Skessuhorn - 27.08.2014, Blaðsíða 24

24 MIÐVIKUDAGUR 27. ÁGÚST 2014
Vörur og þjónusta
PARKETLIST
PARKETSLÍPUN
OG LÖKKUN
Sigurbjörn Grétarsson
GSM 699 7566
parketlist@simnet.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Vélabær ehf.
Bæ í Bæjarsveit
Alhliða viðgerðarþjónusta
á bílum, dráttarvélum
og vélum tengdum
landbúnaði
Smur og hjólbarðaþjónusta
velabaer@vesturland.is
SK
ES
SU
H
O
R
N
2
01
3 Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
Alhliða rafverktaki
Kirkjubraut 37 - Akranes
Símar: 431 1902 - 892 8523
rafsigurdors@simnet.is
Kirkjubraut 37 - Akranes
Símar: 431 1902 - 892 8523
rafsigurdors@simnet.is
Mikið hefur verið um að vera í
Leir7 í Stykkishólmi í sumar. Líkt
og sagt hefur verið frá í Skessu-
horni hefur staðið yfir sýningarröð
og nýlega hófst þriðja og jafnframt
síðasta sýning sumarsins. „Þetta er
annað árið í röð sem við erum með
svona sýningaröð. Í fyrra vorum við
með sýningaröð sem kallaðist Mat-
ur er manns gaman og samanstóð
af sjö sýningum þar sem fjölbreytt-
ur hópur af myndlistarmönnum og
handverksfólki sýndi verk sín. Nú
voru þrjár sýningar og fjölluðu þær
allar um keramik í ýmsum myndum
og hafa metnaðarfullir sýnendur
sýnt verk sín,“ segir Sigríður Erla
Guðmundsdóttir hjá Leir7.
Ólíkt viðfangsefni
hverju sinni
Sýningaröðin var vel sótt og -
heppnuð í sumar að sögn Sigríð-
ar Erlu. Á fyrstu sýningunni í sum-
ar sýndi Anna Eyjólfsdóttir mynd-
listarmaður verk úr safni sínu, þar
sem hún setti fram nytjahluti og
skoðaði þá í nýju samhengi. Anna
stundar eigin myndlist en auk þess
hefur hún áhuga á söfnun íslenskra
leirmuna og var þessi sýning úr
hluta safns sem hún á. Önnur sýn-
ingin hófst um miðjan júlí og var
þá „rakubrennsla“ framkvæmd fyr-
ir utan Leir7. Er sú brennsla jap-
önsk að uppruna og gefur keramik-
inu sérstakan blæ með björtum og
sindrandi glerungi. „Við vorum
með sýningardag þar sem sex ker-
amikerar voru með rakubrennslu
hér fyrir utan Leir7. Verkin voru
brennd í þar til gerðum ofnum og
var þetta mikil uppákoma enda er
þessi brennsla skemmtilegt sjónar-
spil. Deginum var varið í brennsl-
una og voru verkin svo sett inn í
sýningarrými þar sem þau stóðu
fram í miðjan ágúst,“ segir Sigríð-
ur Erla.
Sýningin opnuð
hljóðlega
Nú hefur þriðja og síðasta sýning-
in verið opnuð og kallast hún „Þá
- nú“ og mun standa fram í miðjan
september. Á sýningunni eru sýnd-
ir hlutir þar sem keramik er unnið
með hefðbundnum aðferðum ald-
anna, rennslu og brennslu. Því er
svo teflt fram með keramiki nýrri
aðferða, svo sem steypu og nýj-
um glerungi. Listamennirnir sem
nú sýna eru Ólöf Erla Bjarnadóttir
og Ingibjörg Þorvaldsdóttir. Ólöf
Erla nam við keramikdeild Mynd-
lista- og handíðaskólans og hefur
áratuga reynslu af því að gera leir
með keramiki. Hún starfar einn-
ig sem kennari og deildarstjóri við
Myndlistaskólann í Reykjavík og
rekur Kirsuberjatréð við Vestur-
götu í Reykjavík ásamt fleirum. Á
sýningunni sýnir Ólöf Erla mjólk-
urkönnur. Þær eru allar gerðar í
rennibekk sem er ein elsta aðferð
sem til er við að móta leir. Könn-
urnar sem eru sýndar eru marg-
ar brenndar í sérstökum viðarofni
sem byggður var á Nýp á Skarðs-
strönd. Er hann sá eini sinnar teg-
undar hérlendis og er aðferðin æva-
gömul líkt og með rennsluna. Ingi-
björg mun aftur á móti sýna kaffi-
könnur. Hún er grunnskólakenn-
ari og lauk nýverið diplómanámi
við Myndlistaskólann í Reykja-
vík. Verkefni Ingibjargar þar var
kaffikanna sem hún nefnir „Upp-
áklædd“: Könnurnar voru steypt-
ar í postulín, brenndar og glerjað-
ar í þýsku postulínsverksmiðjunni
Kahla. Með kaffikönnunni Upp-
áklædd er bæði hægt að laga kaffi
á gamla mátann og bera það fram.
Þá hefur Ingibjörg fært könnuna í
klæðnað utan um gripflötinn sem
bæði er til skrauts og til að varna
því að fólk brenni sig. Ingibjörg er
aðili að hópi listamanna og hönn-
uða sem deila vinnustofum við
gömlu Flensborgarhöfnina í Hafn-
arfirði. „Sýningin opnaði hljóð-
lega á Dönskum dögum og ákváð-
um við að auglýsa ekki opnunina
formlega. Hins vegar var ákveðið
að loka sýningaröðinni formlega
og verður það gert þann 19. sept-
ember frá kl. 17 - 19.“
Opnunartími Leir7 er mánudaga
til föstudaga kl. 14 - 17 og laugar-
daga kl. 14 - 16. Á öðrum tíma er
velkomið að líta við og skoða svo
framarlega sem hurðin er ólæst.
Unnið með leir
úr Fagradal
Í Leir7 er unnið með leirinn úr
Fagradal og er stefnt á að gera ker-
amiki hátt undir höfði í sýningum
framvegis. „Það er enginn ann-
ar sem vinnur með leirinn héð-
an úr Fagradalnum og við vonum
að fleiri fari að vinna með þann
leir. Keramik er lítið þekkt úr okk-
ar umhverfi og fyrsti keramikar-
inn kemur ekki fram á sjónarsvið-
ið fyrr en 1930. Erlendis var ker-
amik hins vegar ríkur þáttur í um-
hverfi fólks, bæði í borðbúnaði,
flísum og múrsteinum. Á Íslandi
er enn þröng mynd af keramikinu
og okkur langar til að auka víðsýni
fólks gagnvart því. Við ætlum fram-
vegis að hafa mikla áherslu á ker-
amik hér í Leir7. Rakubrennslan
hér í sumar var til dæmis skemmti-
leg og sjónræn og verður eflaust
endurtekin. Við stefnum á faglega
þróun í keramikinu, því til góðs, og
að hér verði vagga keramikgerðar á
Íslandi,“ segir Sigríður Erla. Fram-
undan í Leir7 er sýning á Norður-
ljósahátíð í haust, ásamt því að full
vinnsla verður í allan vetur. „Við
stefnum svo á aðra sumarsýning-
arröð næsta sumar þar sem aðal-
áherslan verður á keramik,“ segir
Sigríður Erla að lokum.
grþ / Ljósm. Þórunn Sigþórsdóttir.
Áhersla á keramik í Leir7 í Stykkishólmi
Kaffikannan Uppáklædd. Með henni er bæði hægt að laga kaffi á gamla mátann
og bera það fram. Klæðnaður hefur verið settur utan um gripflötinn sem bæði er
til skrauts og til að varna því að fólk brenni sig.
Í sumar var svokölluð rakubrennsla fyrir utan Leir7. Þar voru hlutir
úr keramiki hitaðir upp í um það bil 1000°C áður en unnið var áfram
með þá.
Munirnir voru teknir glóandi úr miklum hita og svo settir í sag, þá
myndaðist eldur sem var kæfður með því að útiloka súrefni. Þetta
brennsluferli gefur keramikinu sérstaka áferð í efni og lit.
Saginu hellt yfir.
Rakubrenndir keramikmunirnir komnir inn á sýninguna. Sex listakonur tóku þátt í
brennslunni og settu svo munina hver í sinn kassa sem sjá má á veggnum. Þórunn
Sigþórsdóttir myndaði allt ferlið og á endaveggnum má sjá 70 myndir sem hún
setti upp þar sem sjá má hvernig brennslan fór fram.
Á fyrstu sýningunni í sumar sýndi Anna Eyjólfsdóttir myndlistarmaður verk úr
safni sínu, þar sem hún setti fram nytjahluti og skoðaði þá í nýju samhengi. Hér
má sjá hluta safnsins.