Skessuhorn - 30.12.2014, Blaðsíða 17

17ÞRIÐJUDAGUR 30. DESEMBER 2014
Þrettándagleði, álfadans, flugeldasýning
og íþróttamaður Akraness
Hin árlega þrettándabrenna verður haldin þriðjudaginn 6. janúar nk. við
„þyrlupallinn“ á Jaðarsbökkum. Blysför hefst við Þorpið að Þjóðbraut 13
kl. 18:00. Álfar, tröll og jólasveinar munu leiða gönguna að brennunni
þar sem jólin verða kvödd. Að venju er það Björgunarfélag Akraness
sem sér um brennuna og flugeldasýningu sem hefst um kl. 18.30.
Að því loknu býður Íþróttabandalag Akraness gestum í Íþrótta-
miðstöðina að Jaðarsbökkum þar sem tilkynnt verður um val á
Íþróttamanni Akraness 2014 og boðið uppá veitingar.
Þrettándagleði á
Akranesi 2015
SK
ES
SU
H
O
R
N
2
01
4
Nú um áramótin hættir formlega
störfum sem þjónustufulltrúi
hjá VÍS í Dalasýslu Melkorka
Benediktsdóttir á Vígholtsstöð-
um. Melkorka tók við starfi um-
boðsmanns Brunabótafélags Ís-
lands í Dalasýslu, forvera VÍS,
árið 1983 og hefur því starf-
að við tryggingaumboðið í Döl-
um í rúmlega þrjá áratugi. Mel-
korka tók við starfinu af föður
sínum Benedikt Jóhannessyni
bónda á Saurum sem gegndi því
frá 1954-1983. Benedikt tók við
tryggingaumboðinu af föður sín-
um Jóhannesi Benediktssyni sem
gegndi störfum fyrir Brunabóta-
félag Íslands frá árinu 1932 til
1954. Tryggingaumboði BÍ og
síðan VÍS í Dölum hefur því ver-
ið sinnt af sömu ættinni í rúm 82
ár þegar Melkorka lætur af störf-
um núna um áramótin. Ástæðan
fyrir því að hún er nú að hætta
er sú að VÍS sagði upp umboðs-
samningum við þjónustufulltrúa
víða um land fyrir skömmu. Þar
sem Melkorka er komin fast að
sjötugu verður ekki endurnýj-
aður við hana samningur, enda
finnst henni þetta vera orðið
ágætt. „Ég féllst á að brúa bil ef
til þess kæmi og vitaskuld mun
ég sakna starfsins. Þetta hefur
verið skemmtilegt og gefandi. Ég
hef verið í svo miklum samskipt-
um við fólk, hitt marga, en auð-
vitað hefur það minnkað núna
seinni árin vegna margmiðlunar-
tækninnar alveg eins og hjá þeim
í bönkunum,“ segir Melkorka.
Jákvæðni aukist
gagnvart trygginga­
félögunum
Aðspurð segir hún að margt hafi
breyst á þessum þrjátíu árum.
„Ég aðstoðaði föður minn áður
en ég tók við umboðinu. Þá var
mesta vinnan við innheimtuna
því á þeim tíma borgaði fólk
beint annaðhvort með pening-
um eða ávísunum. Innheimtan
hefur orðið einfaldari og verið
minnsti hlutinn af vinnunni með
tímanum. Sérstaklega eftir að
gjalddagar trygginga voru sam-
ræmdir og fólki gafst kostur á að
dreifa greiðslum, svo sem með
fjölgreiðslum af greiðslukortum.
Þetta hefur samt alltaf verið þó-
nokkur vinna. Ekki síst að fara
yfir tryggingar þannig að trygg-
ingaþörf viðkomandi sé sinnt og
ekki gleymist eitthvað sem nauð-
synleg er að tryggja. Það þarf líka
að skýra tryggingaflokkana fyr-
ir fólki. Sumir rugluðu til dæmis
saman húseigandatryggingu og
fjölskyldutryggingu. Einfaldast
var að skýra það með því að segja
að heimilistrygging er fyrir það
sem þú flytur með þér þegar þú
skiptir um húsnæði. Það er líka
mjög gott og þægilegt að vera
tengd þjónustuneti VÍS og mín-
ir helstu samstarfsaðilar er um-
dæmisskrifstofan fyrir Vestur-
land á Akranesi þar sem frábært
fólk starfar.“
Melkorka telur að fólk hafi
með tímanum orðið jákvæðara
gagnvart tryggingafélögunum.
Kannski sé það að hluta til vegna
þess að tryggingaskilmálar séu
orðnir skýrari en áður. „Ennþá
heyrist þó svolítið talað um smáa
letrið. Það er samt alltaf þann-
ig að það er ekki hægt að tryggja
sig gagnvart öllu tjóni, það fæst
ekki allt bætt. Tryggingar eru
líka öðruvísi en önnur vara að
því leyti að þegar þú kaupir þér
tryggingar þá vonastu að sjálf-
sögðu til þess að ekki þurfi til
þess að koma að þú notir trygg-
inguna, þú sleppir við að lenda í
tjóni.“
Þeir brottfluttu
héldu áfram
Þegar Melkorka tók við trygg-
ingunum á sínum tíma sinnti
hún umboðsstörfum frá heimili
sínu en þegar ráðist var í bygg-
ingu stjórnsýsluhússins í Búðar-
dal tók Brunabótafélag Íslands
þátt í byggingunni og átti hlut
í henni. 26. febrúar 1988 var
Stjórnsýsluhúsið vígt og flutti
Melkorka skrifstofu sína þang-
að og var þar til ársins 2006 að
Brunabótafélagið seldi sinn hluti
í húsinu. Frá þeim tíma var hún
með skrifstofu í húsnæði Arion-
banka í Búðardal. Þaðan flutti
hún um síðustu mánaðamót og
mun sinna störfum við trygging-
arnar á heimili sínu að minnsta
kosti til áramóta. Viðskipta-
vinir munu geta haft samband í
sama símanúmer sem verið hef-
ur á umboðsskrifstofunni 434
1415 og einnig notað tölvupóst-
fangið melkorka@vis.is „Ég hef
sagt að það hafi verið forréttindi
að fá að vinna fyrir fólk sem ég
þekki. Það hefur líka verið þann-
ig að þótt fólk hafi flutt burtu af
svæðinu hefur það haldið áfram
að tryggja í gegnum umboðið í
Dölunum. Það hef ég ekki síst
verið ánægðust með,“ segir Mel-
korka Benediktsdóttir.
þá
Breytingar á verði veituþjónustu
Orkuveitu Reykjavíkur nú um ára-
mótin eru einkum vegna breytinga
á lögum um virðisaukaskatt. Hann
hækkar á hitaveituna og lækkar á
rafmagnið. Útgjöld fjölskyldu í 100
fermetra íbúð með algenga orku-
notkun hækka um rúmar 270 krón-
ur á mánuði. „Verð Orkuveitunnar
á heitu vatni, sem fylgt hefur vísi-
tölu neysluverðs undanfarin miss-
eri, lækkar um 0,1% nú um ára-
mótin. Á móti kemur að virðis-
aukaskattur á hitaveituna hækkar úr
7% í 11%. Þess vegna má fólk bú-
ast við að hitareikningurinn hækki
um 3,7% um áramótin,“ segir í til-
kynningu. Þá segir að virðisauka-
skattur á rafmagn – hvorttveggja
dreifingar- og söluhlutann, lækk-
ar úr 25,5% í 24%. „Þar sem engin
breyting verður hjá Orkuveitunni á
dreifiverði rafmagns, sem er meira
en helmingur rafmagnsreiknings-
ins, birtist sú lækkun beint á raf-
magnsreikningum sem 1,2% lækk-
un.“
Víða eru vatns- og fráveitugjöld
tiltekið hlutfall fasteignamats hús-
eigna. Sú er ekki raunin hjá Orku-
veitunni heldur eru gjöldin lögð á
miðað við stærð húsnæðis og hafa
tekið breytingum með bygginga-
vísitölu. Hún hefur hækkað um
1,26% á árinu. Vatns- og fráveitur
eru undanþegnar virðisaukaskatti
þannig að breytingar á honum hafa
ekki áhrif á verð fyrir þjónustuna.
Almenn þjónustugjöld Orkuveit-
unnar breytast ekki um áramót. Þau
bera flest virðisaukaskatt í hærra
þrepinu, sem lækkar þá þjónustu-
gjöldin samsvarandi. Á vef Orku-
veitunnar má finna ýmis góð ráð til
að spara og nýta orkuna betur.
mm
Hitaveitutankarnir á Akranesi um jólin. Nýi stóri tankurinn hefur nú verið tekinn í
notkun og eykur það verulega afhendingaröryggi heita vatnsins í bænum.
Litlar verðbreytingar
á þjónustu OR
um áramótin
Hættir eftir rúm þrjátíu ár í
tryggingaþjónustu við Dalamenn
Melkorka Benediktsdóttir á Víghóls-
stöðum.