Fréttablaðið - 24.09.2014, Page 2

24. september 2014 MIÐVIKUDAGUR| FRÉTTIR | 2
➜ Lögmaður Menka
segir það brot á mannrétt-
indum ef rétt reynist að
Menka hafi ekki fengið
að hringja í lögmann
sinn þegar hann
var handtekinn.
MENNTAMÁL Stúdentaráð Háskóla
Íslands lýsir yfir miklum von-
brigðum með fjárlagafrumvarp
næsta árs og segir niðurskurð
til skólans undanfarin ár stefna
grunnstoðum hans í hættu.
Þetta segir í ályktun frá ráðinu.
Gerð er athugasemd við það að
háskólakerfið á Íslandi fái aðeins
62 prósent af meðalfjárveitingu
OECD-landanna.
„Ef áfram verður haldið á
sömu braut er ljóst að smám
saman heltist háskólinn úr lest-
inni í samkeppni háskóla á heims-
vísu,“ segir jafnframt. - bá
Stúdentar gagnrýna fjárlög:
Óttast um stöðu
Háskóla Íslands
DÓMSMÁL Karlmaður, sem grun-
aður er um sérstaklega hættulega
líkamsárás, neitaði í gær sök í Hér-
aðsdómi Reykjaness en hann á að
hafa aðfaranótt sunnudagsins 13.
maí 2012 kastað eða slegið gler-
glasi í andlit annars karlmanns.
Atvikið átti sér stað á skemmti-
staðnum B5 í Bankastræti en
glerbrot köstuðust einnig í andlit
konu sem var gestur á staðnum.
Hinn ákærði á einnig að hafa
slegið karlmanninn ítrekað með
hnefanum í andlit og líkama en
maðurinn hlaut sár á hægra kinn-
beini og á höku. - sáp
Sakaður um að kasta glasi:
Segist saklaus af
hættulegri árás
BERLÍN, AP Mannréttindaskrifstofa
Sameinuðu þjóðanna segir 3.543
manns hið minnsta hafa látist í
átökunum í Austur-Úkraínu ef
þeir 298 sem fórust með farþega-
flugvélinni MH17 eru taldir með.
Ivan Simonovic, aðalritari mann-
réttindamála, segir töluna þó
„sennilega talsvert hærri“. Áður
var fjöldi látinna talinn vera í
kringum þrjú þúsund.
Vopnahléi var komið á 5. sept-
ember en fram að því féllu að
meðaltali 42 á dag í átökunum. - bá
3.543 hafa fallið í Úkraínu:
Mannfall meira
en áður var talið
EFNAHAGSMÁL Jón Steinsson,
dósent í hagfræði við Columbia-
háskóla, segir að frumvarp um
breytingar á virðisaukaskatti
sé mikilvægt skref í rétta átt
í skattamálum. Þetta segir í
umsögn sem hann sendi efna-
hags- og viðskiptanefnd Alþingis.
Jón segir að breytingarnar sem
lagðar séu til muni draga úr óhag-
kvæmni skattkerfisins. „Þó er
vert að huga betur að mótvægis-
aðgerðum fyrir heimili með lágar
tekjur,“ segir í umsögn Jóns.
Hann segir að til lengri tíma
væri skynsamlegt að minnka
enn frekar bilið milli skattþrep-
anna í virðisaukaskattskerfinu og
færa gistinætur og aðra þjónustu
sem erlendir ferðamenn greiða að
stórum hluta í efra þrepið. Efra
þrepið yrði svo lækkað á móti.
Viðskiptaráð Íslands mælti
einnig með því að frumvarpið
yrði samþykkt í umsögn sem send
var efnahags- og viðskiptanefnd í
gær.
- jhh
Dósent í hagfræði segir breytingar á virðisaukaskattinum skref í rétta átt:
Vill frekari skattabreytingar
SÁTTUR Jón Steinsson hagfræðingur
telur skynsamlegt að minnka enn frekar
bil milli skattaþrepanna. FRÉTTABLAÐIÐ/GVA
SPURNING DAGSINS
NÁTTÚRUVERND Náttúruverndarsamtök Íslands
segja orð Sigmundar Davíðs Gunnlaugssonar for-
sætisráðherra á loftslagsfundi Sameinuðu þjóð-
anna ekki í samræmi við stefnu núverandi ríkis-
stjórnar í loftslagsmálum.
Ráðherra sagði Íslendinga stefna að framtíð án
jarðefnaeldsneytis í ræðu sinni á fundinum í New
York í gær. Jafnframt lýsti hann yfir fullum stuðn-
ingi íslenskra stjórnvalda við að koma á kolefnis-
skatti til að draga úr losun koltvísýrings.
„Ísland miðar að því að verða jarðefniseldsneyt-
islaust hagkerfi og við höfum þegar hrint af stað
aðgerðum til að ná því markmiði,“ segir í ræðu
Sigmundar. „Ísland styður fyllilega að skattleggja
kolefni.“
Í tilkynningu samtakanna segir að yfirlýsing
ráðherrans um að hverfa frá notkun jarðefna-
eldsneytis hljóti að fela í sér þá stefnubreytingu
að Ísland muni ekki leyfa olíu- eða gasvinnslu á
Drekasvæðinu. Íslenska ríkið hefur undanfarið
miðað að því að taka þátt í olíuleit á svæðinu og
Orkustofnun gefið út sérleyfi til leitar.
Þá segir í tilkynningunni að stuðningur ráð-
herra við kolefnisskatta stangist á við lækkun
ríkisstjórnarinnar á kolefnisskatti á eldsneyti
síðastliðið vor. - bá
Ræða Sigmundar um loftslagsmál sögð stangast á við stefnu ríkisstjórnar:
Ósamræmis gæti í máli ráðherra
SIGMUNDUR DAVÍÐ GUNNLAUGSSON Forsætisráðherra
er um þessar mundir staddur í New York og mun taka þátt í
setningu allsherjarþings Sameinuðu þjóðanna í dag.
FRÉTTABLAÐIÐ/DANÍEL
JERÚSALEM, AP Sérsveitir Ísraelsmanna gerðu í gær árás á fylgsni
Hamas-samtakanna á Gasasvæðinu og drápu tvo Palestínumenn
sem grunaðir eru um morð þriggja ísraelskra táninga í sumar. Dauði
drengjanna þriggja hrinti af stað röð atburða sem endaði með árás
Ísraels á Gasa og fimmtíu daga stríði.
Benjamín Netanjahú, forsætisráðherra Ísraels, fagnaði þessum
áfanga en Ísraelsmenn höfðu leitað mannanna tveggja frá því í júní.
„Þetta sendir þau skýru skilaboð að Ísrael mun gera hvað sem
þarf gegn hótunum og ögrunum hvar sem þær eiga sér stað,“ sagði
Netanjahú. - bá
Grunaðir morðingjar þriggja Ísraelsmanna drepnir í árás:
Tveir Palestínumenn falla á Gasa
BORNIR TIL GRAFAR Aðstandendur þeirra Amers Abu Aisheh og Marwans
Qaw asmeh bera lík þeirra til greftrunar. Sérsveitir Ísraelsmanna höfðu í gær uppi
á tvímenningunum eftir nokkurra mánaða leit. FRÉTTABLAÐIÐ/AP
LÖGREGLUMÁL Chaplas Menka,
líberískur maður sem búsettur
er á Íslandi, sakar lögregluna á
höfuðborgarsvæðinu um alvar-
legt ofbeldi. Flytja þurfti Menka
með sjúkrabíl á spítala eftir að
lögregluþjónn veitti honum djúpa
skurði á fæti með eggvopni inni í
fangaklefa.
Menka kom fyrst til Íslands
árið 2009 og þar sem hann er án
dvalar leyfis hefur hann þurft að
fara af landi brott á þriggja mán-
aða fresti. Hann segist hafa verið
að tína dósir í miðborg Reykjavík-
ur þann 10. september síðastliðinn
þegar lögreglan stöðvaði hann og
sagðist þurfa að afhenda honum
bréf frá Útlendingastofnun þess
efnis að hann hefði dvalið í land-
inu ólöglega um sjö mánaða skeið
og við því yrði að bregðast.
Menka samþykkti að fara með
lögreglunni á lögreglustöðina á
Hverfisgötu þar sem honum var
tilkynnt eftir skamma dvöl að
hann væri handtekinn.
„Maður þarf að fá að vita ástæðu
handtöku,“ segir Menka. „Ég þarf
að geta hringt í lögmann minn eða
fjölskyldu til að láta vita að ég sé á
þessari lögreglustöð. Mér var neit-
að um þetta.“
Menka segir lögregluþjóna
hafa ýtt sér inn um dyragættina
á fangaklefanum. Einn þeirra hafi
svo skorið hann illa á fæti við það
að reyna að losa plastbönd um
ökkla hans með hníf. Svo mikið
blæddi úr sárum Menka að nauð-
synlegt þótti að kalla til sjúkrabíl
og flytja hann á spítala.
„Ég er fyrst og fremst undrandi
á málinu,“ segir Hreiðar Eiríks-
son, lögmaður Menka. „Það eru
þarna spurningar sem þarf að fá
svör við, hvers vegna þessi vist-
un í fangageymslu var nauðsyn-
leg og náttúrulega fyrst og fremst
hvernig það gat orðið að maður-
inn þyrfti síðan að leita á sjúkra-
hús eftir einhverja atburði sem þar
áttu sér stað.“
Hreiðar segir það brot á mann-
réttindum ef rétt reynist að Menka
hafi ekki fengið að hringja í lög-
mann sinn þegar hann var hand-
tekinn.
Hörður Jóhannesson aðstoðar-
lögreglustjóri staðfesti í samtali
við fréttastofu í gær að atburða-
rásin sem Menka lýsir sé í megin-
atriðum rétt. Að svo stöddu liggi
hins vegar ekki fyrir upplýsingar
um hvort honum hafi verið neit-
að um lögfræðiaðstoð eða hvort
honum hafi ekki verið gerð grein
fyrir því hvers vegna verið væri
að handtaka hann.
hjorturh@365.is
Skorinn með hnífi í
fangaklefa lögreglu
Flytja þurfti Líberíumanninn Chaplas Menka á spítala eftir að lögreglumaður skar
hann á fæti við handtöku fyrr í mánuðinum. Menka sakar lögregluna um alvar-
legt ofbeldi og mun leita réttar síns. Lögmaður hans segist undrandi á málinu.
HLAUT DJÚPA SKURÐI Á FÆTI Menka
er fæddur í Líberíu en kom til landsins
árið 2009. FRÉTTABLAÐIÐ/VALLI
Niels, er þetta ólæknandi ástand?
„Nei, en þetta er langvinnur
sjúkdómur.“
Læknaskortur er viðvarandi vandamál í
íslensku heilbrigðiskerfi. Ástandið er einna
verst í heimilis-, röntgen- og krabbameins-
lækningum. Niels Ch. Nielsen er aðstoðar-
lækningaforstjóri Landspítalans.