Skessuhorn - 27.08.2014, Blaðsíða 11

11MIÐVIKUDAGUR 27. ÁGÚST 2014
Hagsmunasamtök um
framfærsluréttindi
Fyrr í sumar voru stofnuð hér
á landi Samtök um framfærslu-
réttindi. Þau hafa það að mark-
miði að standa vörð um hagsmuni
þeirra sem þurfa á framfærslu hins
opinbera að halda. Eru markmið
félagsins reist á framfærslurétti 1.
mgr. 76. gr. stjórnarskrárinnar auk
ákvæða alþjóðlegra mannréttinda-
sáttmála sem Ísland er aðili að og
eiga við um efnið. Markmið sam-
takanna er annars vegar að standa
vörð um lögvarða hagsmuni þeirra
borgara sem rétt eiga á opinberri
framfærslu og hins vegar að beita
sér fyrir því að lögum verði breytt
með þeim hætti að framfærsla
borgaranna verði tryggð.
Samtökin munu einkum huga að
þeim sem höllustum fæti standa í
samfélaginu og eiga sér engan mál-
svara. Þiggjendur félagsþjónustu
búa við ójafnræði og þurfa sæta
skilyrðum og skerðingum sem enga
stoð eiga í lögum. Réttur þeirra
þarf að vera tryggður og ætla sam-
tökin að beita sér fyrir breyting-
um á lögum og stjórnsýslu þann-
ig að borgurunum verði ekki mis-
munað eftir kyni, lögheimili eða af
öðrum ómálefnalegum ástæðum.
Að auki telja samtökin að sum-
ar skilyrðingar fyrir atvinnuleysis-
bótum eigi sér ekki stoð í lögum.
Samtökin hafa skjöl undir höndum
sem sýna að stjórnvöld hafa vit-
að um langt árabil að skilyrðing-
ar fyrir félagsþjónustu eiga sér ekki
lagastoð. Einnig höfum við gögn
undir höndum sem sýna Samband
íslenskra sveitafélaga veita sveita-
félögum ráðgjöf um bestu leiðirn-
ar til að hundsa álit umboðsmanns
Alþingis vegna ólögmætra skerð-
inga á framfærsluréttinum. Telja
samtökin mikilvægt að efla emb-
ætti umboðsmanns Alþingis með
þeim hætti að hann geti veitt bind-
andi úrskurði í stað ráðgefandi
álita í stjórnsýslumálum er varða
stjórnarskrárvarin mannréttindi.
Samtökin ætla einnig að standa
vörð um framfærsluréttindi í rýmri
merkingu, þannig að jafnræði
verði tryggt á meðal borgaranna
þegar kemur að aðkomu þeirra að
hvers kyns velferðarbótum, og að
velferðarkerfið taki mið af raun-
verulegri framfærsluþörf einstak-
linga og fjölskyldna. Álítum við að
ákjósanlegast sé að lögfesta opin-
ber neysluviðmið, þannig að öll
stjórnvöld taki fullt tillit til þeirra
í skiptum sínum við borgara lands-
ins. Að baki slíkri tilhögun telja
samtökin ákjósanlegast að endur-
reisa Þjóðhagsstofnun til að tryggt
verði að neysluviðmið endurspegli
raunverulega framfærsluþörf al-
mennings á hverjum tíma.
Heimasíðu samtakanna má nálg-
ast hér: www.framfaerslurettur.is
-fréttatilkynning
Hlutabréf í Century meira en
tvöfaldast í verði á árinu
Heimsmarkaðsverð á áli hefur
hækkað nær samfellt allt þetta ár.
Það var í kringum 1.800 bandaríkja-
dalir í byrjun árs en er nú 2.050 dal-
ir fyrir tonnið. IFS greining og ráð-
gjöf segir að þrátt fyrir aukna fram-
leiðslu í Mið-Austurlöndum og
Kína líti út fyrir að meira jafnvægi
verði á markaðinum en áður. Gert
er ráð fyrir að áfram verði aukin eft-
irspurn eftir áli í bílaiðnaði og um-
búðaframleiðslu. Það vekur athygli
að verð hlutabréfa í CenturyAlum-
inum, eiganda Norðuráls á Grund-
artanga, hefur hækkað á markaði
um 107,5% frá síðustu áramótum
til dagsins í dag, samkvæmt Nas-
daq. Hið sama á hins vegar ekki við
um Rio Tinto en verð hlutabréf þar
hefur einungis stigið um ríflega tvö
prósent á sama tíma.
mm
Nýir skólastjórnendur boðnir velkomnir
Grunnskóli Grundarfjarðar var
settur föstudagsmorguninn 22.
ágúst líkt og flestir aðrir skólar
landsins. Þar sem skólinn er jafn
gamall lýðveldinu var þetta sjötug-
asta skólasetningin frá upphafi. Nú
háttar þannig til að báðir stjórn-
endur skólans eru nýir í störfum
sínum. Gerður Ólína Steinþórs-
dóttir er skólastjóri og Ásdís Snót
Guðmundsdóttir tekur við stöðu
aðstoðarskólastjóra. Það var Þor-
steinn Steinsson nýráðinn bæjar-
stjóri Grundarfjarðarbæjar sem
færði þeim stöllum blóm í tilefni
dagsins.
tfkF.v. Þorsteinn, Gerður Ólína og Ásdís Snót.