Fréttablaðið - 16.10.2014, Síða 24

16. október 2014 FIMMTUDAGUR| FRÉTTIR VIÐSKIPTI | 24
„Þetta hefur jákvæð áhrif á fjár-
mögnunarmöguleika bankanna
og greiðir okkur leiðina út úr
höftunum,“ segir Björn Brynjúlf-
ur Björnsson, hagfræðingur Við-
skiptaráðs Íslands, um ákvörðun
matsfyrirtækisins Standard &
Poor‘s (S&P) um að breyta horf-
um um þróun efnahagsáhættu á
Íslandi úr stöðugum í jákvæðar.
„Þetta er hins
vegar lítið skref
og til að láns-
hæfismat ríkis
og banka hækki
þarf skýrari
áætlun að liggja
fyrir um hvern-
ig standa á að
afnámi gjald-
eyrishaftanna,“
segir Björn.
S&P breytti einnig lánshæfis-
horfum stóru viðskiptabankanna
þriggja úr stöðugum í jákvæðar og
staðfesti BB+/B einkunnir þeirra.
Björn segir ákvörðun matsfyrir-
tækisins senda mikilvæg skilaboð
um að erlendir lánveitendur horfi
til Íslands með jákvæðari augum
en áður.
„Ef við höldum rétt á spilunum
er full ástæða til að vænta þess
að þessum meðbyr muni fylgja
hækkanir á lánshæfi ríkisins og
einkunnum bankanna. Þarna er
ákveðin vísbending um að efna-
hagsleg staða þjóðarbúsins sé
betri en núverandi lánshæfismat
ríkisins gefur til kynna og ef við
höldum okkar striki muni það
hækka í kjölfarið enda er það nú
lágt miðað við önnur ríki í svipaðri
stöðu,“ segir Björn.
Hann tekur einnig fram að áætl-
un stjórnvalda um losun haftanna
sé ekki eini stóri áhrifaþátturinn
og nefnir einnig mikilvægi þessi að
ríkið sé rekið með ábyrgum hætti.
„Við teljum til dæmis að nýja
fjárlagafrumvarpið sé gott skref
í þá átt þar sem eru skattkerfis-
breytingar sem eru í góðu sam-
ræmi við ráðgjöf alþjóðastofnana
og auka þannig trúverðugleika
okkar gagnvart umheiminum.“
Jón Guðni Ómarsson, fjármála-
stjóri Íslandsbanka, segir í til-
kynningu bankans um ákvörðun
S&P að hún geti haft jákvæð áhrif
á aðgengi Íslandsbanka að erlendu
fjármagni.
Greiðir leiðina að erlendu
fjármagni og út úr höftum
Ákvörðun Standard & Poor‘s um að breyta horfum um bæði þróun efnahagsáhættu hér á landi og lánshæfis-
einkunnir bankanna getur haft mikil áhrif. Getur aukið aðgengi viðskiptabankanna að erlendu fjármagni.
ÚR STÖÐUGU
Í JÁKVÆTT
Stóru viðskipta-
bankarnir þrír
eru allir með
lánshæfismatið
BB+/B.
BJÖRN
BRYNJÚLFUR
BJÖRNSSON „Þetta hefur einhver áhrif á
innlenda fjármögnun bankans en
hefur mest að segja erlendis. Þar
hefur þetta þau áhrif að áhugi
fjárfesta eykst og vonandi gerir
okkur kleift að ná betri verðum
sem endur speglast beint í útlán-
um til viðskiptavina sem taka lán
í erlendri mynt,“ segir Jón í sam-
tali við Fréttablaðið. Hann nefnir
sjávarútvegsfyrirtæki og önnur
útflutningsfyrirtæki sem eru með
tekjur í erlendri mynt.
„Það er mjög stíft aðhald hjá
okkur og hinum bönkunum um
að lána ekki í erlendri mynt
til annarra en þeirra sem eru
með tekjur í erlendum myntum.
Það er fyrst og fremst hjá þeim
sem þetta hefur bein áhrif,“ segir
Jón.
haraldur@frettabladid.is
Sala á raftækjum jókst um 24
prósent í september síðastliðnum
miðað við sama mánuð í fyrra.
Aukning í sölu byggingarvara og
húsgagna nam 15 prósentum þegar
veltutölurnar eru mældar á föstu
verðlagi.
Samkvæmt upplýsingum frá
Rannsóknarsetri verslunarinnar
jókst velta í dagvöruverslun um
3,1 prósent á föstu verðlagi í sept-
ember. Fataverslun jókst um 6,3
prósent og sala áfengis um 5,6 pró-
sent. - hg
Veltan jókst um 3,1 prósent:
Raftæki seldust
vel í september
WOW air mun á næsta ári hefja
áætlunarflug til Boston í Banda-
ríkjunum og líkur eru á að félagið
fljúgi einnig til New York. Tíma-
ritið Air Transport World (ATW)
greinir frá þessu á heimasíðu
sinni.
Þar er fullyrt að flugfélagið
ætli að fljúga vikulega til Boston,
allt árið um kring, frá og með
28. mars næstkomandi. Svanhvít
Friðriksdóttir, upplýsingafulltrúi
WOW air, segir frétt ATW ekki
að öllu leyti rétta en vildi ekki til-
greina hverjar rangfærslurnar
væru. Félagið komi til með að
senda frá sér tilkynningu á næstu
dögum eða vikum varðandi áætl-
unarflug til Norður-Ameríku. - sks
Flýgur til Norður-Ameríku:
WOW til Boston
og New York
WOW AIR Félagið hefur þegar samið
um leigu á Airbus A321-vélum fyrir
Ameríkuflugið.
Samkeppniseftirlitið hefur ekki
lokið rannsókn á hugsanlegum
brotum Eimskipafélags Íslands
hf. og Samskipa hf. og tengdum
félögum.
Rannsókn málsins er ekki
komin á það stig að hægt sé að slá
neinu föstu um niðurstöður henn-
ar, samkvæmt fréttatilkynningu
sem Samkeppniseftirlitið birti í
gær.
Í tilkynningunni staðfestir
stofnunin að hafa sent kæru vegna
hugsanlegra brota stjórnenda eða
starfsmanna fyrirtækjanna á sam-
keppnislögum til embættis sér-
staks saksóknara. Ekki er tekið
fram um hvaða stjórnendur eða
starfsmenn ræðir.
„Eins og Samkeppniseftirlitið
hefur áður staðfest opinberlega
rannsakar það nú hvort vísbend-
ingar um ólögmætt samráð fyrir-
tækjanna og hugsanlega misnotk-
un á markaðsráðandi stöðu eigi
við rök að styðjast. Hófst rann-
sóknin með húsleit hjá félögunum
í september á síðasta ári og var
frekari gagna aflað í júní síðast-
liðnum,“ segir í tilkynningunni.
Eimskip og Samskip neita því
alfarið að fyrirtækin hafi gerst
brotleg við ákvæði samkeppnis-
laga. - hg
Samkeppniseftirlitið staðfestir að kæra vegna hugsanlegra brota hafi farið til sérstaks saksóknara:
Rannsókn á Eimskip og Samskipum ólokið
EIMSKIP Samkeppniseftirlitið segist
ekki ætla að verða við beiðnum fjöl-
miðla um aðgang að gögnum málsins.
FRÉTTABLAÐIÐ/GVA
➜ Rannsóknin hófst með
húsleit hjá félögunum í sept-
ember á síðasta ári og var
frekari gagna aflað í júní
síðastliðnum.
Tekjur Orkuveitunnar af veiði-
rétti við Þingvallavatn gætu nærri
þrefaldast á árunum 2015-2017 ef
fyrirtækið tekur tilboði félagsins
ION hótel ehf. Félagið, sem rekur
lúxushótel við vatnið, bauð 4,57
milljónir króna á ári fyrir veiði-
réttinn.
Þetta kemur fram í tilkynn-
ingu frá Orkuveitunni. Þar segir
að fimm tilboð hafi boðist í rétt-
inn og að verið sé að fara yfir þau.
Orkuveitan óskaði fyrst tilboða
vegna ársins 2014. ION hótel var
þá hæstbjóðandi og var endanleg
samningsfjárhæð um 1,6 milljón-
ir króna.
Tekjur af veiðiréttinum renna
til vísindarannsókna á lífríki
vatnsins. Fénu verður ráðstafað
að höfðu samráði við samstarfs-
aðilana; Landsvirkjun, Umhverf-
isstofnun og Þjóðgarðinn á Þing-
völlum.
„Hugur stjórnar Orkuveitunnar
stendur til þess að það muni eink-
um nýtast til frekari rannsókna á
hinum merka urriðastofni í vatn-
inu, sem þykir einstakur,“ segir í
tilkynningu fyrirtækisins. - hg
ION hótel á hæsta tilboðið í veiðirétt Orkuveitunnar:
Veiðirétturinn gæti
skilað þrefalt meiru
ÞINGVALLAVATN Stjórn Orkuveitunnar ákvað fyrr á árinu að allar tekjur af veiði-
réttinum myndu renna til vísindarannsókna á lífríki vatnsins. FRÉTTABLAÐIÐ/PJETUR