Fréttablaðið - 12.06.2014, Blaðsíða 2

12. júní 2014 FIMMTUDAGUR| FRÉTTIR | 2
Það hentaði mjög
mörgum að efnahagskerfi
Íslands hefði hrunið vegna
þess að hér voru óheiðar-
legir bankamenn.
Hreiðar Már Sigurðsson,
fyrrverandi forstjóri Kaupþings
Gunnar, verður þessi mynd
ekki mikil afturför fyrir
íslenska kvikmyndagerð?
„Stundum er hollt að horfa í
baksýnisspegilinn.“
Gamanmyndin Bakk, sem væntanleg er á
næsta ári, fjallar um tvo vini sem taka upp á
því að bakka bíl sínum hringveginn í kringum
Ísland.
DÓMSMÁL Ákæra á hendur þeim
Hreiðari Má Sigurðssyni, Sigurði
Einarssyni og Magnúsi Guðmunds-
syni, fyrrverandi stjórnendum
Kaupþings, var þingfest í Héraðs-
dómi Reykjavíkur í gær. Þeir eru
ákærðir fyrir umboðssvik, sem
geta varðað allt að sex ára fang-
elsisdómi ef sakir eru miklar.
Hreiðar Már mætti einn sak-
borninga í réttarsal í gær, en þeir
Sigurður og Magnús koma til lands
þann 4. júlí næstkomandi til að
taka afstöðu til dómsins. Hreiðar
neitaði sök fyrir dómi og sagðist
aldrei á þeim fimmtán árum sem
hann starfaði hjá Kaupþingi hafa
tekið ákvörðun gegn hagsmunum
bankans.
Ákæran snýr að lánveitingum
bankans vegna viðskipta með
skuldatryggingar fyrir hrun. Þeim
Hreiðari, Sigurði og Magnúsi er
gert að hafa misnotað stöðu sína
sem stjórnendur bankans í lánveit-
ingum til nokkurra eignarhalds-
félaga sem voru í eigu vildarvið-
skiptavina Kaupþings. Í ákærunni
kemur fram að lánin hafi numið
tugum milljarða króna.
Lánað var til sex félaga sem
skráð voru á Bresku Jómfrúaeyj-
um. Félögin voru öll í eigu eða
nátengd þeim Skúla Þorvaldssyni,
Ólafi Ólafssyni og Kevin Stanford,
nokkrum af stærstu viðskiptavin-
um Kaupþings. Lánin voru svo
notuð til að kaupa skuldatrygg-
ingar á Kaupþing, með það fyrir
augum að lækka skuldatrygg-
ingarálag bankans.
Hreiðar Már sagði fréttastofu í
gær að hann vildi að málinu gegn
sér yrði vísað frá á grundvelli
brota við rannsókn málsins, en
símtöl hans við verjanda sinn voru
hleruð af starfsmönnum sérstaks
saksóknara. Hann kallaði einnig
málið í heild sinni „nornaveiðar“
í kjölfar efnahagshrunsins 2008.
„Það þurfti að leita sökudólga,“
segir Hreiðar. „Það hentaði mjög
mörgum að efnahagskerfi Íslands
hefði hrunið vegna þess að hér
voru óheiðarlegir bankamenn.“
Þetta er í þriðja sinn sem þeir
Hreiðar, Sigurður og Magnús eru
ákærðir af sérstökum saksóknara
en þeir hlutu allir fangelsisdóma
fyrir umboðssvik og markaðs-
misnotkun í Al-Thani málinu svo-
kallaða í desember síðastliðnum.
Þeim dómi hefur verið áfrýjað til
Hæstaréttar.
Verjendur þremenninganna
lögðu fram sameiginlega bókun í
gær þar sem þeir segja það órétt-
látt að þeim ákærðu sé gert að
verjast í þremur umfangsmiklum
málum á sama tíma. Í bókuninni
er þetta sagt andstætt reglum um
réttláta málsmeðferð.
bjarkia@frettabladid.is
Sakaðir um að hafa
misnotað stöðu sína
Ákæra á hendur þremur fyrrverandi stjórnendum Kaupþings fyrir umboðssvik var
þingfest í gær. Hreiðar Már Sigurðsson, fyrrverandi forstjóri bankans, neitar sök
og kallar málið nornaveiðar. Umboðssvik geta varðað allt að sex ára fangelsi.
SEGIST SAKLAUS Hreiðar Már ásamt verjanda sínum, Gesti Jónssyni, í Héraðsdómi
Reykjavíkur í gær. FRÉTTABLAÐIÐ/PJETUR
LANDBÚNAÐUR „Það hafa komið
fram athugasemdir frá Félagi
svínaræktenda um störf yfirdýra-
læknis,“ segir Ólafur Friðriksson,
skrifstofustjóri í landbúnaðarráðu-
neytinu. Hann segir að ráðuneytið
vilji ekki tjá sig um málið að svo
stöddu.
Sigurborg Daðadóttir yfirdýra-
læknir tjáir sig ekki um athuga-
semdir svínabænda og segir málið
vera í höndum landbúnaðarráðherra
og forstjóra Matvælastofnunar.
Ný lög um dýravernd tóku gildi
um áramót. Samkvæmt þeim mega
svínabændur ekki lengur gelda
grísi án deyfingar.
RÚV vakti athygli á því í síð-
asta mánuði að svínbændur hefðu
hundsað lögin.
Yfirdýralæknir tjáði sig um
málefni svínabænda og voru svína-
bændur ósáttir við ummæli yfir-
dýralæknis.
Félag svínaræktenda ákvað því
að skrifa landbúnaðarráðherra og
forstjóra Matvælastofnunar bréf og
fara þess að leit að yfirdýralæknir
yrði úrskurðaður vanhæfur til að
fjalla um málefni svínabænda.
Matvælastofnun gaf svínarækt-
endum frest til 10. júní til að skila
áætlun um hvernig þeir ætluðu
að hætta ólöglegum geldingum á
grísum.
Á næstu dögum verður hafist
handa við að safna gögnum frá
héraðsdýralæknum um hvernig
svínaræktendur ætli að uppfylla
skilyrði laga um dýravernd og
hætta með öllu að gelda grísi án
deyfingar. - jme
Yfirdýralæknir segist ekki tjá sig um bréf svínaræktenda til landbúnaðarráðherra og Matvælastofnunar:
Gera athugasemdir við störf yfirdýralæknis
GRÍSAGELDINGAR Frestur svínarækt-
enda til að skila áætlun um hvernig
þeir ætli að uppfylla skilyrði laga um
dýravernd er runninn út. FRÉTTABLAÐIÐ/GVA
STAÐAR NUMIÐ Hinir auðþekkjanlegu leigubílar Lundúnaborgar stöðva hér umferð
til og frá Buckinghamhöll í gær. FRÉTTABLAÐIÐ/AP
BRETLAND Þúsundir leigubílstjóra stöðvuðu alla umferð víða í miðborg
Lundúna í gær til að mótmæla nýja snjallsímaforritinu Uber. Svipuð
mótmæli áttu sér stað víða um Evrópu, meðal annars í París og Berlín.
Forritinu er ætlað að reikna út kostnað bílferða líkt og gjaldmælir í
leigubíl. Þetta segja leigubílstjórar að gangi í berhögg við lög og eru þeir
æfir yfir skorti á reglum varðandi notkun á slíkum forritum.
Frá þessu greinir fréttastofa BBC. Mótmæli leigubílstjóra hófust á
Trafalgartorgi klukkan tvö í gær og stóðu í klukkustund. Um tíu þúsund
bílstjórar tóku þátt og í það minnsta tveir voru handteknir. - bá
Leigubílstjórar stöðvuðu umferð víða um Evrópu í gær:
Æfir yfir nýju snjallsímaforriti
SLYS Björgunarsveitir á Suðurlandi leituðu í allan
gærdag að íslenskri konu sem hefur verið týnd
frá því á laugardagskvöld. Seint í gærkvöldi sagði
Ólöf Baldursdóttir, upplýsingafulltrúi Slysa-
varnafélagsins Landsbjargar, að konan hefði ekki
enn fundist og að líklega yrði leitað áfram um
nóttina.
Erlend vinkona konunnar sem leitað er fannst
látin í Bleiksárgljúfri innst í Fljótshlíð, skammt
frá Hvolsvelli, í fyrradag. Leit að þeirri íslensku
hófst að fullu um eittleytið í gær og voru allar
björgunarsveitir á Suðurlandi kallaðar út sem og
sveitir á höfuðborgarsvæðinu.
Samkvæmt heimildum Vísis fundust föt
kvennanna við hyl í gljúfrinu og fundu kafarar
lík erlendu konunnar í hylnum. Samkvæmt fyrstu
skoðun virðist hún hafa drukknað og er nú eink-
um leitað niður með gilinu og út í Markarfljót.
Um er að ræða mjög víðtæka leit. Notast er við
hunda, kafara, gönguhópa og þyrlu Landhelgis-
gæslunnar. Í gærkvöldi höfðu um 170 manns
gengið til liðs við leitarsveitir en leitin engan
árangur borið. - bá
Vinkonu konunnar sem fannst látin í Bleiksárgljúfri enn leitað seint í gær:
Leitin enn ekki borið árangur
BJÖRGUNARSVEITIR Konan fannst ekki í gær þrátt fyrir víð-
tæka leit. FRÉTTABLAÐIÐ/MAGNÚS HLYNUR HREIÐARSSON
DÓMSMÁL Slökkviliðsmaður sem
missti vinnuna í kjölfar umfjöll-
unar um hann á RÚV í janúar
2013 hefur stefnt Malínu Brand
fréttakonu og Óðni Jónssyni,
þáverandi fréttastjóra RÚV, fyrir
meiðyrði.
Fréttin fjallaði um kynferðis-
brot sem maðurinn var dæmdur
fyrir tæpum tíu árum áður. Hún
var flutt í kjölfar umfjöllunar
Kastljóss um brot Karls Vignis
Þorsteinssonar. Maðurinn krefst
ómerkingar á fréttinni. - nej
Stefnir fréttamönnum RÚV:
Missti vinnuna
vegna fréttar
DÓMSMÁL Karlmaður var í gær
dæmur í fimm mánaða skilorðs-
bundið fangelsi í Héraðsdómi
Reykjavíkur fyrir að hafa haft
302 kannabisplöntur í vörslu sinni
í mars árið 2009.
Einnig fundust á sama tíma
4,95 grömm af kannabislaufum í
fórum hans.
Kannabisplönturnar og -laufin
ásamt fjórum brúsum af blóma-
áburði og einni peru voru gerð
upptæk. Maðurinn var dæmdur til
að greiða allan sakarkostnað. - jme
Átti kannabisplöntur og -lauf:
Fimm mánuðir
skilorðsbundnir
SPURNING DAGSINS
Smiðjuvegi 2, Kóp - S. 554 0400
3 brennarar úr ryðfríu stáli
Opið laugardaga til kl. 16