Skessuhorn - 27.08.2014, Blaðsíða 21
21
Blásið var til stórveislu og fagn-
aðar í Dölunum laugardagskvöld-
ið 16. ágúst sl., nánar tiltekið í
hlöðunni á Erpsstöðum. Þor-
grímur bóndi varð 45 ára 7. júlí
og í samtali við Skessuhorn sagð-
ist hann ekki aðeins hafa verið að
fagna þeim tímamótum með því
að efna til hlöðuveislunnar held-
ur hafi tilefnin verið fleiri. „Ég
hélt upp á 30 ára afmælið á sín-
um tíma með hlöðuballi og síðan
stóð til að fagna öðrum tímamót-
um m.a. þegar við tókum fjósið og
Rjómabúið í notkun fyrir nokkr-
um árum. Ekkert varð úr því og
ég sagði gestunum núna að tilefn-
ið væri að 15 ár væru liðin frá 30
ára afmælinu. Ég frábað mér gjaf-
ir en mæltist til að ef fólk vildi
myndu þær renna til barnahjálpar
SÁÁ,“ segir Þorgrímur. 130 gest-
ir komu í hlöðufagnaðinn á Erps-
stöðum. Þar voru veisluföng ríf-
lega veitt, bæði í mat og drykk,
og þeir Guðbjartur Björgvins-
son faðir Þorgríms og Ríkharð-
ur Jóhannsson í Gröf sáu um lif-
andi tónlist í harmonikkuspili og
trommuleik.
Álitið að traktorinn
væri afmælisgjöf
Þegar gestir komu til fagnaðarins
á Erpsstöðum var það fyrsta sem
við þeim blasti glæsileg ný drátt-
arvél af Massey Ferguson gerð
sem stóð á hlaðinu. Í skóflu hans
voru kæld ölföng fyrir gestina sem
gátu sér til um að dráttarvélin nýja
væri afmælisgjöfin frá Helgu Elín-
borgu Guðmundsdóttur húsfreyju
á Erpsstöðum til bónda síns. „Það
var ekki fyrr en núna í vor sem við
ákváðum að panta dráttarvélina.
Hún kom hingað á föstudeginum
fyrir fagnaðinn þannig að það var
um að gera að koma henni fyrir
á hlaðinu. Það var svo sem allt í
besta að þetta liti út eins og af-
mælisgjöfin frá Helgu, því einu
sinni gaf ég henni sláttuvél í jóla-
gjöf,“ sagði Þorgrímur og hló.
Hann sagðist mjög ánægður með
hlöðufagnaðinn sem hafi tekist
mjög vel. „Það var starfsfólkið
okkar sem sá að mestu um veislu-
föngin, austuríska parið Katarína
og Gerald sáu um ostaveisluna og
Iris Wilson kökuskreytingameist-
ari um terturnar,“ sagði Þorgrím-
ur.
þá
Nú í ágústmánuði setjast þúsund-
ir nemenda á öllum skólastigum á
skólabekk um land allt. Leikskól-
ar komu fyrstir úr fríi eftir versl-
unarmannahelgina og hafa nú flest-
ir skólar á efri skólastigum einnig
verið settir. Samkvæmt samantekt
Skessuhorns verða nú 974 nem-
endur í leikskólum á Vesturlandi í
haust sem er nánast sami fjöldi og
var í fyrrahaust. Um 2.290 nem-
endur eru skráðir í nám í grunn-
skólum á Vesturlandi og er það
fækkun um 90 nemendur frá síð-
asta hausti. Einnig hefur nemend-
um sem skráðir eru til náms í fram-
haldsskólunum þremur á Vestur-
landi fækkað lítilsháttar á milli ára.
922 nemendur eru skráðir í ár en
haustið 2013 voru 990 nemendur
innritaðir. Þá eru á sjötta hundrað
nemendur skráðir til náms í haust í
háskólunum tveimur á Vesturlandi,
á Bifröst og Hvanneyri. Af framan-
greindu sést að um 4700 nemendur
í fullu námi munu setjast á skóla-
bekk á Vesturlandi í haust, á skóla-
stigum frá leikskóla til háskóla.
Auk þess mun fjöldi fólks stunda
nám við endurmenntun hjá ýmsum
menntastofnunum á Vesturlandi,
svo sem Símenntunarmiðstöðinni
og endurmenntunardeildum há-
skólanna, auk þeirra sem stunda
fjarnám annarsstaðar. Samkvæmt
þessu er um þriðjungur íbúa Vest-
urlands í skóla.
grþ
Dag ur í lífi...
Nafn: Hannes Marinó Ellertsson.
Starfsheiti/fyrirtæki: Útibússtjóri
Landsbankans á Akranesi.
Fjölskylduhagir/búseta: Gift-
ur Láru Dóru Valdimarsdóttur og
eigum við þrjú börn á aldrinum
3-12 ára.
Áhugamál: Hef spilað golf frá því
ég var 9 ára gutti í Stykkishólmi
og jafnast ekkert á við það að spila
golf í góðu veðri á Víkurvelli og
Garðavelli. Byrjaði að halda með
ÍA sem barn og finnst alltaf jafn
gaman að fara á leiki með Skag-
anum. Man eftir nokkrum ferðum
með pabba og afa milli 1984 og
1990 á Skagann. Þá var ekki búið
að setja bundið slitlag nema frá
Borgarnesi og upp á Skaga. Áhuga
á körfubolta fékk ég með móður-
mjólkinni og hefur Snæfell verið
að gera góða hluti á þeim vettvangi
síðastliðin ár. Ég byrjaði að halda
með Manchester United þegar
Mark Hughes, Gordon Strachan
ásamt Bryan Robson sem var fyrir-
liði á þessum árum voru aðalhetjur
liðsins.
Útilegur eru nýja áhugamál fjöl-
skyldunnar og fórum við m.a.
hringinn í kringum Ísland í sumar.
Vinnudagurinn: fimmtudagurinn
21. ágúst.
Mætt til vinnu og fyrstu verk:
Var mættur til vinnu upp úr átta.
Byrja yfirleitt að fá mér kaffisopa
eða jafnvel te sem er nokkuð nýtt
hjá mér þessa dagana. Ræsti tölv-
una og las fréttir af Moggasíð-
unni, átti mitt daglega spjall við
samstarfsmann minn, Sigþór Boga
Eiríksson þar sem næsta umferð í
enska boltanum er m.a. rædd.
Klukkan 10? Morgnarnir eru
yfirleitt nokkuð annasamir í þessu
starfi. Fundir með viðskiptavinum
og símtöl voru nokkuð fyrirferða-
mikil þennan morguninn.
Hádegið? Við skiptum við tvo
veitingastaði hér á Akranesi sem
senda starfsmönnum útibúsins
bakkamat sitthvora vikuna í senn.
Salat dagsins varð fyrir valinu og
smakkaðist vel.
Klukkan 14. Tók á móti viðskipta-
vinum og vann í verkefnum ásamt
hinu góða fólki sem ég starfa með.
Hvenær hætt og það síðasta
sem þú gerðir í vinnunni? Þess-
um vinnudegi lauk um klukkan
17:45 með því að ég afgreiddi síð-
ustu beiðnina sem send var til mín
fyrr um daginn og náði að undir-
búa mig fyrir námskeið sem haldið
verður á morgun í Reykjavík.
Fastir liðir alla daga? Að bjóða
starfsfólki góðan daginn og ganga
úr skugga að allt sé eðlilegt innan
útibúsins þannig að viðskiptavinir
okkar geti fengið þá þjónustu sem
þeir leita eftir.
Hvað stendur upp úr eftir vinnu-
daginn? Erfitt að taka eitthvað eitt
fram fyrir annað.
Var dagurinn hefðbundinn? Já,
dagurinn var nokkuð hefðbundinn
að mínu mati.
Hvenær byrjaðir þú í þessu
starfi? 14. maí 2009.
Er þetta framtíðarstarfið þitt?
Því ekki, ég get vel hugsað mér að
starfa í Landsbankanum um aldur
og ævi. Ég er svo heppinn að hafa
starfsmenn í útibúinu sem hafa
unnið í bankanum lengur en 35
ár og það segir meira en mörg orð
um vinnustaðinn vil ég meina.
Hlakkar þú til að mæta í vinn-
una? Já, ég er búinn að vinna í
Landsbankanum í rúm 9 ár og
mér hefur aldrei leiðst í vinnunni.
Verkefnin eru krefjandi og engu
að síður gefandi þegar málin æxl-
ast þannig. Bankakerfið hefur ver-
ið að taka miklum breytingum á
þessum árum og það hefur verið
mjög lærdómsríkt að vera þátttak-
andi í þeirri uppbyggingu. Útibúið
er skipað skemmtilegum og hæfi-
leikaríkum einstaklingum og er ég
þess fullviss að það býr til þá til-
hlökkun sem er til staðar í mínu
tilfelli á hverjum morgni.
Eitthvað að lokum? Ég vil bara
þakka fyrir mig og þá sérstak-
lega samstarfsmönnunum mín-
um og viðskiptavinum útibúsins
sem munu fagna hálfrar aldar af-
mæli útibúsins á Akranesi í októ-
ber næstkomandi.
Útibússtjóra
Þriðjungur íbúa
er í skóla
Katharína og Gerald frá Austurríki til vinstri og Íris frá Þýskalandi til hægri. Þau
sáu um hluta af veitingunum, Katharína og Gerald um ostahlaðborð og Íris um að
baka og skreyta terturnar. Ljósm. Guðbjartur.
Fagnaði tímamótum með veislu í hlöðunni
Gárungarnir segja að eiginkonan hafi gefið bónda sínum þessa vél í afmælisgjöf.
Ljósm. Guðbjartur.
Afmælisbarnið við ostabakkana í
veislunni á Erpsstöðum.
Ljósm. Áslaug Þorvaldsd.
Það var von að gestir álitu að nýi Fergusoninn væri afmælisgjöf frá húsfreyjunni.
Ljósm. Guðbjartur.
Guðbjartur og Rikki sáu um lifandi
tónlist í hlöðufagnaðinum.
Ljósm. Áslaug Þorvaldsdóttir.