverð á mann frá kr. 298.800 m.v. 2 í herbergi en innifalið er flug, skattar,
gisting í 12 nætur á 3-4* hótelum með hálfu fæði og kynnisferðir samkvæmt
ferðatilhögun.
FERÐAÞJÓNUSTA Hvalaskoðun og
hvalveiðar á Faxaflóa geta ekki
farið saman til lengdar með því
fyrir komulagi sem nú er í gildi.
Áður en illa fer verður að endur-
skoða mörk á milli skoðunar– og
veiðisvæða.
Þetta er niðurstaða fulltrúa hvala-
skoðunarfyrirtækja og annarra
sem tengjast hvalaskoðun eftir tíu
daga fræðsluferð um austurströnd
Bandaríkjanna, en ferðin var skipu-
lögð af bandaríska utanríkisráðu-
neytinu og bandaríska sendiráðinu
á Íslandi.
Rannveig Grétarsdóttir, fram-
kvæmdastjóri hvalaskoðunar-
fyrirtækisins Eldingar, segir að
íslenska hópnum hafi verið kynnt
stefnumörkun þarlendra stjórn-
valda er varðar hvali og hvalveiðar,
en ekki síður það öfluga starf sem
unnið er við rannsóknir og verndun
hvala. Fundað var með embættis-
mönnum utanríkisráðuneytisins,
þing mönnum og aðstoðar mönnum
þeirra, starfsmönnum stofn-
ana sem vinna að rannsóknum
á hvölum og lífríki hafsins, full-
trúum hvalaskoðunarfyrirtækja
og frjálsum félagasamtökum.
Spurð um stöðu íslensku hvala-
skoðunarfyrirtækjanna í sam-
hengi við reynsluna úr ferðalaginu
til Bandaríkjanna segir Rannveig:
„Í ljósi þess að fram undan er eitt
stærsta sumar fyrir ferðaþjón-
ustuna á Íslandi er ekki laust við
að hrefnuveiðar, sem hófust í vik-
unni, varpi skugga á spennu okkar
fyrir sumrinu. Frá því að hrefnu-
veiðar hófust á Faxaflóa árið 2003
höfum við orðið vör við talsverða
breytingu á hegðun hrefnunnar
á Faxaflóa og erfiðara er með
hverju árinu að halda uppi gæðum
ferðanna. Þetta er því alvarlegt
mál fyrir okkur og við komum
til með að beita okkur enn frekar
fyrir breytingu á núverandi griða-
svæði til að tryggja áframhald
hrefnuskoðunar í Faxaflóa.“
Rannveig segir að íslenska
hópnum hafi ekki síst komið á
óvart þær öflugu rannsóknir sem
eru stundaðar á hvölum í Banda-
ríkjunum, bæði á vegum opin-
berra stofnana en ekki síður af
sjálfstæðum samtökum og þá oft
í samstarfi við hvalaskoðunar-
fyrirtækin á svæðinu. „Okkur
kom á óvart hversu langt hefur
verið gengið í verndun hvala. Má
nefna að sérstakar reglur hafa
verið settar um siglingarhraða
skipa á hafsvæðum þar sem mikið
er um hval, skipaleiðum hefur
verið breytt í krafti rannsókna
og hvalatalninga. Veiðarfæri
hafa verið þróuð til að takmarka
óþarfa dauðsföll, en ásiglingar á
hvali og dauði dýra vegna þess
að þau flækjast í veiðarfæri eru,
eins og annars staðar, vandamál
þar í landi, þótt slíkt sé ekki í
umræðunni hér,“ segir Rannveig.
Á ferðum sínum heimsótti hóp-
urinn borgir og bæi sem eiga sér
langa sögu í hvalveiðum; frædd-
ust um sögu samfélaganna og
þróun þeirra. „Alls staðar sem
við komum gegnir þessi saga hval-
veiðanna stóru hlutverki við upp-
byggingu ferðaþjónustu á svæð-
inu í samspili við hvalaskoðun en
þangað koma milljónir manna ár
hvert,“ segir Rannveig og tæpir á
því að þessi þróun sé hafin hér á
landi þótt mikið sé enn ógert.
svavar@frettabladid.is
Verður að stækka
griðasvæði hvala
Forsvarsmenn hvalaskoðunarfyrirtækja sækja fast að griðasvæði hvala til hvala-
skoðunar verði stækkuð frá því sem nú er. Framtíð hrefnuskoðunar á Faxaflóa er í
mikilli óvissu með núverandi fyrirkomulagi, segja forsvarsmenn hvalaskoðunar.
Í HVALASKOÐUN Allt að 25 prósent erlendra gesta velja hvalaskoðun, sem gerir hvalaskoðun vinsælasta kost afþreyingar ferða-
manna. Myndin er tekin í hvalaskoðunarferð hópsins í Bandaríkjunum. MYND/MARÍABJÖRK
Í ljósi þess að fram undan er eitt stærsta
sumar fyrir ferðaþjónustuna á Íslandi er ekki
laust við að hrefnuveiðar, sem hófust í
vikunni, varpi skugga á spennu okkar fyrir
sumrinu.
Rannveig Grétarsdóttir,
framkvæmdastjóri Eldingar.
➜ Óska tafarlaust eftir fundi með ráðherra
Hópurinn sem fór til Bandaríkjanna telur mikilvægt að álitsgefandi
nefnd um nýtingu hvala á Íslandi fái að ljúka störfum og vinnu hennar
verði hraðað, en hún var skipuð af Steingrími J. Sigfússyni, fyrrverandi
sjávarútvegsráðherra.
Þá tekur hópurinn undir þingsályktunartillögu sem liggur fyrir Alþingi
um mat á heildarhagsmunum vegna hvalveiða.
Auk Hvalaskoðunarsamtaka Íslands óskar hópurinn eftir fundi með
Sigurði Inga Jóhannssyni sjávarútvegsráðherra hið fyrsta.
SAMGÖNGUR Hver verkfallsdagur
atvinnuflugmanna veldur stórtjóni
fyrir ferðaþjónustu, útflutnings-
fyrirtæki og orðspor landsins.
Þá verður þjóðfélagið af einum
milljarði króna fyrir hvern verk-
fallsdag, segir í tilkynningu frá
Samtökum atvinnulífsins. Vegna
óvissunnar aukist líkur á að ferð-
um hópa til landsins verði aflýst og
bókunum muni fækka og eru því
miklar áhyggjur af efnahagslegum
skaða vegna ferðamannatímabils-
ins sem er að ganga í garð. - ebg
Víðtæk áhrif á efnahag:
Verkfall verkar
á ferðamenn
STJÓRNMÁL Björt framtíð lítur
svo á að Besti flokkurinn hafi
verið aflið sem stuðlað hafi að
framþróun í borginni og vill
halda henni áfram, að sögn S.
Björns Blöndal, oddvita flokks-
ins, sem kynnti viljayfirlýsingu
sína í gær og birt er á vefsíðu
flokksins.
„Við höfum hrint í framkvæmd
ýmsum hugmyndum sem lengi
hafa verið að gerjast í borgar-
kerfinu, eins og til dæmis í
almenningssam göngum. Við
erum komin út í miðja á með
ýmsa hluti. Það er búið að leggja
línurnar í aðalskipulaginu en
vinnan er eftir. Það er atriði sem
mótar framtíð borgarinnar mest
og hvernig við höfum það í borg-
inni.“
Í viljayfirlýsingunni segir
meðal annars að þétting byggðar
feli í sér betri þjónustu, betri
samgöngur, auðugra mannlíf,
meiri fjölbreytni, umhverfis-
vænni borg og meiri menningu.
„Það er ekki lengur asnalegt
að tala um meiri menningu og nú
er leyfilegt að ræða um þátttöku
Reykjavíkur í alþjóðlegum mann-
réttindamálum. Nálgunin er orðin
önnur. Mannréttindi í Reykjavík
verða meðal annars virt með því
að færa stjórnmálin til fólksins
eins og við höfum gert.“
Oddvitinn fullyrðir að það
verði ekki jafnskemmtilegt í
Reykjavík nái raddir flokksins
ekki eyrum borgarbúa. „Hvað
sem verður munum við gera
okkar besta.“ - ibs
Björt framtíð ætlar að halda áfram samstarfi Besta flokksins í Reykjavík við borgarbúa:
Við erum komin út í miðja á með ýmislegt
VILJAYFIRLÝSINGIN KYNNT Björt
framtíð vill að áfram verði skemmtilegt
í Reykjavík. FRÉTTABLAÐIÐ/DANÍEL