Fréttablaðið - 15.08.2014, Side 8

15. ágúst 2014 FÖSTUDAGUR| FRÉTTIR | 8
Fyrir heimili og vinnustaði
Suðurlandsbraut 20, Reykjavík | Sími 588 0200 | www.eirvik.is
INDLAND, AP Hópur indverskra barna á vart um annað að velja en að
synda í skólann, fimmtán metra yfir ána Heran. Vilji þau komast í
skólann þurrum fótum þurfa þau að flækjast 25 kílómetra langa leið,
og komast þá á brú yfir ána.
„Við höfum hvað eftir annað óskað eftir því að fá brú,“ segir Raj-
endra Purohit, skólastjóri í Narmada í Gujarat-héraði.
Alls eru þetta um sextíu börn á unglingsaldri. Þau setja skólabæk-
urnar sínar og þurr föt í plastpoka eða töskur, og fara síðan yfir ána
sem nær þeim í axlir þar sem dýpst er. Þegar yfir er komið klæða
strákarnir sig í þurr föt á bakkanum en stelpurnar fara inn í lítinn
búningsklefa.
Stundum fara foreldrar eða aðrir fullorðnir með þeim yfir ána, en
enginn bátur virðist vera við höndina. - gb
Hópur skólabarna þarf brú yfir ána Heran:
Þurfa að synda daglega í skólann
Á LEIÐ Í SKÓLANN Valið stendur á milli þess að synda 15 metra eða flækjast
þurrum fótum 25 kílómetra krókaleið með brú yfir ána. FRÉTTABLAÐIÐ/AP
BRETLAND Lögregla í Berkshire
á Bretlandi gerði húsleit á heimili
breska tónlistarmannsins Cliff
Richards í gær.
Húsleitin er í tengslum við
rannsókn tengda broti á dreng
sem var yngri en sextán ára
þegar brotið var gegn honum á
níunda áratugnum ef marka má
frétt BBC.
Richards sendi frá sér yfirlýs-
ingu þar sem hann neitar öllum
ásökunum. - ih
Rannsókn vegna barnaníðs:
Húsleit hjá
Cliff Richards
KÍNA Lögfræðingur kínverska
andófsmannsins Gao Zhisheng
segir skjólstæðing sinn illa hald-
inn eftir þriggja ára fangelsis-
dvöl. BBC greinir frá.
Gao var sleppt úr haldi í síð-
ustu viku en hann hefur misst um
tuttugu kíló og nokkrar tennur
vegna vannæringar samkvæmt
mannréttindasamtökunum Free-
dom Now. Daglegur matar-
skammtur Gao var kálhaus og ein
brauðsneið. - ih
Misst tennur og 20 kíló:
Illa farinn eftir
fangelsisvist
SKÓLAMÁL Nemendum við Háskóla Íslands
fækkar um nærri þúsund frá fyrra ári. Reiknað
er með því að nemendur á næsta skólaári verði
rúmlega 13 þúsund en þeir hafa undanfarin ár
verið í kringum 14 þúsund. Þrátt fyrir að nem-
endum í heild fækki þá er fjöldi nýnema svip-
aður og undanfarin tvö ár, eða 2.900.
Samkvæmt upplýsingum frá Háskólanum er
skipting nemenda eftir kynjum sú sama og und-
anfarin ár, tveir þriðju nemenda eru konur en
karlar eru einn þriðji.
Sú grein þar sem nemendum hefur fjölgað hvað
mest síðustu misseri er tölvunarfræði, nemend-
ur í tölvunarfræði voru 54 haustið 2010 en 220
nýnemar hefja nám í tölvunarfræði í haust.
Fjölmennasta námsgreinin á meðal nýnema er
viðskiptafræði. Þar hafa 275 nemendur staðfest
skólavist. Um 200 hyggja á nám í sálfræði og
nærri 150 í hjúkrunarfræði.
Í verkfræðigreinum sem kenndar eru í Háskóla
Íslands hefja samtals um 220 nemendur nám í
haust, en þess má geta að í rafmagns- og tölvu-
verkfræði fjölgar konum mikið í ár miðað við
síðustu ár.
Mest fækkun nýnema er í lögfræði, 80 hefja
nám í haust en voru 200 í fyrra. Skýringin er sú
að inntökupróf voru tekin upp í greininni í ár.
Háskólanemum fjölgaði mikið í kjölfar efna-
hagshrunsins. Árið 2010 voru þeir um 10 þús-
und en voru um 14 þúsund árin þar á eftir. - jme
Fjórföld fjölgun nemenda í tölvunarfræði en nýnemum í lögfræði fækkar um meira en helming:
Nemendum við Háskóla Íslands fækkar
FÆRRI NEMENDUR Heldur færri nemendur verða við
nám í HÍ í vetur en undanfarin ár. FRÉTTABLAÐIÐ/ANTON
AKUREYRI Fjórtán umsóknir
bárust um stöðu fræðslustjóra
Akureyrarkaupstaðar. Gunnar
Gíslason, fráfarandi fræðslu-
stjóri, sagði starfi sínu lausu
eftir að hann náði kjöri sem
bæjarfulltrúi að loknum síðustu
sveitar stjórnarkosningum.
Tíu konur sóttu um starfið en
aðeins fjórir karlar. Í hópi þeirra
sem sóttu um eru þrír skólastjór-
ar og tveir aðstoðarskólastjórar.
Helmingur umsókna kom frá
fólki búsettu utan Akureyrar. - sa
Fræðslustjórastarf vinsælt:
Fjórtán sóttu
um starfið
UTANRÍKISMÁL Ísland á að svara
kalli vinaþjóða innan Atlantshafs-
bandalagsins (NATO) og auka fram-
lag sitt til varnarsamstarfsins.
Slíkt er best gert með því að leggja
áherslu á borgaraleg verkefni að
mati ráðamanna.
Sigmundur Davíð Gunnlaugsson
forsætisráðherra segir að íslensk
stjórnvöld séu mjög meðvituð um
ábyrgð sína í öryggis- og varnar-
málum og nauðsyn þess að leggja
sitt af mörkum innan NATO.
„Við framkvæmdastjóri NATO
áttum mjög góð samtöl í þessa
veru og ræddum m.a. um netör-
yggismál og leit og björgun á hafi
þar sem Ísland hefur tvímælalaust
margt fram að færa. Við höfum
einnig gert okkur gildandi í jafn-
réttismálum og ályktun öryggis-
ráðs SÞ um konur, frið og öryggi
svo dæmi sé tekið. Fram undan
er leiðtogafundur bandalagsins í
Wales og við munum í aðdraganda
þess fundar fara yfir okkar stöðu
og hvar við gætum mögulega bætt
í, og þá með hliðsjón af stöðu ríkis-
fjármála,“ segir Sigmundur.
Gunnar Bragi Sveinsson utan-
ríkisráðherra telur að Ísland eigi
að auka framlag sitt til Atlants-
hafsbandalagsins (NATO), sé þess
nokkur kostur.
Anders Fogh Rasmussen, fram-
kvæmdastjóri NATO,
kallaði eftir því á fundum
með íslenskum ráðamönn-
um í vikunni að Ísland,
eins og önnur aðildarríki
bandalagsins, auki fram-
lög sín til varnarsam-
starfsins vegna vaxandi
spennu í Evrópu. Kostnað-
ur íslenska ríkisins vegna
aðildar að NATO er um
600 milljónir á ári, að því er næst
verður komist.
„Það er erfitt að bæta miklu við
en við hljótum að þurfa að taka
til skoðunar þessa beiðni fram-
kvæmdastjórans og NATO-þjóð-
anna. Við erum hluti af þessum
félagsskap og tökum á okkur viss-
ar skuldbindingar. Það eru ríki
að reyna að ná því markmiði að
verja tveimur prósentum af þjóð-
arframleiðslu í varnar-
mál, þó ég segi ekki að við
eigum að stefna þangað,
en við eigum að sjálfsögðu
að reyna að auka framlög-
in sé þess óskað, og ef við
mögulegu getum,“ segir
Gunnar Bragi.
Gunnar Bragi segir
ljóst að blikur séu á lofti
í öryggismálum í heimin-
um. „Við verðum að fara yfir hvar
okkar borgaralegu áherslur liggja
þegar kemur að þessu sameigin-
lega verkefni. Það má tengja þetta
við þingmál sem ég legg fyrir
þingið í haust og er þjóðarörygg-
isstefna fyrir Ísland. Þar munum
við að sjálfsögðu koma fram með
okkar áherslur, sem hljóta að
tengjast áherslum okkar í varnar-
samstarfinu.“ svavar@frettabladid.is
Svara ber kalli NATO
um aukið framlag
Forsætis- og utanríkisráðherra telja að skuldbindingar Íslands gagnvart NATO
krefjist þess að Ísland reyni að auka framlög til bandalagsins. Lögð skal áhersla á
borgaraleg verkefni. Leitað að matarholum með hliðsjón af stöðu ríkisfjármála.
MÁLIN RÆDD Anders Fogh Rasmussen og Gunnar Bragi Sveinsson funduðu um stöðu mála á miðvikudag. FRÉTTABLAÐIÐ/ARNÞÓR
Aðspurður hvort Ísland eigi að leggja meira af mörkum til NATO svarar
Birgir Ármannsson, formaður utanríkismálanefndar, því til að hann sé
þeirrar skoðunar „að við eigum afdráttarlaust að leita leiða til þess“. Hann
segir að Ísland eigi að finna svið þar sem þjóðin getur lagt sitt af mörkum.
„Ég er sammála því mati Anders Fogh að efla þurfi NATO við þær að-
stæður sem eru uppi í heimsmálum. Við getum ekki skorast undan því að
gera það með þeim hætti sem við best getum. Ef það felst í því að leggja
fram vinnu borgaralegra sérfræðinga á ákveðnum sviðum, sem er sú leið
sem blasir við, þá eigum við að gera það,“ segir Birgir.
Efla þarf NATO í ljósi stöðu heimsmála
BIRGIR
ÁRMANNSSON