Fréttablaðið - 13.05.2014, Page 24

KYNNING − AUGLÝSINGÚt að hlaupa ÞRIÐJUDAGUR 13. MAÍ 20144
Þegar fólk tekur þá ákvörðun að fara að hreyfa sig reglu-lega er það eðlilega í misjöfnu
ásigkomulagi. Þorsteinn Geirsson,
hlaupari og fyrrverandi hlaupaþjálf-
ari, segir þó alla þurfa að fara rólega
af stað og ekki ætla sér um of. „Það
er ekkert í hlaupum sem er einhver
geimvísindi,“ segir Þorsteinn og
hlær. „Hver og einn þarf að finna
sinn hraða og halda sig á honum.
Það skiptir engu máli hver er fyrst-
ur eða síðastur, þetta snýst ekki um
það, heldur að mæta sjálfum sér eins
og staðan er núna. Það finnst mörg-
um erfitt að stíga yfir þann þrösk-
uld því hugurinn er oft bundinn við
það sem áður var, þegar viðkom-
andi gat hlaupið til Hafnarfjarðar
á fermingardaginn eða þegar mag-
inn var rennisléttur áður en þriggja
barna móðirin átti börnin sín. Þegar
farið er af stað aftur er gott að miða
við það að geta talað skammlaust
á meðan hlaupið er, þá er hraðinn
réttur. Ef ekki er hægt að tala saman
er hraðinn of mikill en ef hægt er að
syngja á meðan hlaupið er þarf að
gefa aðeins í.“
Ekki of mikið of hratt
Hlaup eru fyrir alla að sögn Þor-
steins og hann telur að það taki
fimm til átta vikur fyrir byrjend-
ur að komast á gott ról. „Það er mín
reynsla að það taki þennan tíma
að finna taktinn. Eftir það bæt-
ast við einn til tveir gírar hjá flest-
um, hraðinn eykst og viðkomandi
ræður betur við hlaupið. Það þarf
að passa að gera ekki meira en lík-
aminn ræður við. Það er gott viðmið
að ef fólk vaknar með verki eftir æf-
ingu hefur það farið of geyst. Það
þarf að bæta við hægt og rólega,
bæði við fjölda æfinga og vegalengd-
ina sem farin er. Fyrir meðalmann
sem er að byrja að hlaupa núna er
raunhæft og gott markmið að geta
hlaupið tíu kílómetra á um það bil
klukkustund í lok sumars. Þá er
sniðugt að hlaupa tvisvar til þrisv-
ar í viku og lyfta einu sinni til tvisv-
ar í viku. Þegar fólk hleypur mikið
og hratt er nauðsynlegt að huga að
vöðvamassanum líka, annars spæn-
ist fólk upp. Það næst bestur árang-
ur með því að æfa annað með hlaup-
unum, til dæmis hjólreiðar, lyfting-
ar eða jafnvel jóga.“
Öfgarnar ekki góðar
Þorsteinn mælir ekki með því að
fólk fari út í einhverjar öfgar í hlaup-
um. „Átta til níu æfingar í viku er
ekki eitthvað sem ég get staðið fyrir.
Mitt sjónarmið er að fólk eigi heldur
ekki að hlaupa of langar vegalendir.
Hlaup á bilinu fimm til tólf kílómetr-
ar eru holl og góð og gott að hlaupa
kílómetrann á fimm og hálfri til sex
mínútum. Fyrir mér eru sigurvegar-
ar í langhlaupum fólkið sem kemur
seinast í mark og skemmtilegast
þykir mér að fylgjast með því. Til
dæmis vinkonuhópnum sem ákvað
að gera eitthvað klikkað áður en þær
yrðu fimmtugar og hlaupa Laugaveg-
inn eða áttræði maðurinn sem klárar
langhlaup á átta klukkutímum, það
eru hinir raunverulegu sigurvegar-
ar fyrir mér. Hinn almenni hlaup-
ari þarf að tileinka sér þetta hugar-
far, að sigurinn sé fólginn í því að
klára hlaupið en ekki hversu hratt
var hlaupið.“
Ættu að hafa aðgang
að íþróttamannvirkjum
Hlaupahópur Stjörnunnar er einn
stærsti hlaupahópur landsins og
hefur bæði sjúkraþjálfara og næring-
arfræðinga frá Heilsuborg á sínum
snærum. „Ég mæli með því að byrj-
endur taki þátt í hlaupahópum en þó
aðeins ef hlaupahópurinn er í stakk
búinn að taka á móti þeim. Í Stjörn-
unni er það þannig að atvinnumenn
taka á móti byrjendum og hjálpa
þeim við fyrstu skrefin. Það eru ekki
margir hlaupahópar sem búa svo vel.
Oft eru þeir sem eru að fara af stað að
berjast við einhver mein eða ofþyngd
og þurfa aðstoð frá sérfræðingum.
Þeir fara því frekar í líkamsræktar-
stöðvar eða í einkaþjálfun. Mig lang-
ar að þetta breytist og allir hafi kost á
því að taka þátt í almenningsíþrótt-
um. Hlaupahópar hafa líka farið að
gera kröfur um að fá inni í íþrótta-
mannvirkjum. Það er mikilvægt að
fólk almennt hafi aðgang að þeim.
Þetta er einfaldlega heilbrigðismál.
Þjóðir heims eru að eldast mjög og
langlífi þar með. Það mun útheimta
mikla fjármuni þjóða og hreyfing
verður í framtíðinni hluti af heil-
brigðiskerfi þjóða og meðal leiða sem
eru færar við að halda kostnaði við
heilbrigðiskerfið í lágmarki. Úthlut-
un tíma í íþróttamannvirkjum flestra
bæjarfélaga endurspeglar í dag þarf-
ir yngstu íbúanna en ekki þeirra sem
eldri eru. Bæjarfélög munu þurfa að
horfa til nýrra áherslna við úthlut-
un tíma í auknum mæli enda annað
ekki hægt. Garðabær hefur brugð-
ist vel við þessari þörf og tekið hug-
myndum hlaupahópsins vel um að
veita þessum vaxandi aldurshópi
húsaskjól en gera má betur. Hinn al-
menni iðkandi gerir ríkari kröfur um
bætta aðstöðu enda slíkt bæði eðli-
legt og sjálfsagt,“ segir Þorsteinn.
Útihlaup eru engin
geimvísindi
Þorsteinn Geirsson þjálfaði byrjendur í hlaupahópi Stjörnunnar í tvö ár. Hann
er nýhættur þjálfuninni sökum anna en ætlar sjálfur að halda áfram að stunda
hlaup og aðra hreyfingu. Þorsteinn segir það lykilatriði að byrjendur fari ekki
of hratt af stað, lengd hlaupa og hraða eigi að auka jafnt og þétt.
Fjölmennur Hlaupahópur Stjörnunnar tók þátt í Gamlárshlaupi ÍR en hluti hópsins
safnaðist saman til myndatöku við Hörpuna rétt áður en hlaupið var flautað af stað.
Hlaupahópur
Stjörnunnar er
með fjölmennari
hlaupahópum
landsins.
Hlaupahópnum
er skipt í fjóra
flokka iðkenda;
byrjendur,
áhugasama
iðkendur,
lengra komna
og áhugafólk
um keppnir
og lengri
vegalengdir.
Þorsteinn ánægður eftir vel lukkað Lauga-
vegshlaup. Honum finnst skemmtilegast
að fylgjast með þeim sem koma síðastir í
mark í langhlaupum, það eru yfirleitt þeir
sem hafa afrekað mest. AÐSENDAR MYNDIR
„Ég hef drukkið rauðrófusafa í tæpt ár. Eftir að ég byrjaði að drekka
hann hef ég fundið ótrúlegan mun á styrk og þoli í hlaupunum,“ segir
Sigfríð Eik Arnardóttir, framkvæmdastjóri Heilsu ehf. Sigfríð hefur
stundað hlaup undanfarin ár, hún hefur tekið þátt í tveimur mara-
þonum og farið hálfmaraþon í Reykjavíkurmaraþoninu síðastliðin ár.
Heilsa ehf. f lytur inn tvær tegundir af rauðrófusafa. „Annars
vegar lífrænan rauðrófusafa frá Biotta og hins vegar safa sem heitir
Beet it. Það er óblandaður rauðrófusafi, 98 prósenta hreinn, með 2
prósenta sítrónusafa. Sítrónusafinn dregur úr jarðarbragðinu sem
mörgum þykir ekki gott,“ útskýrir Sigfríð. Sjálf drekkur hún eitt
stórt glas af ísköldum
Biotta-safanum á dag,
um það bil 300 til 400
ml, en ískaldur er hann
mjög góður á bragð-
ið. „Beet it sport-saf-
inn er tekinn í einu 70
ml skoti. Ég tek líka eitt
slíkt skot um tveimur
tímum fyrir æfingu og
finn ótrúlegan mun,“
segir Sigfríð og bend-
ir á að 15 ára sonur
hennar sé á sama máli
og hún. „Hann æfir
fótbolta með þriðja flokki FH. Þegar hann tekur skotið fyrir æfingar
segist hann finna fyrir því hve þolið eykst.“
Rauðrófusafinn hefur þó ekki aðeins hjálpað henni við hlaupa-
þjálfunina. „Síðasta haust kom upp hjá mér dálítið blóðþrýstings-
vandamál. Ég fór að lesa mér til um hvað ég gæti gert annað en að
fara á lyf. Þá fann ég margar rannsóknir sem sýndu að ef
maður drekkur um 500 ml af rauðrófusafa á dag lækk-
ar það blóðþrýstinginn,“ segir Sigfríð sem prófaði í sam-
ráði við lækninn sinn að drekka safann samhliða lyfjun-
um. Hún er nú hætt á lyfjunum eftir aðeins örfáa mán-
uði. „Nú held ég blóðþrýstingnum niðri með mataræði.“
En af hverju hefur rauðrófusafinn þessi áhrif?
„Ástæðan er sú að í honum er nítr-
at sem örvar súrefnisflæði líkam-
ans sem eykur getu og þol umtals-
vert og það er það sem við þurfum
á að halda, sérstaklega þegar álag-
ið er mikið,“ segir Sigfríð og bendir
á að í einu skoti af Beet it sport sé
jafn mikið af nítrati og í 400 ml af
venjulegum rauðrófusafa.
Hollara orkuskot en rauðrófu-
safi er eiginlega ekki til, það hent-
ar vel til að auka þol og getu fyrir
útihlaupin, hjólreiðatúrinn, golf-
ið, fjallgönguna og alla aðra lík-
amsrækt.
Rauðrófusafi eykur styrk
og þol í hlaupum
Sigfríð Eik Arnardóttir, framkvæmdastjóri Heilsu ehf.,
hefur persónulega reynslu af kostum rauðrófusafans.
MYND/DANÍEL
Úr nægu er að velja fyrir þá sem
vilja skrá sig í hlaup í sumar. Á vef-
síðunni hlaup.is er til dæmis að
finna úrval styttri og lengri hlaupa.
Eitt þeirra er Mýrdalshlaupið sem
haldið verður 7. júní en það ein-
kennist af mikilli náttúrufegurð
og fallegu útsýni á allri hlaupaleið-
inni.
Keppt verður í opnum flokki
karla og kvenna en skráning í
hlaupið fer fram á hlaup.is eða á
staðnum fyrir hlaupið frá klukkan
13 í Víkurskóla í Vík.
Mæting er við Víkurskóla klukk-
an 13.30 en rúta flytur keppend-
ur á rásstað við Dyrhólaey í Reynis-
fjöru. Hlaupið er af stað klukkan 14.
Hlaupið er eftir Reynisfjöru 2,5 km í
lausum sandi eða möl. Næstu 2 km
eru hlaupnir eftir malbikuðum vegi
inn fyrir Reyniskirkju og þaðan
upp í Reynisfjall. Næstu 3,5 km eru
hlaupnir utan vega og á slóða upp á
Reynisfjall eftir vesturbrún þess og
fram á brún syðst á fjallinu þar sem
sést niður á Reynisdranga. Eftir
austurbrún fjallsins er hlaupið inn
á malarveg sem liggur niður fjall-
ið að austan, til Víkur. Þar er náð
mestri hæð, sem er 200 m yfir sjó.
Hlaupið er niður eftir malarvegi og
endar hlaupið á íþróttavellinum í
Vík. Vegalengd er 10 km.
Hlaupið í Reynisfjöru