Skessuhorn - 11.06.2014, Blaðsíða 26

26 MIÐVIKUDAGUR 11. JÚNÍ 2014
Finnst þér mikilvægt að halda
upp á 17. júní?
Spurning
vikunnar
Marías Hjálmar Guðmundsson:
Já, og mér finnst að fólk mætti
jafnvel alveg flagga íslenska fán-
anum og fagna þjóðhátíðardeg-
inum meira en það gerir.
Sigríður S. Sæmundsdóttir:
Já, það er mikilvægt bara til að
lífga upp á tilveruna.
Steinunn Dagný Ingvarsdóttir:
Já, þetta er svo mikil skemmtun
fyrir krakkana.
Júlíus Pétur Ingólfsson:
Já, þetta er hátíðisdagur.
Jónína Íris Valgeirsdóttir:
Já, það er nauðsynlegt að hafa
svona daga sem færa meira líf í
samfélagið okkar.
(Spurt á Akranesi)
Aðalsteinn og Baldur unnu í rallýkeppni helgarinnar
Á laugardaginn fór fram
önnur umferðin á Íslands-
meistaramótinu í rallý, en
sú umferð var haldin af
AIFS í nágrenni Reykja-
nesbæjar og nefndis Að-
alskoðunarrallý. Keppn-
in hófst á föstudagskvöld-
inu á stuttum leiðum. Með-
al annars var ekin sérstök
áhorfendaleið um Keflavík-
urhöfn en síðan var tekið
næturhlé. Akstri var haldið
áfram í morgunsárið, ekið
um Djúpavatn og Helgu-
vík. Lauk keppninni með
frækilegum sigri Aðalsteins
Símonarsonar og Baldurs
Haraldssonar, en þeir unnu
með 38 sekúndna forskoti á
næstu áhöfn. Þrettán áhafn-
ir hófu keppni en einungis
átta náðu að ljúka henni.
mm
Valdís Þóra keppir á evrópskri mótaröð í sumar
Væntanlega hefur margt áhugafólk
um golf veitt því eftirtekt að Val-
dís Þóra Jónsdóttir afrekskylfing-
ur úr Leyni á Akranesi hefur ekki
verið meðal keppenda á þeim mót-
um sem búin eru í Eimskipsmóta-
röðinni. Ástæðan fyrir því er sú að
í sumar mun Valdís Þóra keppa á
LET Access Series, sem er hliðar-
mótaröð við Evrópumótaröðina.
Valdís kom heim í síðustu viku eftir
að hafa lokið keppni á fjórum mót-
um í mótaröðinni. Fyrsta mótið var
í Sviss, tvö næstu mótin voru í Sví-
þjóð og það fjórða á Spáni. Núna
um næstu helgi keppir hún á móti
sem verður í strandbænum Dinard
í Frakklandi. Alls verða leikin 16
mót á mótaröðinni en Valdís mun
taka þátt í 15 þeirra. Stefnan er að
sleppa einu móti í ágúst til að forð-
ast of mikið álag. Líklega verður
það aðeins eitt mót sem Valdís Þóra
keppir á hér heima í sumar, það er
Íslandsmótið í höggleik sem hald-
ið verður í júlímánuði á velli GKG
við Vífilsstaði. Valdís Þóra hefur
tvívegis hampað Íslandsmeistara-
titli í höggleik.
Dýrt að vera
atvinnumaður
Sem kunnugt er afsalaði Valdís
Þóra sér áhugamannaréttindum í
september á síðasta ári þegar hún
ákvað að gerast atvinnumaður í
golfíþróttinni. Hún keppti síðan á
úrtökumóti fyrir Evrópumótaröð-
ina í Marakkó í desembermánuði.
Komst þá í gegnum niðurskurðinn
í fyrsta stiginu en spilaði ekki nógu
vel á seinna stiginu til að komast á
Evrópumótaröðina. Aðspurð seg-
ir Valdís Þóra að því fylgi gríð-
arlegur kostnaður að taka þátt í
mótaröðinni í sumar, sem eins og
áður segir er til hliðar við Evrópu-
mótaröðina. Hún er á fyrsta ári af
þriggja ára plani sem sett var upp
þegar hún fór út í atvinnumennsk-
una síðasta haust. Valdís Þóra seg-
ist fá góðan stuðning m.a frá sín-
um klúbbi Leyni á Akranesi og
nokkrum fyrirtækjum en það vanti
fleiri styrktaraðila. „Fjölskyldan
og þjálfararnir mínir, styðja vel við
bakið á mér.“ segir hún.
Á heilmikið inni
Valdís komst áfram í gegnum niður-
skurðinn á fyrra mótinu í Svíþjóð og
var mjög nálægt því á hinum þrem-
ur. „Ég hef ekki verið að slá vel og á
heilmikið inni,“ segir Valdís í sam-
tali við Skessuhorn. Fyrsta mótið í
vor var í Gams í Sviss, það annað í
Kristianstad í Svíþjóð, það þriðja í
bæ þar skammt frá sem heitir Söl-
vegsborg. Fjórða mótið var í fjallabæ
á Spáni sem heitir Lugo. Valdís Þóra
segir að stigalistinn þegar mótaröð-
inni ljúki í haust segi til um það
hverjir komist í Evrópumótaröð-
ina á næsta ári. Fimm efstu komist
beint inná mótaröðina en þeir sem
verða í sjötta til þrítugasta sæti kom-
ast beint á annað stig úrtökumótsins
í haust. „Það er markmiðið hjá mér
að vera í topp 30 í enda ársins, en
þetta er gríðarleg áskorun þar sem
það eru um 120 stelpur að keppa að
sama marki og ég. Það er gríðar-
lega breidd í kvennagolfinu og hef-
ur aukist mikið seinni árin. Það eru
til dæmis margar stelpur frá Asíu að
koma fram á sjónarsviðið í Evrópu,“
segir Valdís Þóra Jónsdóttir. þá
Tíunda útskrift úr verslunarstjórnun frá Bifröst
Laugardaginn 7. júní voru átta
nemendur útskrifaðir úr diplóm-
anámi í verslunarstjórnun. Þessi
dagur markaði þau tímamót að tíu
ár eru liðin frá því fyrsti hópurinn
útskrifaðist úr námi í verslunar-
stjórnun við Háskólann á Bifröst.
Námið hefur þróast og eflst í sam-
vinnu við hagsmunaaðila í versl-
un og þjónustu á liðnum áratug og
mikið lagt upp úr fagmennsku og
þjálfun á vinnustað. Nú er óhætt
að fullyrða að námið hafi fest sig í
sessi og skilað fjöldanum öllum af
hæfum verslunarstjórum út í sam-
félagið auk þess sem margir hafa
haldið áfram til frekara náms. Það
er hugur stjórnenda skólans að efla
enn frekar nám í verslun og þjón-
ustu í nánu samstarfi við atvinnu-
lífið en nú hafa 178 nemendur lok-
ið námi í verslunarstjórn við skól-
ann.
VR, SVÞ -Samtök verslunar og
þjónustu, Kaupmannasamtök Ís-
lands og Starfsmenntasjóður versl-
unar og skrifstofufólks gáfu veg-
leg verðlaun fyrir framúrskarandi
námsárangur en verðlaunin hlaut
Baldvina Karen Gísladóttir. Há-
skólinn á Bifröst óskar henni ásamt
öllum nemendum til hamingju
með áfangann.
-fréttatilkynning
Ólafía B. Rafnsdóttir afhendir Baldvinu Karen Gísladóttur verðlaun fyrir hönd VR
fyrir framúrskarandi námsárangur.
Útskriftarnemar ásamt Vilhjálmi Egilssyni rektor og Magnúsi Smára Snorrasyni forstöðumanni Símenntunar.
Skrifuðu undir
samning við
Skallagrím
Egill Egilsson, Atli Aðalsteinsson
og Kristján Ómarsson skrifuðu
undir samning við körfuknatt-
leiksdeild Skallagríms í síðustu
viku, um að þeir leiki með liðinu á
næsta keppnistímabili. Egill hefur
verið einn af burðarásum í liðinu
undanfarin ár. Atli var fastamað-
ur í liðinu á síðasta tímabili og var
mjög vaxandi í leik sínum og sann-
aði sig rækilega með mikilli bar-
áttu bæði í vörn og sókn. Krist-
ján Ómarsson er hávaxinn strák-
ur sem fékk nokkur tækifæri með
liðinu í úrvalsdeild í fyrra og stóð
sig vel með drengjaflokki ásamt
því að leika með sameiginlegu liði
Skallagríms og Snæfells í ung-
lingaflokki, en það lið náði góðum
árangri á síðasta keppnistímabili. Í
tilkynningu frá Skallagrími segir
að fleiri frétta af leikmannamálum
sé að vænta á næstu dögum. mm