Skessuhorn - 05.06.2013, Page 12

12 MIÐVIKUDAGUR 5. JÚNÍ 2013
Síðastliðinn laugardag var síðasta
útskrift Bryndísar Hlöðversdótt-
ur rektors frá Háskólanum á Bif-
röst, en hún lætur brátt af störfum
og Vilhjálmur Egilsson tekur við
starfi hennar. Rúmlega 60 nemend-
ur úr símenntun, grunn- og meist-
aranámi voru útskrifaðir á laugar-
daginn.
Í ræðu Bryndísar kom m.a. fram
hörð gagnrýni á skólakerfið í heild
og viðleitni til að sníða alla í sama
stakk á kostnað fjölbreytni og gerj-
unar. Sagði hún það sorglega stað-
reynd að skólaganga væri mörgum
óþægileg upplifun sem lýkur allt
of oft með því að ungmenni flýja
á vinnumarkaðinn áður en fram-
haldsskólastigi lýkur, þar sem þessi
hópur er útsettur fyrir að verða at-
vinnuleysi að bráð. Þá tók hún und-
ir það sem kom fram í skýrslu starfs-
hóps um samþættingu mennta- og
atvinnumála sem skilað var til for-
sætisráðherra í lok árs 2012, um að
færa þurfi íslenskt menntakerfi í átt
að nútímanum og aðlaga það þörf-
um atvinnulífsins. Of margir stundi
ekki nám við sitt hæfi eða í takt við
það sem þörfin kallar á. Skólakerf-
ið hefði brugðist mörgum en eitt
helsta verkefni þess væri auk þess
að efla þekkingu einstaklinganna,
að hjálpa þeim að finna köllun sína
og styrkja þá til að verða virkir og
góðir þjóðfélagsþegnar. Svo virð-
ist sem allt of mörgum líði ekki vel
í námi, en um 30% stráka segja að
sér leiðist námið í framhaldsskóla,
15% stúlkna. Vandinn á ekki upp-
haf sitt í framhaldsskólunum, seg-
ir Bryndís, heldur byrjar hann fyrr í
kerfinu og má þar sem dæmi nefna
að samkvæmt rannsóknum þá getur
fjórði hver drengur í 10. bekk hér á
landi ekki lesið sér til gagns.
Bryndís hvatti stjórnvöld og alla
sem í skólakerfinu starfa til að taka
höndum saman og leita markvissra
aðgerða til að vinna bug á vandan-
um. Hún talaði einnig um mikil-
vægi þess að skólakerfið væri fjöl-
breytt og hvernig Háskólinn á Bif-
röst hefur metið nemendur inn
t.d. með tilliti til annarskonar bak-
grunns. Þeir séu sumir hluti af
þessu brottfalli og eftir að hafa far-
ið í gegnum frumgreinadeildina,
nú Háskólagáttina, reynast þeir oft
vera bestu nemendurnir á háskóla-
stiginu.
Viðurkenningar fyrir
góðan námsárangur
Útskriftarverðlaun hlutu Ótta
Ösp Jónsdóttir á viðskiptasviði,
Brynjólfur Tómasson á lögfræði-
sviði og Hrafnhildur Árnadóttir
á félagsvísindasviði. Einnig hlaut
María Rán Guðjónsdóttir verðlaun
fyrir hæstu einkunn í meistaranámi.
Að auki fengu eftirfarandi þrír nem-
endur felld niður skólagjöld á vor-
önn í tilefni af góðum námsárangri:
Ingunn Dögg Eiríksdóttir á við-
skiptasviði, Þórunn Unnur Birgis-
dóttir á lögfræðisviði og Baldur B.
Vilhjálmsson á félagsvísindasviði.
Í ávörpum fulltrúa allra útskriftar-
hópa kom fram mikil ánægja með
að hafa valið Háskólann á Bifröst.
Verkefnaálag væri mikið en það
væri gott veganesti fyrir framtíð-
ina. Talað var um mikla samkennd
á meðal nemenda og að Bifröst væri
góður staður til að mennta sig og
að búa á. mm
Nemendur Landbúnaðarháskóla
Íslands á háskólabrautum og bú-
fræði voru brautskráðir sl. föstudag
við athöfn í Reykholtskirkju að við-
stöddu fjölmenni. Alls útskrifuðust
47 búfræðingar, en 27 með BS í
búvísindum, náttúru- og umhverf-
isfræði, skógfræði og landgræðslu.
Þá luku níu nemendur meistara-
námi í rannsóknabundnu námi
og tveir meistaranámi í skipulags-
fræðum. Drífa Árnadóttir og Katr-
ín Pétursdóttir fengu verðlaun fyr-
ir frábæran árangur fyrir lokaverk-
efni á BS-prófi en Aron Stefán
Ólafsson fékk verðlaun fyrir best-
an árangur á BS-prófi. Brynja Dav-
íðsdóttir fékk verðlaun fyrir góðan
árangur á MS-prófi og Egill Þórar-
insson verðlaun fyrir góðan árang-
ur á MS-prófi í skipulagsfræðum.
Met í umsóknum
um skólavist
Á þessu vori bregður svo við að
það stefnir í algjört met í um-
sóknum um skólavist hjá Land-
búnaðarháskóla Íslands. Útskrift-
in á föstudaginn var níunda vor-
ið sem nemendur eru brautskráðir
frá LbhÍ. Á þessu vori voru það 87
sem brautskráðust, litlu færri en
síðasta vor, en þá voru þeir fleiri
en nokkru sinni. Þá útskrifuðust
nemendur af öllum brautum skól-
ans þ.m.t. garðyrkju á Reykjum
og hestafræði með samstarfsskól-
anum á Hólum. Alls voru á þessu
skólaári 63 nemendur í framhalds-
námi við LbhÍ, þar af er 31 nem-
andi í rannsóknamiðuðu masters-
námi, 25 í meistaranámi í skipu-
lagsfræði og sjö nemendur í dokt-
orsnámi. Eru þá ótaldir BS nemar;
nemendur hjá Landgræðsluskóla
Háskóla Sameinuðu þjóðanna og
þær þúsundir sem sækja nám á
vegum endurmenntunar skólans.
Níunda skólaár Landbúnað-
arháskóla Íslands var annasamt
og viðburðaríkt. Síðasta sumar
var undirritaður við hátíðlega at-
höfn í Skemmunni á Hvanneyri
samningur um kennslu og rann-
sóknir milli ráðuneytis mennta-
og menningarmála og LbhÍ. Þetta
er að sjálfsögðu mikill áfangi enda
hefur Landbúnaðarháskóli Íslands
aldrei haft formlegan samning um
starfsemina líkt og aðrir háskól-
ar hafa haft. Samningurinn tek-
ur m.a. á heildarfjölda nemenda
og segir til um verkefni sem skól-
anum eru formlega falin og fjár-
framlög til þeirra. Nú fyrir nokkr-
um dögum var síðan undirritaður
sérstakur rannsóknasamningur til
næstu fjögurra ára milli LbhÍ og
ráðuneytis atvinnuvega- og ný-
sköpunar. Þessi samningur er kjöl-
festan í rannsóknastarfi LbhÍ og
afar mikilvægur að sögn forsvars-
manna skólans.
Sjálfsmatsskýrsla
til Gæðaráðs
Í lok síðasta árs skilaði LbhÍ ít-
arlegri sjálfsmatsskýrslu inn til
Gæðaráðs íslenskra háskóla eins
og áætlanir gerðu ráð fyrir. Starfs-
menn og nemendur LbhÍ komu
með virkum hætti að gerð skýrsl-
unnar sem er mikilvægur liður í
því ferli að auka gæði starfs okk-
ar. Erlend sérfræðinganefnd gerði
síðan viðamikla gæðaúttekt á starfi
LbhÍ í byrjun mars sl. „Niðurstöð-
ur sérfræðinganefndarinnar liggja
fyrir og í stuttu máli sagt getum
við starfsmenn og nemendur LbhÍ
verið ákaflega stoltir af skólanum.
Úttektarnefndin gefur skólanum
góða einkunn og lýsir yfir trausti
á skólastarfinu. Í niðurstöðum
nefndarinnar koma einnig fram
mjög gagnlegar ábendingar um
þætti til úrbóta sem ætti að vera
mögulegt að bregðast við þann-
ig að gæði skólastarfsins geti auk-
ist,“ sagði Ágúst Sigurðsson, rekt-
or m.a. í ræðu sinni í Reykholts-
kirkju sl. föstudag.
mm/ Ljósm. áþ
Brautskráning nemenda frá Háskólanum á Bifröst
Brautskráð frá Landbúnaðarháskóla Íslands
Nýútskrifaðir búfræðingar ásamt Ágústi Sigurðssyni rektor LbhÍ og Jóni Gíslasyni brautarstjóra.
Nýútskrifuð með BS í búvísindum ásamt Ágústi Sigurðssyni rektor og Emmu
Eyþórsdóttur, brautarstjóra.
Nýútskrifuð með BS í náttúruvísindum ásamt Ágústi Sigurðssyni og Önnu Guð-
rúnu Þórhallsdóttur, brautarstjóra.
Nýútskrifuð með BS í umhverfisskipulagsfræðum ásamt Ágústi Sigurðssyni og
Helenu Guttormsdóttur, brautarstjóra.
Útskrifaðir meistaranemar.
Hraundís Guðmundsdóttir tekur við verðlaunum fyrir góðan árangur í skógfræði.