Skessuhorn - 27.08.2014, Blaðsíða 14

14 MIÐVIKUDAGUR 27. ÁGÚST 2014
Háskólalestin á Snæfellsnesi
Háskólalest Háskóla Íslands mun
verða á Snæfellsnesi dagana 29. og
30. ágúst næstkomandi. Þar mun
hún bjóða upp á fjölbreytta dagskrá
fyrir alla aldurshópa í Ólafsvík og
Grundarfirði. Þetta er fjórða árið
sem lestin fer um og á að baki tutt-
ugu ferðir um landið. „Við reyn-
um að fara ekki hringinn í kring-
um landið heldur fram og til baka
og reynum að passa að fara alltaf í
hvern landshluta á ferðum okkar.
Við stoppum í minni bæjarfélög-
um sem eru ekki í alfaraleið,“ segir
Guðrún Bachman lestarstjóri Há-
skólalestarinnar í samtali við blaða-
mann. Hún segir að í ferðum lest-
arinnar sé lögð áhersla á lifandi og
litríka dagskrá fyrir alla fjölskyld-
una og segir ekkert annað sambæri-
legt til á landinu. „Annars vegar
erum við með vísindaveislu og hins
vegar námskeið í Háskóla unga
fólksins fyrir grunnskólanemendur.
Á föstudeginum munum við bjóða
nemendum í efstu bekkjum grunn-
skóla Snæfellsbæjar og Grunnskóla
Grundarfjarðar að sækja námskeið í
Háskóla unga fólksins meðal annars
í eðlisfræði, japönsku, stjörnufræði,
blaða- og fréttamennsku, Legó for-
ritun, svo eitthvað sé nefnt. Kennt
verður í Ólafsvík. Á laugardeginum
verður svo slegið upp vísindaveislu í
Grundarfirði, sem er stór skemmt-
un fyrir almenning. Þar verður
meðal annars stjörnutjald og fullt
af tækjum og tólum sem hægt er að
prófa. Sprengjugengið landsfræga
verður með í för og sýnir kl. 12.30
og 14.30 og sýningar verða í hinu
sívinsæla stjörnutjaldi á 30 mínútna
fresti. Það hefur alltaf verið troðið
út úr dyrum á vísindaveislu, mikið
fjör og mikið gaman,“ segir hún.
Háskóli unga fólksins hefur starf-
að í tíu ár og tekur 350 nemendur
á hverju ári. Guðrún segir að það
taki ekki nema sólarhring að full-
bóka í þau pláss. „En það er gam-
an að geta líka boðið börnum úti á
landi að taka þátt og kynna starfið
fyrir þeim,“ bætir hún við.
Góðir gestir með í för
Ísland er í formennsku í Norrænu
ráðherranefndinni 2014. Af því til-
efni hafa valin byggðarlög á Norð-
urlöndum tekið þátt í þróun ný-
sköpunar- og menntunarverkefn-
isins Biophilia, sem Háskóli Ís-
lands hefur unnið að undanfarin ár,
ásamt tónlistarkonunni Björk Guð-
mundsdóttur og Reykjavíkurborg.
„Háskólalestin er því orðin að sam-
norrænu verkefni. Önnur Norður-
lönd munu taka þátt í að móta í sínu
landi svokallaða þekkingarlest, að
fyrirmynd Háskólalestarinnar. Þess
vegna munu góðir gestir, fulltrúar
norrænna mennta- og vísindastofn-
ana, slást í för lestarinnar á Snæ-
fellsnesið. Þeir ætla að fylgjast með
starfinu og innleiða svo eitthvað
svipað í sínum löndum. Það verð-
ur því nóg um að vera, kvikmyndað
verður á staðnum og unnið að gerð
heimildarmyndar.“ Guðrún seg-
ir það mikinn heiður að önnur
Norðurlönd séu að taka upp svip-
að fyrirkomulag og Háskólalestin
er. „Einnig verður með í för gestur
frá Austurríki, vöggu barnaháskóla,
sem ætlar að kynna sér starfið. Það
er því greinilegt að það er að vekja
mikla athygli hvernig við erum að
gera hlutina með Vísindalestinni,“
segir Guðrún að lokum. Vísinda-
veisla Háskólalestarinnar verður
haldin í Fjölbrautaskóla Snæfell-
inga í Grundarfirði kl. 12 til 16.
Dagskrá Háskólalestarinnar er öll-
um opin, aðgangur ókeypis og allir
velkomnir. grþ
Vísindavaka Háskólalestarinnar verður haldin í Grundarfirði 30. ágúst næst-
komandi.
Sprengjugengið víðfræga mun sýna á vísindavökunni.
Sumarhátíð KB verður um
næstu helgi í Borgarnesi
Frá Sumarhátíð 2013 þar sem kerlingadráttur fór fram.
Kaupfélag Borgfirðinga heldur
sína árlegu sumarhátíð næstkom-
andi laugardag frá klukkan 12 til
16. Þetta er í sjöunda skipti sem
hátíðin er haldin og verður hún
með svipuðu sniði í ár og undan-
farin ár. „Þetta er hátíð sem við
viljum halda fyrir okkar viðskipta-
vini og alla sem koma. Boðið verð-
ur upp á ís, pylsur og gos fyrir gesti
og gangandi. Bændur munu etja
kappi í bændaþríþraut undir stjórn
Guðmundar Hallgrímssonar, líkt
og verið hefur síðastliðin þrjú ár,
og við munum krýna Íslandsmeist-
ara í reiptogi,“ segir Margrét Katr-
ín Guðnadóttir verslunarstjóri
KB. Þá verða ýmis fyrirtæki með
kynningu á vörum sínum og þjón-
ustu þar sem gestir geta smakkað
og keypt ýmsan varning á góðu
verði. „Þarna verða mörg fyrirtæki
svo sem MS, Saltverksmiðjan og
Eðalfiskur, meðal annarra. Hús-
dýr verða til sýnis og teymt verð-
ur undir börnum á hestum. Í fyrsta
sinn verðum við með prúttmark-
að og svo verður bændabrúnku-
keppnin „Skörpustu skilin“ haldin
ef næg þátttaka fæst.“ grþ
Varða reist á Búrfelli
í Hálsasveit
Talið er að í það minnsta 47 Búr-
fell séu á Íslandi. Eitt þeirra er í
uppsveitum Borgarfjarðar, í Hálsa-
sveit, norðvestan við Okið. Þetta
einstaka Búrfell rís rétt tæpa 400
metra yfir sjávarmál og skipar sér-
stakan sess í hugum afkomenda
Jakobínu Jakobsdóttur og Sigur-
steins Þorsteinssonar en þau Jakob-
ína og Sigursteinn bjuggu í 40 ár á
jörðinni Búrfelli sem ber nafn sitt
af fellinu og átti land allt að Oki.
Alls 22 afkomendur þeirra hjóna og
tengdir aðilar komu nýverið saman
á Búrfelli til að hlaða þar myndar-
lega vörðu og koma fyrir gestabók í
vönduðu hylki. Verkefnið var styrkt
af Ferðafélagi Íslands sem lagði til
hylkið og tréverkið.
Í lýsingu Reynis Traustasonar
ritstjóra, eins af afkomendum Búr-
fellshjóna segir: „Gaman og auð-
velt er að ganga upp á Búrfell-
ið. Til dæmis er hægt er að ganga
skemmtilega hringleið og enda eða
byrja á vinsælli gönguleið sem ligg-
ur upp með Rauðsgili, vestan Búr-
fellsins. Fjöldi fallegra fossa er í
gilinu og sá efsti fer í fossaköstum
og heitir því fallega nafni Einiberja-
foss. Litlu ofar og ofan við Búrfell-
ið liggur svo Fella flóinn sem kem-
ur fyrir í ljóði Jóns Helgasonar: Á
Rauðsgili en skáldið var búsett um
tíma á bænum sem dregur nafn sitt
af gilinu.“
Á Rauðsgili - eftir Jón Helgason
Enn ég um Fellaflóann geng,
finn eins og titring í gömlum streng,
hugann grunar hjá grassins rót
gamalt spor eftir lítinn fót.
Hugrökk teygist á háum legg
hvönnin fram yfir gljúfravegg,
dumbrauðu höfði um dægrin ljós
drúpir hin vota engjarós.
Löngum í æsku ég undi við
angandi hvamminn og gilsins nið,
ómur af fossum og flugastraum
fléttaðist síðan við hvern minn draum.
mm
Hægt verður að skoða húsdýr líkt og undanfarin ár.
Vörðugerð í Búrfelli. Ljósm. Jóhanna Kristín Þorsteinsdóttir
Hvalfjarðardagar verða um næstu helgi
Um næstu helgi verður heilmargt
um að vera í Hvalfjarðarsveit þeg-
ar Hvalfjarðardagar verða haldnir
hátíðlegir. Á dagskrá eru fjölmarg-
ir viðburðir og ættu flestir að geta
fundið eitthvað við sitt hæfi. Upp-
haflega var Hvalfjarðardagurinn
haldinn að frumkvæði ferðaþjón-
ustuaðila í sveitinni en síðustu ár
hefur menningar- og atvinnuþró-
unarnefnd Hvalfjarðarsveitar einn-
ig komið að skipulagningunni. Að
sögn Jónellu Sigurjónsdóttur for-
manns nefndarinnar hefur viðburð-
urinn stækkað og dafnað á undan-
förnum árum.
„Nú er svo komið að í ár er Hval-
fjarðardagurinn orðinn að þriggja
daga hátíð, sem haldinn verður
dagana 29. - 31. ágúst.“ Hún segir
fjölbreytta viðburði verða á víð og
dreif um sveitarfélagið þessa helgi.
„Má þar nefna tónleika, göngu
með leiðsögn á Glym, ljósmynda-
sýningu, bútasaumssýningu og aðr-
ar listsýningar. Sjóbaðsfélag Akra-
ness stendur fyrir Helgusundi, þar
sem synt verður úr Geirshólma yfir
í land við Helguvík. Boðið verður
upp á pylsur og ís og ætla sveitung-
ar og gestir að hittast og grilla sam-
an í Fannahlíð á föstudeginum.“ Þá
verður einnig ýmislegt um að vera
á Bjarteyjarsandi, í Ferstiklu og á
Þórisstöðum, svo sem sveitamark-
aður, dráttavélasýning, morgun-
stund með dýrunum, pubquiz og
fleira. „Tilvalið er að taka ísrúnt
þessa helgi um Hvalfjörðinn fagra
og kíkja á skemmtilega viðburði.
Góð þátttaka hefur verið í hátíðar-
höldunum undanfarin ár, viðburð-
ir hafa verið vel sóttir og við von-
umst eftir enn fleirum núna,“ segir
Jónella að endingu. Nánari dagskrá
Hvalfjarðardaganna má sjá í aug-
lýsingu hér í Skessuhorni.
grþ
Hvalfjarðardagar verða haldnir í Hvalfjarðarsveit um næstu helgi og ættu flestir að geta fundið eitthvað við sitt hæfi enda
fjölmargir skemmtilegir viðburðir á dagskrá. Hér er svipmynd frá því í fyrra, þar sem heimamenn stóðu í stórræðum við
grillið. Ljósm. ki.