Skessuhorn - 12.02.2014, Blaðsíða 22
22 MIÐVIKUDAGUR 12. FEBRÚAR 2014
Vilhjálmur Egilsson rektor útskrif-
aði á laugardaginn 50 nemendur
frá Háskólanum á Bifröst. Útskrift-
arnemar að þessu sinni voru úr sí-
menntun, grunn- og meistaranámi.
Vilhjálmur óskaði útskriftarnem-
endum til hamingju með áfang-
ann og hvatti þá til dáða. Útskrift-
arverðlaun hlutu Anna Fríða Garð-
arsdóttir á viðskiptasviði, Arnar
Stefánsson á lögfræðisviði og Ing-
unn Vilhjálmsdóttir á félagsvís-
indasviði. Violeta Tolo Torres hlaut
einnig verðlaun fyrir hæstu eink-
unn í meistaranámi. Að auki fengu
þrír nemendur felld niður skóla-
gjöld á haustönn í tilefni af fram-
úrskarandi námsárangri. Það voru
þau Sigurbjörg R. Hjálmarsdóttir á
viðskiptasviði, Sigtryggur Arnþórs-
son á lögfræðisviði og Tjörvi Schi-
öth á félagsvísindasviði.
Nemendur sem héldu útskrift-
arræðu voru Björk Reynisdótt-
ir af viðskiptasviði, Arnar Stefáns-
son lögfræðisviði, Þórdís Halla
Guðmunsdóttir félagsvísindasviði
og Gróa Axelsdóttir nemandi úr
Menningarstjórnun flutti útskrift-
arræðu fyrir hönd meistaranema.
Í ávörpum fulltrúa allra útskriftar-
hópa kom fram mikil ánægja með
að hafa valið Háskólann á Bifröst.
Verkefnaálag væri vissulega mikið
en það væri einmitt hið góða veg-
arnesti sem skólinn gæfi þeim fyr-
ir framtíðina. Talað var um mikla
samkennd á meðal nemenda og
að Háskólinn á Bifröst væri góður
skóli til að öðlast framúrskarandi
menntun.
Bifrastarblanda ólíkra
einstaklinga
Í ræðu sinni fór Vilhjálmur Egils-
son yfir þær kennsluaðferðir sem
Háskólinn á Bifröst notar með
það að markmiði að auka metn-
að og fagmennsku hjá nemendum.
Þá fór hann yfir mikilvægi þess að
hafa rétta blöndu af hæfileikum til
að mynda sterkt teymi. Til að fyr-
irtæki og stofnanir geti náð árangri
þurfi að setja saman rétta blöndu
af starfsfólki með ólíka hæfileika.
Þegar nemendur vinna í hópaverk-
efnum eins og misserisverkefnum á
Bifröst er það einmitt til þess fallið
að kenna fólki með ólíka hæfileika
að vinna saman.
„Hingað koma ólíkir einstakling-
ar með margvíslegan bakgrunn.
Skólinn er vettvangur til þess að
bræða alla einstaklinga saman, því
sem hópur fær hann miklu meira
áorkað en sem einstaklingar hver
um sig. Háskólinn á Bifröst vill ein-
mitt taka á móti ólíkum einstakling-
um sem ekki eru endilega sniðn-
ir eftir uppskriftum eða stöðlum.
Bifrastarblandan af ólíkum einstak-
lingum í hópi nemenda, kennara og
annars starfsfólks skólans er einmitt
það sem býr til Bifrastarglampann,
helsta vörumerki skólans,“ sagði
Vilhjálmur.
Vörn snúið í sókn
Rektor vék einnig að rekstri skóla
hér á landi. Rekstur væri almennt
erfiður og sagði hann að Háskólinn
á Bifröst skæri sig ekki úr hvað það
varðar, skólinn hafi verið í varnar-
stöðu undanfarin ár. Í hnotskurn
mætti segja að lækkun á framlagi
ríkisins til rekstrar skólans hafi
lækkað milli ára um sem svarar til
rúmlega 10% af veltu. „Það er því
ærið verkefni að ná endum sam-
an en það verður hins vegar ekki
gert með því að leggjast í vörn. Út
úr slíku kemur ekkert annað en
óskipulagt undanhald og ósjálfbær
rekstur. Allt skólastarfið nú miðast
því við hverja sóknaraðgerðina eft-
ir aðra. Innleidd verður lotubund-
in kennsla sem skapar möguleika á
stórbættri þjónustu bæði við stað-
nema og fjarnema. Einnig verð-
ur innleidd svokölluð vendikennsla
til að mæta þörfum nútímans og
framtíðarinnar. Bifröst mun taka
upp nýja línu í matvælarekstrar-
fræði og eru sérstaklega góð við-
brögð við þeim áformum. Einnig
mun Bifröst setja af stað tvær nýj-
ar meistaranámslínur, í alþjóðlegri
stjórnmálahagfræði og í forystu og
stjórnun, og að auki eru rannsóknir
við skólann að stóreflast. Við horf-
um til framtíðarinnar í dag,“ sagði
Vilhjálmur.
mm
Illugi Gunnarsson menntamálaráð-
herra og Vilhjálmur Egilsson rekt-
or Háskólans á Bifröst undirrit-
uðu síðastliðinn fimmtudag samn-
ing um framhald tilraunaverkefnis
um hækkað menntunarstig í Norð-
vesturkjördæmi, en því verkefni var
ýtt úr vör á síðasta ári. Meginmark-
mið samningsins nú er að efla ráð-
gjöf til fyrirtækja um nám á vinnu-
stöðum, auka samstarf atvinnulífs
og fræðsluaðila í kjördæminu um
starfstengt nám, fjölga einstakling-
um sem ljúka iðnnámi og efla ís-
lenskukunnáttu innflytjenda. Verk-
efnið er liður í átaki til að hækka
menntunarstig í íslensku atvinnu-
lífi og eitt af nokkrum verkefnum
sem sett voru af stað í framhaldi af
kjarasamningum aðila vinnumark-
aðarins í maí 2011. Tilraunasvæði
eru Norðvesturkjördæmi og Breið-
holt í Reykjavík.
Skortur á ákveðinni
þekkingu
Verkefnið í NV kjördæmi fel-
ur einkum í sér átak í raunfærni-
mati, starfstengdum námskeið-
um og íslenskukennslu á vinnu-
stöðum. Áherslurnar byggja á ítar-
legri greiningu á þörfum atvinnu-
rekenda og starfsmanna fyrir nám.
Sú greining var framkvæmd á síð-
asta ári með umfangsmikilli við-
talsrannsókn og spurningakönn-
unum á meðal íbúa í kjördæminu.
Niðurstöður leiddu m.a. í ljós mik-
inn skort á iðn- og tæknimenntuðu
fólki í öllu kjördæminu og þörf fyr-
ir sérsniðin starfstengd námskeið,
m.a. í sjávarútvegi og þjónustu-
greinum. Mikill áhugi kom einnig
fram fyrir að efla þekkingu á við-
skiptagreinum og tölvunotkun.
Geirlaug Jóhannsdóttir er verk-
efnisstjóri fyrir aukið menntun-
arstig í NV kjördæmi. „Stjórn-
endur eru almennt mjög jákvæðir
gagnvart því að taka þátt í að auka
menntun starfsfólks með ýmsum
hætti, svo sem með því að bjóða
upp á nám á vinnutíma, taka þátt
í kostnaði við nám og veita starfs-
fólki aukið svigrúm vegna náms.
Þannig segja 65% svarenda í könn-
un á meðal stjórnenda að fyrirtæk-
ið sé tilbúið að fjárfesta í aukinni
menntun starfsfólks og 83% svara
því til að fyrirtækið komi til móts
við starfsfólk sem vill auka mennt-
un sína,“ segir Geirlaug.
Í símakönnun á meðal íbúa í
Norðvesturkjördæmi, sem byggði á
þjóðskrárúrtaki, kom fram að 61%
segja að vinnuveitendur séu tilbúnir
að koma til móts við þá ef starfs-
menn ákveða að hefja nám og 45%
segja að vinnuveitendur hvetji fólk
til náms. 77% svarenda segja að sér-
sniðið nám á vinnustað myndi nýt-
ast vel í starfi í dag. 47% hafa hætt
í námi án þess að ljúka því að fullu.
Áhugaleysi og námsleiði er algeng-
asta ástæða þess að fólk hætti í námi
en 40% svarenda nefna þá ástæðu,
18% nefna fjölskylduaðstæður og
8% fjárhagslegar skuldbindingar.
Fjórðungur svarenda segjast hafa
haft áform um flutning frá sveitar-
félaginu síðastliðin fimm ár.
Pólverjar betur mennt-
aðir en Íslendingar
Í viðtölum við um 100 pólska inn-
flytjendur kom fram að meiri-
hluti þeirra hefur mikinn áhuga
á að sækja námskeið í íslensku en
einnig kom fram mikill áhugi fyrir
enskunámi, verknámi og viðskipta-
tengdu námi. Meirihluti viðmæl-
enda hyggst ekki flytja úr kjördæm-
inu á næstu fimm árum. Stærsti
hluti Pólverjanna hafði lokið iðn-
menntun eða 36%. 23% höfðu lok-
ið framhaldsskóla, 16% voru með
tæknimenntun, 15% háskóla en
10% höfðu aðeins lokið grunn-
skóla. „Menntunarstig viðmælenda
úr hópi innflytjenda var því hærra
en menntunarstig allra íbúa í kjör-
dæminu samkvæmt tölum Hagstof-
unnar,“ segir Geirlaug.
Hærra hlutfall
grunnmenntunar
Háskólinn á Bifröst ber ábyrgð á
verkefninu sem nær til eins árs,
en framkvæmd þess verður unn-
in í náinni samvinnu við símennt-
unarmiðstöðvar og framhaldsskóla
í kjördæminu. Norðvesturkjör-
dæmi er óvenjulega auðugt af öfl-
ugum fræðslustofnunum en þar eru
m.a. starfandi þrjár símenntunar-
miðstöðvar, fimm framhaldsskól-
ar og þrír háskólar auk háskóla-
setra. Menntunarstig í kjördæminu
er engu að síðu umtalsvert lægra en
á landsvísu samkvæmt vinnumark-
aðsrannsókn Hagstofu Íslands (sjá
nánar á meðfylgjandi súluriti). Þar
sést að hlutfall íbúa í Norðvestur-
kjördæmi á aldrinum 16-74 ára sem
aðeins hafa lokið grunnmenntun er
48% en 37% á landsvísu. 32% hafa
lokið starfs- og framhaldsmenntun
úr framhaldsskólum sem er þremur
prósentustigum lægra en á lands-
vísu. 20% íbúa í kjördæminu hafa
lokið háskólamenntun en til sam-
anburðar er hlutfallið 27% á lands-
vísu.
Ýmsar leiðir farnar
Að sögn Geirlaugar Jóhannsdóttur
verkefnisstjóra tilraunaverkefnisins
hljóðar nýr samningur ráðuneytis-
ins við heimafólk upp á 80 milljón-
ir króna. Því til viðbótar fæst fjár-
magn úr Fræðslusjóði fyrir raun-
færnimat. „Samningurinn veitir
einstakt tækifæri til að auka mennt-
un íbúa í kjördæminu og til að efla
fræðslu á vinnustöðum. Við setj-
um markið hátt og stefnum að því
að fjölga fyrirtækjum í kjördæm-
inu um 120 sem bjóða upp á starfs-
tengt nám, styðja 60 einstaklinga til
að fara í raunfærnimat og áfram-
haldandi nám í kjölfarið, m.a. í iðn-
greinum. Þá viljum við fjölga um
fjórðung innflytjendum sem geta
haldið uppi samræðum á íslensku.
Til að ná þessum markmiðum verð-
ur varið um 40 milljónum í að efla
svokallaðan fræðsluerindrekstur á
vegum símenntunarmiðstöðvanna
sem felur í sér markvissa kynningu
á námsframboði og ráðgjöf við að
klæðskerasauma nám og munu
„fræðsluerindrekar“ heimsækja fyr-
irtæki og stofnanir í meira mæli en
áður hefur verið gert. Fyrirtæki,
stofnanir og einstaklingar sem vilja
taka þátt í átakinu geta einnig snúið
sér til símenntunarmiðstöðva eft-
ir ráðgjöf um starfstengd námskeið
og raunfærnimat. Um 30 milljón-
um verður varið í að greiða götu
þeirra einstaklinga sem vilja fara í
raunfærnimat en fram til þessa hef-
ur fremur lítið verið um raunfærni-
matsverkefni í kjördæminu. Raun-
færnimati er ætlað að meta þá færni
og þekkingu sem starfsfólk hefur
öðlast í starfi og frítíma. Það getur
mögulega stytt skólagöngu fólks og
þannig haft hvetjandi áhrif á fólk til
að hefja nám að nýju. Ýmsum öðr-
um verkefnum verður ýtt úr vör
sem öll hafa það að markmiði að
hækka menntunarstig og efla sam-
starf fræðsluaðila í kjördæminu,“
segir Geirlaug að endingu. mm
Fimmtíu útskrifaðir frá Háskólanum á Bifröst
Svipmynd frá útskriftarathöfninni á Bifröst sl. laugardag.
Framlengja samning um aukið menntunarstig í Norðvesturkjördæmi
Háskólamenntun í NV kjördæmi er minni og hlutfall grunnskólamenntunar hærri
en víða annarsstaðar á landinu.
Vilhjálmur og Illugi handsala samninginn.