Fréttablaðið - 15.08.2014, Page 6

15. ágúst 2014 FÖSTUDAGUR| FRÉTTIR | 6
LANDBÚNAÐUR „Ég held að þetta
verði alveg sæmilega gott ár en
ég hef ekki trú á því að þetta
muni duga landinu,“ segir Berg-
vin Jóhannsson, formaður Félags
kartöflubænda, um uppskeru sum-
arsins.
Bergvin spáir að uppskeran verði
betri í ár en í fyrra þegar hún var
einungis um sjö þúsund tonn. Kart-
öflubændur hafi talið þau ár góð
þegar magnið var nær 12 til 13 þús-
und tonnum.
„Það er það mikið eftir af
sprettutímanum að það er ekki
hægt að segja til um hvernig þetta
mun enda fyrr en í septemberlok.
En ég spái að þetta verði um níu
þúsund tonn,“ segir Bergvin.
Kartöflur eru að hans sögn
ræktaðar á Eyjafjarðarsvæðinu, í
Hornafirði og Þykkvabæ.
„Það er óljóst með Þykkvabæinn.
Sprettan þar er ekki orðin nálægt
því nógu góð vegna bleytu og sólar-
leysis í sumar. Uppskeran í fyrra
var mjög slæm og þá sérstaklega í
Þykkvabænum og rétt undir meðal-
lagi norðanlands en ágæt í Horna-
firði.“
Bergvin segir suma kartöflu-
bændur sem ræktuðu undir dúk
hafa getað selt beint í verslanir í
kringum 20. júlí síðastliðinn.
„Það sem er sett undir dúk er
alltaf dálítið á undan en það er bara
svo dýr ræktun að menn geta ekki
nýtt það nema að litlu leyti.“ - hg
119.900
FULLT VERÐ 139.
900
79.200
FULLT VERÐ 99.9
00
1. Hvaða verksmiðja býr við rafmagns-
trufl anir yfi r daginn næstu daga?
2. Hver er framkvæmdastjóri Atlants-
hafsbandalagsins?
3. Hver er núverandi bankastjóri
Seðlabankans?
SVÖR
1. Íslenska kalkþörungafélagið á Bíldudal.
2. Anders Fogh Rasmussen.
3. Már Guðmundsson.
LANDBÚNAÐUR Samkvæmt nýjustu
tölum um sölu á lambakjöti eru um
tvö þúsund tonn af kjöti óseld frá
síðustu slátrun. Slátrun er nú hafin
fyrir útflutning en fer svo á fullt
með haustinu fyrir innanlands-
markað. Á sama tíma í fyrra voru
1.750 tonn útistandandi.
Fréttablað-
ið greindi frá
því á þriðjudag
að innflutning-
ur á nautakjöti
hefði tífaldast á
milli ára. Þórar-
inn Ingi Péturs-
son, formaður
Landssamtaka
sauðfjárbænda,
segir að sú stað-
reynd sé áhyggju-
efni fyrir sauð-
fjárbændur. „Okkur finnst þessi
heildar mynd vera skökk. Við náum
ekki að fylla það tómarúm sem
kemur varðandi skort á nautakjöti
og þá erum við væntanlega ekki að
standa okkur í markaðssetningu og
vöruþróun á lambakjöti.“
Hann segir að sláturleyfishöf-
um hafi ekki tekist nægilega vel
að kynna lambakjötið fyrir erlend-
um ferðamönnum þrátt fyrir mikla
fjölgun þeirra. „Erlendir ferðamenn
eru að borða hitt og þetta en ég tel
að við séum ekki að kynna lamba-
kjötið þannig að við séum að laða
ferðamanninn að diskinum. Slátur-
leyfishafar þurfa að hugsa dæmið
upp á nýtt.“
Sala á lambakjöti hefur þótt
ganga ágætlega í Bandaríkjunum.
Nýlega greindi Bændablaðið þó
frá því að matvælakeðjan Whole-
foods hefði ákveðið að auglýsa ekki
íslenskt lambakjöt vegna afstöðu
íslenskra stjórnvalda til hvalveiða.
Allir viðmælendur Fréttablaðsins
voru sammála því að auglýsinga-
bann Wholefoods hefði haft áhrif á
söluna erlendis.
Sindri Sigurgeirsson, formaður
Bændasamtakanna, hvatti bænd-
ur til að auka við framleiðslu
sína þegar hann sat sem formað-
ur Landssamtaka sauðfjárbænda.
Hann telur vandann ekki liggja í
offramleiðslu á lambakjöti. „Ég tel
að það hafi ekki verið misráðið af
mér. Möguleikarnir í sauðfjárrækt-
uninni liggja í því að gera lambakjöt
að útflutningsvöru.“
Sláturleyfishafar hafa verið að
sækja inn á Rússlandsmarkað á
síðastliðnum þremur árum. Ágúst
Andrésson, formaður Landssam-
taka sláturleyfishafa, hefur ekki
áhyggjur af því að nýlegar svipt-
ingar í tengslum við Rússland muni
hafa áhrif á markaðinn. „Ég trúi því
að Íslendingar fari ekki að blanda
einhverjum viðskiptasamningum
í milliríkjadeilur. Við erum búin
að leggja mikið í markaðsstarf og
það hefur kostað fullt af pening-
um. Það væri mjög dapurt ef við
næðum ekki að njóta ávöxtunar af
því starfi,“ segir Ágúst.
Viðmælendur Fréttablaðsins telja
jafnframt allir að rigningasumar á
suðvesturhorninu hafi áhrif á sölu-
tölurnar. „Veðrið hefur leikið okkur
grátt á þessu stærsta markaðs-
svæði,“ segir Sigurður Eyþórsson,
framkvæmdastjóri Landssamtaka
sauðfjárbænda. snaeros@frettabladid.is
Ferðamenn áhuga-
litlir um lambakjöt
Rigningasumar á höfuðborgarsvæðinu hefur áhrif á sölu lambakjöts því tæki-
færin til að grilla eru mun færri. Hvalveiðar Íslendinga hafa haft neikvæð áhrif á
sölu lambakjöts í Bandaríkjunum. Ekki of mikið framleitt af kjöti, segja bændur.
ÞÓRARINN INGI
PÉTURSSON
Formaður
Landssamtaka
sauðfjárbænda.
SIGURÐUR
EYÞÓRSSON
Framkvæmdastjóri
Landssamtaka
sauðfjárbænda.
SINDRI SIGUR-
GEIRSSON
Formaður Bænda-
samtakanna.
INNAN UM GRÖSIN Bergvin
Jóhannsson ræktar kartöflur á
bænum Áshóli í Grýtubakkahreppi.
Formaður Félags kartöflubænda spáir níu þúsund tonna uppskeru og heldur að hún muni ekki duga:
Stefnir í betri kartöfluuppskeru en í fyrra
Á LEIÐ Í SLÁTURHÚSIÐ Venjan
hefur verið að sláturhúsin taki við
öllu því kjöti sem bændur vilja
koma til slátrunar. Það getur leitt
til offramleiðslu. FRÉTTABLAÐIÐ/VILHELMALÞINGI Nefndarmenn í allsherjar-
og menntamálanefnd munu heim-
sækja fangelsin Litla-Hraun og
Sogn í dag.
„Við munum hitta fanga úr
Afstöðu, félagi fanga. Auk þess
mun Margrét Frímannsdóttir, for-
stöðumaður á Litla-Hrauni, sýna
okkur aðstöðuna,“ segir Páll Valur
Björgvinsson, varaformaður alls-
herjar- og menntamálanefndar.
„Síðan förum við á Hólmsheiði
með Páli Winkel fangelsismála-
stjóra að skoða hvernig bygging
fangelsisins þar gengur,“ segir
Páll Valur. - ih

Hitta fangelsismálastjóra:
Allsherjarnefnd
á Litla-Hraun
LITLA-HRAUN Nefndarmenn munu
hitta Margréti Frímansdóttur, forstöðu-
mann á Litla-Hrauni, í dag.
HAFNARFJÖRÐUR Bæjarráð Hafn-
arfjarðar samþykkti á fundi
sínum í gær lánasamninga við
Íslandsbanka um gjaldeyris-
varnir vegna erlendra skuldbind-
inga bæjarins. Samningarnir eru
gerðir til þess að takmarka geng-
isáhættu bæjarins.
Sams konar samningar hafa
verið gerðir áður við lánar-
drottna Hafnarfjarðarbæjar,
bæði fyrir og eftir hrun.
Fulltrúar minnihlutans studdu
gerð fyrirliggjandi samnings,
enda er hann í samræmi við áætl-
un fyrri meirihluta um endurfjár-
mögnun erlendra lána og hluti af
þeirri undirbúningsvinnu sem
unnin var síðastliðinn vetur. - sa
Bæjarráð samþykkir lán:
Takmarka
gengisáhættu
HAFNARFJÖRÐUR Samingarnir eru
gerðir til að takmarka gengisáhættu.
AKUREYRI Heilbrigðisráðherra
hefur á fundi með bæjarráði
Akureyrar tilkynnt að ríkið muni
taka aftur við rekstri Heilsu-
gæslustöðvarinnar á Akureyri
(HAK) með sameiningu heil-
brigðisstofnana á Norðurlandi.
Allt frá árinu 1997 hefur Akur-
eyrarbær rekið heilsugæsluna,
fyrst sem reynslusveitarfélag en
síðustu ár samkvæmt þjónustu-
samningi við ríkið.
Bæjarráð Akureyrar harmar
þessa niðurstöðu ráðherra og telur
að nærþjónustu af þessu tagi sé
best valinn staður sem næst íbúum
sveitarfélagsins. - sa
Heilsugæslan á Akureyri:
Ríkið tekur yfir
heilsugæsluna
KOSNINGAR Fleiri konur kusu í
borgarstjórnarkosningunum síð-
astliðið vor en karlar, eða 64 pró-
sent á móti 62 prósentum. Konur
voru meirihluti kjósenda allt
fram að aldursbilinu 75-79 ára.
Skrifstofa borgarstjórnar tók
saman tölur um kjörsókn eftir
aldri. Tölurnar sýna að kjörsókn
ungs fólks í kosningunum var lítil
en meðalkjörsókn næst á aldurs-
bilinu 40-44 ára og síðan fer hún
hækkandi fram að bilinu 75-79
ára. - ebg
Kjörsókn ungs fólks lítil:
Fleiri konur
kjósa en karlar
VEISTU SVARIÐ?