Skessuhorn - 30.12.2014, Blaðsíða 16

16 ÞRIÐJUDAGUR 30. DESEMBER 2014
Hagnaður samstæðu Orkuveitu
Reykjavíkur á fyrstu níu mánuðum
ársins nam 7,9 milljörðum króna.
Rekstrarhagnaður, EBITA, það er
afkoma fyrir skatta, afskriftir og
fjármagnsliði, var 11,3 milljarðar
króna. Eiginfjárhlutfall fyrirtækis-
ins hefur hækkað stöðugt með nið-
urgreiðslu skulda undanfarin ár og
er nú 31,1%. Það hefur meira en
tvöfaldast frá hruni. Í tilkynningu
frá OR segir að grunninn að bætt-
um efnahag megi rekja til Plans-
ins, aðgerðaáætlunar sem innleidd
var vorið 2011. Árangur af öllum
þáttum þessarar meira en 50 millj-
arða áætlunar er umfram mark-
mið. Þannig hefur rekstrarkostn-
aður lækkað að raungildi frá árinu
2010. Tekjur hafa hinsvegar vaxið
um meira en 40%, en tveir áfang-
ar við Hellisheiðarvirkjun hafa ver-
ið teknir í notkun á þessu tímabili.
Heildarárangur Plansins nemur nú
48,2 milljörðum króna af þeim 51,3
milljörðum, sem það á að skila til
ársloka 2016.
Bjarni Bjarnason forstjóri Orku-
veitu Reykjavíkur segir að rekst-
ur Orkuveitunnar sé í góðum far-
vegi og nú væri mikilvægum áfanga
náð í að styrkja efnahaginn. „Með
því hefur fyrirtækið aðgang að
fjármálamörkuðum sem er mikil-
vægt því enn vinnum við að því að
styrkja lausafjárstöðuna. Þannig er
fyrirtækið betur búið undir ófyrir-
séðar breytingar í rekstarumhverf-
inu. Bættur rekstur, bættur efna-
hagur og bættar áhættuvarnir eru
nauðsynlegar til að Orkuveitan
geti sinnt sínum grundvallarverk-
efnum; að fólk eigi greiðan aðgang
að rafmagni, heitu vatni og köldu
og traustri fráveitu á sanngjörnu
verði,“ segir Bjarni Bjarnason. þá
Átta milljarða hagnaður á OR
fyrstu níu mánuði ársins
Líkt og undanfarin sextán ár gekkst
Skessuhorn fyrir vali á Vestlend-
ingi ársins, en verðlaunin falla í hlut
þess eða þeirra íbúa í landshlutanum
sem þykja hafa skarað framúr á ein-
hvern hátt á árinu. Lesendur Skessu-
horns sendu inn fjölmargar tillögur
og voru samtals 14 einstaklingar til-
nefndir að þessu sinni. Sá sem varð
hlutskarpastur, með langflest greidd
atkvæði og vel rökstudd, var Helgi
Ólafur Jakobsson, grunnskólakenn-
ari í Brekkubæjarskóla á Akranesi.
Helgi Ólafur brást hratt og fumlaust
við þegar einn af nemendum hans,
níu ára drengur, brenndist á neyð-
arblysi í byrjun skólaársins. Helgi
Ólafur slökkti eldinn sem hafði læst
sig í fatnað drengsins og hljóp með
drenginn yfir á Heilbrigðisstofn-
un Vesturlands þar sem hann var í
skyndi fluttur undir læknishendur á
sjúkrahús í Reykjavík. Hröð og fum-
laus viðbrögð skiptu miklu máli á
þessu stigi.
Ólst upp í skúrunum
Helgi Ólafur er borinn og barnfædd-
ur Akurnesingur. Hann er fæddur
19. janúar 1972, sonur Hólmfríð-
ar Sigurðardóttur úr Suður - Þing-
eyjarsýslu og Jakobs Hendriksson-
ar frá Færeyjum. Helgi hefur starf-
að sem kennari í sjö ár. Áður starfaði
hann hjá Íslenska járnblendifélaginu
og þar áður á eyrinni hjá HB og Co.
„Þar vann ég við löndun og ýmislegt.
Ég hef líka unnið við að beita frá því
ég var ellefu ára gamall, hjá hinum
og þessum bátum. Það má eiginlega
segja að ég hafi alist upp í skúrun-
um. Ég er smá sjóari í mér, hef unnið
mikið tengt sjónum þó ég hafi aldrei
verið á sjó sjálfur - ég verð svo sjó-
veikur,“ segir Helgi Ólafur í samtali
við blaðamann Skessuhorns. Helgi
Ólafur hefur verið kvæntur Önnu
Sigfríði Reynisdóttur, förðunarfræð-
ingi og einkaþjálfara, í tæp tuttugu
ár. Þau eiga þrjú börn; Elvar Má 25
ára, Anton Loga 21 árs og Sóldísi
Ninju 11 ára.
Byrjar hvern dag á brosi
Helgi segir að kennarastarfið hafi lík-
lega verið síðasta starf sem fólk bjóst
við að hann myndi velja sér. „Ég
missti vinnuna þegar ég var þrítug-
ur og ákvað að drífa mig í skóla. Ég
tók þau þrjú ár í fjölbrautaskóla sem
ég átti eftir og fór svo í Kennarahá-
skólann í framhaldinu og sé ekki eft-
ir því. Það er gaman að vera í kring-
um krakkana, þau eru bæði gefandi
og krefjandi,“ segir hann. Helgi er
að eigin sögn rólegur að eðlisfari og
jákvæður. „Ég reyni að byrja hvern
dag á brosi og hef það að leiðarljósi
í vinnunni. Maður er glaður og sátt-
ur ef allir fara glaðir og með góðar
minningar heim. Svo er bara plús ef
þau læra eitthvað í leiðinni,“ segir
Helgi og brosir. Helgi Ólafur kenndi
á miðstigi fyrstu fjögur árin í Brekku-
bæjarskóla. Hann er í dag umsjónar-
kennari í fjórða bekk og hefur verið
umsjónarkennari bekkjarins frá því
að börnin byrjuðu í fyrsta bekk. „Ég
Vestlendingur ársins 2014:
Helgi Ólafur Jakobsson kennari og bjargvættur
kann því mjög vel að kenna þessum
hópi. Þetta er samrýmdur og góður
bekkur, góður hópur. Ef upp koma
vandamál innan bekkjarins, þá leys-
um við þau í sameiningu,“ segir
hann.
Gerðist mjög hratt
Það var á mánudagsmorgni í sept-
ember sem eldur kom upp í skóla-
stofunni hjá Helga. Nokkrir bekkj-
arfélagar höfðu fundið neyðarblys
við göngustíg við Brekkubæjarskóla
og gerðu þeir sér ekki grein fyrir
hvað þeir höfðu í höndunum. Einn
af drengjunum hafði stungið blys-
inu í vasann og kviknaði svo á því
með alvarlegum afleiðingum. Eldur
úr blysinu náði að læsa sig í fatnað
drengsins og það var þá sem Helgi
Ólafur brást hratt og rétt við. Hann
hafði farið á mörg skyndihjálpar-
námskeið þegar hann vann hjá járn-
blendinu og vissi því að mikilvægt
væri að kæla barnið strax. „Þetta
gerðist mjög hratt, tók bara nokkr-
ar mínútur. Maður fer einhvern veg-
inn á undan sér í svona aðstæðum,
það er svo margt sem fer í gegn-
um hugann. Maður tekur ákvarð-
anir hratt þegar eitthvað svona ger-
ist. Ég var búinn að hringja á sjúkra-
bíl en ákvað að það væri líklega fljót-
legra að hlaupa yfir á sjúkrahúsið en
að bíða eftir bílnum, ég vissi að hann
þyrfti mikla kælingu strax,“ útskýr-
ir Helgi, en sjúkrahúsið er næsta hús
við hlið skólans.
Brenndist illa
Drengurinn var strax fluttur undir
læknishendur á sjúkrahús í Reykja-
vík. Hann brenndist illa, hlaut 2. og
3. stigs bruna á um 15% líkamans,
þar af á 8-9% líkamans þriðja stigs
bruna sem er alvarlegastur, og fór í
aðgerð daginn eftir slysið. Íris Björg
Sigurðardóttir, móðir drengsins,
sagði í samtali við Skessuhorn í haust
að aðgerðin hefði gengið vel. Sonur
hennar hafi brennst á lærum, maga
og höndum en andlitið hafi blessun-
arlega sloppið. Íris Björg kvaðst afar
þakklát starfsfólki Brekkubæjarskóla
fyrir hversu fljótt og vel það brást við
þegar kviknaði í fötum sonar hennar.
„Bæði Helgi Ólafur Jakobsson kenn-
ari og annað starfsfólk skólans brást
hratt og fumlaust við. Eldurinn var
fljótt slökktur og öðrum nemendum
komið út. Fyrir það erum við for-
eldrarnir þakklátir,“ sagði hún. For-
eldrar drengsins segja batann hafa
verið vonum framar. Drengurinn
er farinn að stunda skólann aftur en
þau segja þó að hann eigi langt í land
og að langt bataferli sé eftir.
Hárrétt viðbrögð
innan skólans
Fleiri kennarar og stuðningsfulltrúar
skólans voru á svæðinu þegar slysið
varð. Að sögn Helga Ólafs brugðust
þeir einnig hárrétt við. „Erna Haf-
nes og Bryndís Sigurjónsdóttir voru
þarna með mér þegar þetta gerðist.
Þær eiga báðar mikið hrós skilið fyr-
ir að bregðast rétt við. Skólinn brást
einnig vel við hvað varðar áfallahjálp.
Ég er ánægður með stjórn skólans í
sambandi við það. Það kom strax til
okkar áfallateymi frá sjúkrahúsinu
og við fengum einnig að spjalla við
sálfræðinginn hérna,“ segir Helgi
Ólafur. Slysin gera ekki boð á und-
an sér og segir Helgi að ákveðið hafi
verið í kjölfar slyssins að allt starfs-
fólk skólans lærði skyndihjálp. „Við
berum ábyrgð á svo mörgum lífum
hérna. Skólinn er með allt innandyra
og hætturnar leynast víða. Þetta ætti
auðvitað að vera kennt í kennarahá-
skólanum, enda eru margir með of-
næmi og alls kyns hluti. Það eru eng-
in áföll eins. Ýmislegt getur gerst.“
Mikilvægt að
fara varlega
Helgi segir að atburðurinn hafi haft
mikil áhrif á sig og leggur mikla
áherslu á að fólk fari varlega með
blys og önnur eldfæri. „Það logaði
lengi í blysinu. Við gátum ekkert
gert til að slökkva í því. Svona blys
eru hönnuð til að þola vatn og vind
og því er útilokað að slökkva í þessu
þegar kveikt hefur verið á því. Ég
mun aldrei koma nálægt svona hlut-
um framar, mun aldrei snerta þetta
aftur. Varsla á svona blysum á alltaf
að vera örugg og svo þarf að farga
þeim á öruggan máta þegar líftími
þeirra rennur út. Þetta er framleitt í
einum tilgangi og svo á bara að farga
þessu,“ leggur hann áherslu á. Helgi
Ólafur segir mikilvægt að fólk verði
vakandi um áramótin. „Það er mik-
ilvægt að fólk fari varlega með alla
svona hluti. Klæðist réttum fatn-
aði, noti hlífðargleraugu og fylgist
vel með börnunum sínum á gaml-
árskvöld,“ segir hann alvarlegur í
bragði.
Nýtt ár leggst vel í hann
Helgi Ólafur er hógvær þegar rætt
er um viðbrögð hans þennan dag í
september. Hann vill lítið tjá sig um
þennan örlagaríka dag og leggur því
mun meiri áherslu á að hann hafi
ekki verið einn að störfum þennan
dag. Við látum því staðar numið í
þeirri upprifjun og einbeitum okk-
ur að öðru. Helgi Ólafur segir að
árið sem er að líða hafi að öðru leyti
verið gott. Fjölskyldan hafi farið í
ánægjulega ferð til Tenerife í sumar
og að eiginkonan, Anna Sigga, hafi
sest á skólabekk í Hárakademíunni.
Hann segir árið sem framundan er
leggjast vel í sig. „Konan komin í
skóla og það verður örugglega nóg
að gera,“ segir hann og brosir. Sjálf-
ur segist hann reikna með að sinna
áhugamálunum eitthvað. Hann hef-
ur gaman af tónlist og er ansi liðtæk-
ur í eldhúsinu. „Ég hef alltaf hlustað
mikið á músík og byrjaði svo þrítug-
ur að spila á gítar. Við erum í hljóm-
sveit vinirnir, æskuvinirnir að spila
saman. Svo hef ég gaman af því sem
maður býr til og getur notað í eld-
húsinu. Ég geri heimabrugg og tíni
sveppi og þurrka til matreiðslu og
herði fisk,“ segir Vestlendingur árs-
ins, kennarinn jákvæði, að endingu.
grþ
Helgi Ólafur Jakobsson Vestlendingur ársins 2014 með blóm og áletraðan kristalsvasa frá Skessuhorni og Vestlendingum.