Fréttablaðið - 12.06.2014, Blaðsíða 78

12. júní 2014 FIMMTUDAGUR| LÍFIÐ | 54
„Við ætlum allavega að reyna
að sprengja upp Hörpuna, við
reyndum það í fyrra og það
munaði litlu þá,“ segir Birgir
Jónsson, trommuleikari hljóm-
sveitarinnar Dimmu, en sveitin
heldur útgáfutónleika í Hörpu
í kvöld. Sveitin gaf út sína
fjórðu stóru hljóðversplötu
fyrir skömmu og ber hún nafnið
Vélráð. Sveitin ætlar að fagna
henni með tónleikum víðs vegar
um landið.
„Á tónleikum okkar í Hörpu
í fyrra komumst við yfi r ein-
hvern sprengjulager frá því
Iron Maiden komu hingað til
lands, enda fór eldvarnakerfi ð
þrisvar sinnum í gang hjá okkur
í fyrra. Við ætlum að reyna að
gera enn betur í ár og erum með
mjög fl ottar sprengjur tilbúnar,“
útskýrir Birgir.
Hann segir það ekki tekið
upp úr götunni að nota slíkar
sprengjur á tónleikum. „Það þarf
að fá sérstakt sprengjuleyfi og
það er maður sem sér eingöngu
um þetta. Maður fer ekkert í að
græja þetta daginn fyrir gigg.“
Tónleikarnir í Hörpu hefjast
klukkan 20.00 en sveitin kemur
svo fram á Græna hattinum á
Akureyri á föstudagskvöldið.
„Við verðum mjög duglegir í
sumar og erum með um þrjátíu
tónleika bókaða fram að hausti,“
bætir Birgi við. - glp
Reyna aft ur að sprengja Hörpu upp
Hljómsveitin Dimma heldur útgáfutónleika í Hörpu í kvöld og ætlar að nota þar tals-
vert magn af sprengiefni. Sveitin er með um þrjátíu tónleika bókaða fram að hausti.
SVAKA SPRENGJUR Hljómsveitin
Dimma ætlar að sprengja talsvert magn
af sprengjum á útgáfutónleikunum í
kvöld. MYND/BRYNJAR SNÆR
„Ég mæti í vinnuna klukkan 8.59 og
sest niður með kaffi og vatnsglas. Í
kjölfarið blóta ég svo sjálfum mér
fyrir að nenna aldrei að elda mér
hafragraut.“
Snæbjörn Ragnarsson,
tónlistarmaður og skáld
MORGUNMATURINN
„Stærstu sögurnar eru svolít-
ið út frá mér og það getur verið
mjög ógnvekjandi að gefa þær
út,“ segir hin 23 ára gamla Alma
Mjöll Ólafsdóttir sem gefur út sína
fyrstu bók, 10.01 Nótt, á afmælis-
degi sínum á morgun, föstudaginn
þrettánda. „Bókin er smásagna-
safn með einu ljóði sem dreifist
yfir bókina, formið er mjög laust,“
segir Alma sem lýsir bókinni sem
eins konar uppgjöri hennar við
fyrri lifnaðarhætti.
„Bókin á að vera einlæg, heið-
arleg og vitnisburður um hvern-
ig það er að vera ungur og týnd-
ur, allt skrifað út frá manneskju
sem er frekar týnd sjálf,“ segir
rithöfundurinn og bætir því við
að hún sé á mun betri stað í dag.
„Ég er löngu fundin og það er fal-
legt, ég hefði aldrei getað gefið út
bókina ef ég væri enn þá í sama
fari,“ segir Alma. „Sumt í henni er
ég alveg skíthrædd við að gefa út
en það er svo frelsandi því ég er
komin svo langt frá þessu.“
Alma Mjöll segir meginþema
bókarinnar vera áfengisneyslu
og alkóhólisma og byggir sumar
af smásögunum á eigin reynslu.
Hún gefur bókina út hjá nýju for-
lagi sem nefnist Sagarana Edi-
toria. „Þetta byrjaði þegar ég hélt
sýningu í mars á krotinu mínu og
í kjölfarið hafði maður samband
við mig sem var að stofna nýtt for-
lag,“ segir Alma en henni var síðan
boðið að vera listrænn stjórnandi
og sjá um bókarkápuhönnun for-
lagsins. „Það er besta vinna sem
ég get ímyndað mér, algjör milli-
vegur á milli þess sem ég elska,
myndlistar og bóka,“ segir Alma
og hlær en systir hennar, Helga
Dögg Ólafsdóttir, hannar kápuna
á 10.01 Nótt. „Mér finnst mjög
fallegt að systir mín fái að gera
kápuna því hún er svo persónuleg
bókin,“ segir rithöfundurinn.
baldvin@frettabladid.is
Áfengisneysla og
uppgjör í fyrstu bók
Alma Mjöll Ólafsdóttir er 23 ára myndlistarkona og rithöfundur en fyrsta bók
hennar, 10.01 Nótt, fj allar um ferðalag ungs fólks um óravíddir djammsins.
UNG OG UPPRENNANDI Alma Mjöll gerir upp fyrri lifnaðarhætti.
FRÉTTABLAÐIÐ/VILHELM
„Þetta er mikill heiður og hlakka
ég mikið til,“ segir hinn 24 ára
gamli leiklistar- og leikstjórnar-
nemi, Hera Fjölnisdóttir, en hún
leikstýrir verki á listahátíð sem
fram fer í Crouch End í London um
helgina. Aðeins fimm verk nem-
enda eru valin til þess að taka þátt
í listahátíðinni. „Á hverju ári eru
um hundrað verk unnin í skólanum
og yfirmaður leikstjórnarsviðsins
velur svo einungis fimm verk sem
taka þátt í listahátíðinni.“
Hera, sem er á sínu þriðja ári á
leikstjórnarbraut í skólanum The
Kogan Academy of Dramatic Arts
í London, leikstýrir senu úr óper-
unni Carmen eftir Georges Bizet
á hátíðinni.
Hún kann vel við sig í Lund-
únum og stefnir á að vera þar
áfram. „Ég kann mjög vel við mig
hérna, þetta er algjör drauma-
borg. Ég ætla að vera áfram hér
eftir útskrift og langar að stofna
mitt eigið leikhúsfyrirtæki,“ segir
Hera. Hana langar einnig að vinna
sem mest sem leikkona, bæði á
Íslandi og erlendis.
Sumarið hjá henni er undirlagt
af leiklistarvinnu í Lundúnum. „Í
sumar setjum við upp síðasta leik-
ritið undir handleiðslu kennara og
í haust hefst síðasta árið mitt og þá
leik ég í verkum hjá samnemend-
um mínum og leikstýri mínu eigin
útskriftarverki, þannig að það eru
bara bjartir tímar fram undan.“
- glp
Leikstýrir verki á hátíð í London
Hera Fjölnisdóttir er búsett í London þar sem hún stundar leiklistar- og leik-
stjórnarnám. Hún leikstýrir verki á listahátíð sem fram fer í London um helgina.
LEIKLIST Í LONDON Hera Fjölnisdóttir
leikstýrir verki á listahátíð í London um
helgina. MYND/GUÐMUNDUR ÞÓR GUNNARSSON