Skessuhorn - 30.04.2014, Side 27

27MIÐVIKUDAGUR 30. APRÍL 2014
Mistök í stjórnsýslu
Akraneskaupstaðar í skipulagsmál-
um hafa nokkrum sinnum á undan-
förnum árum valdið bæjarfélaginu
verulegu fjártjóni, sem ekki sér fyrir
endann á. Trúlega hefur þetta tjón
verið núverandi meirihluta ofarlega
í huga þegar í stefnuyfirlýsingu
hans var sett eftirfarandi: „Ákvarð-
anir í skipulagsmálum skulu ávallt
vera faglegar og teknar í samvinnu
við íbúa.“ Þrátt fyrir þetta hafa á
þessu kjörtímabili orðið mistök
sem kostað geta bæjarfélagið um-
talsverða fjármuni.
Því skyldi maður ætla að kom-
ið væri nóg. Svo virðist ekki vera ef
marka má vinnubrögð við breyting-
ar á skipulagi á Akurshól. Það var
fyrirtæki í ferðaþjónustu sem ósk-
aði eftir breytingu á skipulagi hóls-
ins með það í huga að þar risu litl-
ir gistiskálar eins og það var orðað
á sínum tíma. Á kynningarmynd-
um af þessu skipulagi gat líka að
líta litla skála, 6 stykki. Í meðför-
um málsins stækkuðu þessir skálar
og urðu allt að 6 metra há hús um
70fm að stærð. Engar athugasemd-
ir komu fram í kynningarferlinu við
þessa skipulagsbreytingu en margir
hafa komið að máli við mig og lýst
undrun sinni á þessum fyrirætlun-
um. Ég óttast að þegar að byggingu
þessara húsa kemur reki fólk í rog-
astans enda stærðin og umfangið
allt annað en látið var í ljósi í kynn-
ingargögnum.
Ég sem bæjarfulltrúi gerði ítrek-
aðar athugasemdir við málsmeð-
ferðina á hverju stigi málsins. Því
miður var ekki hlustað á þessar at-
hugasemdir mínar. Í ljósi sögunn-
ar ber bæjarfyrirvöldum á Akranesi
að staldra við þegar fram koma hin-
ar smávægilegustu athugasemdir
því vissulega hræða kostnaðarsöm
sporin í þessum málaflokki.
Það er síðan sérstakt umfjöllun-
arefni hvers vegna þetta svæði var
valið sérstaklega undir þessi hús
því þarna er jú um að ræða eitt síð-
asta græna svæðið á neðri Skaga. Sú
ákvörðun ber ekki vott um mikla
virðingu meirihlutans fyrir græn-
um svæðum, því miður.
Rétt er að ítreka að ég tel að bæj-
aryfirvöldum beri skylda til þess að
liðka sem kostur er fyrir hugmynd-
um um uppbyggingu ferðaþjónustu
á Akranesi. Það má þó aldrei verða
með vinnubrögðum sem ganga á
rétt annarra bæjarbúa og geta kall-
að á skaðabótakröfur eins og dæm-
in sanna. Þörfum þessara aðila
mátti mæta með auðveldum hætti
á öðrum stöðum líkt og ég benti
ítrekað á.
Það eru vinnubrögð af þessum
toga sem frambjóðendur Sjálfstæð-
isflokksins á Akranesi vilja leggja af.
Við viljum gera miklu betur í skipu-
lagsmálum.
Einar Brandsson.
Höfundur er bæjarfulltrúi og
skipar 3. sæti á lista Sjálfstæðis-
flokksins á Akranesi.
Mér finnst gott að búa á Akranesi.
Mér þykir vænt um bæinn minn og
vil stuðla að því að við Skagamenn
séum stoltir af heimabænum okkar.
Við viljum hafa bæinn, umhverf-
ið og þjónustuna þannig úr garði
gerða að aðrir geri sér ferð hing-
að til að upplifa og njóta. Við vilj-
um að fólk sem kemur hér í heim-
sókn fái þá tilfinningu að hér sé eft-
irsóknarvert að búa.
Mikilvægur þáttur í því að laða
ferðamenn að er fegurð og sér-
staða. Sérstaða okkar er margþætt
að mínu mati og margt sem við get-
um borið á borð fyrir ferðamann-
inn. Fegurðin er líka til staðar, en
eðlilega er margt sem þarf að hlúa
að. Við þurfum að vera vakandi fyrir
umhverfinu og gera það aðlaðandi.
Betur sjá augu en auga og því er
mikilvægt að bæjarbúar taki hönd-
um saman og hjálpist að. Bæjarbú-
ar eru alltaf mikilvægasti hlekkur-
inn, án þeirra getur bæjarkerfið eitt
lítið aðhafst.
Á komandi kjörtímabili vil ég að
lögð verði sérstök áhersla á fegr-
un bæjarins okkar með sameig-
inlegu átaki. Akraneskaupstað-
ur, í samvinnu við bæjarbúa, þarf
að leggja megináherslu á viðhald
gatna, göngustíga, opinna svæða og
húsnæðis svo eitthvað sé nefnt. Við
höfum nú þegar farið af stað með
breytingum á Akratorgi en þeim
framkvæmdum á að ljúka nú í sum-
ar.
Í kjölfar samdráttar hjá bæjar-
félaginu vegna efnahagshrunsins,
hefur áherslan undanfarin ár verið
lögð á að borga niður skuldir. Um
leið var forgangsraðað þannig að
ekki yrði gengið of nærri þjónustu
bæjarins, en verklegar framkvæmd-
ir og viðhald frekar látið bíða betri
tíma. Nú er staðan sú að bæjarsjóð-
ur er á mun betra róli en við upp-
haf kjörtímabilsins. Það gefur okk-
ur tækifæri til að taka til hendinni.
Yfirlagning gatna er brýnt verk-
efni sem þegar er hafið og munu
götur í kringum torgið okkar með-
al annars vera verkefni þessa árs.
Áætlun og skipulag áframhald-
andi yfirlagningar er að mínu mati
eitt af stóru verkefnunum á næstu
árum. Það þarf að ganga skipulega
til verka og gera heildstæða áætlun
um viðhald gatna svo að ávinning-
urinn verði markviss og sýnilegur.
Það eru mikil lífsgæði fólgin í því
að búa í fallegum bæ með góðum
götum þar sem hugað er að öryggi
og þörfum allra vegfarenda. Átak er
hafið í þessum málum og því þarf
að halda áfram af öryggi og metn-
aði.
Gunnhildur Björnsdóttir
bæjarfulltrúi.
Höf. skipar 3. sæti á lista Samfylk-
ingarinnar á Akranesi.
Það er margt sem brennur á íþrótta-
fólkinu okkar, stórar framkvæmdir,
sem þarf að setja í forgangsröðun
og einnig margar litlar, sem auð-
veldara er að kippa í liðinn. Að
fegra umhverfi íþróttamannvirkj-
anna á Akranesi væri mikil upplyft-
ing fyrir þá fjölmörgu sem eiga svo
oft erindi á svæðin. Við vitum að
sundlaugarmálið hefur verið lengi
í brennidepli og að sú framkvæmd
skiptir miklu máli fyrir iðkendur og
afreksmenn.
Annað stórmál er viðbygging og
endurbætur við íþróttahúsið við
Vestugötu. Þar sem ekki verður ráð-
ist í allt í einu, setur okkar listi í for-
gang aukna og endurbætta aðstöðu
í íþróttahúsinu við Vesturgötu. Við
leggjum til að þar komi salur í við-
byggingu sem yrði u.þ.b. 40 metrar
á lengd, 20 metrar á breidd og með
stökkgryfju. Þannig myndu aukast
möguleikar fyrir margar íþrótta-
greinar á Akranesi sem vissulega
skiptir máli fyrir mörg hundruð
ungmenni hér. Fimleikafélag Akra-
ness fengi stökkgryfju sem gæfi
kost á því að æfa mun flóknari stökk
án þess að hætta stafi af. Hægt yrði
að fjölga æfingum og iðkendurn-
ir væru líklegri til að stunda íþrótt-
ina lengur. Í dag eru börn að toppa í
getu við 12 - 14 ára aldur vegna að-
stöðuleysis.
Badmintonfélag Akraness gæti
fjölgað æfingum í íþróttahúsinu en
félagið er nú í baráttu við önnur fé-
lög um lausan tíma í húsinu. Körfu-
knattleiksfélag Akraness gæti stund-
að æfingar og keppni í íþróttahús-
inu við Vestugötu, en aðstaðan þar
fyrir áhorfendur yrði miklu betri.
Blakfélag Akraness fengi aukið
rými til æfinga í íþróttahúsinu þar
sem svæði í kringum blakvelli verð-
ur stærra. Klifurfélag Akraness ætti
möguleika á því að setja upp klif-
urvegg fyrir ofan stökkgryfju í nýj-
um sal og önnur íþróttafélög hefðu
hag af viðbyggingunni. t.d. Þjótur,
Hnefaleikafélag Akraness, Karate-
félag Akraness - og hér yrðu mögu-
leikar á braut fyrir „skólahreysti“
o. fl.
Við teljum að endurbætur og
viðbygging við íþróttahúsið sé góð-
ur og raunhæfur kostur. Mikil-
vægt er að geta samnýtt búnings-
aðstöðu og sparað þannig aukinn
rekstrarkostnað þar sem grunn-
þættirnir eru þegar til staðar. Gróf-
lega áætlaður framkvæmdakostnað-
ur er um 250 m. kr. Tillögur þess-
ar eru háðar deiliskipulagi og til að
fara í slíka framkvæmd þarf víðtæka
sátt á meðal bæjarbúa almennt og
íþróttahreyfingarinnar.
Ingibjörg Pálmadóttir
Jóhannes Karl Guðjónsson
Sigrún Inga Guðnadóttir
Höfundar skipa þrjú efstu sætin á
lista Frjálsra með Framsókn
á Akranesi.
Oft hef ég verið spurður um ýmis
atriði er koma fyrir í umræðum um
sveitarstjórnarmál. Þar sem sveit-
arstjórnarkosningar eru á næsta
leiti, finnst mér ástæða til að koma
á framfæri tveimur lykilatriðum í
mjög stuttu máli, er varðar umræðu
um fjármál sveitarfélaga.
1. Atriði:
Sveitarfélög eru að kynna fjár-
hagsáætlanir eða ársreikninga og
koma þá stundum fyrir hugtök-
in skuldahlutfall og skuldaviðmið.
Hver er munurinn á þessum hug-
tökum?
Skuldahlutfall er það þegar sam-
tala allra skulda og skuldbindinga
sveitarfélagsins eru reiknaðar sem
hluti af tekjum þess.
Skuldaviðmið er útreikningur
eins og þegar um skuldahlutfall er
að ræða, nema að skuldir og skuld-
bindingar eru lækkaðar um sem
nemur handbæru fé, auk hluta af
ákveðnum tegundum af skuldum
(sem eru hluti lífeyrisskuldbind-
inga, vegna skuldbindinga ríkis-
sjóðs og vegna orkuveitna í sumum
tilvikum).
Samkvæmt sveitarstjórnarlögum
frá árinu 2011 þá má skuldahlut-
fall ekki vera hærra en 150% og
hafa sveitarfélög sem eru með þetta
hlutfall hærra en það, nokkur ár til
að koma lagi á fjármálin. Skulda-
viðmiðið kemur fram í reglugerð
og er fyrst og fremst mælikvarði
sem er notuður við störf eftirlits-
nefndar með fjármálum sveitar-
félaga.
2. Atriði:
Hver er munurinn á A-hluta
sveitarfélaga og B-hluta sveitarfé-
laga?
Í reikningsskilum sveitarfélaga
sýnir A-hlutinn útgjöld eru að hluta
eða öllu leyti fjármögnuð með
skatttekjum. Undir B-hluta fallar
stofnanir og rekstrareiningar, sem
að hálfu eða meiri hluta eru í eigu
sveitarfélaga og eru reknar sem fjár-
hagslega sjálfstæðar einingar.
Jóhannes Finnur Halldórsson.
Höfundur er sérfræðingur á
sveitarstjórnarskrifstofu
innanríkisráðuneytisins.
Með tilkomu Hvalfjarðarganga
stækkaði náms- og atvinnusvæði
Skagamanna mikið suður á bóginn.
Á undanförnum árum hafa fram-
kvæmdir í samgöngumálum á þess-
um hluta landsins hins vegar set-
ið á hakanum. Má þar nefna gerð
Sundabrautar og þjóðveginn um
Kjalarnes. Þau gleðitíðindi hafa nú
orðið að gerð Sundabrautar er nú
komin í drög að samgönguáætlun
og er það vel.
Gjaldtaka af umferð er viðvar-
andi umræðuefni hjá þeim sem
nýta Hvalfjarðargöng að staðaldri
enda eina umferðarmannvirkið sem
greiða þarf í á Íslandi. Þessi umræða
komst í hámæli fyrir nokkru þeg-
ar stjórn Spalar kynnti hugmynd-
ir um ný göng undir Hvalfjörð þar
sem áfram var gert ráð fyrir gjald-
töku. Sem kunnugt er lýkur gjald-
töku núverandi ganga árið 2018 að
óbreyttu.
Á sínum tíma var skiljanlegt að
gerð væri krafa um gjaldtöku í Hval-
fjarðargöng. Réði þar mestu óvissa
og áhætta um framkvæmdina sem
slíka og hitt að vegfarendur höfðu
val um að keyra fyrir fjörð. Þær
forsendur eru hvorugar til staðar
lengur. Óvissan um framkvæmdina
sem slíka er engin og vegurinn um
Hvalfjörð getur engan veginn talist
valkostur í ljósi þeirrar aukningar
sem orðið hefur í umferð og flutn-
ingum á landi. Hugsanleg gjald-
taka í Hvalfjarðargöng til frambúð-
ar á því engan veginn rétt á sér. Sú
gjaldtaka veldur misrétti sem ekki
er hægt að sætta sig við.
Þó samgöngumál utan bæjar-
marka séu ekki lögbundið hlut-
verk sveitarfélaga er mjög áríðandi
að bæjarstjórn Akraness beiti sér í
þessum málum og þrýsti á um fram-
gang nauðsynlegra framkvæmda.
Frambjóðendur Sjálfstæðisflokks-
ins á Akranesi munu gera það kom-
ist þeir til áhrifa og jafnframt berj-
ast fyrir því að jafnræði verði með-
al þegna landsins þegar kemur að
gjaldtöku á ferð okkar um landið.
Álögur á eitt svæði umfram önnur
kemur að okkar mati ekki til álita,
allir eiga að sitja við sama borð.
Valdís Eyjólfsdóttir
Höfundur skipar 4. sæti á fram-
boðslista Sjálfstæðisflokksins á
Akranesi
Pennagrein
Gerum betur
í skipulagsmálum
Pennagrein
Tryggjum jafnræði og fram-
farir í samgöngumálum
www.skessuhorn.is
Fylgist þú með? S: 433 5500

Pennagrein
Forgangsröðun
Pennagrein
Fallegur bær fyrir alla
Fræðsla
Ör-upplýsingar um fjármál sveitarfélaga