Skessuhorn - 23.07.2014, Blaðsíða 26

26 MIÐVIKUDAGUR 23. JÚLÍ 2014
Um næstu helgi verður Sturluhátíð
í Dölum, en nú eru 800 ár liðin frá
fæðingu sagnaritarans mikla Sturlu
Þórðarsonar. Hátíðin verður hald-
in sunnudaginn 27. júlí að Tjarnar-
lundi í Saurbæ. Heiðursgestur há-
tíðarinnar verður Vigdís Finnboga-
dóttir fyrrverandi forseti Íslands.
Samkoman hefst klukkan 13.30
með setningarávarpi Sveins Páls-
sonar sveitarstjóra Dalabyggðar.
Einar K. Guðfinnson, forseti Al-
þingis og Olemic Tommessen for-
seti norska stórþingsins munu flytja
ávörp. Guðrún Nordal forstöðu-
maður stofnunar Árna Magnússon-
ar flytur erindi um arfleifð Sturlu
Þórðarsonar og Einar Kárason rit-
höfundur flytur efni um Sturlu
sem hann kallar „Hann vissi ég al-
vitrastan og hófsamastan.“ Elísa-
bet Haraldsdóttir menningarráðu-
nautur fjallar um Sturluþing barna
sem efnt verður til í samvinnu við
barnaskóla á Vesturlandi næsta vet-
ur. Þá gera Halla Steinólfsdóttir
bóndi og Sumarliði Ísleifs-
son sagnfræðingur grein
fyrir efninu: Dalirnir og
Sturla, fram-
tíðarsýn. Loks
munu Stein-
dór Andersen
og Hilmar
Örn Hilmars-
son flytja rímur.
Samkomunni í
Tjarnarlundi lýkur upp úr klukkan
þrjú með lokaorðum Sigurðar Þór-
ólfssonar bónda í Innri-Fagradal.
Eftir það verður farið að Staðarhóli
þar sem Sturla bjó og þar fjallar
Magnús A. Sigurðsson fornleifa-
fræðingur um hugsanlegar rann-
sóknir á Staðarhóli.
Upplýsingar um gistimöguleika
í Dölum má finna á vefsíðunni
Visi t Dalir.is eða á upplýsingamið-
stöð Dalabyggðar í síma 434 1441.
Nánari upplýsingar er að finna á
vefsíðunni http://sturla800.wix.
com/sturlathordarson eða hjá Svav-
ari Gestssyni gestsson.svavar@gma-
il.com - Þórunni Maríu Örnólfs-
dóttur tho27@hi.is gsm. 845 6676
– eða á skrifstofu Dalabyggðar.
-fréttatilkynning
Ef vesælar sýnast þér veislurnar - vertu þá ekkert að flækjast þar!
Vísnahorn
Vilhjálmur Hjálmarsson á Brekku í Mjóa-
firði sem nú er nýlátinn, átti sæti á Alþingi
árin 1951 til 1956 ásamt Andrési Eyjólfssyni
í Síðumúla. Þeir áttu báðir sæti í efri deild.
Það var venja fjárveitinganefnda að leyfa þeim
þingmönnum sem ekki áttu þar sæti að senda
svonefndan óskalista eða beiðnir um smærri
fjárframlög til ýmissa menningarmála í sínum
heimahéruðum. Á óskalista Andrésar var smá
fjárveiting til Skallagrímsgarðsins í Borgar-
nesi sem hlaut náð fyrir augum fjárveitinga-
valdsins en Vilhjálmur henti óspart gaman að.
Vorið 1956 var aftur kosið til Alþingis. Þá var
Andrés ekki í framboði en Vilhjálm vantaði 8
atkvæði til að ná kjöri sem annar þingmaður
síns kjördæmis. Þegar Andrés hitti Vilhjálm
næst stakk hann að honum þessari vísu:
Ei til frægðar förin varð,
fataðist Villa mínum
af því hann á engan garð
á óskalista sínum.
Eitt sinn meðan þeir sátu saman á þingi
og bjuggu báðir á Hótel Borg kom kona Vil-
hjálms til Reykjavíkur að austan og meðan
hún dvaldist í höfuðstaðnum gistu þau hjón
hjá vinafólki sínu sem bjó við Sundlaugaveg.
Þá orti Andrés:
Einn Austfirðing ungan ég þekki
sem eflist í dyggðinni.
Hann syndir en syndgar ekki
og sefur hjá konunni.
Þegar Vilhjálmur síðar varð ráðherra varð
það hans fyrsta verk að lýsa því yfir að í hans
veislum yrði ekki veitt áfengi þótt ráðherra-
veislur hefðu þá um skeið og eru kannske
enn rómaðar fyrir rausnarlegar veitingar sem
auðvitað þurfa þó ekki nauðsynlega að vera
áfengi. Þegar Andrés heyrði þetta varð hon-
um að orði:
Valdaferill verði þinn
vorri þjóð til nytja
en veislur þínar Villi minn
vildi ég ekki sitja.
Nú gerðist það að Vilhjálmur fær í jólagjöf
frá rússneska sendiherranum tvær flöskur af
eðalvíni. Þar sem Vilhjálmur var eins og fram
hefur komið stakur reglumaður féll þessi gjöf
ekki beint í frjóan jarðveg og munaði litlu að
þær færu í vaskinn í bókstaflegri merkingu.
Svo fór þó ekki heldur tók Villi blað og skrif-
aði á það eftirfarandi línur vitandi að Andrés
kynni að meta sendinguna en þó líklegur til
að meðhöndla hana af fullri virðingu:
Jan 1975
Góði gamli þing- og flokksbróðir.
Ef vesælar sýnast þér veislurnar
vertu þá ekkert að flækjast þar
en þessar flöskur þiggðu snar
og þurrar vættu kverkarnar.
Þetta er komið austan að
-óvart lenti á röngum stað.
En einmitt þér (fyrir utan hrað)
óhætt mun að senda það.
Heill þér Andrés elskan mín.
Allri firrtur sút og pín
lifðu sæll uns dagur dvín
og Drottinn kemur að vitja þín.
Þinn Villi (sem átti engan garð).
Næst gerist það svo að Andrés sest við
skriftir í febrúarmánuði sama ár og ritar Vil-
hjálmi bréf. Er endir þess á þennan veg:
Kynni okkar glöð og góð
geymast enn í minnissjóð.
-Er þó kulnuð æskuglóð
og andlaust föndur mitt við ljóð.
Ellihrumur einn ég sat
engar veislur þegið gat
-Eðla Vodka og Ararat
afbragðs vinargjöf ég mat.
Ef það leyfir ellin há
að ég megi bragð mér fá
hrifinn mun ég hrópa þá
heill sé Villa og Rússíá.
Óska gömlum vini og góðum dreng allra
heilla
Þinn gamli Drési (Með einn garð að baki,
annan framundan).
Lengi var símstöð í Síðumúla og gat orð-
ið töluvert flókið mál að ná sambandi (eða að
minnsta kosti þætti einhverjum unglingnum
það nú á dögum) þegar stöðvarnar voru að-
eins opnar á ákveðnum tímum og allir ná-
grannarnir gátu hlustað á símtalið með minni
fyrirhöfn og aukabúnaði en CIA notar nú á
dögum. Það var heldur ekki öruggt að all-
ir væru staddir nærri símtæki þegar þurfti að
heyra í þeim. Afgreiðslustúlka á nálægri sím-
stöð sem Andrés þurfti stundum að eiga sam-
skipti við fékk eitt sinn þessa vísu frá honum:
Þessi bið er þung sem blý,
þjakar huga mínum.
Það er stundum eilífð í
augnablikum þínum.
Andrés var lengi umboðsmaður Samvinnu-
trygginga og þegar Guðmundur Böðvarsson
á Kirkjubóli byggði sér nýtt íbúðarhús sendi
hann Andrési tryggingarbeiðni sem hófst á
þessum orðum:
Hérna kemur hússins lýsing
handa þér minn kæri vin.
-Þetta er meira en meðalhýsing
og meira en almennt húsakyn.
Svar barst fljótlega enda þurfti að ganga
tryggilega frá að allt væri tryggt sem tryggj-
anlegt var:
Öll eru tæki eldtryggð þar
íbúum í haginn,
en eru komnar yrkingar
upp í gamla bæinn?
Ingibjörg Bergþórsdóttir í Fljótstungu lést
nýverið og var jarðsungin síðastliðinn laugar-
dag. Hún var um hríð organisti í Gilsbakka-
kirkju og eitt sinn varð blessuðum prestinum
það á að minnast á hana Evu formóður okk-
ar með þeim orðum að hún hefði verið: ,,Ein-
föld og saklaus eins og kona á að vera.“ Ekki
er ég viss um að klerkur hafi fengið mjög já-
kvæð viðbrögð við ræðunni. Allavega fékk
hann ekki prik hjá organistanum og tæplega
hjá eiginkonunni heldur. Minnsta kosti orti
Ingibjörg:
Upp tókst Guði einmitt svona
Evu að gera.
Ímynd karlsins æðstu vona,
-einnig séra.
Hún var einföld eins og kona
á að vera.
Stundum fer það svo að þeir sem hafa al-
menna samúð og velvild fólks hegða sér með
þeim hætti að þau hugrenningatengsl glatast
að fullu. Skiptir þá ekki öllu hvort um er að
ræða stjórnmálaflokka, einstaklinga eða stór-
þjóðir. Um líkt leyti og þingmaður nokkur
sem fram til þess hafði verið frekar vel liðinn
varð uppvís að óþarfri hirðusemi og afsakaði
sig með því að um tæknileg mistök hefði ver-
ið að ræða gerðu Ísraelsmenn einnig tækni-
leg mistök sem kostuðu nokkur mannslíf að
nauðsynjalausu. Þá varð Georg á Kjörseyri að
orði:
Líkt er með Árna og Ísraelsher
einkum það sem að miður fer.
Á mikilli ferð um Mammons veg
og mistök þeirra eru tæknileg.
Og eftir blóðbað mikið í Beirút kvað Jón Þ.
Björnsson:
Í Beirút liggja nú líkin í hrönnum
og Líbanon stynur af hryggð.
Vor einlæga samúð með Ísraelsmönnum
er orðin að viðurstyggð.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Sumarlesari
vikunnar
Helga Rós er sumarlesari vik-
unnar á Bókasafni Akraness.
Nafn: Helga Rós Ingimarsdóttir
Aldur: 7 ára
Hvenær lestu? Bæði á daginn
og á kvöldin
Áttu uppáhalds bók? Kvöld-
sögur handa börnum: Þrettán
bestu ævintýri allra tíma
Áttu einhvern uppáhalds höf-
und? Nei
Hvaða bók lastu síðast? Hefð-
arköttur í ævintýrum
Viltu mæla með einhverri bók
fyrir aðra krakka að lesa? Já,
Kvöldsögur.
Í hvaða skóla ertu ? Grunda-
skóla.
Áttu einhver önnur áhuga-
mál? Sund og klifur.
Harmónikkutónar á Varmalandi
um verslunarmannahelgina
Sturluhátíð um næstu helgi í Dölum
Félag Harmónikkuunnenda í
Reykjavík heldur um verslunar-
mannahelgina sitt árlega harmón-
ikkumót „Nú er lag á Varmalandi.“
Er þetta í fjórða sinn sem hátíðin er
haldin. Mótið er hefðbundið harm-
ónikkumót þar sem gestir stilla sam-
an strengi sína og skemmta hverjir
öðrum í nokkra daga og dansa svo
á kvöldin.
Fjölmargar harmónikkuhljóm-
sveitir félagsins munu leika fyr-
ir dansi og jafnvel er von á gesta-
spilurum úr nágrenninu. Félagið á
von á norska harmónikusnillingn-
um Emil Johansen sem ætlar að
taka þátt í hátíðinni, ásamt fjöl-
skyldu sinni. Emil Johansen er 37
ára gamall Norðmaður sem undaf-
arin ár hefur vakið mikla athygli
fyrir glæsilegan tónlistarflutning.
Hljómsveit Emils mun leika á tón-
leikum kl. 14:00 á laugardeginum,
en tvær dætur hans, 14 og 11 ára,
munu taka þátt í þessum tónleik-
um. Þessir tónleikar verða örugg-
lega þess virði að fylgjast með. Auk
þess mun hljómsveitin leika fyr-
ir dansi á laugardags- og sunnu-
dagskvöld. Þá verður sölusýning
á harmonikkum á vegum EG tóna.
Stjórn og skemmtinefnd FHUR
hvetur Vestlendinga til að mæta á
Varmaland og njóta skemmtilegra
viðburða á harmonikkumóti.
mm