Fréttablaðið - 13.05.2014, Blaðsíða 18

FÓLK|HEILSA
Heilsu- og hvatningarverkefnið Hjólað í vinnuna hófst í síðustu viku en þetta er tólfta árið sem Íþrótta- og Ólympíusam-
band Íslands stendur fyrir því. Margir kepp-
endur taka þátt ár eftir ár og er einn þeirra
Fannar Jónsson, starfsmaður á rannsóknastofu
Rio Tinto Alcan á Íslandi. Hann hóf störf hjá
fyrirtækinu síðla sumars árið 2005 og tók þátt
í átakinu í fyrsta sinn ári síðar. Hann
segir mikla stemningu ríkja í
fyrirtækinu í tengslum við
átakið. „Það hefur verið
mikil ásókn hjá starfs-
mönnum í að taka þátt
undanfarin ár og stjórn-
endur hér hafa ávallt
veitt starfsmönnum
mikla hvatningu. Þetta
er áttunda skiptið sem ég tek
þátt og þetta er alltaf jafn gaman.“
Fyrstu árin sem Fannar tók þátt bjó hann í
Vesturbænum í Reykjavík þannig að hann þurfti
að hjóla töluverða vegalengd til vinnu. „Á með-
an ég bjó í Vesturbænum var ég að hjóla um 46
kílómetra á dag. Nú bý ég í Hafnarfirði þannig
að þetta er talsvert styttri leið þetta árið.“
Hann segir þó lítið mál hjóla þessa vega-
lengd úr Vesturbænum. „Í fyrstu fannst mér
þetta óraunhæft markmið en svo þegar maður
byrjaði reyndist þetta alls ekki svo löng leið.
Raunar var þetta miklu minna átak en ég átti
von á. Svona hjólatúr er bara mjög hressandi,
auk þess sem maður er búinn með líkamsrækt
dagsins eftir daginn.“
Fannar hjólar mikið yfir sumarið og stefnir á
að hjóla til og frá vinnu í sumar. „Hingað til hef
ég ekki hjólað í vinnuna yfir vetrartímann. Það
kann þó að breytast næsta vetur þar sem ég er
nýfluttur til Hafnarfjarðar og töluvert styttra
er í vinnuna.“
Utan vinnutímans hjólar fjölskyldan saman
og fimm ára dóttir Fannars hefur verið að æfa
sig undanfarnar vikur eftir að hjálpardekkin
voru tekin af. „Ég vil sérstaklega benda for-
eldrum á að vera fyrirmyndir í hjóla-
umferðinni með því að klæðast
sýnileikafatnaði og vera með
reiðhjólahjálm. Það eykur
öryggi allra í umferð-
inni.“
Átakinu lýkur 27.
maí og lentu starfs-
menn Rio Tinto Alcan í
öðru sæti í fyrra í sínum
flokki. „Markmiðið er
fyrst og fremst að fá sem
flesta til að hreyfa sig
meira og líta á aðrar heil-
brigðari og umhverfisvænni leiðir til að ferðast
til og frá vinnu. En við stefnum auðvitað á
fyrsta sætið í ár eins og alltaf. Það bara eykur
stemninguna.“
Þátttakendur fyrsta árið voru 533 frá 45
vinnustöðum. Í fyrra tóku rúmlega 7.800
manns þátt frá 645 vinnustöðum. Metþátttaka
var árin 2011 og 2012 þegar rúmlega 11.200
tóku þátt. Samhliða átakinu er skemmtilegur
leikur í gangi á Instagram þar sem þátttakend-
ur eru hvattir til að taka skemmtilegar myndir
af sér og merkja #hjoladivinnuna.
Nánari upplýsingar um verkefnið má finna á
www.hjoladivinnuna.is.
LÍTIÐ MÁL AÐ HJÓLA Í VINNUNA
HEILSUÁTAK Hvatningarverkefnið Hjólað í vinnuna hófst í síðustu viku. Mörg þúsund Íslendingar taka þátt árlega og margir ár eftir
ár. Fannar Jónsson hjá Rio Tinto Alcan tekur þátt í átakinu áttunda árið í röð og finnst hjólatúrinn hressandi líkamsrækt.
HOLL
HREYFING
„Svona hjóla-
túr er bara
mjög hress-
andi, auk þess
sem maður
er búinn með
líkamsrækt
dagsins eftir
daginn,“ segir
Fannar Jóns-
son, starfs-
maður Rio
Tinto Alcan á
Íslandi.
MYND/GVA
IROHA er með fjölbreytt úrval maska fyrir andlit, hendur og fætur. IROHA-fótameðferðarsokkarnir hjálpa til við að mýkja fætur. Þeir losa sigg og
hart skinn með því að flýta fyrir náttúrulegu ferli
endurnýjunar húðarinnar.
Bára Ragnhildardóttir prófaði IROHA-meðferðar-
sokkana þegar hún ákvað að gera vel við sjálfa sig
og hafa dekurkvöld eftir törn í skóla nú í vor. „Ég
hafði heyrt frábæra hluti um sokkana og ákvað
þess vegna að prófa. Fótameðferðarsokkarnir virka
þannig að þeir eru hafðir á fótunum í 90-120 mín-
útur, fæturnir eru svo skolaðir á eftir og fjórum til
sjö dögum síðar hefur húðin endurnýjað sig. Allt
það sem maður vill ekki sýna öðrum, óaðlaðandi
sigg, þurr og hörð húð, hefur dottið af og húðfrum-
urnar hafa endurnýjað sig. Ég er líka hrifin af því að
fótamaskinn og IROHA-vörurnar eru án
parabena.“
Bára segir maskann hafa virkað ótrúlega vel og
finnur alveg sérstakan mun á hælunum þar sem
allt harða skinnið er dottið af. „Núna er ég með
silkimjúka fætur, tilbúin í sandalana fyrir sum-
arið. Eftir að ég prófaði sjálf ákvað ég að gefa
manninum mínum par af sokkunum. Árangur-
inn var jafnvel enn meiri þegar hann prófaði þá
enda með þessa hefðbundnu „fótboltafætur“
sem þurfa oft góða fótaumhirðu. Ég er mjög
ánægð með IROHA-vörurnar og fer nú í það að
prófa enn fleiri maska frá þeim.“
MEÐ TÆRNAR ÚTI
HALLDÓR JÓNSSON EHF KYNNIR Fótameðferðarsokkarnir frá IROHA losa
hart skinn og sigg af fótum og gera þá silkimjúka og tilbúna fyrir sumarið.
MEÐ SILKIMJÚKA FÆTUR Bára er ánægð með IROHA-fóta-
meðferðarsokkana sem hún prófaði á dögunum. Fætur hennar
eru nú silkimjúkir og lausir við allt sigg og hart skinn. MYND/GVA
Eru flugur, flær eða
maurar að ergja þig
og bíta?
áhrifaríkur
og án
allra
eiturefna.

Allt að
8 tíma
virkni.
Fæst í flestum apótekum,
heilsubúðum og hjá N1
www.gengurvel.is
Lífstíls og decor vefverslun
www.facebook.is/kolkaiceland