Fréttablaðið - 13.05.2014, Blaðsíða 42

13. maí 2014 ÞRIÐJUDAGUR| SPORT | 26
visir.is
Meira um leiki
gærkvöldsins
PEPSI-DEILDIN 2014
ÚRSLIT
ÍBV - Fylkir 1-3
1-0 Jonathan Green (6.), 1-1 Andrew Sousa
(18.), 1-2 Gunnar Örn Jónsson (25.), 1-3
Andrés Már Jóhannesson (85.).
Fram - Þór 1-0
1-0 Jóhannes Karl Guðjónsson, víti (64.).
Stjarnan - Víkingur 0-0
Keflavík - Breiðablik 2-0
1-0 Elías Már Ómarsson (62.), 2-0 Elías Már
Ómarsson (82.).
Viðureign KR og FH var ekki lokið þegar
Fréttablaðið fór í prentun.
NÆSTU LEIKIR
Sunnudagur 18. maí: 17.00 Þór - Stjarnan, FH
- ÍBV, 19.15 Keflavík - KR, Breiðablik - Fjölnir.
Mánudagur 19. maí: 19.15 Víkingur - Fylkir,
20.00 Valur Fram.
FÓTBOLTI Árleg spá forráðamanna
og fyrirliða í Pepsi-deild kvenna
var birt á kynningarfundi deildar-
innar í gær. Stjörnunni, sem varð
Íslandsmeistari í fyrra með fullt
hús stiga, var spáð titlinum í ár en
Blikum öðru sæti. Valur, Þór/KA,
Selfoss og ÍBV koma næst.
ÍA og Aftureldingu er spáð falli
úr deildinni en að Fylkir og FH
komi til með að blanda sér í fall-
baráttuna.
Fyrsta umferð deildarinnar
hefst í kvöld með fjórum leikj-
um. Umferðinni lýkur svo annað
kvöld er nýliðar ÍA taka á móti
Fylkiskonum á Norðurálsvellin-
um á Akranesi. - esá
Stjörnunni
spáð titlinum
SPORT
FÓTBOLTI „Stemningin er bara
góð. Það er loksins að þetta byrj-
ar,“ segir Ásgerður Stefanía Bald-
ursdóttir, fyrirliði Íslandsmeist-
ara Stjörnunnar, um Pepsi-deild
kvenna sem hefst í kvöld með fjór-
um leikjum.
„Strákarnir eru byrjaðir þannig
að maður er aðeins búinn að finna
þefinn af sumrinu. Það er bara
mikil tilhlökkun og spenna fyrir
því að byrja þetta.“
Finnur ekki rólegri mann
Stjarnan rúllaði upp Íslandsmótinu
í fyrra en liðið vann alla átján leiki
sína í deildinni með markatölunni
69-6. Fyrirliðanum líst vel á hópinn
sem mætir til leiks í sumar.
„Liðið lítur vel út. Við erum búin
að bæta við okkur mannskap frá
því í fyrra þannig við erum með
sterkari hóp. Svo er líka kominn
nýr þjálfari,“ segir Ásgerður.
Ólafur Þór Guðbjörnsson tók við
af Þorláki Árnasyni sem var búinn
að skila tveimur Íslandsmeistara-
titlum og einum bikarmeistaratitli
á þremur árum í Garðabænum en
Ásgerður segir breytinguna hafa
heppnast vel. Það er þó smá munur
á þeim tveimur.
„Óli er náttúrlega fagmað-
ur fram í fingurgóma þannig að
þetta hefur gengið mjög vel. Hann
hefur verið í bransanum í 20 ár en
þeir eru frekar ólíkir. Yfirvegaðri
mann en Óla er ekki hægt að finna
en Láki á það til að fara aðeins
upp. Línan hans Óla er flatari,“
segir hún og hlær. Undirbúningur
Garðabæjar-liðsins hefur verið
sérstakur vegna fjölda landsliðs-
kvenna í liðinu en þær hafa verið
mikið frá í vetur og vor.
„Við erum alltaf að missa fimm
til sex leikmenn í landsliðsferð-
ir sem eru frekar langar þannig
að undirbúningurinn hefur verið
götóttur. Við byrjuðum líka aðeins
seinna að undirbúa okkur því Óli
tók ekki við liðinu fyrr en í janúar.
En ég er ánægð með hvert liðið er
komið núna,“ segir Ásgerður, sem
er ein af landsliðskonunum í liði
Stjörnunnar.
Pakki á toppnum
Stjarnan hefur leik í kvöld á móti
bikarmeisturum Breiðabliks en
liðin hafa mæst nýlega í tveimur
stærstu vorleikjunum: Úrslitaleik
Meistarakeppni KSÍ og úrslitaleik
A-deildar Lengjubikarsins.
„Mér finnst fínt að fá svona
alvöru leik í byrjun móts en að
mæta Blikunum þriðja skiptið í röð
var kannski ekki alveg það sem
maður vildi endilega. En það er
flott að fá svona sex stiga leiki því
við förum til Vestmannaeyja í ann-
arri umferð og þar verður annar
hörkuleikur. Það er reyndar svolítið
sérstakt að við erum eina liðið sem
spilar á gervigrasi en við byrjum á
tveimur útileikjum og þurfum að
spila í Fífunni. Það er svolítið sárt
því ég mun sakna þess að spila ekki
á Kópavogsvelli, gamla heimavell-
inum,“ segir Ásgerður.
Hún spáir mörgum liðum í bar-
áttuna um Íslandsmeistaratitil-
inn í sumar. „Þetta verður pakki
á toppnum. Ég held að fjögur til
fimm lið geri atlögu að titlinum.
Þetta verða Breiðablik, Stjarnan,
Valur, ÍBV og svo getur Selfoss
alveg blandað sér í pakkann. Þetta
verður engin einstefna.“
Ekkert 2012 aftur
Stjarnan varð Íslandsmeistari 2011
með yfirburðum þegar liðið vann
17 leiki og tapaði aðeins einum en
sumarið 2012 mistókst liðinu að
verja titilinn þrátt fyrir að vera
fyrir fram talið líklegast til þess í
árlegum spám.
Ásgerður segir Stjörnustúlkur
meðvitaðar um hvað gerðist þá.
„Það voru þessi fimm prósent
sem leikmenn eiga til að gefa
eftir. Þetta varð aðeins of þægi-
legt fyrir okkur og við héldum
að við værum búnar að vinna
einhverja tíu titla í röð. Þetta
var bara hugarfarið. Sumarið
2012 var víti til varnaðar og nú
gefum við frekar aftur í eins og
á síðasta ári. Við förum samt
ekki í gegnum annað tímabil þar
sem við töpum ekki leik,“ segir
Ásgerður.
tom@frettabladid.is
Tökum ekki annað ár án taps
Pepsi-deild kvenna í fótbolta hefst í kvöld með fj órum leikjum. Stórleikur er á dagskránni strax í fyrstu
umferð en taplausir Íslandsmeistarar Stjörnunnar heimsækja bikarmeistara Breiðabliks í Fífuna í Kópavogi.
ÍSLANDSBIKARINN FÓR Í GARÐABÆINN Ásgerður Stefanía Baldursdóttir, fyrirliði
Stjörnunnar, og Danka Podovac með Íslandsbikarinn síðasta haust. FRÉTTABLAÐIÐ/DANÍEL
BL ehf
Sævarhöfða 2 / 110 Reykjavík
525 8000 / www.bl.is
CLIO DÍSIL SJÁLFSKIPTUR
3,7 L/100 KM*
CO2 ÚTBLÁSTUR 95 GRÖMM
ÞÚ TANKAR SJALDNAR Á RENAULT
P
FRÍTT Í
STÆÐI!
FRÍTT Í STÆÐI Á
MIÐBORGARSVÆÐINU
RENAULT CLIO DÍSIL SJÁLFSKIPTUR – VERÐ 3.090.000 KR.
Renault Clio er einn vinsælasti bílIinn á Íslandi. Þegar fallegt útlit, ríkulegur staðalbúnaður, úrval
sparneytinna bensín- og dísilvéla, hagstætt verð og einstök ný „Dual Clutch“ sjálfskipting smellur
saman er ástæðan augljós. Komdu og reynsluaktu nýjum Renault Clio.
www.renault.is
GE bílar
Reykjanesbæ
www.bilahusid.is
420 0400
Bílasalan Bílás
Akranesi
www.bilas.is
431 2622
Bílasala Akureyrar
Akureyri
www.bilak.is
461 2533
Bílaverkstæði Austurlands
Egilsstöðum
www.bva.is
470 5070
IB ehf.
Selfossi
www.ib.is
480 8080
E
N
N
E
M
M
/
S
ÍA
/
N
M
6
2
3
0
2
*Miðað við uppgefnar viðmiðunartölur framleiðanda um eldsneytisnotkun í blönduðum akstri.