Fréttablaðið - 11.09.2014, Blaðsíða 50

KYNNING − AUGLÝSINGHaust- og vetrartíska FIMMTUDAGUR 11. SEPTEMBER 20148
EIGNAST BRÚÐARKJÓL MÓÐUR SINNAR
Harry prins verður þrítugur þann 15. september. Þann dag erfir hann
brúðarkjól móður sinnar en deilir honum með bróður sínum, Vilhjálmi.
Brúðarkjóllinn er einn frægasti og verðmætasti brúðarkjóll í heimi. Frá því
að Díana prinsessa lést í bílslysi árið 1997 hefur bróðir hennar, Charles
Spencer, verið ábyrgðarmaður kjólsins sem hefur verið geymdur í húsi
fjölskyldunnar í Althorpe í Northampton. Í erfðaskrá Díönu kemur fram að
synir hennar eigi að fá kjólinn þegar sá yngri, Harry, verður þrítugur.
Díana og Karl prins giftu sig árið 1981 og hefur það verið kallað brúð-
kaup aldarinnar. Kjóllinn vakti mikla athygli, hann er úr silki, skreyttur
mörg þúsund perlum. Almenningur hefur getað séð kjólinn þar sem hann
hefur verið sýndur víða um heim. David og Elizabeth Emanuel hönnuðu
hann. Díana klæddist breskri hönnun fyrstu ár sín sem prinsessa en þegar
frá leið skipti hún yfir í Versace, Christian Lacroix, Ungaro og Chanel.
FETAÐ Í FÓTSPOR
CAMERON DIAZ
Kvikmyndastjarnan Cameron
Diaz frumsýndi á dögunum
fyrstu skólínu sína fyrir Pour
La Victoire.
„Þegar ég byrjaði að vinna fyrir
Pour La Victoire voru svimandi
háir platform-skór hæstmóðins
en svoleiðis skófatnaður hentar
mér illa þar sem ég er nógu
hávaxin fyrir,“ segir Cameron
sem er fastheldin í skókaupum
og vill að skór vinni með
eigendum sínum ásamt því að
prýða fæturna.
„Þægindi skipta mig mestu. Í
New York geng ég mestmegnis
í flatbotna skóm og stígvélum
en ef ég finn frábæra hælaskó í
borgarröltið er ég í þeim öllum
stundum. Í Los Angeles, þar
sem maður fer allra sinna ferða
í bíl, tek ég hælaskóna fram yfir
og ekki síst háhæla stígvél sem
haldast vel á fætinum og gera
mig fljóta í ferðum. Við viljum
allar klæðast skóm sem okkur
líður vel í, gera okkur flottar og
tolla á fætinum án mikillar fyrir-
hafnar. Það einkennir skólínu
mína fyrir Pour La Victoire.“
Glæsilegir
ökklaskór
frá
Cameron
Diaz.
GÓÐ UMHIRÐA
UM GÚMMÍIÐ
● Þvoið stígvélin með heitu
vatni og mildum sápulegi.
Notið mjúkan svamp eða klút
í stað bursta.
● Látið stígvélin þorna við
stofuhita. Varist að reyna að
flýta fyrir þurrkun þar sem hiti
getur skemmt gúmmíið.
● Geymið stígvélin standandi
fjarri hitagjafa og í skugga.
● Berið silíkonáburð á stígvélin
mánaðarlega meðan þau eru
í mestri notkun.
www.ehow.com